敏感肌面霜 推薦好用產品

Kelvin好用推薦：Cerave長效保濕面霜適合夜晚使用，對我來講好溫和，完全唔刺激皮膚。而且佢通過咗敏感測試，所以我用得好放心，敏感皮膚同濕疹皮膚都可以用。質地好補水，唔算過分厚重，搽上面推開之後感覺水潤，好容易推開推均，然後都吸收得好快，表面就好似搽咗乳霜咁樣有保護感覺。水感面霜嚟講滋潤度幾高，但又唔會油膩，用完之後皮膚水潤彈嫩 價錢係$195/50g，喺藥房買會平多1x-2x，性價比唔錯！

Jasmine L好用推薦：由皮膚科醫生推薦我用呢款CeraVe產品，已回購兩支以上。我覺得呢款長效保濕面霜最特別之處就係唔會令皮膚黐立立，而又能夠起到修護同埋保濕嘅作用。 無論係朝早定係夜晚都會用佢，喺皮膚比較乾燥唔穩定嘅日子就搽厚少少，效果非常出色。

Chloeincosme好用推薦：呢枝Kiehl’s Facial Cream 係前排Sogx 特價果時買😂 呢款經典保濕霜網上評價好壞參半，今次親身用落，終於明白點解咁多人中意！ 🤍 保濕力：3.5/5 質地柔潤但唔厚重，推開後好快吸收，形成輕薄保濕膜，但我全晚開冷氣嘅話會有少少唔夠保濕🥲🥲 🤍 質地吸收：4/5 延展性好高，少少份量就夠搽全面，按摩兩下已經食入皮膚～ 🤍 溫和度：4/5 冇香料酒精，敏感肌用落零刺激，轉季期間皮膚穩定咗，冇再無故泛紅～ 🤍 適用性：4/5 混合偏乾肌同混合肌用啱啱好，但極乾燥天氣可能要疊加精華油先夠力；油肌夏天用可能覺得有少少潤～ PS.有人話用佢用到爆痘，但我又冇！介意既記得去睇佢個成份表/ 拎sample先！ 總結： Kiehl’s呢支面霜係穩陣嘅日常保濕之選，尤其適合混合偏乾至混合肌，或者身處冷氣環境嘅人～ 不過岩我既面霜太多，佢我就未必回購！

Tszki好用推薦：Kiehl's 第三代面霜即為其皇牌產品 Kiehl's 特效保濕乳霜 (Ultra Facial Cream) 的全新升級版本。 輕盈不黏膩質地，吸收速度快，適合早晚使用。改善乾燥脫皮的效果顯著，令肌膚柔嫩。但在極端乾燥環境下，可能需要疊加精華液；而油性肌膚在夏季可能會感到稍顯滋。 新配方能滲透肌膚表層達 15 層，提供更深層的補水。此面霜能在 1 小時內 開始修復肌膚屏障，並在 2 小時內重建屏障功能。保濕力由原先的 24 小時延長至 72 小時，能有效防止水分流失並舒緩泛紅乾癢。堅持無添加酒精、香料、色素、礦物油及 Parabens 防腐劑，適合包括敏感肌在內的所有膚質。 

Kathy Wai好用推薦： 喂喂喂～成日話「d program」係敏感肌救星，今次等我真人實測佢哋支修復面霜，睇吓係咪真係咁神！ 【質地】 一打開係雪芭狀，推開嗰下「嘶」一聲溶化，好似軟雪糕咁滑～敏感肌最怕笠，呢隻吸收勁快，拍兩拍就冇曬油光，夜晚搽完第朝塊面仲係爽身粉手感，正！ 【急救效果】 前排轉季塊面紅到似關公，厚敷一層（當sleeping mask用），第二日即刻降溫退紅。最驚喜係甩皮位，連續搽3日，鼻翼邊啲「紙巾碎屑」全部收皮，上粉底終於唔會裂開！ 【續航力】 朝早搽完，喺冷氣房坐到下晝4點，兩邊面珠仲係飲飽水咁脹卜卜。但大乾肌可能要溝油，混合肌/敏感肌用剛剛好～ 【小總結】 ✔️退紅力：🌕🌕🌕🌕🌗 ✔️保濕續航：🌕🌕🌕🌕🌑 ✔️笠感指數：🌑🌑🌑🌑🌑（零笠！） 一句到尾：比佢個包裝呃咗以為好厚，點知係輕盈版急救神器！敏感肌想找唔怕踩雷嘅面霜，呢隻有買貴冇買錯～（拍心口） 溫馨提示：皮膚問題嚴重記得睇醫生，呢隻主要係舒緩穩定，唔係藥品呀～

