CeraVe

活肌再生胜肽緊緻修復面霜

呢排試用咗CeraVe新出嘅活肌再生胜肽緊緻修復面霜，分享少少用後感。我本身皮膚比較容易敏感，平時揀抗老產品都會比較小心，怕成份太刺激會搞到敏感，見呢款主打溫和同修復屏障就決定試下。 講下質地先，佢係比較杰同埋硬身嘅面霜狀。本來以為上面會好笠，但指尖捽開之後按上面，好快好容易吸收。我淨係夜晚搽，搽咗之後塊面會有潤澤感，但唔會厚重或者黏膩，就算而家嘅天氣用都覺得可以接受。 我覺得佢最明顯嘅優點係修復屏障嘅效果唔錯，平時夜晚洗完面有時會覺得好乾同繃緊，但用咗呢隻面霜一段時間之後，皮膚狀態穩定咗，洗完面都冇咁容易覺得乾。 至於抗老同緊緻方面，持續用咗幾個星期，雖然未至於話啲皺紋會神奇地消失，但感覺面部皮膚係比之前firm咗少少。額頭同虎紋位嗰啲比較淺嘅乾紋，望落去冇之前咁明顯，算係有輕微淡化嘅跡象。 總括嚟講，呢款面霜算係做到溫和抗老，保濕同修復力都幾好，對敏感肌嚟講係一個安全嘅選擇。如果想搵一隻可以穩定皮膚，同時兼顧初期抗老同淡紋嘅面霜，呢隻都值得一試。

非常幸運獲@cosme 選中，可以試用Cerave 活肌再生系列，一次過用齊三款產品： 活肌再生胜肽緊緻修復面霜 活肌再生A醇抗皺精華 活肌再生維他命C提亮精華 CeraVe的紫色再生系列，好受歡迎，一方面因為佢係由皮膚科醫生研發，另一方面係因為價格道民嘅同時，佢嘅成分可以媲美貴價護膚品！ 一直都想嘗試「早C晚A」嘅護膚程序，但又好擔心用retinol 會令皮膚泛紅同甩皮，於是遲遲唔敢實行。但今次係Cerave，又放心啲喎！ 首先試下活肌再生胜肽緊緻修復面霜，有「平價版La Mer」之稱！佢嘅質地好豐盈似牛油狀，但推開後吸收速度頗快，滋潤但唔會厚重。晚上搽完，訓醒會明顯感受到皮膚有彈性同潤澤，額頭紋、頸紋都有淡化，皮膚好似有一層薄膜覆蓋住。 （使用前） （使用後） 大家可以睇埋活肌再生A醇抗皺精華同埋活肌再生維他命C提亮精華嘅評語，全面了解Cerave 紫色抗老系列嘅用後感。 再次多謝@cosme 嘅邀請！

好開心俾cosme 抽中可以試用cerave 既面霜。呢個牌子我不嬲都有長期用開，因為我屬於敏感肌，唔可以用太刺激既護膚品，所以要揀一啲適合敏感肌而且溫和既護膚品，而cerave就係其中一隻心水選擇。我平時係用開佢藍色補水嗰隻系列，lotion 同cream 都有開。今次收到既係紫色系列，活肌再生緊緻修復面霜。呢個系列係「活肌再生系列」。佢既質地都係同平時藍色系列一樣，都係好順滑，亦好容易推開，完全不黏膩也不厚重，吸收速度都同樣好快。搽完面摸起黎好滑而且好水潤，亦唔會有擦子膠碎。連續用了2-3個星期，變化都有明顯，面部都有彈性左，細紋同乾紋都明顯淡化好多，由其係額頭同眼部附近既紋都有改善，皮膚睇落都提亮左。最重要係皮膚本身屬敏感肌都可以用到緊緻系列都唔洗怕。試左段時間，都完全無感到皮膚有刺激既感覺，可以令我放心使用。 呢個系列絕對推介👍又可以同時配搭埋佢既精華一齊使用 成份: -高滲透仿生胜肽，激活膠原彈力 -高效三重神經醯胺，修護肌膚屏障 -菸鹼醯胺，舒緩敏弱不適 -小分子玻尿酸，強效鎖水、補水 -無添加香精、酒精、PARABEN類防腐劑 -不致粉刺配方

