KANEBO

平衡潤妍保濕乳霜

多謝@cosme & @KANEBO 揀咗我試用KANEBO【平衡煥妍精華水】 及 全新【平衡潤妍保濕乳霜】 ，一直都好想試吓KANEBO skincare，今次揀中實在係太興奮！ 我嘅膚質係屬於混合性皮膚偏油，天氣熱同潮濕都會令我T字位好快出油，臉頰到下午都會開始出油，而且皮膚較薄好易泛紅，所以我偏好夠保濕力又可以做到控油效果嘅護膚品。年紀踏入30歲，已經唔再追求清爽無感嘅護膚效果，反而希望可以做到控油效果之餘，有足夠保濕力，令到塊面望落去有自然光澤！KANEBO SKIN CONDUCTOR 平衡潤妍保濕乳霜質地輕柔易吸收，令到毛孔都呼吸到，唔會有黏笠感，我後續化妝都唔會有擦膠碎。而我最重視乳霜嘅補水再鎖水效能，平衡潤妍保濕乳霜有高密度鎖水防禦層，從而做到補水再鎖水，另加強化屏障效能，令我係冷氣房全日都夠水潤光澤，唔會因為太乾而出更多嘅油！ 潮濕天氣下為咗減少皮膚負擔，我會簡化護膚程序，我呢個星期淨係用咗平衡煥妍精華水+平衡潤妍保濕乳霜，皮膚出油情況真係有改善，平時去到中午塊面已經油到可以煎蛋，但而家塊面可以keep到下午T字位先有輕微出油，鎖水力果然足夠！我一向肌膚水油失衡嘅情

呢款保濕乳霜一試就覺得幾驚喜😍 質地係輕盈水潤型，搽上面完全唔會油膩，反而好快滲透入肌膚，感覺好舒服，而且唔會焗住皮膚👍。 我本身肌膚係外油內乾，用咗之後覺得水油平衡真係有改善💧 出油情況冇之前咁誇張，同時乾燥問題都舒緩咗，皮脂分泌變得穩定，整體膚況更平衡。 即時保濕效果好出色✨ 一搽完已經感覺到肌膚變得水潤飽滿，冇咗粗糙感，仲有自然光澤，睇落健康又透亮😊。最加分係第二朝起身，肌膚依然保持水潤狀態，證明長效保濕力都好強💙。 抗炎方面都令人滿意🌿 用咗一段時間之後，泛紅同敏感情況有減少，肌膚冇咁容易發炎，感覺更加穩定安心。 持續使用之下，真係感覺到肌膚屏障強化咗👍 保水鎖水能力提升，即使喺冷氣環境都冇咁容易乾，膚質變得更加細緻柔滑。 Before After 整體使用感非常好💯 質地舒服、效果明顯，而且用落好安心，唔會對肌膚造成負擔。對於想改善水油失衡同提升保濕力嘅人嚟講，呢款乳霜係一個好值得推薦嘅選擇✨😊

多謝Cosme比我試用KANEBO 的平衡潤妍保濕乳霜。之前都有網上睇到KANEBO護膚品的好評，作為第一次使用KANEBO產品的用家，使用前係有點期待。 本來以為乳霜會比較厚重，結果質地意外地好推開，推勻後好快就吸收了，皮膚表面會有一層薄薄的、很舒服的保護感，但又唔係油笠笠的感覺。用了近一星期，我覺得最大的差別是「皮膚變軟」，同埋出油出少了！ 以前鼻翼容易泛紅，同時T字位又容易出油，呢幾日早晚擦它，感覺皮膚有相對的穩定左點，同時都有保濕效果，就好似果種默默守護你皮膚、讓皮膚屏障變強嘅感覺。對於我呢種怕油又怕乾的混合油肌嚟講，平衡潤妍保濕乳霜的滋潤度係適合我的～ 使用前使用後幾天後 試用前 使用後