Chloeincosme好用推薦：（你見我影到咁夢幻就知我想大讚佢🤍😆） 前排皮膚長期唔穩定，除左泛紅仲狂出粒粒，所以開左D program Skin Repair Dream 呢款面霜。 揀佢係因為佢嘅配方超溫和，冇酒精、冇香料、冇色素，仲標明「不致粉刺配方」，而且通過敏感同刺激測試，見落都安心！ 🤍 溫和度：5/5 完全冇酒精香料，敏感肌用零刺激！就算皮膚泛紅期間使用都冇刺痛，仲有舒緩效果～ 長期用泛紅有所改善！ 🤍 不致粉刺：5/5 標明「不致粉刺配方」，用咗兩星期都冇生新粒粒，連平時易生暗瘡既面側位都好穩定～（之前用一隻韓國牌子會搞到暗瘡爆得仲勁！ 🤍 保濕修護：4/5 質地柔潤唔厚重，推開後形成保護膜，第二朝起身皮膚水潤飽滿，冇再乾到甩皮～ * 但佢絕對唔係非常非常滋潤/ 油潤嘅面霜，佢喺偏水潤！如果極乾肌就要用保濕精華打底！ 🤍 配方安心：5/5 無添加防腐劑，通過敏感測試，對成分挑剔嘅人可以放心使用～ 總結： d program呢支面霜救左我呢個敏感肌同易生粒粒既人🥹溫和得嚟做到基本保濕修護，仲唔會刺激粉刺問題～會回購，推薦！

GinGin好用推薦：「 #火熱新品 」 由於年紀日漸增加，工作壓力大，而且有時唔夠瞓，所以都要用高效能護膚品，就好似Olay 含有A純面霜，可以收毛孔同減淡細紋，最重要係混合性偏油皮膚都唔覺得油，夏天都適合使用，而且用咗14日已經見到有輕微收毛孔效果

Candy Ng好用推薦：打開一用，感覺好Olay 。 你會聞到陣陣的香味，上臉的質地不屬於清爽，係會有黏泣。但係，在用完它之後再化妝，其實平衡得好好的。 #火熱新品

Fng好用推薦：KANEBO 平衡潤妍保濕乳霜用後感 💧 我係熟齡混合偏乾肌，喺香港又濕又熱嘅天氣下，搽面霜最怕「漿住塊面」，但又怕保濕唔夠會乾到繃緊。KANEBO呢支2026年4月全新推出嘅平衡潤妍保濕乳霜（Skin Conductor，約HK$360 / 60g），專為「油脂分泌過盛卻乾燥緊繃」嘅複雜肌膚研發 🧴 質地：輕盈絲滑，抹開似水感精華 · 質地係輕盈嘅乳霜狀，但一抹開好似水感精華咁，延展性極高，完全唔厚重 · 上面後好快就吸收晒，清爽零黏笠，唔會焗住皮膚 · 用完會喺皮膚表面形成一層薄薄嘅保護膜，感覺係高級嘅柔軟透亮感，唔係油淋淋嗰種 🌸 用後感：水油平衡改善，冷氣房都夠潤 · T位出油減少：持續用一排，T區出油明顯減少，鼻翼毛孔望落細緻咗，呢點真係好驚喜 · 面頰夠潤唔乾：以前洗完面兩頰成日繃緊，用完呢支感覺水油平衡做得好，冷氣房過夜都夠補水 · 皮膚變軟：用完約一星期，最大嘅差別係「皮膚變軟」，摸落滑溜咗好多 · 清爽透亮：用完有自然透亮感，唔係油光，朝早上妝都貼服好多 · 香氣療癒：淡淡嘅高級草本花香，護膚過程都變享受 🔬 核心成份與原理 · 「不飽和脂肪酸」抑制技術：

