緊緻面霜 推薦好用產品

Tiffany Ng好用推薦：✨Olay緊緻紅金面霜用後感✨ 講到「抗老」，好多人都以為一定要買貴價品牌先得，但係我最近試咗Olay呢樽緊緻紅金面霜，真係有啲驚喜想同大家分享！😍 首先講個質地，佢係嗰種好絲滑嘅乳霜狀，唔算好厚身，推開之後好快就吸收晒，唔會話黐黐立立。搽上面嗰陣有陣好淡好舒服嘅香味，唔會話太濃，感覺幾高級。💫 用咗大概一個星期左右，我發現塊面朝早起身無咁浮腫，個輪廓好似firm咗少少。對於我呢啲開始要認真諗「抗初老」嘅人嚟講，呢個效果真係好開心！因為以前成日覺得塊面有啲鬆，尤其係下巴同腮位，而家摸落去好似實淨咗。😆 去到第三個星期，我直情覺得啲細紋有變淡嘅跡象，尤其係額頭同嘴角嗰啲乾紋，唔再咁明顯。最明顯係化妝嗰陣，粉底貼服咗好多，唔會再卡喺啲紋度，成個妝感靚晒！💄✨ 當然，佢唔係話用完之後會變後生十年，但以呢個價錢嚟講，性價比真係好高。對於想開始「抗老」但又唔想一開始就投資太多嘅姊妹嚟講，呢樽面霜絕對係一個好唔錯嘅入門選擇。💖 我通常會喺精華之後用，取一粒黃豆大小，喺掌心搓暖先上面，再由下往上咁推，感覺塊面即刻有種被提拉嘅感覺。連續用咗一個月，我真係覺得塊面無以前咁「墮」，整體膚色均勻咗

LoveFN好用推薦：Olay緊緻紅金面霜用後感｜平價抗老代表？用完真係有驚喜😳 講到抗老面霜，好多人第一時間諗起貴婦品牌，但其實Olay呢支緊緻紅金面霜，價錢親民好多，效果又唔算失禮，難怪咁多人話係「平民版抗老神器」。我用咗大約兩個月，分享下真實感受。 質地方面：佢係偏豐潤嘅乳霜狀，推開算滑身，唔算好厚，但都有一定滋潤感。搽上面之後吸收算快，唔會好似某啲抗老面霜咁笠到黏頭髮。乾肌秋冬用啱啱好，油肌就可能要薄搽或者淨係夜晚用。香味方面，有少少Olay招牌嗰種花香味，接受到嘅就無問題，唔鍾意香味嘅就要考慮下。 抗初老效果：我用咗大概一個月左右，最明顯係塊面無咁容易乾，虎紋位同嘴角附近嘅細紋睇落淡咗少少，當然唔係神奇到消失，但至少無再加深。塊面摸落去彈潤咗，朝早起身無咁暗啞。作為抗初老入門面霜，呢個價錢有呢個效果，我覺得收貨。 抗老方面：佢主打緊緻同彈性，我覺得對於輕熟齡肌嚟講係夠用嘅，但如果本身皺紋已經比較深，單靠佢就未必夠力，可能要配合精華或者更高階嘅抗老產品。不過以預防性嚟講，佢幫你守住個皮膚狀態，等啲紋無咁快定形，呢點幾重要。 優點：性價比高，唔使食土都買到；滋潤度夠，秋冬啱用；對細紋同暗啞有改

Paris merci 好用推薦：雪花秀人蔘乳霜是一款結合滋潤、抗老、提亮效果既面霜，佢可以幫助解決捱夜嘅衰老，因為而家好多人都會夜瞓，專門係針對呢種情況而推出，所以喺韓國受歡迎。 我手上呢款係清爽啲嘅乳霜，散發住濃郁人蔘香氣。人蔘味唔會過於濃郁，類似中藥當歸等等嘅味道，對於養生女士容易接受。乳霜質地且易於吸收，推開之後好快滲入皮膚，特別適合乾燥肌膚或者冷氣環境中長時間使用。本身對韓國牌子都唔太喜歡，因為通常韓國牌子嘅質地偏油膩，但呢款人蔘乳霜喺香港都啱用。 簡單嘅就可以做到保濕滋潤，長期使用可有效減少細紋，預防早期老化，肌膚保持年輕細緻。人蔘活性成分，改善肌膚彈性，感覺皮膚用後更加飽滿💕