今次試用CeraVe嘅活肌再生緊緻修復面霜，CeraVe岀名係醫學護膚品牌，就算係敏感肌都適合用。平時我都有用開佢哋嘅藍色moisturising lotion好好用👍今次呢隻都一樣，標榜低刺激性嘅抗老逆齡面霜，同皮膚科醫生共同研發，真係完全放心使用😌 至於面霜質地厚實似膏狀，但唔會難推開，不過份量的確要用多少少🤏搽上面有滋潤感，feel到搽左野果種感覺但唔算笠。面霜冇特別的香料味，對香味過敏人士都可以放心用。  今次我d皮膚又黎料啦，過年懶左2個星期冇護膚，即刻乾到甩哂皮，特別個咀角位甩得好勁，化妝都浮哂粉，用盡屋企各種精華同面膜都搞唔掂🥹。然後收到CeraVe面霜後即刻急不及待試用下，一用不得了，好誇張，只係一晚已經救返我塊甩皮面🫡(請無視我嘅咀角暗沉) 只係短短一晚，甩皮已經少左9成👏👏👏我會稱佢為急救面霜☺️，係會feel到佢吸收左入皮膚底層，唔係單單停留喺皮膚面層。 然後再配合CeraVe嘅活肌再生A醇抗皺精華同活肌再生維他命C提亮精華keep住用左2星期，皮膚變得緊致細滑水潤有彈性，細紋都少左，當然亦都冇再甩皮啦🤣

感謝@cosme 邀請試用CeraVe 活肌再生胜肽緊緻修復面霜，以下分享一下使用心得～ 質地：是膏狀的乳霜質地，第一眼看上去會覺得較厚重，但上臉後迅速吸收，不會黏笠。由於質地屬霜狀，比較難推開。 顏色氣味：白色乳霜，沒甚麼香料氣味 效果：上臉後感覺十分滋潤，本來鼻翼皮膚有泛紅、脫皮情況，也有即時舒緩效果。隔日仍然感覺肌膚水潤，而且不會有出油或長紅點的情況，保濕效果持久。 總評：本身皮膚容易過敏泛紅，這款面霜能舒緩皮膚乾燥及泛紅狀況，保濕度亦足夠。唯一是質地較厚重，推開塗抹較為困難，需要一點時間適應。推薦給乾敏肌膚的sis 🩷 使用前 使用後

多謝 @cosme 抽中我試用CeraVe活肌再生系列 3 件組嘅活肌再生胜肽緊緻修復面霜。呢個系列係歐美圈好Hit！估唔到有機會比我試到佢！ 我試用左差唔多2個星期，日頭洗完面後用爽膚水潔面，有時會搽個保濕精華，然後再用同系列精華，視當日天氣/膚況決定用唔用埋呢款面霜；夜晚呢就沖完涼會用爽膚水潔面，然後再用同系列精華，再使用呢款面霜。 面霜質地好特別，有雪笆嘅輕盈感，但又有面霜嘅滋潤感！易推開，好吸收，冇怪味/香味，唔黏笠，使用感非常舒適！ 推開後： 我皮膚好易敏感，會因天氣/飲食/用錯野而敏感，而呢個系列都冇令到我敏感，非常溫和。 用完嘅即時感覺係鎖水又有彈性，暫時就未感受到變緊緻，不過虎紋、細紋都有減淡，額頭紋都有變少，不過本來都唔多，所以感受唔算好明顯。 試用期間有因天氣/飲食而過敏&生暗瘡，呢款面霜都有舒緩嘅作用，唔會致敏/致痘之餘仲可以降紅，同埋令皮膚冇咁痛&扯住扯住！ 用後推薦！敏感時會諗到要拎佢出黎用的！