Blooming好用推薦：Kanebo 平衡潤妍保濕乳霜，質地好易推，唔會黐笠笠，保濕效果啱啱好，幫助維持皮膚水油平衡，穩定皮膚狀況。 #火熱新品

Liu CC好用推薦： AHC是我使用多年的韓國藥妝牌子，我十幾年前已經有用開它的透明質酸系列，之後隨著年齡增長又轉用AHC的紫色A醛系列，效果不錯，所以我對這個牌子是很信賴的。 剛好我的面霜用完，就想試一下AHC這款B5益菌修護霜，選用它的原因是我的皮膚最近因去海灘游水暴曬導致有少許泛紅過敏問題，而這款面霜含有的維他命B5和益生菌萃取成分有修復維護皮膚屏障的功效。 使用過這款面霜後，我認為它是一款十分適合秋冬季以及脆弱易敏感皮膚的面霜。它的質地如同乳酪一般細膩濃稠，滋潤的同時又不會太過油膩，應用於面部後皮膚看上去水潤有光澤，還可以有效鎮定敏感泛紅的臉頰部位。 氣味方面，這款面霜是無香的，如果你不喜歡有香味的面霜，也可以考慮一下這款。 附上包裝盒上的成分表： 成分表的Google中文翻譯：

Kura好用推薦：呢款面霜質地偏滋潤，我鍾意冬天用，搽上臉需要按摩五分鐘先開始吸收，用完皮膚會變得好水潤，面霜帶有少少香味，唔難聞，我用咗一個月左右皮膚就開始有變化，整體膚質變得細緻咗，保濕效果唔錯，係唔錯嘅冬季面霜，值得一試 @cosme #火熱新品 #火熱新品 #火熱新品

Fng好用推薦：CeraVe 胜肽緊緻面霜｜ 敏感熟齡肌的溫和抗老大門🚪 呢罐紫色晚霜，絕對係CeraVe家族入面嘅「全能進階班代表」！有別於經典藍色系列專注基礎保濕，紫色系列專攻抗老緊緻——雖然質地出名厚重，但用過嘅人都話「起身塊面會發光」✨ 🧬 成分解碼（這就是你找的那罐） • 三重神經酰胺：修復屏障，敏感肌友好 • 煙酰胺：舒緩泛紅、提亮膚色 • 多肽複合物：刺激膠原蛋白，撫平細紋 • 玻尿酸+乳木果油：深層鎖水 • MVE專利技術：整晚緩慢釋放保濕成分 🍦 質地真實話你知 呢罐唔係「霜」，係「膏」！質地厚實到好似風乾咗嘅牙膏。半膏半乳咁，個人唔太鍾意太厚重感。但佢嘅優點係容易推開、吸收速度唔慢，形成一層薄薄嘅保護膜，鎖水能力極強。 🌙 用後感 • 即時感受：搽完有輕微成塊面有嘢罩住嘅感覺，但唔會油淋淋 • 翌日效果：起身塊面軟滑、水潤，乾紋明顯減淡 • 長期使用：連續2-3星期，面部彈性提升，額頭同眼周細紋淡化，膚色提亮 ⚠️ 香港天氣使用 建議用法： • 春天用：回南天要減量，否則可能覺得悶 • 冷氣房用：表現出色，起身唔會繃緊 • 油肌/易長痘：有人用完生閉口粉刺，建議先試用 💡

Kitty 好用推薦：因為前排做左laser，皮膚有少少敏感，呢罐CeraVe活肌再生胜肽緊緻修復面霜，我用咗差唔多一個月💜～ 佢質地偏厚，望落似乳霜，但一推開就發現好順滑。最驚喜係佢吸收超快！搽上面之後，輕輕按摩幾下已經食晒入皮膚，完全唔會笠黐黐。我最怕嗰啲油淋淋嘅面霜，呢罐查完反而係乾爽嘅感覺，但保濕度又夠，晚間用第二朝起身塊面仲係軟淋淋。🥰 乾肌或者熟齡肌應該會好鍾意，佢有胜肽成份，緊緻效果暫時未太明顯，但用完皮膚係穩定咗，冇咁易泛紅。日頭用都冇問題，之後上防曬或粉底都唔會起屑。整體嚟講，乾爽得嚟又有滋潤感，呢個平衡做得幾好！👍