Also melon好用推薦：Concentrated Ginseng Rejuvenating Cream Rich禦時緊顏參養面霜， 升級版係去年新出嘅。 無rich係日霜，有rich晚上使用。好大陣人參味，就係韓國嘅味道，雖然佢嘅質地都幾豐厚，cream好滑身但係只要喺面上面按摩推開，就不會覺得黏膩。 很滋潤，適合晚上，冬天使用，好好用，不會敏感。用完之後整體膚質細緻咗，細紋平滑咗。可以配合按摩手法，面嘅線條都會變得緊緻啲。

Miranda好用推薦：【質感】 首先講質地。佢係白色嘅乳霜狀，望落好軟滑，唧出嚟嘅時候感覺有少少厚身，但推開嗰下又出奇地順滑，延展性極高。我用手指輕輕沾起黃豆大小，喺手心搓熱再上臉，好容易就推勻全面同頸。上面之後初初係有啲滋潤感嘅，需要輕輕按摩一陣先會完全吸收，但吸收完之後，皮膚表面會留低一層薄薄嘅保護膜，摸落去係柔軟飽滿嘅，完全唔會覺得油淋淋或者黐立立。 呢種滋潤度對混合肌嘅我嚟講，秋冬用係啱啱好，但夏天用可能會覺得有少少「立」。味道方面，佢有Clarins招牌嘅高級花香，聞落好舒服，每次搽都有一種做Spa嘅放鬆感。個包裝係玻璃樽配金色蓋，拎上手好有質感。 【使用感】 呢個位係我最滿意嘅部分。佢嘅 抗老 效果真係做得幾扎實。我用咗大約一個月，最明顯嘅感覺係皮膚變得更有彈性同緊緻，摸落去有種「脹卜卜」嘅感覺，唔再係以前嗰種鬆弛感。尤其係蘋果肌同下顎線位置，望落有輕微提升，輪廓清晰咗，冇以前咁易顯得下垂。 佢主打嘅 抗老 科技，似乎真係可以幫皮膚補充返流失嘅膠原蛋白。用咗一排之後，我發現虎紋同額頭嘅細紋有明顯減淡，皮膚望落平滑咗，連帶膚色都均勻咗，冇以前咁暗啞。佢嘅保濕力都幾好，用完之後洗完面嗰種繃緊

Lindabb好用推薦：【Clarins Extra-Firming 煥顏緊緻面霜 用後感 🌿 抗老抗初老又一選擇？】 之前分享完Double Serum，今次輪到同系列嘅Extra-Firming煥顏緊緻面霜！用咗大概個半月，即刻同大家報告下🤍 踏入30+之後，【抗老】真係唔可以懶，塊面開始有啲鬆泡泡嘅感覺，尤其係法令紋同下巴線條，望落去無以前咁緊緻😩 所以除咗精華，面霜都想揀有【抗初老】同提升效果嘅，就試咗呢罐。 質地方面，我揀咗普通版（仲有清爽版），膏體偏豐潤但唔算厚，推開之後有種好舒服嘅包裹感，按摩一陣就吸收晒，唔會黐立立。香味係Clarins一貫嘅植物花香，聞落好relax😌 我通常早晚用，搽完精華之後取適量，由下往上、由內往外咁按摩，順便做埋淋巴排毒。 用咗兩星期左右，最明顯係塊面摸落去滑咗、彈咗，朝早起身無咁浮腫，個輪廓好似firm返少少。到一個月之後，我覺得法令紋旁邊嘅皮膚無以前咁鬆，下巴線條都清晰啲，上妝更加貼服。雖然話就話【抗老】，但我覺得佢喺【抗初老】階段用更加啱，幫手預防鬆弛同細紋，而唔係等到下垂先嚟補救。 當然，佢唔係整形級別嘅魔法😂 但作為日常【抗老】保養，配合Double

GinGin好用推薦：「 #火熱新品 」 由於年紀日漸增加，工作壓力大，而且有時唔夠瞓，所以都要用高效能護膚品，就好似Olay 含有A純面霜，可以收毛孔同減淡細紋，最重要係混合性偏油皮膚都唔覺得油，夏天都適合使用，而且用咗14日已經見到有輕微收毛孔效果

Candy Ng好用推薦：打開一用，感覺好Olay 。 你會聞到陣陣的香味，上臉的質地不屬於清爽，係會有黏泣。但係，在用完它之後再化妝，其實平衡得好好的。 #火熱新品