多謝cosme今次俾我試Kanebo既新品平衡潤妍保濕乳霜 呢個乳霜主要係修護同保濕功效 質地容易推開，都容易吸收 呢排用後覺得保濕效果唔錯，朝早搽完到返工喺冷氣房都覺得皮膚舒服唔乾燥，亦都唔會立痴痴 夏天用唔錯，但如果冬天嘅話應該相對就唔夠滋潤啦 我係配搭Kanebo既平衡煥妍精華水一齊用 感覺皮膚透亮有光澤咗，推薦夏天使用👍👍 如果好似我咁皮膚偏乾嘅sis 冬天可能要配搭保濕力強嘅精華了～ 推薦度（5星為滿分） 保濕🌟🌟🌟🌟 提亮🌟🌟🌟🌟 質感🌟🌟🌟🌟

✨ 佢包裝係啞面質地，蓋口同toner一樣，幾特別 首先佢質地都係輕薄好推，都係吸收得好快～鎖水效果超讚，真係覺得皮膚飲飽水，即刻變得軟滑有光澤，冇笠痴感，好有驚喜。保濕力足夠，乾燥緊繃感明顯減輕。用咗7日，整體我好鐘意，佢好溫和、唔刺激、質地好吸收又夠保濕，亦無令我生暗瘡/暗粒 搽完佢塊面摸落好舒服，同埋佢吸收得快，試過用完佢化全妝成日，唔會搓到啲粒粒出嚟，上妝感覺仲貼服咗🙂‍↕️ 最滿意嘅位係佢令我泛紅問題有改善到 睇到鼻翼邊嘅泛紅淺咗，同埋瞓醒第2日唔會成面油，皮膚keep住穩定無生粒粒，又唔會好乾 證明佢真係做到水油平衡👍🏻 會持續用落去，推介！！！

多謝@cosme 提供KANEBO 平衡潤妍保濕乳霜 官方介紹以清爽不黏膩 水潤充盈質地深入滲透 從根源調控水油平衡 提升肌膚鎖水屏障 達致水油平衡健康膚況 啱啱好我用既時候係皮膚最差嘅時候 皮膚又乾又粗糙 毛孔大 面頰位置泛紅 我會配合同品牌平衡煥妍精華水一齊用 保濕乳霜質地好輕盈 不油膩 好容易吸收 用咗一個禮拜之後 皮膚水油平衡有改善 塊面冇咁易出油 同時亦都覺得好保濕 皮膚唔會覺得乾同粗糙 對於皮膚敏感泛紅都有改善 整體皮膚都更加穩定 感覺更健康 Before After

KANEBO 平衡煥妍精華水 & 平衡潤妍保濕乳霜 使用心得 首先，非常感謝cosme邀請試用這次的兩款產品——Kanebo平衡煥妍精華水與平衡潤妍保濕乳霜。 使用者背景 男朋友膚質為混合肌，T字位容易出油且毛孔較明顯。 試用期間：2026年4月24日至4月30日。 產品質地感受 * 平衡煥妍精華水：質地輕盈清爽，產品不黏膩，且非常容易吸收，使用時感覺舒適清爽。 * 平衡潤妍保濕乳霜：質地輕盈水潤，保濕但不油膩，能迅速被肌膚吸收，使用後不會有厚重感或悶膩感。 使用效果反饋 * 水油平衡改善：男朋友平時外出約兩小時後，鼻子位置會明顯出油，但使用這兩款產品後，皮膚能保持較長時間的乾爽，出油情況明顯減少，水油失衡有所改善。 * 保濕效果：產品令肌膚保持水潤，不乾燥，觸感柔軟且不粗糙，肌膚看起來更有光澤和透亮感。 * 抗炎及敏感狀況：使用期間雖然皮膚仍有新暗瘡生成，顯示產品對於暗瘡的抑制效果有限，但整體肌膚發炎及敏感泛紅情況沒有加劇，屬於穩定狀態。 * 整體使用感：使用過程舒適安心，無刺激感，適合混合肌膚日常保養。 總結 Kanebo平衡煥妍精華水與平衡潤妍保濕乳霜在調理水油平衡及保濕方

