找產品
保濕乳液 推薦好用產品
21 件
Fng好用推薦：NIVEA呢支開架身體乳，標榜美白+保濕，喺香港夏天用，性價比確實唔錯！ 質地與黏膩度：👍👍👍 (合格過關) 佢係輕身嘅乳液質地，非常容易推開，吸收速度算快。完成後皮膚有即時滋潤感，但唔算厚重。喺冷氣房下使用，膚感舒服，冇黐立立。 保濕度：👍👍👍 (中規中矩) 對於混合偏乾肌，佢嘅保濕力夏天用係足夠嘅，能解決日常乾燥，令手腳皮膚摸落滑溜咗。但對於極乾燥部位（如手肘、腳踝），就要補多層。 美白效果：🤔 (要耐心) 用咗一支，感覺皮膚有輕微提亮同均勻膚色，冇之前咁暗啞 🎯可能係我心理作用🔍。但真要見到明顯「美白」效果，相信要持續使用更長時間，唔好期望用一支就白幾個度。 總結： 以開架價錢來講，佢係一支唔錯嘅夏日日常Body乳液。保濕力夠，質地算清爽，兼有少少提亮效果。最緊要係平價大支，點用都唔肉赤！適合追求基本護理、怕黏膩但又需要保濕嘅用家。
<看全文>維他他好用推薦：講下NIVEA支美白乳液先～我用咗三支左右啦，美白效果就唔算好出眾囉，不過咁嘅價錢（大概五十零蚊）都算抵用嘅！質地的確幾輕薄，搽完吸收得快，唔會黐立立，當日常保濕乳液用都OK嘅。保濕度普普通通，正正常常咁啦。希望繼續用落去會睇到透亮效果啦，畢竟佢話有80倍維C同8種果萃精華～平平哋keep住用都抵！
<看全文>
Kathy Wai好用推薦：Freeplus保濕修護乳液嘅用後感真係要同大家開心share！作為一個長期同敏感肌打交道嘅人，搵到佢真係好似執到寶咁。首先，佢成分簡單乾淨，冇香料、酒精、色素，成個使用過程都係「零負擔」，完全唔驚會刺面或者泛紅。 質地方面，我要比個like！乳液係稀身嘅奶白色，推開嗰陣好似化咗水咁，吸收速度超快，幾乎係「咻」一聲就入咗皮膚度，唔會留低任何油膩感或黏笠嘅膜，後續上防曬或化妝都好貼服，絕對係香港呢種又濕又焗天氣嘅恩物。 保濕效果令我幾滿意。朝早用咗之後，直到下晝皮膚都依然係柔軟水潤嘅狀態，唔會覺得繃緊，亦都冇因為出油而令到個面「立痴痴」。修復力方面，佢算係默默耕耘型。我試過轉季時皮膚有啲唔聽話，局部有少少乾燥同痕癢，連續幾晚厚敷少少喺位位度，第二朝起身見到啲微小嘅泛紅同脫皮真係鎮靜咗好多，皮膚屏障感覺被修補緊，摸上去係飽滿嘅柔滑，而唔係假滑。 總括嚟講，Freeplus呢支乳液係一支溫和、穩陣嘅基本功課。未必有即時驚艷效果，但長用會覺得皮膚狀態變穩定，保濕同維穩做得好好。對於敏感肌、或者追求簡約有效護膚嘅人嚟講，絕對係值得回購嘅安心之選！
<看全文>橘子貓好用推薦：Moist Care Emulsion 1 超水感的gel cream，流動性好高，一抹就化成水狀，好適合偏油肌秋冬用，有滋潤感但沒有太多負擔，好適合年輕肌膚、只有鎖水需求的人使用。
<看全文>
Emily Leung好用推薦：超適合乾皮膚質的—MINON氨基酸保濕乳液 我自己本身是敏感肌，有時候剛開始用一個面霜或者精華都會有點冒痘，皮膚會有點不耐受，所以一般都需要一段時間去適應。但是用了這個皮膚完全沒有不適感。 Minon這個牌子是專門為敏感肌設計的，它家的水乳，面膜都賣的很好，我用它來搭配神仙水效果很棒。 這個乳液沒有任何味道，質地也比較輕薄，但後續會有一點點粘膩感在臉上，不過我是乾皮無所謂啦，讓我的底妝也很服帖。它不像面霜那麼厚重，所以完全不會長閉口悶痘。真的很愛，會無限回購！