Sana好用推薦：好開心收到邀請試用Yves Rocher花萃幹細胞修復日霜，等我同你哋慢慢拆解佢嘅好用之處！ 🧴 質地 嘩～呢個日霜質地好似輕盈雪芭咁，一推開就化水💧，完全唔厚重、唔黏笠！就算香港潮濕天氣用，都覺得好清爽，上妝前用都冇問題，唔會起擦膠碎～ 💦 即時保濕效果 搽完即刻feel到皮膚飲飽水💦，好似有層薄薄嘅鎖水膜，但又唔焗。摸落去即時滑溜咗、軟腍腍，好似BB皮膚咁～ 上粉底都貼好多！ 🌿 修護效果 用咗大約兩星期，明顯覺得皮膚冇咁易敏感，之前成日紅紅哋、乾癢，而家穩定好多！佢嘅花萃幹細胞成分好似幫皮膚打好底子，修復返日間受嘅刺激，屏障強咗，吹吓冷氣都唔怕乾到裂～ 💪 ✨ 光澤感 呢個真係要講！本身我面頰偏暗黃、成日好似冇精神咁… 但用咗一排，朝早洗完面照鏡，會見到皮膚自帶光澤✨，唔係油光嗰種，而係透亮感！蠟黃減咗好多，膚色均勻返，素顏都敢直接落街買嘢～ 人哋仲問我「今日係咪化咗淡妝？」🤣 👵 緊緻度 原本有少少包包面、蘋果肌開始有啲塌… 用咗一個月左右，蘋果肌好似飽滿返，塊面冇咁水腫型鬆弛，下顎線明顯啲！唔係誇張拉提，但望落精神、年輕咗，自拍唔使狂推高角度～ 📸 🔍 毛孔 鼻翼

Ko好用推薦：首先講吓我嘅膚質先 我係混合性偏乾 過咗30歲之後塊面都開始有啲細紋 特別係頸紋同埋法令紋係特別明顯 平時都時不時會用下啲抗老嘅產品 但係皺紋呢家嘢一出現咗就好難救 今次試用左Yves Rocher嘅花萃幹細胞高效微精華+ 花萃幹細胞修復日霜八日 等我分享吓我嘅試用感受啦 我係每日朝早洗完面 搽完爽膚水之後先搽精華之後再搽日霜 再之後我就會去化妝 呢兩樣產品係唔會同底妝打交 唔會有擦膠碎 好適合喺妝前用 首先講吓兩樣嘢一齊用嘅效果先 下面係before嘅膚況 可以見到我淚溝附近有好多細紋 毛孔粗大，又有法令紋 仲有好多曬斑 跟住呢張係第八日嘅after 真係唔比較唔知佢好😨原來分別都幾大 可以見到淚溝附近啲細紋真係淡咗好多 法令紋就似乎差唔多 但我真係幾滿意個效果！ 畢竟眼底下面嘅細紋真係好顯老 跟住落嚟就專注講吓面霜嘅使用感受 佢嘅質地以面霜嚟講算係中度保濕 唔算清爽 亦都唔算濃稠 感覺上有少少油份 但係我後續化妝都冇帶走我嘅底妝 反而令到底妝更加服貼 所以我幾鍾意佢嘅質地 我係乾肌 喺夏天用真係啱啱好 比起枝精華 其實面霜嘅香味唔算濃烈 適合所有人使用 唯一嘅缺點就係

Desse好用推薦：Innisfree彈力緊緻輕盈面霜 Collagen Green Tea Ceramide Bounce Cream ⭐️含600億海藻膠原蛋白同綠茶神經醯胺，主打提升肌膚彈性同持續72小時補水💧 質地輕盈但滋潤，推開好順滑 好快吸收，唔油膩，適合乾性同混合肌用💓 🧏🏻‍♀️🧏🏻‍♀️ 用咗幾日就感覺毛孔細緻咗，肌膚彈潤飽滿，細紋亦有少少淡化❤️ 保濕得好又唔會黏笠，冬天用特別幫到乾燥脫皮情況 🔔🔔唯一要留意係，質地偏濃厚，夏天可能會較悶厚，秋冬用最啱💪🏻

Lumi Kwan好用推薦：佢個花名真係好吸引，叫做ballon cream，一聽就知係為咗撐起肌膚而設。最令我吸引嘅，就係佢賣點係可以重拾心形面，蘋果肌膠原流失，係好多女人都會經歷嘅問題。 先講個質感，感覺好輕盈，同一般嘅膠原面霜唔同，唔會有好厚實嘅感覺，佢非常之容易吸收，而且冇香料，仲要係vegan認證，呢一點已經好吸引我。 至於保濕力方面，當然佢會比一般聲稱保濕為主嘅產品較弱，但香港嘅天氣絕對可以接受。我用咗兩個星期，皮膚好明顯有向上提拉嘅感覺，而且蘋果肌都有飽滿嘅效果，非常之推薦大家使用。