好開心cosme抽中我試用KANEBO SKIN CONDUCTOR 全新平衡潤妍保濕乳霜，多謝 @Cosme & @KANEBO🙏🏼💕 我係屬於T字位出油嚴重而其他面部嘅部份，包括面頰則偏乾嘅膚質。KANEBO 推出全新嘅平衡潤妍保濕乳霜專為「油脂分泌過盛卻乾燥緊繃」嘅複雜肌膚量身研發，以「不飽和脂肪酸」抑制技術解決乾燥、粗糙和油脂過度分泌，從根源調控水油平衡，添加KAO 獨家研發「神經醯胺功能成分」嚟精密重建高密度嘅鎖水屏障，重塑水油平衡健康膚況，配合清爽水潤薄膜配方完美實現「清爽輕盈 x 深層水潤」，封存滋潤直達翌晨。 KANEBO 推出全新嘅平衡潤妍保濕乳霜真係好啱用，質地清爽輕盈唔黏膩，而且皮膚真係能夠迅速吸收，令肌膚肉眼可見變得水潤、有光澤透亮而飲飽水咁，達致即時保濕嘅效果，瞓醒覺肌膚都依然能夠保持充盈潤澤！而且就算係最近香港春天潮濕悶熱嘅天氣，用咗之後都唔會立痴痴，亦都冇加重T字位嘅出油問題😍 與KANEBO平衡煥妍精華水一齊用，呢個1 + 1 > 2 水油平衡雙效組合真係絕配！用咗一個禮拜日夜使用之後，整體肌膚狀況變得更穩定 ，肌膚屏障有感變強，令肌膚水油平衡，而且

好開心 cosme抽到我今次試用KANEBO產品體驗，一打開呢支KANEBO 平衡潤妍保濕乳霜，佢質地係乳白色凝霜狀，淡淡既氣味溫和不刺鼻，搽上面好容易就推開，質地輕柔保濕但不油膩，皮膚能夠迅速吸收，感覺好舒服水潤。 用左KANEBO 呢支平衡潤妍保濕乳霜 7日之後，已經見到皮膚水油失衡有明顯改善，肌膚減少左出油，皮脂減少，早上起身唔會再面泛油光。使用後皮膚即時保濕效果好滿意，令我肌膚變得水潤、不乾燥、減少粗糙感，肌膚更有光澤更透亮。長效保濕效果好驚喜，使用後全日肌膚都能夠保持水潤，令我既妝容一整日都服服貼貼唔容易卡粉。使用一段時間後，肌膚發炎有減少，無咁容易敏感泛紅。持續使用後，我整體肌膚狀況更穩定同健康。肌膚屏障有感覺變強，自身保水鎖水力亦都有改善。我本身係KANEBO產品既忠實fans，對佢嘅產品都好有信心。整體使用後覺得好舒服，原本唔穩定的膚況感覺被佢慢慢調理返好，我發現用左佢之後，後續搽既保養都變得更好吸收。

夏天係油性肌膚嘅我，洗臉後只會用清爽型嘅化妝水同質地乾燥嘅cream做保養。市面上多數cream都比較厚重，主打俾乾肌保濕，少見有控油成份嘅cream，而Kanebo嘅「平衡潤妍保濕乳霜」就有照顧埋油性肌膚嘅朋友仔。 佢嘅包裝同樣係好特別，個蓋係傾向一邊。簡約風設計望落非常舒服。乳霜同精華水一樣有一浸好特別嘅草本味，聞落好舒壓好放鬆，放工後返嚟使用覺得好舒服。質地輕盈易推，塗抹上臉後覺得好清爽，保濕得嚟又唔黏笠。個人覺得非常容易吸收，肌膚零負擔，配合埋「平衡煥妍精華水」使用亦減少咗出油嘅情況，非常適合油性肌膚喺夏天使用。以單獨使用感嚟講，我覺得乳霜嘅控油保濕效果更強，用落更有感，將來會自己購買。而使用一星期後都覺得肌膚狀況相對上比較穩定，同埋冇出咁多油，推薦俾油肌。

多謝cosme 抽中試用KANEBO 平衡潤妍保濕乳霜。原本我好怕日頭用乳霜，驚太厚身，但點知有驚喜喎😌質地輕身好推，印上面之後好快吸收，完全唔會笠黐黐，亦冇焗住嘅感覺。🙂‍↕️ 我係混合偏乾肌，T字位容易出油，面珠墩有時又會偏乾。用咗幾日，明顯感受到T字位油光少咗，面頰亦keep住柔潤，冇再乾到繃緊。平時返工8個鐘坐冷氣房，放工T字位一定出晒油，用完呢個skin Conductor之後，完全唔使補妝，0出油💯💯💯 大推！🙌🏻🙌🏻🙌🏻

