LANCÔME

Genifique 升級版嫩肌活膚精華 (小黑瓶)

今次抽中咗@Lancome嘅暢銷皇牌小黑瓶真係萬分驚喜！！因為自從上年抽中左試用佢哋嘅粉底液之後，發覺Lancome嘅產品真係好適合我嘅膚質，用完之後自己去左入貨，哈哈哈哈。所以今次有幸抽中試用佢哋嘅小黑瓶，唔知會唔會再次令我自己入坑呢？ 一齊睇下我試用報告啦～～

今次試用產品有兩枝：一枝係精華液，另一枝係眼霜。首先我介紹下枝小黑瓶精華先啦，今次呢支試用裝一支大概係5 ml，份量大概夠我用七日。佢係透明嘅精華液，單單搽喺皮膚都已經覺得非常水潤，而且質地好容易推開，瞬間就已經被吸收晒。根據官網嘅介紹，精華液包涵專利配方，一滴蘊含3000萬益生菌萃取物，有助肌膚保持水份同改善膚色。
我哋睇吓使用前後嘅即時對比圖，左圖係使用後，基本上已經可以見到即時效果，皮膚即刻變得水潤緊緻，細紋同粗糙都唔見咗，相反睇下無使用精華液嘅右手，皮膚真係有明顯差別，粗糙嘅細紋喺對比之下顯得好好好明顯。
之後我哋再睇埋眼霜嘅質地都比較流質，放上手都唔會特別覺得痴立立，吸收速度都算快速。再望一下使用前後對比圖，同樣地都係用咗眼霜嗰隻手，即時已經明顯見到細紋減退，膚質水潤而且膚色都有明顯提亮。


最後想補充下，今次收取試用裝嘅一個小插曲。就係速遞公司喺冇通知我嘅情況下將產品交咗去屋苑嘅會所度簽收，而屋苑又冇通知我。結果我就喺心得到期日都仲未收到試用裝。喺度我要感謝主辦方嘅體諒，補充番七日時間俾我使用返產品同埋補番個心得。我希望嚟緊嘅日子，如果再有機會去抽中使用產品嘅機會，唔好再有同類情況發生。