Chloeincosme好用推薦：Embryolisse全能奇蹟保濕霜 我回購左無數次（十幾年前初中已經用緊😂）！好多人會當晚間保濕霜用，不過對我呢種極乾肌嚟講夜晚用唔太夠力，但！用佢嚟做妝前保濕，真係非常非常非常好用～ 🤍 妝前貼服度：5/5 搽完再上粉底，底妝好似「扒」咗喺塊面度咁，全日都冇浮粉卡粉，連鼻翼兩側都保持貼服！（而家咪有一支好興，韓國品牌，瓶身黃色既妝前乳，我用到爆痘，所以又即刻轉返embryolisse🥹） 🤍 質地吸收：4.5/5 乳霜質地柔滑易推，好似融化喺皮膚入面咁，完全唔會同後續防曬或粉底「打交」～  🤍 溫和度：5/5 我自己敏感肌用落零刺激，轉季期間用都冇泛紅問題～（留意！佢有香味，如果香料敏感嘅記得要睇清楚成份表！） 🤍 滋潤平衡：4/5 日間用啱啱好，提供足夠滋潤但又唔會油光滿面；極乾肌夜晚用就會覺得續航力唔夠～ 總結： Embryolisse呢支保濕霜係我嘅妝前神器！由中學用到而家，底妝貼服度從來冇令我失望～雖然夜晚用對極乾肌唔夠力，但作為妝前打底絕對無可取代！仲要唔貴！會繼續回購，推薦！

Vi.ck好用推薦：呢支 Embryolisse 保濕霜真係好保濕滋潤，質地好推。我每次化妝前都一定會用佢嚟打底，之後上粉底超級貼服，完全唔會浮粉卡粉。

Circlecyy20好用推薦：之前喺法國藥妝店度見特別平，所以買咗。好適合用來做妝前嘅保濕，對於後續嘅底妝唔會打交唔會粒粒，反而會令到個底妝會更加貼服。 我覺得喺夏天使用就未必咁適合，因為滋潤度好高，而係冬天使用之後，亦都可以係乾燥嘅天氣使用粉狀嘅粉底。  本身一支都比較大枝，所以可以用好耐大概三至四個月都已經夠用，便宜好用。

flower0427好用推薦：沙漠乾肌使用還算可以，有保濕潤感～～這款很適合當妝前乳使用，不會跟底妝打架！

Kura好用推薦：正值秋冬轉季，呢款面霜真係好適合呢個季節用，面霜嘅質地滋潤得黎又唔會好油，有添加咗我最鍾意嘅成分角鯊烷，令到我嘅皮膚嘅滋潤度大大提升，用咗一段時間皮膚似飲飽水份咁有光澤飽滿 @cosme

dandan好用推薦：❤️好感謝@cosme 抽中我可以試用我地香港本地品牌護膚品 . 近年來越來越流行Clean Beauty，自己都自購左好多外國品牌. 但有時D質地真系 🙈 想要保濕滋潤 難免就會"漿糊感", 但今次YHKCARE 尼3支cream令我眼前一亮 😍🤩 密羅木抗敏滋潤保濕霜 亞麻籽抗敏滋潤保濕霜 苦橙花抗敏滋潤保濕霜 首先我膚質 乾性肌膚 小小敏感. 💖因為都會定期出去做下pico療程 所以皮膚都經常會處於極度缺水狀態🙈😅 療程後只能用單純補水產品 . 而3支cream真系純天然 令我用得好安心.及時可以幫我舒緩敏感泛紅的臉頰.質地系乳霜 有存在感 但過一陣就會吸收啦.皮膚狀況保水，光澤😍🤭 第二日照鏡都覺得自己塊面好令🤣 但不是油膩的！ 💖驚喜點仲有連我bb有輕微濕疹 我都會比他用來舒緩痕癢 補水滋潤！起碼我見他真系少左R自己濕疹位置😉 💖真空包裝 扭一扭 方便又衛生👍 希望本地品牌YHKCARE可以繼續研發尼類型甘好用又性價比高的產品 😇❤️💪 💕之後用完會自購啊！ 😍