多謝cosme邀請試用Kanebo 平衡潤妍保濕乳霜，是次試用另配搭平衡煥妍精華水 近來天氣忽冷忽熱，皮膚容易出油 試用了平衡潤妍保濕乳霜，未揸上臉時，感覺有點厚身，以為近似膏狀質地，會比較厚潤一點，但揸上臉超級容易推開，有絲滑同細膩的質感，而且水潤感好高，一推開時有感覺到𣊬間補水同鎖水，超級驚喜。而且清爽不黏膩，快速滲透。 揸完再上粉都唔會有厚悶感，反而令妝容更貼服，臉色亦提亮左，有時返工想偷懶，揸薄薄一層粉臉色已經好精神🤭🤭

多謝@Cosme 比我試用KANEBO 的平衡潤妍保濕乳霜。配合平衡煥妍精華水一齊用，用左一星期覺得效果唔錯，真心推薦比想改善水油失衡同提升保濕力嘅人，一定要試下。🥰 對於外油內乾既我早晚都用，保濕乳霜好易推開， 乳霜有KAO 獨家研發「神經醯胺功能成分」，用後感受到肌膚水潤不乾燥，肌膚更有光澤，第朝起身都感覺到水潤，保濕力唔錯。💦 日常經歷九小時後，出油特別嚴重既T字位情況都改善咗唔少，另外，抗炎方面都最令人滿意，泛紅同敏感情況相對地減少，臉部減少左發炎，皮膚更穩定更好。❤️ 相信我會繼續使用尼個系列，持續化肌膚屏障，保水能力再提升，膚質變得更加細緻柔滑。😊

對於我呢種混合偏乾肌嚟講，揀乳霜最驚兩件事：一係太薄唔夠補水，一係太厚會焗出粒粒。但呢款乳霜嘅質地真係令人好驚喜，佢觸感非常絲滑，一搽開就感受到嗰種「水分爆發」嘅潤澤感，吸收之後會喺皮膚表面形成一層好薄、好自然嘅保護膜，唔會覺得油淋淋，反而係一種好高級嘅柔軟透亮感。 佢最勁嘅地方係延續咗系列嘅「水油平衡」技術。最近天氣忽冷忽熱，原本我塊面好容易生啲油脂粒或者細碎嘅暗粒，但用咗呢款乳霜之後，皮膚明顯穩定咗好多。佢唔單止幫我鎖住水分，仲好似識得自動調節咁，令到原本乾燥嘅位變返滋潤，容易出油嘅位又保持清爽，皮膚質感摸落去細緻咗好多，膚色變得透亮左。嗰種淡淡嘅花香微調，每次用都覺得好似幫緊皮膚做深層放鬆咁。建議配合用埋同系列嘅平衡煥妍精華水一齊用，再用呢款乳霜鎖住養分，兩者加乘之下，完全體現到咩叫1+1大過2。改善粒粒同提升皮膚透明感嘅效果真係事半功倍👍

KANEBO Skin Conductor 平衡潤妍保濕乳霜 — 穩定水油平衡嘅溫和之選✨ 質地： 呢款保濕乳霜嘅質地雖然叫 Cream 但推開之後好似水感精華咁，上臉之後好快吸收，唔算好笠 對於我呢種混油肌嚟講，最驚搽完嘢之後塊臉好似焗住咁 但呢支用落幾清爽，夏天用都唔大負擔。 效果： 新品所以用咗唔耐 最大感受係皮膚嘅水油平衡做得幾好。 平時 塊面易出油，而家出油量冇特別多咗，但 U-zone乾燥位置又冇甩皮(都可能因為近排天氣潮濕)。 對於暗瘡印同爆粒粒嘅情況， 佢唔係嗰種一用即刻消炎or袪印嘅產品，但勝在夠穩定，有暗瘡嘅時候用佢唔會覺得刺激。 不過，如果係追求深層修復或者強效去印， 呢支嘅力度就略嫌溫和咗啲。 佢比較似係幫你打好個底， 令皮膚維持喺一個健康嘅狀態， 而唔係特效藥咁嘅類型。 總結：溫和穩定型乳霜，適合皮膚比較唔穩定、 容易出油又怕黏笠嘅人。 雖然對付深色暗瘡印功效一般， 但作為每日嘅保濕同埋平衡膚況， 佢表現得幾稱職✨ #火熱新品

