CeraVe

全效保濕修護眼霜

首先感謝cosme抽中我試用Cerav既保濕眼霜。

其實自己都有先用過CervaV既產品，但係係身體既潤膚膏。用完既評語唔算太好，所以今次抽到佢既面部產品都有所期待，希望可以有所不同既感受。

咁首先講左自己既面部肌膚係混合性乾，天氣接近夏天會有出油但仍然乾底。 而平時對眼既護膚程序都係：水沖＞眼霜＞防曬（朝早only）。

咁今次既產品係眼霜。質地偏厚，同質感偏膏，容易推，吸收度唔慢，呢樣要讚。因為我眼部既肌膚無油偏乾，所以呢個產品既質地同質感我可以接受，保濕程度都夠keep住成日，眼肌有飽潤度。搞笑既係，呢支反而最驚喜，味道無，功效適合。

功效+質感：⭐️⭐️⭐️
氣味+用後黏感：⭐️⭐️⭐️⭐️

最大問題係，因為宜家天氣算較為爽，氣溫唔高，春季。所以用都未會覺得太厚重，但如果到夏天我相信我既面部皮膚一定受唔住佢層油既潤度。所以佢春同秋係唔錯既轉季面霜來。但夏同冬感覺上就唔太岩。

設計就簡單明瞭，好事來。尖頭可以直接上眼，較衞生同唔會有接觸空氣既機會都係好設計來。容量13g，正常。用既量各眼一粒米既量就夠揸。可以用好耐。
CP+衞生度：⭐️⭐️⭐️⭐️

整體來講，買得過。比起佢個支晚霜同面霜防曬，我更加會選擇回購佢呢支眼霜。