LAURA MERCIER

鑽光幻魅眼影筆

首先感謝cosme抽中我作為Laura Mercier 既鑽光幻魅眼影筆試用者之一，好高興可以試到專櫃既產品！🌸🌸

講下包裝先，佢係全黑，品牌名然後最底到有隻眼影色來indicate係咩色。簡單易明，質感上有專櫃產品應有既簡潔。

平時我就用開眼影盤，所以對於筆形既其實都相對好奇。打開佢既質料發現係膏狀，就更加好奇，因為完全未用過。今次拎到既色分別係rosegold(短)同modernrose(長)。2隻色如果係我自己去睇既話，相信我唔會買，因為覺得唔岩我膚色。但今次試上眼既時候意外地非常自然！ 因為佢個隻modernrose色偏朱砂啡內含珠光，所以擦上眼既時候自然地融入我偏黑既膚色而且更加提亮到變有神。好驚喜！！😳😳而rosegold佢偏向係blingbling提亮玉白色，所以我用來畫淚袋非常出眾！！🫶

先講我既用法：清水洗面＞護膚（爽膚水+精華+眼精華+眼霜+面霜）＞防曬。等個10分鐘就隔離霜＞遮瑕＞蜜粉＞眼影。我先用rosegold作為打底，再擦modernrose為眼影色。之後再用番rosegold作為淚袋。基本上佢因為膏狀上眼非常之易推之外仲可以keep得好好，我出街10個鐘以上都無甩過。呢樣係值得加分。

佢量都非常之多，而且我畫左2，3下就已經足夠我擦哂個眼皮。所以我相信佢可以用好耐先用得哂。

但我用過幾次就發現，因為膏狀所以油份應該比較高……我上完佢之後畫眼線好易甩🥲所以最後要再輕輕放番少少差唔多色既眼影粉先再畫眼線。咁樣再外加上眼筆上既野先keep到。呢點係我唔太鍾意既缺點來……

總結就係，除左以上呢樣之外，我仍然覺得佢都係一個相當唔錯既產品來。尤其鍾意偏自然，偽素顏既妝來講，佢呢2支眼影筆係一等一。但如果想化全妝就唔太係第一要選了。🤔