kkkelda好用推薦：好開心收到@Cosme 抽中可以去試用香港本地品牌《YHKcare》的抗敏滋潤保濕霜系列，三枝分別係密羅木抗敏滋潤保濕霜、亞麻籽抗敏滋潤保濕霜以及苦橙花抗敏滋潤保濕霜☺️ 苦橙花抗敏滋潤保濕霜係三枝入面唯一一枝聞到有淡淡花香味，因為當中加入左天然苦橙花精油，但味道好舒服，好自然！用上面之後唔會再聞到，但對味精比較敏感嘅Sis可能要去專門店試左先。 個包裝非常貼心，做左真空包裝設計而且無樽蓋好岩我呢d成日唔見野嘅人，另外唧完佢唔會有面霜痴住係樽管到，非常sweet!! 唧出泥係白色霜狀，唔厚身！用手指可以好快推開，之後茶上面好快吸收哂！用完都唔會覺得黐立立😍朝早我當佢係日霜用完佢化妝無同我任何化妝品打交，無出現起擦子膠碎，非常好👍🏻夜晚我當佢係晚霜，用既份量比日頭多小小，第二日起身都唔會覺得成面油吸收唔到d護膚品，反而d皮膚有光澤感出現。 個人覺得佢做到滋潤肌膚，恢復皮膚光澤，但呢兩點可能對30歲或以下效果比較明顯，抗敏方面我覺得無亞麻籽抗敏滋潤保濕霜咁快睇到個效果，但係皮膚無乜問題，想搵枝平平地一年四季可以用到既面霜，佢絕對係性價比高👍🏻👍🏻 完全冇諗過香港有啲咁正嘅護膚品，之

Grace Yeung好用推薦：依家天氣雖然唔凍，但係皮膚好乾好痕，所以買黎使用，使用後感覺好補水！皮膚冇咁抿緊 

Noel好用推薦：美國藥妝店的贈品，小小一枝10g竟然足夠使用一個月 😂 份量很省呢！面霜有點爽身粉味，這個 BB味面霜晚上使用很舒緩啊！潤膚乳呈白色，質感柔滑，比較 soft，塗到面上係順滑，好好推💕 沒有油膩感，算幾 light 👍 我尤其喜歡用這個乳霜敷鼻子及兩側，比較易敏感或變紅的位置，都適合用這枝去舒緩一下。

CathyLaw好用推薦：呢隻入面添加佐含有豐富天然優質維生素和Omega 3嘅亞麻籽油，有舒緩泛紅、改善敏感症狀同滋潤肌膚，功效，搽上面佢質地較厚，但舒緩效果幾好，塊面好快就降紅同無咁痕癢

Kakar好用推薦：佢既質地比較滋潤，同埋無特別既香氣，唔擔心佢有對皮膚唔好既香料，完全唔會加重皮膚既負擔。 呢排天氣乾燥，塊面一有少少敏感，我就會用呢支cream，厚搽過夜，第二日就會無事，唔再紅。不過呢支cream 我唔會全面搽，因為面部有局部出油的問題。如果搽一d太滋潤既cream,有機會會有暗粒或者焗瘡，所以我只會用起乾燥皮膚既位置。 總括黎講，呢支cream 用係敏感或者乾燥肌，係非常有效，十分推薦。

Miu Lai好用推薦：開始進入秋冬季節，皮膚變得更敏感，容易泛紅又變得乾燥，今次推介Physiogel 抗敏紓緩乳霜（面部系列），為敏感及乾燥皮膚打打氣！ Physiogel抗敏紓緩乳霜（面部系列）有效改善面部乾燥、敏感及泛紅，強效保濕滋潤，成份不含防腐劑、香料、色素，大朋友小朋友、敏感及濕疹性肌膚都合適！ 用後感： 1. 白色乳霜，無香味，質地輕盈，容易推開，有助肌膚吸收，有即時滋潤乾燥肌膚的效果。 2. 持續使用有效舒緩泛紅及乾燥。 3. 補濕效果很好，修復肌膚鎖水屏障。 醫學美容品牌，信心保證，值得推薦!

LorraineTsung好用推薦：#cleanbeauty 香港品牌但可以做到咁高質，絕對係香港之光！佢哋有專利嘅天然抗敏配方，呢支蜜羅木係極高效鎖水保濕，質地真係好滑好滑，有效舒緩濕疹敏感問題，大人小朋友都啱用。