Cerave紫色系列係國外好紅，多謝cosme同Cerave令我有機會試下！ 呢款面霜質地係幾特別，有d似食sorbet，挖出嚟感覺豐盈但又輕身，推開嘅過程好順暢，皮膚吸收得幾快，用完唔會有油笠感。搽完之後皮膚即刻飲飽水咁，摸落彈手又滋潤，保濕表現算幾好。 推開後吸收完皮膚有光澤 持續用咗一排，最明顯係塊面緊緻咗少少，額頭既細紋就仲喺度，冇乜點變。至於修復皮膚屏障方面，因為呢排皮膚狀態唔錯，暫時感覺唔到太大分別，佢可以keep到我塊面既狀態！ 唯一要挑剔嘅係，如果唔小心用多咗或者打圈方式唔啱，有機會捽出擦膠碎！建議用輕壓上臉，唔好打圈/ 搓佢😂 整體嚟講，呢支面霜適合想保濕得嚟又想有少少緊緻效果嘅人，但如果主力想淡紋，就要疊加其他精華先得。 緊緻度： ★★★★☆ 保濕力： ★★★★★ 淡紋效果： ★★☆☆☆ 搓泥風險： ★★★☆☆（注意手法） #緊緻面霜 #保濕之選 #手法好重要

皮膚容易敏感嘅我一直都想試呢個高效抗老美白護膚法，但就好驚過敏🤧 見到醫學品牌CeraVe出左一系列產品，忍品住要試晒💗多謝品牌提供試用💗呢個活機再生系列，除咗有維A、維C仲有胜肽面霜，一套用落嚟皮膚變得好有光澤 （同系列產品） 【活肌再生胜肽緊緻修復面霜】 * 蘊含三重親膚Ceramides、胜肽、維他命B3，有助鎖緊水分，修復肌膚表皮天然保護屏障，顯著緊緻肌膚，讓肌膚富有彈性。 * 質感豐盈滋潤不黏膩，迅速吸收，肌膚即時瞬間水潤。 * 臨床測試證實使用8週後，緊緻度提升16%；額頭皺紋減少 28%； 肌膚柔軟度增加 20%。 （面霜好容易推開） 面霜質地滋潤但係搽落面度就唔黏笠，亦都好易係塊臉到推開，洗完面皮膚真係感覺唔繃緊，柔軟度都提升咗💗 （皮膚變得有光澤💗）

首先要多謝Cosme抽中我試用CeraVe 敏感肌抗老系列嘅「活肌再生胜肽緊致修復面霜」、「活肌再生A醇抗皺精華」，同埋「活肌再生維他命C提亮精華」🩷 呢個品牌係美國皮膚科醫生Number one推薦，第一下嘅感覺係好信得過咁喎。 「活肌再生胜肽緊致修復面霜」主打鎖緊水份，修復肌膚表面天然保護屏障，顯著緊致肌膚，同埋令肌膚富有彈性！呢款產品偏向膏狀，不過都好易推開，皮膚都吸收得好好，會有好保濕嘅感覺，但又未至於好黏膩。揸完呢款產品再化妝都唔會有擦膠碎👍🏻 Before: After: 用完一個禮拜之後，皮膚變得水潤，有彈性，膚色均勻，緊致咗，虎紋同埋嘴角嘅紋亦都淡咗，好開心！ 不過唔肯定遲啲天氣比較潮濕，呢款膏狀嘅產品，適唔適合四季都用，所以扣咗一粒星🤣

原本整體膚況/眼周膚況 乾 & 敏感肌， 眼底更乾，試過好多唔同eye cream都解決唔到啲乾紋，帶妝耐咗眼底會積線。長期捱夜唔夠瞓，加上有捽眼習慣，所以有個又大又深嘅黑眼圈同好多細紋，好彩嘅係冇眼袋。 使用期間 2026年3月7日 - 2026年3月16日 使用體驗 整體嚟講皮膚緊緻度同柔軟度方面未見提升，但額頭同眼底細紋有明顯減淡，但個人感覺用完之後多咗啲粒粒。 1. 面霜 本身屬於對質地不太在意嘅乾肌，平時隨手塗抹都吸收得快，但呢款cream質地略嫌黏笠，如果唔留意手法會捽到成面擦膠碎，後續搽防曬同上妝都幾災難，好似長期甩皮咁。 2. A醇抗皺精華 一開始用嘅時候塊面有發熱同紅紅地，用多一兩日就冇事，覺得吸收都快而且唔笠，算係三款入面我覺得使用體驗最好嘅。 3. 維C提亮精華 本身皮膚偏暗啞同黃，對呢款最大期望，但實際用完唔覺得有減淡到色斑或者均勻膚色，更加唔好話提亮膚色，不過質地都算清爽。 今次係抽中試用，綜合以上表現，未必會考慮回購。