AnnaChan好用推薦：質地：屬於比較豐盈嘅乳霜狀，質感好滑，推開個陣有少少絲滑嘅感覺。雖然望落去幾厚身，但只要稍微按摩一下，好快就吸收晒，唔會話成層油膜浮喺面上面。 有一陣 Olay 經典嘅護膚品香味，個人覺得太濃烈，唔太鍾意，所以都唔會回購。特價時只係$1xx, 貪平買咗，氣味敏感嘅真係要試吓先用 入面有皇牌成分胜肽（Peptides）同維他命B3（Niacinamide），秋冬或者喺冷氣房用真係好夠力，而peptides會幫手刺激膠原蛋白增生、改善皮膚彈性同淡化細紋，對抗初老嚟講算係幾實用。朝早起身塊面有光澤感，唔會有緊繃嘅乾爭爭感覺。肌膚柔軟度明顯，連續用一段時間，會覺得塊面嘅細膩度同彈潤感有提升，皮膚摸落冇咁粗糙，上妝都貼服啲。可以話都高性價比既產品。

Kala好用推薦：我試用OLAY新生高效緊緻護膚霜，質地柔滑，易推開，塗後肌膚即時水潤有彈性。選用50g裝，適合乾性肌，保濕力強，不黏膩。用了兩週，細紋略減，膚質更平滑。價格親民，性價比高，但香味稍濃，敏感肌要先試用。整體滿意，值得一試。

Miranda好用推薦：【質感】 首先講質地。佢係一種好豐潤、好綿密嘅乳霜狀，望落去有啲似厚身嘅忌廉，但絕對唔係嗰種「杰」到推唔開嘅質地。我習慣用附帶嘅小匙羹舀一小匙出嚟，喺手指之間稍微搓熱，等佢軟化少少先上面。上面嗰下感覺好絲滑，延展性極高，推開嗰陣會有一種好高級嘅滋潤感包圍住塊面。 佢唔似某啲貴婦面霜咁油淋淋，吸收完之後，皮膚表面會呈現一種好靚嘅半啞光狀態，摸落去係柔軟、飽滿嘅，完全冇黐立立嘅感覺。個包裝係好有份量嘅玻璃樽，拎上手好有質感。味道方面，佢冇添加香料，聞落係好淡嘅原料味，對於唔鍾意人工香味嘅人嚟講，呢點係好加分嘅。 【使用感】 呢個位係我最滿意嘅部分，亦係佢值咁高分嘅原因。佢嘅 抗老 效果真係做得非常扎實。我本身因為成日捱夜，塊面有啲鬆弛，法令紋同木偶紋開始現形，膚色仲帶啲蠟黃。用咗大約一個月，最明顯嘅感覺係皮膚嘅 抗老 緊緻度有大幅提升。塊面摸落去有種「脹卜卜」嘅彈性，唔再係以前嗰種鬆泡泡嘅感覺。 尤其係下顎線位置，望落明顯清晰咗，輪廓有輕微提升，冇以前咁易顯得下垂。佢主打嘅抗醣化科技，似乎真係可以幫皮膚阻止膠原蛋白變硬變黃。用咗一排之後，虎紋同額頭嘅細紋有明顯減淡，皮膚望落平滑咗，連帶

Kitty 好用推薦：一打開係白色cream狀，質地幾豐潤，似豬油膏，但推開唔會黐笠笠，吸收得幾快。幾乎無咩氣味，冇加香料，聞落幾安心。 💆‍♀️上臉感受： 我係混合肌，T字位油、兩邊乾。用咗之後覺得皮膚即刻有啲潤潤哋，但唔會悶痘。夜晚用第二朝起身，塊面摸落去幾軟滑，有種膨潤嘅感覺。 🌟效果重點： 最明顯係法令紋同嘴角紋！堅持用三四個禮拜，發現啲乾紋真係淺色咗，尤其上粉底冇再卡紋～塊面睇落冇咁下垂，有微微緊緻感。抗老效果唔算即時魔法，但持續用真係有分別！ ⚠️注意位： - 如果你係極油皮膚，可能冬天用會啱啲。 - 價格真係唔平，但一罐都幾耐用，每次唔需要搽好多。 總結： 價錢的確肉赤，但考慮到佢同貴婦級面霜比都已算白菜價，而且用料幾足，有30%抗老成份玻色因！我覺得投資得過～尤其係皮膚開始有歲月痕跡嘅姊妹，值得試吓！