hellolulu好用推薦：踏入盛夏，每天都反覆輪迴＜被猛烈的太陽曬得面頰又紅又乾＞＜口罩焗著汗水＞＜室內冷氣抽乾水分＞，肌膚非常乾燥敏感，長期泛紅灼熱，不論如何保濕潤膚都感覺皮膚吸收不了😖 本身是 belif moisturizing bomb的長期用家，試用這款cica bomb cream (圖左) 的試用裝後，覺得抗敏效果出色而專程到專門店入手貨size～ 一枝50ml 牙膏軟管包裝，比普通炸彈霜的罐裝設計衛生，而且更方便取得準確份量👍cica bomb cream 呈半透明，帶belif一貫清新草本香氣，質地比moisturizing bomb 輕盈一點，水潤易吸收。塗上面霜後，泛紅灼熱的皮膚即時有鎮靜補濕、紓緩降溫的效果，抗敏功效比moisturizing bomb更勝一籌呢👍 配合同系列產品使用一個多星期，很高興敏感情況已大大改善。我特別喜歡在日間使用這款cica bomb cream ，在炎炎夏日為肌膚注入水潤清涼感，明顯減少口罩下的泛紅灼熱，心情都靚d ☺～ 除了cica bomb cream外，亦一併試用了belif 積雪草系列其他三款產品，在此逐一分享給同樣受敏感困擾的朋友們～

zetalhc好用推薦：很適合秋冬天氣混合性皮膚使用，質感有點兒油膩需要一點時間推開，但保濕度很高。而且用了幾日發覺面頰泛紅少了一點，亦都不刺激。

楊壯碩好用推薦：#夏季必備保養 #夏季必備保養 #夏季必備保養 Laneige water bank blue hyaluronic cream 是我愛用的夏季面霜之一，我so far已經用了2樽，全部自費購入使用，自費回購。我的具體評價如下： 優點： 1、質感水潤輕盈，介乎cream與gel之間的質地，即便在潮濕悶熱的夏季使用也完全不會覺得油膩厚重，油性皮膚也不用擔心會「悶痘」； 2、補水保濕能力夠高，雖然是輕薄水感的gel cream質地，但足以抵抗冷氣房的抽濕功能，同時又不會令皮膚感到黏膩不透氣； 3、擦上面後很快吸收，吸收後膚質看上去很好很飽滿，有些許水光感，很又不會像disco ball一樣泛著油光，而是令面部皮膚持續性地看上去帶有透亮的自然光澤； 4、sits well under makeup，不會與底妝「打架」起「擦膠碎」。 缺點： 1、它的氣味很特殊，不是香的，不知道怎樣形容比較貼切，反正那不是一種宜人的氣味，但這種氣味並不濃烈，而是很淡的，擦上面後很快就聞不到了，所以也不算太bother我，有興趣買它的用家可以先聞一聞它的tester，確定自己可以接受它的氣味再買； 2、包

Kelvin好用推薦：Laneige有三款保濕cream，呢款望落好似gel咁，搽咗上面之後其實質地係有啲厚身，但又唔會好似其他cream咁油膩，搽完上面冇咩油份，所以而家冬天用其實係幾啱，好似我啲男士皮膚又唔鍾意太笠嘅就好適合。 如果夏天就要用另外嗰兩款水啲嘅。佢嘅功效就係好單純嘅純補保濕，用完冇特別大驚喜，但皮膚又幾保濕，用完幾舒服😌

Bendict好用推薦：都係好物分享😹 之前皮膚敏感 買左好多抗敏感嘅product La Roche-Posay 呢支B5 light cream真係敏感救星 我用緊第二支嘞😹😸😸因為之前與用過 同牌子嘅 萬用修復霜 但嫌質地太厚重🫠 所以買左呢支light cream 質地冇咁粘立 但鎮靜皮膚效果perfect 同用左幾星期真係覺得皮膚水潤咗好多 但至於收細毛孔效果就未睇到 上邊係B5萬用修復霜 下面係 B5修復 light cream 比較無咁厚重 鎮靜皮膚同保濕效果真係唔錯 真係推薦試吓😸👍

Yuki好用推薦：皇牌修復入門套裝其中1個產品CICAPLAST B5修復強韌乳霜15ml瓶口好細 可以精準控制用量乳白色乳霜質地輕盈好易推開聞落有少少似中草藥味 乳霜當中有益生元成份菌Tribioma 可以平衡皮膚表面益菌群落 而APF水絲透明益菌萃取物 可幫助平衡肌膚微生態 加上舒緩成份維他命B5同積雪草萃取 除左能夠舒緩肌膚乾敏 同時做到修復肌膚屏障 乳霜質地比較輕薄 對於沙漠肌泥講 保濕滋潤度都係差少少 但修復效果唔錯 可以改善到濕疹狀況 春夏時可以單用乳霜 秋冬天氣比較乾燥 可以疊加B5萬用修復霜 效果會更加顯著 產地：法國 購入日期：2024-11-28 購入方式：萬寧門市 入手價錢：HKD185 (潔面泡50ml + 爽膚水50ml + 噴霧50ml + 乳霜15ml + 修復霜40ml) 原價：HKD315/40ml (HKD7.875/ml) 回購：7/10