<看全文>Fng好用推薦：MINON AminoMoist 長效保濕乳液 ✨ 質地與吸收度 MINON呢支乳液擁有輕盈乳霜質地，推開後化為水感，吸收速度中等但完全唔黏膩。香港夏天使用，T區無負擔，兩頰保濕度足夠，冇油光，後續上防曬或底妝都無搓泥情況，適合追求簡護程序嘅混合肌～ 🌟 保濕與修復效果 主打9種氨基酸+低刺激配方，試過刷酸後皮膚微敏感，連續使用3日明顯舒緩脫皮同泛紅！保濕力可維持6-8小時，冷氣房下兩頰依然柔軟，但極乾肌可能要疊加保濕精華～ ⚠️ 注意事項 · 油肌夏天可能嫌潤，建議晚間使用或減少用量 · 功能性較單一，主要集中保濕修復，需要抗老/美白要疊加其他產品 · 密封包裝設計，按壓泵衛生但難睇剩餘用量～ 🆚 同定位產品比較 · VS Curel潤浸乳液：Curel更清爽控油，適合油敏肌；MINON保濕力更持久，適合偏乾敏感肌～ · VS freeplus保濕乳液：兩者皆溫和，freeplus質地更水感；MINON修復力更優～ · VS d program平衡乳：d program針對油水平衡；MINON專注保濕同屏障修復～ 💡 推薦護膚Steps 1. 溫和潔面：氨基酸洗面乳
<看全文>
Kelvin好用推薦：Curel這款lotion milk嘅質地係牛奶流質質地，完全係一種水狀，一啲都唔黏立。而且好容易推開，唔會有任何負擔或者油膩感覺💧 使用完之後皮膚會變得好柔滑幼嫩，而且乳液上面之後吸收得好快，即時感覺到皮膚充滿水份，就算之後再搽防曬都唔會有任何影響。佢冇任何香料味道，任何皮膚都啱用，可以話係非常溫和嘅乳液。如果春夏夏天單用啱用，但係而家轉季就要加埋cream先至夠潤。所以冬天嚟講作為一支打底嘅乳液係岩啲。 依支乳液嘅感覺比我係非常穩陣，完全唔會出錯，同時可以作任何配搭，一年四季都啱用。我係喺前排萬寧八八折嘅時候買，計落100多元咋。
<看全文>natanatalie好用推薦：轉季必買的輕盈乳液👻 這一款乳液質地非常輕盈，清爽和不黏立，很適合偏柔和混合性肌膚的女生再轉季的時候使用。🥰 最近的天氣忽冷忽熱，濕度也忽高忽低，我的皮膚也起了不少紅點和粒粒，而這款乳液就有舒緩和靖靖功效，能夠為肌膚提供適當的保濕之餘，但又不會令肌膚造成負擔，肌膚會變得穩定和不易敏感。😎
<看全文>
natanatalie好用推薦：大推的乳液 用過同系列化妝水，有啲笠，但呢款乳液我大愛呀！乳液感覺好輕盈，一啲都無成膜感，而且感覺𣊬間吸收，滲透力都幾強，用完佢化妝會貼好多。
<看全文>Candy Ng好用推薦：Dr.Wu 係我其中一個性價比高的品牌。 它成份係令人安心使用，即使係敏感性皮膚時，都可以安心使用😊😊😊 乳液上臉沒有負擔，而且容易吸收💗
<看全文>
SKY好用推薦：這是我用過的面霜裏面最清爽的，適合春天秋天使用。冬天特別乾燥的日子裏這款就不太夠保濕。 質地很好吸收，不會黏膩，只需要很少用量就可以上完全臉，用量省。無香料，感覺安心，使用下來也沒有敏感。 是真空包裝的。好處是乾淨衛生。壞處是不容易控制擠出來的量，一不小心就會擠太多，而且用到最後會很難擠。以為用完了，把包裝剪開，把剩下的內容物挖出來用，竟然還可以用兩個禮拜...也剩太多了吧...但這樣使用就失去真空包裝的意義了。 但價格不便宜，但因為用量省，所以可以用大概2個月，性價比不錯，有打折的時候購入更佳。 更新 2024/12/10: 不知道是不是產品更新了，包裝換成泵頭的真空管裝，更容易控制用量了。現在冬天的面霜基本上只用它了。有時候臉被風吹到紅紅的，用了它不會有任何刺激，也很快把乾裂的皮膚狀況修復好。