Miranda好用推薦：【質感】 首先講質地。佢係好豐潤、好綿密嘅乳霜狀，望落去有啲似厚身嘅奶油，但絕對唔係嗰種「杰」到推唔開嘅感覺。我習慣用附帶嘅小匙羹舀一小匙出嚟，喺手指之間稍微搓熱，等佢軟化少少先上面。上面嗰下感覺好絲滑，延展性極高，推開嗰陣會有一種好高級嘅滋潤感包圍住塊面。 佢唔似某啲抗老面霜咁油淋淋，吸收完之後，皮膚表面會呈現一種好靚嘅半啞光狀態，摸落去係柔軟、飽滿嘅，完全冇黐立立嘅感覺。個包裝係好有份量嘅金色玻璃樽，拎上手好有質感，擺喺化妝枱上面都覺得賞心悅目。味道方面，佢有淡淡嘅高級花香，聞落好舒服，唔會太濃，每次搽都有一種做SPA嘅放鬆感。 【使用感】 呢個位係我最滿意嘅部分，亦係佢值咁高分嘅原因。佢嘅 抗老 效果真係做得非常扎實。佢主打高濃度膠原蛋白科技，我本身因為成日捱夜，塊面有啲鬆弛，法令紋同虎紋開始現形，膚色仲帶啲暗啞。用咗大約一個月，最明顯嘅感覺係皮膚嘅 抗老 緊緻度有大幅提升。塊面摸落去有種「脹卜卜」嘅彈性，唔再係以前嗰種鬆泡泡嘅感覺。 尤其係下顎線位置，望落明顯清晰咗，輪廓有輕微提升，冇以前咁易顯得下垂。佢嘅 抗老 淡紋效果亦都幾明顯，特別係額頭同眼底嗰啲因為乾燥而出現嘅

Fng好用推薦：ELIXIR 膠原緊緻V面霜 ✨ 🌟 第一印象：日系抗老嘅「V臉神器」 作為資生堂旗下專注膠原蛋白研究40年嘅品牌，ELIXIR呢支「膠原緊緻V面霜」（簡稱V霜）喺網絡上嘅口碑真係好勁！🔥 今次終於親身試用，一打開包裝，見到附送嘅小挖棒同詳細嘅按摩手法說明書，就知呢個品牌好有誠意～💖 官方定價 HK$720 / 50g，價錢唔算平，但網上唔少用家話一支可以用到5個月左右，計落都算「貴買平用」！ ✨ 質地與觸感：豐潤如奶油，好推唔黏笠 一挖出嚟，係淡黃色嘅豐潤乳霜質地，好似軟滑嘅奶霜咁。雖然睇落好「厚實」，但接觸皮膚體溫後會慢慢融化成絲滑嘅質感，延展性極高，一粒珍珠大小就夠搽勻全臉！好多用家都讚佢「滋潤但唔油膩」，吸收後唔會黐立立，就算我哋混合偏乾肌用都覺得好舒服。有少數極乾肌用家表示冬天用啱啱好，但油肌可能要試咗先。 🌸 香氣與成分：高級花香，護膚同時放鬆 佢帶有怡麗絲爾標誌性嘅優雅花香，唔係人工香精味，而係一種好療癒、好放鬆嘅自然香氣，成個護膚過程都充滿儀式感～😌 成分方面，佢用咗資生堂獨家嘅「Total V Technology」提升緊緻技術，配合能夠活化肌膚中5大膠原蛋白嘅複

MoonMoon好用推薦：KANEBO 煥采能量臻養修護霜使用心得： 質地偏厚身膏狀，但推開後唔算油膩，吸收算快。搽完塊面有好明顯嘅滋潤感同光澤，乾燥甩皮位置即刻舒緩到。 夜晚用，第二朝起身皮膚依然軟熟飽滿，乾紋淡咗。香味係高級花香，幾舒服。 缺點係夏天或油肌用會覺得太重，同埋價錢偏貴。 整體：乾肌、熟齡肌秋冬夜晚用最啱，混合肌可以淨係搽乾嘅位。 #火熱新品

Jan好用推薦：#火熱新品 針對乾燥暗沈、紋理紊亂、彈力不足共同形成的“陰影肌印象"。採用緊致繃帶技術，豐潤面霜緊密貼合肌膚，形成兼具彈力和密閉性的保護膜，帶來包裹、緊實和長效鎖水感。