Emma W好用推薦：啫喱能迅速滲透肌膚，提供持久的保濕效果，特別適合乾燥季節使用。其質地輕盈，不油膩。一搽上面上，水潤感足，容易吸收，雖然一開始有少少gel 狀係面上，會感覺有一層保護膜，但使用後肌膚感覺清爽舒適的。 加上Gel 能有效舒緩敏感肌膚，減少紅腫和刺激感，特別適合秋冬天，因極乾燥而脫皮的皮膚。 適合肌膚：任何，特別有脫皮現象的人士 成效度：4/5 保濕度：4/5 吸收度：4.5/5 質地：啫喱狀

whTsoi好用推薦：目前已經快用完一瓶 個人覺得它因為不含油份 所以使用起來很清爽 很適合油性或敏感性肌膚 因為它能補水 成分也不算複雜 不用怕引起過敏（起碼我個人用它沒有這問題）而且在夏天塗太多東西上臉 出門十分鐘臉上就會出汗 會對皮膚造成負擔容易長痘 所以在夏天會很好用 我在白天會用它代替精華 之後上面霜就夠了 而在包裝方面我十分喜歡這種按壓式設計 既衛生又方便

Youpi 好用推薦：滋潤唔黐笠，使用感同效果都好滿意！ 濕疹最困擾我嘅係突然好痕，忍唔住不停搲，有時搲到出水、有傷口，拖住好難好返，範圍仲可能愈來愈大。所以而家一開始痕，我就會搽 cream，唔等皮膚乾到忍唔住搲先處理。 滋潤舒緩：搽完皮膚舒服啲，乾燥引起嘅痕癢感減輕，感覺濕疹位置都好返得快啲。 厚薄適中：係 cream 質地，唔會好似 lotion 咁稀，亦唔會太厚，好容易推開。 吸收快、唔黐笠：搽完雙手感覺有層保護，但唔會黐立立，日常用好舒服。 亦欣賞包裝上有寫明生產日期期及使用期限，令消費者更加安心。 整體滋潤效果同使用感都好滿意，對我呢種容易乾同痕嘅皮膚好啱用！ Before After Before After

MoonMoon好用推薦：好開心收到@Cosme邀請試用Cetaphil 舒特膚倍加護醫學濕疹配方潤膚霜。 肌膚困擾 & 生活習慣 我本身係濕疹底，尤其轉季同冬天最難捱，手腳同頸項位容易乾燥、泛紅，有時痕到瞓唔着。平時返工長時間坐冷氣房，加上壓力大、作息唔定時，皮膚屏障愈嚟愈弱，試過唔少潤膚霜都係「搽完一陣又乾返」。 質地及膚感 質地係偏厚身嘅乳霜狀，但唔算油膩，推開都算順滑易推。搽完之後皮膚有層薄薄嘅保護膜感，但唔會黐立立，吸收速度中等，等一兩分鐘就冇乜殘留感，着衫都唔會黐住。 保濕效果 保濕力真係幾驚喜。搽完即刻覺得皮膚冇咁繃緊，乾紋明顯淡咗；最緊要係長效鎖水方面表現唔錯，試過臨睡前搽一次，第二朝起身皮膚仍然軟熟，唔似以前咁一朝早就乾到起皮。 即時舒緩效果 泛紅同痕癢嘅位置搽完之後有明顯降溫同舒緩感覺，痕癢感減輕咗好多，粗糙位摸落去都滑返啲。對於急性發作時嘅乾、紅、繃緊，即時鎮靜效果算係幾到位。 長效修護效果 連續用咗一星期，最明顯係痕癢頻率少咗，夜晚冇再痕到紮醒；泛紅範圍縮細，皮膚摸落去冇以前咁「嚡熠熠」。雖然未至於完全斷尾，但整體穩定咗好多，發作時嘅嚴重程度都輕咗。 使用情境 我覺