Kiehl's

醫學維C淡斑精華

首先要感謝 @cosme 邀請我試用 Kiehl’s 的「醫學維C 淡班精華」。本身以為，我皮膚偏白，以為美白淡班精華，會係50中先會出現係我的護膚品選項之中。大錯特錯。我專登去做面部皮膚分析，原來係唔為意期間，暗沉、粗糙、角質厚、黑色素沉澱愈積愈多，特別積聚係眼角、面頰、額頭位置。有肉眼看到，也有肉眼看不到。就算不斷塗防曬，都阻隔唔到佢哋。加上我係經期前後，特別容易生暗瘡，膚質混合性偏油，都易於加劇黑頭粉刺，暗瘡的滋生，所以今次一嘗美白淡斑精華，睇下除去做facial 外，有冇一些日常護理，可以優化膚質。

醫學維C 淡班精華主要成分是活性維他命C，具強效的抗氧化、抑制黑色素特性，能夠減少自由基對皮膚的損害，並促進膠原蛋白生成。有人會話，早上用美白產品，不會更易變黑？其實係因為有些產品用到光敏感成分。若產品加入維他命C，就不會有此現象。所以早上都可以加緊腳步去美白。除此之外，夏天炎熱乾燥、多雨潮濕，出油變多，令到皮膚角質越積越厚。而精華加入了水楊酸，促進角質代謝，均勻膚色。不論春夏秋冬，都要注意保濕。精華含玻色因，能提高膠原蛋白增生，肌膚顯著飽滿亮澤。但當然，都要額外的保濕產品，加強低敏感性、提亮、提升皮膚柔嫩性。

精華質地輕薄，係gel 狀物，易於吸收，塗抹後不會感到油膩或黏膩。就算天氣34-35 度塗，都好快吸收，唔黏笠。搽完好似冇搽咁。但可能係酸的原因，有一股酸的味道，雖然不太刺鼻，但持續用後3-4日就會覺得冇咩野。

配合Kiehl’s 的「醫學三酸煥膚精華」使用，用後第4-5日，可能皮膚底層有爆發緊嘅暗粒，令到其推到表面，起左幾粒暗瘡。但過多2-3日就消退左，冇再係同一位置有暗瘡出現。另外，本身之前有暗瘡印係面上，用後色素減淡左，膚色比之前均勻明亮左，充滿瑩白光澤。摸上手，可能精華有去角質成分，肌膚平滑度提升左，冇再有暗粒或準備爆發的暗瘡摸到。

可能我只係用左短短2星期，好難睇出毛孔有冇明顯收細到。因為毛孔收縮要包括補充骨膠原，毛孔清潔同緊緻，所以要一段更長時間先睇到成果。但我深信，持之以恆地使用，有以上的效果底下，毛孔收細，只係時間的問題。

但要提提的係，所有酸的產品，都必須要做足防曬。因為你買依款精華的目標係美白，所以塗防曬，係最基本的防止黑色素合成。再加上有美白精華相輔相成，有水楊酸去角質，令皮膚透亮。提升美白，不再是難事。