TUNEMAKERS

神經醯胺200原液

睇完youtuber Dr. Ivan推介tunemakers 神經酰胺200，忍唔住去cosme入手一支。 到底咩係神經酰胺200？ 我地皮膚本身就有神經酰胺，係細胞與細胞空隙之間，緊密連著令到角質層的脂質形成一層天然防水薄膜，可以幫助皮膚鎖水。而肌膚出現乾同敏感問題，多數因為肌膚唔夠神經醯胺，導致皮膚唔識鎖水。就算幾多保濕產品，保濕效果都非常短暫。 本身自己一路有用開b5 gel，一直都覺得用完當下好保濕，但係冷氣房一段時間後，就開始出乾燥崩緊嘅感覺。每次洗完面，如果唔即刻搽護膚品，額頭會即時甩皮，所以我覺得b5 gel無真正解決到我皮膚底層嘅乾燥問題。 神經酰胺200有三個用法 1.Toner 前用，幫助導入續後嘅護膚品 2-3.Toner 後用/溝埋toner 用，加強保濕 我個人最鐘意用toner前搽，倒幾滴係手，輕輕捽雲塊面同頸部。質地好似水咁，因此非常快速吸收。做到深層保濕，半夜唔會覺得面部崩緊，第二日見到敏感泛紅嘅地方有改善！感覺上用完神經酰胺幫助肌膚鎖住水分，增强皮膚自身修護力，同埋提升保水力。 1000000%推介比所有人❤️

🟢多次回購 🟢極速吸收 🟢平衡皮膚油脂分泌 🟢減少口罩形成的暗粒 🟢可在化妝水前或後用 🔴價錢略貴 🔴個人用得很快 所以都在回購大支裝

質地偏水狀，好易吸收，用完感覺涼涼地，好保濕，而且令皮膚更穩定，已經回購左好幾瓶

質地係輕身水狀 適合所有天氣 平時我會係用化妝水之前用 查完好似冇查既質感但同時又做到深層保水既作用 真係好適合我呢D 混合肌 我之後再用後續既護膚品去做鎖水 有試過冇用一段時間 會覺得皮膚容易變乾 我覺得係一款用緊既時候冇即時效果 但持續用覺得佢有慢慢改善肌底果種護膚品 已經用過幾支100ml 同埋會繼續回購

超級超級好用，質地為液體狀，流動性高，保濕度不錯。 我會作為肌底液使用，後續疊加其他牌子的護膚品都唔會對皮膚有太大負擔。 而且成分單一，對敏感肌膚比較友好。 唯一小缺點就是比較小瓶，價錢略高。

之前用酸及磨砂過份去角質，導致肌膚屏障受損。 簡單的意思即是皮膚就似磚牆，皮脂膜就似磚與磚之間嘅水泥，皮脂膜被洗掉導致皮膚之間失去緊密嘅連結，情況如同乾涸嘅河床。細菌，黑頭，白頭，粉刺同暗粒容易在空隙形成。 後來揾到呢枝救星-ceramide 係專門修復皮脂膜的 幫手填補皮膚間的空隙。 佢嘅質地同水一樣咁稀，搽上面使用感不大，用量亦只是6-7滴。 在洗面後，稍微印走水份後我會立即用指腹搽响嘴角額頭易乾位置，以至全面用手包裹吸收，然後再用番平時既護護膚品。 用後一星期，皮膚鎖水力提高，唔會搽乜都無用，亦唔容易敏感泛紅，感覺免疫力提升。 依家會多注意搽响囗罩邊接觸到嘅位置，希望無咁易出暗粒同乾啦…

佢呢個牌子係賣單一成份而吸引到我，因為成份越少，越唔容易敏感。 雖然係有啲貴，但超正，超易吸收。 最緊要係夜晚用完，第二朝起身會發現敏感症狀明顯減輕左，感覺對修復皮膚有好好嘅幫助。 但就係唔夠補水，要再補搽小小cream先得。 不過可以減輕敏感，我已經好心滿意足，好推薦比同樣易敏感嘅人用。 而且，我一買就買左60ml裝，希望@cosme會入100ml裝啦。

已經買過好幾次了，用用下就會覺得皮膚吸收得好好，同埋穩定咗膚質。

本身油肌加上經常生暗瘡，呢樣產品幫助皮膚加快修復，通常會加埋啲精華一齊用，但為左效果更好所以我直接上面，不過就會好快用哂，始終都唔平

大枝裝用好耐 最初個感覺明顯啲 好保濕 我會爽膚水之後用 直接拍上面 溝黎用都ok 價錢係貴小小 不過朝早當精華甘用都ok

用起上黎非常之清楚，好容易吸收到，用左幾日皮膚未有太大改變嘅，不過暫時使用感受都良好，而且知成分係咩都放心啲

膚質:敏感肌，有時會出濕疹。眼底同權骨位較乾. 質地好水狀，同普通清爽型爽膚水無咩分別。 成份單純，無香味，無色素。 保濕方面，普普通通，唔太覺好勁。保濕程度比sk2高少少。 好可有可無咁，唔會再買lu

原液流動性高，成份單一不致敏，保濕度也很棒～ 個人覺得很推薦！

優點： 質地水狀，易於吸收 幫助提高後續產品效果 成份單一，夠溫和，不致痘 任何膚質亦可 缺點： 售賣地點較少 價錢輕微偏高

整體使用感都幾好。佢既質地系水狀，倒出黎系手掌再拍落塊面度，好快就吸收，好清爽，唔笠唔焗。同埋佢都好保濕，好適合混油肌。個包裝都算幾衛生。 系化妝之前搽，或者mix少少落個粉底道，會明顯feel到個妝貼啲，毛孔亦冇咁顯眼。除咗化妝之外就系夜晚用，幾乎用完一支，feel到皮膚狀況比較穩定，所以會考慮回購。 唯一缺點都系幾細枝，平均價錢對學生黎講有少少貴。