Tszki好用推薦：質地滋潤但不黏膩，容易推開，吸收速度很快！額頭乾紋及法令紋有明顯淡化。緊緻度提升了，皮膚變得有彈性。敏感肌沒有感到刺痛泛紅！

Linda yan好用推薦：踏入30+更加要注重抗皺之路😢而維他命A類產品一直都係抗皺嘅明星成分🌟AHC嘅呢款面霜就加入左Retinal呢個成分。 我就使用左佢兩個星期～ 其實佢嘅保濕力唔，用左兩個星期之後覺得皮膚嘅彈性變好！同埋變得緊緻左又柔軟😍而去皺亦有改善。 另外值得一提嘅係，佢非常溫和，敏感肌的我之前都有試過A醇產品，但皮膚都係會頂唔順泛紅甩皮等等🫠但AHC嘅呢盒cream我用起身完全冇問題👍🏻 好建議敏感肌嘅你們，一開始可以2-3日用一次，等建立左肌膚耐受性再用得頻密啲😆

mcosmetics好用推薦：去Clarins counter 買晚霜，sales 推介乾肌用呢款（for all skin types), 同系列有出for dry skin但佢話比較油潤只係冬天最乾嘅日子先用到。最後我買呢款我夜晚搽完精華用就夠，最乾嘅日子on top加squalane oil~ 質地好滑，搽上面舒服易吸收。但要留意花香味好重，最好去counter試左先。sales話孕婦同敏感肌用得。我本身易敏感用完都ok不過轉季會用返cerave呢類穩陣啲嘅牌子～

Jasmine L好用推薦：CLARINS煥顏緊緻晚霜質地滋潤彈潤，推開易吸收，夜晚用完朝早皮膚柔軟水潤，彈性提升咗少少，細紋同鬆弛感稍為改善，保濕力強，乾紋位明顯舒服啲。 帶輕柔花香，敏感冇刺痛或紅腫，但質地偏厚，夏天或T字位可能覺得有啲悶。抗老緊緻效果穩陣唔爆快，適合偏乾肌晚間修護用。

Fish Tse好用推薦：我覺得女人過左25歲之後就要開始抗衰老，因為開始有細紋同埋面部下垂會比教顯老 哩款shiseido Vital Perfection 賦活塑顏提拉修護面霜有兩個版本，一個係滋潤版本一個係輕盈版本，平時我就用開輕盈版本，我既皮膚係混合性偏乾，就算冬天用都唔會覺得唔潤要用滋潤版本 佢係呈現類近白粉色，好似雪糕狀咁搽上面係好易推開，我會提拉一下面部順便等肌膚吸收一下，搽完之後唔會有重粒痴痴既感覺，重點係我好中意哩款面霜係有陣花香味，由其係夜晚搽聞到令人好放鬆 裡面成分有種好珍貴既紅花，有助促進膠原增生，我已經回購左超過兩樽，實測效果係持續緊緻同埋提升面部輪廓，冇乜下垂既情況出現 如圖所見係好易推開同埋搽完係有種潤既感覺但會唔好厚重

Camilalkw好用推薦：因為呢盒面霜網上嘅評價真係好兩極 所以買咗試用裝試下先~ 幾好推 不過我覺得有啲笠 可能因為佢抗糖 秋冬季比較適合 可以當普通面霜 如果想滋潤保濕嘅話佢另外一隻會好啲 適合熟齡肌 不過個味道我好鍾意☺️

Sakura醬好用推薦：Clarins 煥顏緊緻日霜（Extra-Firming Day Cream）實測 ⭐️質地： · 手感： 一打開樽仔，見到嘅係好豐潤、好似絲絨咁嘅cream狀。用手指挖一嚿，覺得佢夠挺身，唔會水汪汪，但係一推開呢——嘩！好順滑、好柔軟，完全唔黐手。 · 推開感受： 好容易就撻勻全塊面，吸收速度中等偏快，輕輕按摩幾下就已經「食」入皮膚，唔會留低一層油光或者黏立感。用完之後皮膚摸落去係軟熟、飽滿，有層好薄好薄嘅滋潤膜保護住，但絕對唔厚重。 · 氣味： 典型Clarins式清香，淡雅嘅花香，唔會太濃，好舒服。 ⭐️緊緻提拉效果： · 即時感覺： 搽完之後，皮膚有種微微收緊、有彈性嘅感覺，尤其係面頰同下顎位，好似有層好溫柔嘅力托住咁。 · 持續使用： 如果用咗一排（大約一至兩星期），會覺得朝早塊面冇咁易浮腫，輪廓線條望落精神啲、利落啲。對於初期鬆弛或者因為乾燥而睇落冇咁緊緻嘅皮膚，呢支日霜嘅「撐住」效果幾明顯。 · 注意： 如果你期望係好強烈嘅「拉皮」式提升，咁就可能要配合更針對性嘅精華或者療程。但作為日霜，佢嘅預防同維持能力做得唔錯，保濕夠，皮膚飽滿咗，自然睇落冇咁鬆垮。

