LAURA MERCIER

柔光透明蜜粉

首先感謝cosme抽中我作為Laura Mercier 柔光透明蜜粉既試用者之一，好開心可以試用到專櫃既產品。🌸🌸

第一樣野就講左包裝先；佢由外盒到蜜盒既包裝都好靚。2樣都係霧面，而包裝顏色都係簡單得來有質感，對得起佢作為專櫃既產品。
當講到實際用既層面上，我打開蜜粉時候發現到一個對我來講既致命傷……就係佢呢盒蜜粉入面竟然無配到個粉樸……🥲最初以為唔小心比漏左，但睇真d佢個盒係寫住個樸係sold separately。即連一個平民化妝蜜粉都一定會配個粉樸既時候，我唔太明白作為專櫃產品反正會唔提供。佢係預左你會用自己私人既掃阿？定係覺得唔會有需要係出外補妝既用地？佢地咩原因而咁決定我無從考究，但作為一個普通平時化下妝既女仔覺得呢樣好唔友善。

到用感，先講下個人化妝程序先。咁我自己既習慣就係起身＞用水洗面＞護膚（爽膚水+保濕精華+眼霜+面霜再防曬）＞等10分鐘先化妝。化妝就：隔離霜＞遮瑕＞蜜粉，上蜜粉就用掃。

雖然佢反轉倒出來既量好少，但佢少少都已經可以cover到半邊面。我淨係倒2次已經cover到哂塊面，呢樣我好Surprise。😳用上面仲要勁滑！定得好好，相信係佢既粉狀夠細微，所以少少都已經可以cover到，而且佢控油做得好好。我出街番工實測10個鐘無補，落個時摸上去都唔係全部痴笠笠。我自己可能係出汗發達既地方就會有少少甩，which is 正常。但已經做得非常好，以10個鐘外出既結果來講。👍👍

下面係岩岩化完

下面係係街10個鐘以上，落妝前影既。跟住到色差，佢標榜住透明。其實我自己既膚色都係比較黑，所以有好多時買蜜粉就好麻煩，尤其是夏天可能出一出個戶外活動，黑左幾度就更麻煩😮‍💨。所以我都一直搵緊一個唔需要對番膚色既蜜粉，而佢呢個雖然佢既粉色係都係有少少色。但因為佢夠細微，所以少少已經夠cover。整體個個色差就縮得更細😍，仲要上到面上睇落既妝非常自然唔浮唔卡，超貼服。望落柔和又唔會遮哂毛孔到好誇張。日常自然妝我大推，同埋自己就真心滿意佢。


總結就係佢除左無樸呢樣野，佢呢個product既實用性同金錢比例來講佢100%值得。少少已經用到成日，佢既性價比對得住。我好surprise，一定會回購！🫶🫶