Kiehl's

醫學維C淡斑精華

感謝 @cosme 抽中我試用 Kiehl’s醫學維C淡斑精華；好抱歉遲左2日發表心得。

計埋遲發表心得嘅2日，我總共使用左21日，我係使用完三酸護膚精華後使用呢支產品的，每次使用一bump，因為咁岩曬黑左右手，我都有使用一bump係右手上。

產品嘅質地係偏杰身、輕微黏笠，會比較適合秋冬季使用。係使用期間咁岩遇到轉季，轉季個幾日用就會覺得舒適。吸收速度都算快，唔會話等好耐都唔吸收。對於我混合偏油而言，搽完三酸護膚同埋呢支精華，已有足夠保濕度，係炎熱個幾日甚至有少少太保濕，但都唔會笠到生暗瘡。

我覺得使用1.5星期時有感覺到皮膚變得透亮，使用左21日後有覺得膚色變得均勻，暗瘡印都有變淡。右手嘅手錶印都有變淡。但我個人認為呢個速度稍嫌慢，有少少失望，佢太溫和。但正日佢溫和，佢使用上除左天熱時會黏之外，用後唔會有任何不適，唔會敏感，好溫和，適合每日用，慢慢見到效果，但作為急救我曬黑嘅手就唔太適合，用係面上長期同局部暗沉抗戰就好合適。

總結而言，佢適合秋冬天每天使用，等到夏天時就會變白，膚色都會變得均勻。