<看全文>choichoi好用推薦：這支Avène修護保濕霜 Skin Recovery Cream採用醫學級無菌護膚技術Sterile Cosmetic進行生產，產品只出不進，開封後空氣細菌皆進不去，時刻能夠保持無菌狀態，這也是其產品不需要添加防腐劑的原因和吸引之處。 質地呈細膩的乳白色，質地介乎乳液及乳霜之間，沒有乳液般流動性高，但又不至於乳霜那樣富有濃厚感覺，很易推勻 , 整體觸感恰到好處，只是需留意Avène 面霜 不能和凝膠類產品一併使用否則會產生白屑。  只需稍作按摩就能被快速吸收，可以感到即時的滋潤感並舒緩乾燥令肌膚變柔軟，但又不會導致粉刺痘痘，肌膚看上去會更水嫩且無負擔感。 每天使用口罩皮膚加上本身是極敏感肌，皮膚在下班後不禁會泛紅痕癢，在這種又乾又癢的情況下我會厚厚敷上一層Avène 面霜作舒緩及鎮靜，待它自然吸收後皮膚狀況改善了很多，加上不帶香料不會刺激皮膚，即使濕疹或是進行醫美後都能安心使用作保養。 擁有低致敏性及Avène 產品一向性價比高，Avène 修護面霜不單是過敏時期協助皮膚得到急救的聖品，除了是日常必備保濕潤膚霜，當可以出國旅行之時，它肯定將會是行李中不可或缺的一款萬用護膚品。
<看全文>
Kammy1209好用推薦：去counter本身只係想買健康水，但sale話有set，加上第一次接觸先乳後水的概念，於是腦波很弱的我便入手了🫣 這個滲透乳配合同牌的化妝綿使用會有一種莫名的療癒感，但效果來說個人用完一整枝後也感覺不太出來，所以用完之後暫時沒有回購，如果將來有優惠的話會再考慮回購 🌟總結: 用來提升生活中的儀式感🧡
<看全文>Jan好用推薦：第一次接觸到乳液先行概念嘅就係呢隻albion 嘅乳液，因為去買健康水ba 建議一齊用所以買咗支試吓。之後買過淺藍色樽美白乳液，但感覺效果分別唔大。 乳液無色無味，質地唔算杰身，滋潤但吸收唔算快。呢款乳液同以前用過嘅分別就係先後次序，先搽乳液後搽化妝水，初初開始會唔習慣，而且因為按建議份量用，搽完塊面會有啲濕笠笠，鐘意清爽感嘅可能會唔太鍾意或習慣。 試過跟健康水一齊用，亦試過跟其他牌子化妝水一齊用，個人覺得同健康水用嘅效果更加好，膚況穩定，少咗出暗瘡同滑啲。不過始終都唔慣乳液先行，用完就無再回購了。 題外話，買過ipsa metabolizer保濕/美白，使用感同效果差唔多，同樣價錢亦都差唔遠，個人會揀albion ，因為更加抵用🤑
<看全文>
Fng好用推薦：極潤保濕乳液▶️混合偏乾熟齡肌嘅「基礎保濕之選」 ✨質地與保濕度： 乳液質地水潤輕薄，推開後迅速吸收，唔黏膩唔笠面，夏天用零負擔！主打「三重透明質酸」保濕，用完皮膚即時水潤柔軟，兩頰乾燥位有明顯改善，但冷氣房過夜可能唔夠持久，要疊加保濕精華。 ✨溫和與兼容性： 無香料、無色素，成分簡單溫和，敏感肌都適用！後續防曬或上妝唔會搓泥，適合日常快速保濕。不過如果皮膚極乾或熟齡肌，可能覺得「只有保濕，其他功效欠奉」。 ✨同價位比較： VS Curel潤浸保濕乳液：Curel更適合敏感泛紅肌，但極潤保濕力更強； VS 無印良品敏感肌乳液：兩者質地相似，但極潤滲透力更佳； VS Neutrogena水活保濕乳：Neutrogena更清爽，但極潤性價比更高（大支裝更抵用）。 ✨適合邊類人： 學生黨、預算有限嘅混合偏乾肌！夏天基礎保濕夠用，但熟齡肌可能要疊加抗老精華先夠全面。 總結：平穩不出錯嘅「萬年回購款」！$150有咁嘅保濕力，抵用！
<看全文>A&R好用推薦：我覺得呢支比較黐粒粒，雖然都好滋潤，但係可能唔係咁適合我嘅皮膚，所以未必繼續使用。
<看全文>
Kura好用推薦：保濕度唔錯，價錢唔算好貴，份量都有咁多，日日用都唔會覺得心痛，但皮膚好大改善就唔會有
<看全文>藍海天晴好用推薦：CP值好高，一直用緊大支400ml 搽上面唔黏笠，敏感肌都啱用！
<看全文>
ccbunny45好用推薦：我習慣每天使用這款乳液，超級補水! 鎖水效果亦很好！ 加埋價值相宜，日本買更加抵！
<看全文>Verna好用推薦：這款乳液是水凝保濕系列，含有多種天然成份，它的主要成份包括維他命C衍生物、米糠發酵液和視黃醇衍生物，適合乾燥和初老肌，而且它不含香料、色素、酒精、礦物油和防腐劑，所以敏感肌也可以用 它的包裝都是Muji一向的簡約風，簡簡單單的 乳液的顏色是白色，我覺得它的質地有點厚重，不過都容易吸收，搽了它之後，皮膚變得很滑很滋潤，觸感沒有黏笠感
