Kiehl's

醫學維C淡斑精華

首先多謝@Kiehl’s 同 @Cosme 抽中我成為Kiehl’s醫學維C淡斑精華液嘅試用者之一。 今次試用真係不得之了！因為撞正左我去東京旅行嘅日子（掩唔住咀咁笑～），所以我索性帶埋佢哋產品去日本嚕～～

外觀：
講起帶護膚品去旅行，有冇人同我一樣，每次執行李都有個困擾，就係揀要放咩護膚品落行李，有時去旅行先5、6日，帶枝正常裝又好似好晒位，自己分裝又多左野做（苦惱喔～）嗱～ 今次Kiehl's醫學維C淡斑精華液(30ml)細細枝就完全無問題，即使hand carry帶上飛機亦都大丈夫👌🏿 （航空條例需要將100ml液體裝入透明袋）我出門口前隨便將佢放入行李就走得，唔洗擔心有阻掟嘅情況。
效果：
我本身唔化妝，底肌有非常非要明顯痘印同泛紅！！當我持續用左Kiehl's醫學維C淡斑精華液14日之後，的確可以見到有明顯改善，痘印淡色左之餘，毛孔亦都收細左。 （* 試用效果係根據本人喺持續使用Kiehl's醫學維C淡斑精華液嘅14日裡面，無用其他牌子嘅美白產品。）以下附上我出發去日本前喺香港影嘅一張照片，以及我由日本回來後影嘅照片比大家做對比。
題外話：今次去日本東京之旅順帶去左Cosme店，有好多護膚品、化妝品睇下我花多眼亂。當然我從中都有買咗唔少產品，有機會再出post同大家分享下。 希望大家喜歡我嘅介紹啦。