Curél

控油保濕毛孔細緻底霜

多謝 @cosme 選中我試用「Curél 全新控油保濕毛孔細緻底霜」 ！

今次試用咁岩撞正我有幾日去炎熱地方旅行，本身對Curel都好有信心，對呢個牌子都十分有好感，咁就順便測試埋唔同氣候呢支底霜嘅作用。

我跟據佢嘅方法，上完護膚品再吱2cm本產品打面上面，最後先搽防曬。點知.. 未上防曬之前，佢已經同我嘅化妝水同埋精華打交，會起擦子膠碎… 仲要唔係一粒半粒，係成面都係擦膠碎，跌到成件衫都係。我化妝水係粉+水個種，估計佢係同我嘅化妝水啲粉打交，而精華係一般常見個種微稠水狀，請各位使用前先試試會否與自己的護膚品打交再上面使用～

雖然佢地打交，但最後停用左個支精華同化妝水，再上呢支產品，就冇呢個問題出現了。咁先講下佢搽上面嘅感覺，一搽就feel到係silicon based，佢填平左唔少毛孔，而且塊面會即刻變霧面。

有樣野想讚佢，個排塊面比較敏感，用酒店棉花用卸妝水卸底妝都會紅，但用呢支產品完全冇敏感，甚至有少少降紅。

推勻左呢支產品之後，個人認為有微微油潤感，但可以接受，因為佢個silicon base都可以控油，短時間嘅控油效果肉眼可見，有日專登淨係搽左半邊面，半日後再用吸油紙，效果如下上面係用左呢支產品嘅個邊面，下面係冇用呢支產品，其他東西我2邊面都有照上的，可見控油都係有啲效果

而且我覺得後面再上妝嘅服貼度都高左好多，使用一整日後溶妝程度都減少左，而且都冇以前咁重油光感。佢所聲稱嘅效果都有做到，有控油保濕，修飾撫平毛孔，深層補水，控油吸汗。唯一一個使用感上嘅缺點係上完面後嘅粉感，摸塊面會feel到有層粉粉地嘅野係面，但呢個好處係想抹走面上油時會比較容易去除，但個人唔太喜歡呢種皮膚觸感。

總結而言，佢有效果，又乎合我需求，但唔係我喜歡嘅使用感，又會同我嘅護膚品打交，所以比到呢個評分。