<看全文>
Kura好用推薦：呢款保濕乳液好適合夏天用，夏天好熱，但長期係冷氣房會好乾，用完呢款保濕乳液皮膚會變得水潤，用完皮膚唔會生痘痘，係夏天保濕乳液嘅首選 #保濕 @cosme #夏天 #護膚
<看全文>LenaC好用推薦：水潤專科SENKA這一系列既保濕組合 無酒精、無香料、無色素 好自然 Senka 既保濕乳液富含天然萃取成分 可以有效快速滲透至肌底 佢質地濃稠但不黏膩 係肌膚好快就吸收的滋潤感 做到長效保濕 推薦❤️
<看全文>
jaye好用推薦：白色的包裝簡約而不失優雅，配合返ipsa既護膚化妝棉泵3下，搽完精華後輕輕拍上臉部，即時滋潤舒緩皮膚，乳液質地輕易被皮膚吸收，保濕度良好！
<看全文>Bibi951427好用推薦：(其實我呢個係改版嘅乳液版本，個名唔同，2020新出) 「IPSA 更生活化抗敏乳液 METABOLIZER SENSITIVE(2)」 不錯，快吸收、即補水、唔敏感👍🏻 無味白色水質地，易推快吸收，要用棉花好有趣😛分子細一搽快吸收，即刻水潤，完全唔敏感，用完唔黏好清爽。用完一定要加面霜鎖水，乳液比較水易被抽乾，春夏比較啱用
<看全文>
Blooming好用推薦：Fresh 玫瑰深層保濕平衡乳液，有淡淡玫瑰香味，搽上面不會香料敏感，有一定保濕度，但也很快吸收很乾爽。
<看全文>choichoi好用推薦：之前使用過系列的面霜，質感比較豐厚濃稠；是次新登場的則非常適合春夏這種時間使用，因為其質地輕盈透薄但不失滋潤感。一貫好聞不俗氣的玫瑰清香，早上妝前打底或作為晚上保養也相當理想 #火熱新品
<看全文>
Water好用推薦：呢款保濕比較杰身，一搽上面都有啲擔心會變到又油又笠。上面感覺滋潤，但唔會係黏笠，係可接受嘅微微潤感。用後肉眼可見地撫平咗少少毛孔，做到產品說明嘅「滋潤保濕，使肌膚膨脹飽滿」。冷氣房瞓完一晚都唔會成面油，連續使用都冇爆瘡！係味道有啲香得濟，對味道敏感嘅可能要試試先。
<看全文>Hamiii好用推薦：乾肌用後明顯泛油 成面油光 完全唔清爽 好似唔多吸收到 送左俾朋友
<看全文>
choichoi好用推薦：由日本清酒釀造發酵萃取為主成分的「肌研糀潤」系列，有開架界中SKII之美名，以為它會特別濃稠但抹開卻很清爽，可以立即舒緩到因乾燥/轉季而緊繃的肌膚，薄擦一層已足夠整天的保濕感的維持 #火熱新品
<看全文>格仔餅公主好用推薦：帶啲潤身嘅感覺但厚薄度啱啱好，唔會太笠太油，上面好快可以搽勻吸收，提升到皮膚嘅幼嫩度
<看全文>
AmyAmy好用推薦：真係幾保濕嘅，用少少就夠成塊面，但係比較適合秋冬天用，夏天用嘅話覺得有啲焗
<看全文>HE1DY好用推薦：米白色的乳液，一搽就化成透明液體狀，水感十分豐盈。水盈透亮潤澤肌膚，搽後皮膚明顯感清涼，皮膚也更緊緻。適合所有肌膚狀態使用。
<看全文>
yanyan_lauyan好用推薦：因為同事推介下才購買，本身我肌膚比較乾燥，經常會脫皮，而本身又是敏感肌，很多產品都不敢亂用，幸好同事嘗試了，告訴我用後感，我才放心買。 它的補濕程度，是真的不錯，我用了3-4天巳經沒有脫皮的問題了，但是，我個人覺得塗抹後是有一點點黏，冬天是完全沒問題的，出門一會就吸收了，但夏天可能會覺得黏黏的，不過，說真的敏感肌的真的可以嘗試，我用完之後不痕不疼，也沒有起紅斑，是真的做到防敏感作用，會一直回購，因此要再找另一個符合自己的產品也是不容易。
<看全文>維他他好用推薦：未係好出名的品牌，d program專門研究敏感肌，呢隻益生菌系列係專門針對乾燥皮膚，所以乾性皮膚的人啱用呀，佢主要係預防皮膚乾燥同甩皮屑，所以保濕成份真係好高，搽完係有少少痴笠笠，但未到好痴，真係好乾嘅美女們可以入手試下
<看全文>
