NIVEA

DERMA CARE科研 煥膚柔嫩奇肌雙管精萃凝乳

多謝 @cosme 抽中我試用 「PHA 煥膚柔嫩奇肌雙管精萃凝乳」！❤️
首先講下第一次試用嘅感受，佢同 「舒敏修護雙管精萃凝乳」一樣，吱出黎真係睇到雙管2種質地，分別係外面嘅透明gelly質地，入面係lotion質地，但佢個最佳按壓位置好難吱，會跣。
👆🏻可見有機會吱不均勻

但佢好易推開，推嘅時候手感都幾好；不過香味都幾濃，係香精味，個人唔太喜歡呢種味，浸味聞落好廉價；吸收都需要啲時間，我搽左薄薄一層，都起碼要5分鐘先吸收得7788，吸收後，佢滋潤嘅存在感可以話係冇乜，搽完好似冇搽咁。臨訓前搽，滋潤效果可以last到第二日朝早，但到下午就開始冇乜滋潤感。
👆🏻推開時個樣
👆🏻推均時
👆🏻吸收後可見右邊乾紋較少

搽完之後皮膚有真係變得柔軟，但相信係因為有注入左水份，有保濕感而變柔軟，所以對於改善粗糙都有感的。至於佢所聲稱嘅膚色均勻作用就唔係好感受到，我覺得佢對於我膚色嘅改變冇明顯嘅分別。
市面上好多酸性產品都會係用完黎令皮膚變乾，但呢一支唔會，用完係有滋潤感，但絕對唔係一個長效嘅滋潤，要勤力啲搽先得。希望用得耐可以做到佢所聲稱嘅促進內層膠原蛋白生成，做到修護同煥膚。
總結而言，佢係一支我會成支用曬嘅產品黎的，但同時我認為以我目前感受而言，佢唔係一支性價比高嘅lotion，我會再繼續觀察呢個產品有冇效果的。