今次試用 CeraVe 活肌再生胜肽緊緻修復面霜、CeraVe 活肌再生A醇抗皺精華同埋 CeraVe 活肌再生維他命C提亮精華，整體感覺幾唔錯 (˶˃ ᵕ ˂˶) 我本身係混合肌，最近開始留意到有少少細紋，見到塊面有啲位開始唔再係「青春無敵」，就知道真係要認真保養下了 本身我都有用開藍色 CeraVe Moisturiser，所以今次試呢個系列都幾有好感 ♡ 朝早我會用 CeraVe 活肌再生維他命C提亮精華，夜晚就隔晚用 CeraVe 活肌再生A醇抗皺精華，再配合 CeraVe 活肌再生胜肽緊緻修復面霜。維他命C精華質地幾清爽，推開容易，我幾鍾意佢真空牙膏式包裝，感覺可以減少氧化，用落安心啲。朝早用完再搽防曬都OK，塊面望落都精神啲。 A醇精華我本身都有啲驚會太刺激，不過隔晚用落又比想像中溫和，暫時冇乜明顯不適，皮膚摸落都滑咗少少。至於面霜就幾適合夜晚用，夠保濕但又唔會太焗，第二朝起身皮膚都唔會覺得乾。三款一齊用，感覺保濕、修護同提亮都幾平衡。雖然價錢比藍色 CeraVe Moisturiser 貴，但成分更有針對性，所以我覺得都值得試 ᵔᴥᵔ

哇呢支面霜質地豐厚但唔厚重，一挖出來推開就好好推，吸收超快，搽完即刻覺得皮膚水潤飽滿，摸落去彈彈地好有彈性！洗完臉之後完全冇繃緊乾爭感，反而柔軟到想摸自己臉。持續用落去，推完吸收好快，第二朝起身皮膚Q彈有光澤，額頭同虎紋位置嘅皺紋真係淡咗少少，臉頰都飽滿咗，感覺緊緻度up up！用咗幾週，肌膚屏障好似被修復晒，唔再易乾、易敏感，作為抗老面霜同時修復效果好明顯，洗完臉唔再易繃，持續用落去皮膚更有彈性，唔黏膩唔油，乾紋鬆弛改善好多，摸落去超滑超舒服，簡直係敏感乾肌救星！

感謝@cosme 今次有得試用CeraVe 活肌再生胜肽緊緻修復面霜 ✨好期待 包裝很簡潔，有列出曬d成分 用得好安心 修復面霜係好濃稠嘅質地 非常豐盈滋潤 好啱冬天好乾燥嘅時候用 最近春天偏潮濕天氣用會有少少太滋潤 同同系列A醇抗皺精華同埋維他命C提亮精華一齊用左一陣 感覺肌膚有微微提亮同緊緻左 期待用耐d嘅效果

試用日期： 3月5日 - 3月19日 🧴 CeraVe Skin Renewing Peptide Cream 這款活肌再生胜肽緊緻修復面霜屬於膏狀質地，但推開後相當輕盈，不會有厚重或黏膩感。 無香料設計對敏感肌十分友好，使用時不會造成刺激。 延展性佳，輕輕按摩即可吸收，肌膚表面沒有殘留或油膜感，翌日起床後感覺肌膚飽滿。 保濕力表現穩定，能維持肌膚柔軟度與舒適感，適合日常保養。 胜肽成分針對肌膚緊緻與修復，相信長期使用可更加幫助改善細紋與鬆弛問題。 整體而言，這款面霜偏向「基礎保濕＋修復緊緻」的定位，適合需要滋潤但又不想負擔過重的人群，尤其在夜間保養中表現更佳。