Yeonjung好用推薦：Clarins嘅緊緻日霜用過一段時間，分享一下心得，尤其係緊緻效果方面： 🌵質地同使用感 · 乳霜質地算輕潤，唔算好厚重，廣東天氣潮濕嘅日子用都唔會太黏膩。 · 推開後吸收幾快，皮膚有即時滋潤感，後續上防曬或化妝都唔易「搓泥」 🌵緊緻效果 · 初期感受：用咗大約一星期，覺得皮膚有少少「拉緊」嘅感覺，尤其係面頰同下巴位置，摸落去彈性好似好咗。 · 長期效果：持續用一個月左右，覺得輪廓線有輕微提升，特別係朝早起身，面部浮腫情況有改善，鬆弛感冇之前咁明顯。 · 提醒：緊緻效果因人而異，如果本身皮膚好鬆，單靠護膚品未必有好大提升，但作為保養同預防，呢支日霜算係交到功課。 🌵優點 · 成分溫和，大部分膚質都啱用，敏感肌都OK。 · 帶有淡淡花香，幾舒服。 · 用完皮膚光澤感有提升，唔會暗沉。 🌵注意事項 · 如果係極油皮膚，夏天用可能覺得潤，建議晚間用或秋冬用。 · 想效果更明顯，可以配合佢哋嘅緊緻精華一齊用。 總結：作為一款日常抗老日霜，Clarins呢支喺緊緻同保濕方面表現平均，適合想預防初老或輕度鬆弛嘅人。如果追求顯著提升效果，可能要靠醫美配合，但作為保養步驟，值得試用

Kpl6be6好用推薦：鍾意其絲滑質地～感覺用落無增加皮膚負擔～輕盈又易吸收～喺潮濕嘅天氣下用就啱啱好～

mavis好用推薦：非常適合夏天使用既面霜，推開就好似水咁，搽上面零負擔，天氣潮濕都用到

Kmggigi好用推薦：Yves Rocher 金蓮花亮肌乳霜 — 輕盈質地，為肌膚注入自然光澤✨ 質地: 呢款面霜質地偏輕盈乳霜狀，好容易推開， 上臉之後吸收得幾快，唔會有厚重或者黏笠感， 春夏用都好舒服。 效果: 雖然質地清爽，但保濕表現都幾理想， 可以鎖住水分，減少乾燥繃緊感。 用完之後皮膚摸落柔軟細滑，唔會有油光。 第二朝之後會覺得皮膚冇咁暗沉， 光澤度提升咗，呈現自然健康嘅亮感， 唔係誇張反光，而係由內而外嘅清透感。 總結：輕盈保濕型亮肌面霜 Yves Rocher 金蓮花亮肌乳霜適合想要清爽質地又希望改善暗沉、提升光澤嘅人，日常保養用幾舒服又實用✨ #火熱新品

Kitty 好用推薦：最近試咗Yves Rocher新出嘅金蓮花亮肌乳霜，真係忍唔住要同大家分享吓！呢款面霜質地好軟好輕盈，一啲都唔杰撻撻。搽上面好快就吸收晒，感覺滋潤但完全零負擔，好舒服。最驚喜係第二朝起身，感覺塊面真係有變亮變白淨。佢個香味係好治癒嘅花香，聞落好放鬆。 用咗幾日，覺得皮膚亮咗又滑咗，作為入門級抗氧化面霜真係唔錯，值得一試！ #火熱新品

Chloeincosme好用推薦：🤍 緊緻彈性：4.5/5！Sulwhasoo呢支firming cream真係有驚喜～用咗幾日已經覺得塊面彈性有所提升 🤍 滋潤度：5/5！質地豐潤但唔會過份黏膩，推開後好唔會好快皮膚吸收，有一層油潤感（未必個個鍾意），就算吹成晚冷氣第二朝都依然keep到滋潤～ 🤍 改善粗糙：5/5！最明顯係膚質有改善～原本額頭同面珠位置有少少粒粒同粗糙，連續用咗一星期之後摸落去真係滑溜咗好多，冇咁多凹凸感！ 🤍 光澤感：4.5/5！用完之後皮膚自然有光澤，唔係油光滿面嗰種，而係健康飽滿嘅光感～  總結： 雖然只係試用裝，但我都幾鍾意Sulwhasoo呢支緊緻霜，已經決定要去專櫃望一望；推薦比乾肌、熟齡肌，或者開始覺得皮膚冇以前咁緊緻嘅你！

葉子🍃好用推薦：呢個係買套裝入面有既，白色膏狀，有少少硬身，我會用手心搓開先上面，雖然份量小，但推開又夠搽全面，呢款係草本味，我油性皮膚，比較鐘意夜晚搽，第二朝摸到係好滑，好滋潤同有彈性

royu3好用推薦：面霜呈淡黃色，有療癒的人參清香。 質感柔滑不厚重，易推開，塗抹後能迅速吸收。用後翌朝臉部肌膚變得柔軟，並有效紓緩了因轉季及壓力引致的過敏及乾燥感。 當中縕含的人參精粹，更是有強大的修復能力及抗老功效。用了2星期後，皮膚變得健康有光澤，感覺皮膚的保水能力有變強，能為秋冬乾燥天氣做好保護屏障。 非常喜歡這瓶面霜，絕對是此生必備面霜之一，會再回購!!!👍🏻