多謝@cosme提供試用。我本身是混合油肌，很容易出現泛紅，毛孔也屬於比較明顯的類型。 過去我常用偏清爽的保濕品時，減少悶及出油情況，所以我挑護膚品會較在意：保濕度但不黏、以及會否引起泛紅。 使用Kanbo 平衡潤妍保濕乳霜後： -保濕度夠，不悶不黏，減少出油 這瓶的質地是輕薄滑順的乳霜狀，屬於有保濕感，但不會感覺厚重。擦後會有啞光及少量控油效果。 -沒有引起過敏泛紅 網上有提及有酒精成份，不過幸好沒有過敏 由於皮膚有比較穩定，泛紅情況有改善 -毛孔粗大有改善 擦了這瓶之後，毛孔近距離看起來沒有那麼立體突出，膚況感覺較好 如果跟我一樣是混合油肌、又同時要顧及泛紅與毛孔明顯，這瓶連同精華水一同使用能有效平衡及舒緩膚況。另外，包裝真的很有質感，很加分。

感謝@cosme抽中，有機會試用KANEBO SKIN CONDUCTOR 平衡潤妍保濕乳霜 乳霜的質地是輕柔乳狀，易推開快吸收，膚感很滑順，皮膚表面會留下一層薄薄的水感，但完全不油膩，夏天用剛剛好，一下子就吸收進去了，白天用也不會覺得厚重，後續上防曬也不會有打架情況。保濕力對我來說很夠，用完臉頰摸起來水嫩的，也沒有引起長粉刺或痘痘。皮膚逐漸變得有光澤和光滑的感覺，T字出油也減少。持續用了一週多，兩頰原本粗糙容易泛紅的地方穩定很多。整體來說用起來舒服又安心，作為最後一步鎖水很稱職，會考慮繼續回購使用。

Kanebo 平衡潤妍保濕乳霜 第一次用呢個牌子的產品，效果很驚人。 特別是它那種「雖然是乳霜卻極其清爽」的質地，令外喜出望外。 這款乳霜的質地非常驚艷，輕盈清爽完全不黏膩，抹在臉上很快就吸收了。可以配搭他們獨家的五角星型導入法，將乳霜由中心向外慢慢推，咁樣會令水油更加平衡。 使用後感覺肌膚的鎖水屏障變強了，皮膚狀態變得更穩定、更健康，擦完後一整天都能感覺到皮膚底層是飽水的，不會因為吹冷氣就變得乾繃。 如果你討厭乳霜的黏膩感，這瓶絕對是首選，非常推薦！ 完全不會有那一層悶悶的油光，夏天用也完全沒負擔。 建議搭配同系列的「平衡煥妍精華水」，水油平衡的效果更明顯」。

感謝@cosme 抽中我試用呢款KANEBO 【平衡潤妍保濕乳霜】 💝 KANEBO 【平衡潤妍保濕乳霜】主打「對抗惡性皮脂」，但對皮膚狀況有一定要求！如果好似我呢排因為轉季，而皮膚過敏、發炎、有紅有痕、有瘡嘅話，真係唔-好-掂！並唔係product嘅問題，而係本人嘅問題。 同埋Gemini有提醒我，KANEBO 嘅黑管系列有一種好勁嘅滲透技術。但我宜家嘅皮膚屏障受損，呢類滲透成份會直接刺激到神經末梢，令「痕癢感」同「泛紅」加劇。 所以希望之後皮膚穩定後，我會再試、再返嚟補充用後感～

今次有幸受邀使用日本KANEBO平衡潤妍保濕乳霜 佢既質地柔滑細膩 十分容易推開 迅速被肌膚吸收 用咗一星期左右 肌膚感覺水潤飽滿 好似飲飽水 細膚變得更加柔嫩光滑 好有效咁做到平衡油脂同水分 改善乾燥同油膩問題 今肌膚長效保持清新舒適 肌膚彈性亦大大提升 整體膚質明亮細緻 非常適合需要補水同平衡肌膚既人士 乳霜既香氣淡雅 一啲都唔刺激肌膚 溫和且保濕效果持久 無疑係日常護膚既理想選擇 整體嚟講 絕對係一款值得推薦既高效保濕乳霜 性價比100分🩵