開心可以試用CeraVe嘅產品！原先都搵緊可以修復肌膚屏障嘅產品。 呢樽面霜質感係好似麻糬咁，有d Q彈，偏厚身，上面唔算容易推開。使用後即時肌膚感覺較柔軟，唔立身嘅。我皮膚係混合性偏乾，遇上試用期間天氣時乾時濕，皮膚狀態唔穩定。夜晚搽完精華後再搽面霜，第二朝起身面係感覺軟熟、有健康光澤；但有時又會鼻翼位有出油情況，同有D起暗粒。 試用大約2個星期，面頰望落少左乾紋同細紋，亦冇轉天氣泛紅敏感情況出現。至於緊緻度，暫時未有特別感覺，但皮膚觸感有彈性左嘅。春夏黎講，呢款面霜乾肌可以入手，混合性或者油性肌就要小心用量喇。

這款 CeraVe 活肌再生胜肽緊緻修復面霜整體表現令我滿意，很喜歡它滋潤但不黏笠的膚感;面霜質地偏豐盈柔滑，推開時像奶油一樣順滑易推，延展度高，很快就被皮膚吸收，完全沒有厚重、侷促或油笠感，即使在香港潮濕天氣晚上使用也不覺焗促，上臉後乾燥位會即時變得水潤柔軟，好像加了一層隱形保濕膜，輕按有微微Q彈感，第二朝起床摸臉仍然有柔軟度和光澤感。 成分方面含有三重神經醯胺、胜肽、透明質酸及維他命B3, 使用大約兩星期後，皮膚屏障感覺穩定了很多，泛紅、乾敏情況減少，洗完臉不再有繃緊拉扯感，加強了保濕和緊緻彈性，長期用膚況會變得穩定、細紋不再咁顯眼。總來說對偏乾、敏弱又需要修復肌膚的人會是一款性價比很高、可靠的晚霜選擇。

今次好開心收到@Cosme 邀請而抽中咗「CeraVe活肌再生胜肽緊緻修復面霜」試用體驗🥳 本人屬於敏感性偏乾皮膚，尤其是轉天氣好容易出現泛紅敏感情況，而知道CeraVe特別適用於濕疹、敏感肌及乾性皮膚人士使用，所以特別期待！ 面霜質地屬於偏濃稠的Yogurt狀態，但意外地好推勻且吸收快速，不會有黏膩感，但係覺得比較適合乾燥天氣使用。 保濕力好高，有效即時保濕解決我面部甩皮嘅狀況。 直至早上洗面後都會有一層保濕膜咁，舒緩到我面部乾燥嘅感覺👍🏻

第一次用Cerave呢個系列的產品，真系好驚豔！ 活肌再生胜肽緊緻修復面霜質地清爽，不油膩，容易推開和吸收！ 我第一晚用完，第二日洗臉，已經感覺皮膚水潤平滑了！連續使用兩星期明顯感覺皮膚膚色由暗黃變得亮白有光澤，額頭的乾紋也逐漸被撫平，效果令人滿意！ #火熱新品

CeraVe呢款修復面霜質地豐盈滋潤，但推開後好快吸收，唔會留低黏膩感。每次用完，肌膚即時感到水潤飽滿，有彈性。我連續用咗大約兩星期，發現額頭同虎紋位置嘅皺紋有減淡跡象，肌膚明顯緊緻咗。最驚喜係佢修復肌膚屏障嘅效果，洗完面後唔再容易緊繃，敏感肌用得好舒服。作為抗老面霜，呢個價錢嚟講性價比超高，會繼續回購！

多謝@cosme & CeraVe 嘅抽選，令我可以試用新產品「活肌再生胜肽緊緻修復面霜」。 今次試用活動是三項產品「活肌再生胜肽緊緻修復面霜」、「活肌再生A醇抗皺精華」及「活肌再生維他命C提亮精華」一同試用。 試用期間，我早晚洗臉後先用爽膚水，然後係肌底液，再塗上精華，最後就係修復面霜。 面霜的成份有神經酰胺、維他命B3。質感方面，面霜比較厚身，好似無藥味嘅藥膏咁，不過推開後又好快就吸收晒，感覺滋潤唔黏膩。本身有少少擔心春天用厚身的面霜會導致生暗瘡，不過試用期間沒有生暗瘡，唔錯。減淡皺紋的效果方面，就可能因為使用期比較短(不足14日)，未見到明顯功效。之後會keep住用，睇吓會唔會有效減紋。