Oshima Tsubaki 大島椿

山茶花修護美髮油

支油嘅顏色係好淡好淡嘅黃色，睇落幾乎係透明嘅。質地方面，比起一般護髮精華油，呢支會比較重身同厚身少少。 呢支油乾髮濕髮都用得，但我就最推薦喺洗完頭、用毛巾抹到半乾嘅時候用。短髮用1至2滴就夠，長髮大約用3至5滴就OK。用法係先滴幾滴落手掌心搓勻，用體溫將油溫熱少少，再由髮中抹到髮尾，最後吹乾。 不過佢包裝玻璃樽嘅開口偏大，好難控制倒出嚟嘅分量，好容易一次過倒太多出嚟，搞到樽身周圍都係油。如果用嘅量太多，頭髮會變得一撮撮，望落好似好幾日冇洗頭咁。。。

呢支護髮油係100%純山茶花油，無香料無色素，成份非常天然，又多用途，護髮護膚都得，就買嚟試下 但佢個質地真係非常油😱 一開頭唔知所以試過乾髮用就出晒事🥲 個頭就好似幾日無洗頭咁立，完全唔掂！濕髮用都係好油膩，好難控制份量 至於效果，宣傳可以修護受損髮絲，但層油好似浮喺頭髮表面，吸收唔到咁，搞到啲頭髮好重、好塌，一啲柔順亮澤嘅感覺都無 香港天氣真係唔啱用，環境乾燥或者平時好乾嘅人可能啱用，呢支可能會拎嚟搽身算數啦👋

感覺非常滋潤，能夠撫平毛燥，把它塗在髮尾和開叉的地方，用了一段時間後，感覺髮尾也健康了開叉也減少了。

洗頭後濕髮用吹頭一流，絕對不要乾髮用，乾髮太難控制分量，濕髮用時不用客氣用量，我用差不多一元分量(算多)，髮少請自行小心用量，因為纯山茶花油，真是非常油，但以修護角度看的確好。我是曲髮，用完吹頭曲髮非常好看，因此一直回購，已經最少3瓶。乾髮請用其他髮尾油。

質地偏厚重 會有一種淡淡嘅味道 但係我啲頭髮偏細軟嘅 用咗感覺就一般啦 如果係買油嘅話會傾向買一啲感覺容易啲吸收同埋比較輕薄質地嘅 應該不會回購

洗完頭倒到兩三滴喺掌心，搽係髮尾，再用冷暖風交替吹乾頭髮，有效減少毛躁。一瓶可以用好多個月，髮質有明顯改善，係暫時用過嘅護髮油之中最推薦嘅。

呢個牌子聞名好耐 話對毛躁頭有效 終於買左一包旅行套裝番黎試 但有d失望 呢款髮尾油唔太吸收 用完d頭髮一撮撮分唔開咁 不了不了

呢款護髮油只可以講唔啱我用，真係油到媽都認唔到，我每次用嘅份量係一滴

質地比較重身同厚身，佢個開口設計成日攪到我一次過會倒倒超多，但係如果用勁多搽落頭髮會好笠，所以就唔好哂攞嚟搽埋腳板底，都幾滋潤呀但係搽頭髮真係少少就好啦，主要用嚟順滑毛燥

比起以前用開嘅髮尾油厚身少少，滋潤度冇想像中咁高，但係搽得多又會太笠，要小心控制用量

有一期見到啲人推介買來試吓用 質地比較厚身，個人覺得一般不會回購 香味一般 覺得不論濕頭髮或者半乾頭髮  效果出嚟好似麻麻要地

曾經買過一枝， 本身都鐘意山茶花味， 細細枝，雖然話係美髮，但我會用埋係皮膚、 質地係偏濃嘅油，淡淡嘅香味，我記得用嘅時候唔小心倒好多出黎，就係太多所以會搽埋係手腳，皮膚保濕不錯，當時染髮髮尾勁枯燥，用完果刻幾潤，但唔持久就冇再入購

我買它當日因為趕時間，頭髮沒什麼弄就外出了，所以比較乾和毛燥。買完這枝油後，便在公司把它打開，整兩滴上手心抹髮尾，頭髮變得貼服有光澤，雖然未去到可以撫平我少翹起的頭髮，但效果算幾好。去完洗手間後，手因為搓洗好乾，全手用了兩滴，手立刻得到滋潤，好吸收，然後對手足足滋潤了2.3個鐘，但我不覺得lip❤️

大島椿護髮美髮油💇💇 一支大島椿山茶花油 可以好多用途 👍頭髮護理 👍頭皮護理 👍落妝，全身保濕 油嘅質地都算爽，配合黄楊梳一齊用，頭髮無時無刻都可以保持亮麗~

質地比一般髮油厚，用量千其唔可以貪心，用多咗會好笠，護髮效果一般，市面上有好多比佢好嘅髮尾油

要少量使用，如果唔係會好容易感到黏笠，但是使用之後頭髮光澤度明顯改善

質地非常厚，就算冬天用也覺得很油 用完後頭髮變成一束束一 試過份量用少一點，又不均勻

💃我將大島椿山茶花修護美髮油用於頭髮上🙆，每朝🌄每次用✌２至３滴，感覺唔錯💆，冇咁多毛毛頭髮飛起，試過用多兩滴，就造成油膩🙅。 睇🕵說明書先知道它可以💄卸妝、精華油面膜💦及全身護理。 原來一瓶👀大島椿山茶花油，可以有🤗多用途的，是意外收穫🙇！

個人會把它當作髮尾油使用,滴數滴於掌心並搓勻,再塗抹在髮尾，立即改善毛燥問題,增加順滑度

當初見好多人推薦就買嚟試吓，但用完覺得唔啱我。質地較厚，唔易吸收，用太少又冇感覺，用太多又會令到油冧冧咁。另外佢係冇香味，得陣油味，我個人唔太鍾意