Pinky好用推薦：比較清爽版本嘅人蔘面霜，有好香嘅人蔘味，比想像中清爽，乾性皮膚夏天夜晚開冷氣用，唔夠滋潤，只可以日頭用

annielittlecake好用推薦： 全新NIVEA CELLULAR #ExpertLift #細胞激活提拉抗皺 系列 #德國抗皺專研科技 超效配方 蘊含 #BAKUCHIOL，用後 #4小時起效#，激煥提升細胞再生及膠原蛋白+48%＃，重整及強化支撐肌膚纖維組織，結合雙分子透明質酸即時保水平滑及深層充盈減紋，肌膚早晚全日Keep住緊緻亮澤提彈！✨✨✨ . 💙 #細胞激活提拉抗皺修護晚霜 豐厚質地易推易吸收，用後肌膚深層滋潤修護，潤而不立。 . 🤍用後感 用左NIVEA® CELLULAR Expert Lift細胞激活提拉抗皺系列1 星期，感覺膚色均勻咗，有效提亮膚色同肌膚望落柔滑細緻咗，有效抗炎減少粉刺痘痘、改善毛孔粗大和斑點問題 ，撫平及減少深層細紋及頑固皺紋，使面部肌膚看起來更平實柔滑 ，更具抗氧加強抗老功效， 從內到外提升緊緻及彈性度，連敏感性皮膚都岩用。 .

shadow影子好用推薦：晚霜質地豐盈，有足夠嘅滋潤度，沖完涼之後用可以一整晚都保持保濕，也有輕微的減皺紋效果。

natanatalie好用推薦：適合乾肌的面霜❣️ 春夏天用 Curél 緊緻抗皺滋潤面霜，第一下推開嘅時候，質地係偏厚嘅 cream 狀，帶少少油潤感。剛塗上面頰位會覺得好滋潤，甚至有啲「包住」皮膚嘅感覺，乾燥位即刻舒緩咗。但因為我係混油肌，T-zone 好快就開始出油，尤其係額頭同鼻翼，成日要用紙巾輕輕印走。🥹 吸收方面，佢唔算快，要等幾分鐘先會慢慢融入皮膚。用完之後，面頰位係柔軟同有彈性，但春夏天氣熱，厚重感令我覺得有啲焗。長時間用落，冇爆痘，但偶爾會有細細粒閉口，可能因為滋潤度太高。🙃 抗皺同保濕效果係明顯嘅，尤其夜晚用完第二朝皮膚唔會乾。但如果係春夏天，我覺得佢更適合晚間護膚，日間用就太厚，妝容容易浮。相比之下，同系列嘅水凝乳霜就清爽好多，混油肌用春夏天會舒服得多。😚 • 優點：保濕力強、面頰位好柔軟、有抗皺感 • 缺點：春夏天混油肌用會覺得厚重、T-zone 出油快、偶爾有閉口 • 建議：春夏天用水凝乳霜，秋冬再用緊緻抗皺滋潤面霜

Chloeincosme好用推薦：因為朋友知道我前排塊面敏感又乾燥，所以推薦咗 Curel緊緻抗皺滋潤面霜叫我試下！用完之後皮膚狀態真係有好轉（始終呢個牌子專為敏感肌設計，用落特別安心！☺️ 🤍 試用感：4.5/5 搽完之後塊面會有一層薄薄嘅保護膜，唔係個個都會鍾意呢種感覺，不過我作為乾皮膚就覺得好OK，有種唔驚比冷氣抽乾水嘅安全感～ 🤍 滋潤度：4.5/5 質地豐潤但唔油膩，推開後好快成膜，冷氣房待成日都冇乾到繃緊，鼻翼甩皮問題明顯改善～ 🤍 抗皺效果：4/5 用咗兩星期，覺得眼周同法令紋嘅乾紋唔覺少左，但皮膚彈性都有提升，摸落去飽滿左。 🤍 溫和度：5/5 最中意呢樣！敏感肌用零刺激！就算皮膚狀態唔穩定時使用都冇泛紅，仲有舒緩效果～ 總結： 雖然保護膜感未必人人鍾意，但對於追求滋潤同安心感嘅人嚟講，絕對值得一試～會回購，推薦！