Cetaphil 舒特膚

積雪草舒敏鎮靜面霜

呢款面霜係白色乳液狀，推開之後好輕薄，吸收得快，唔會黐立立或者悶住塊面。冇添加香料，所以係冇味嘅，適合敏感肌同唔鍾意香味嘅朋友。 🌿 成分同功效： 主打積雪草精華，呢個成分出名舒緩同修復肌膚，仲有其他保濕成分，保濕同時強化皮膚屏障。我用咗之後覺得塊面冇咁易泛紅，之前因為戴口罩而生嘅粒粒同痕癢都減咗好多！ 👍 使用感受： - 保濕度：★★★★☆ 雖然係面霜，但唔算好厚重，夏天開冷氣用都好舒服，第二朝起身塊面依然水潤，唔會出油。 - 舒緩效果：★★★★★ 真心推薦比敏感肌！尤其係轉季或者皮膚唔穩定嘅時候，用佢急救好有效，第二日就覺得塊面平靜返好多。 - 價錢同性價比： ★★★☆☆ 藥妝店賣大約$200左右（45ml），唔算平，但一支都用得幾耐，而且效果對得住個價錢！ 💡 小貼士： 如果皮膚極度乾燥，可以之後再加一層保濕精華或者面霜鎖水。 總結： 呢支面霜適合敏感肌、油肌同混合肌，尤其係容易泛紅、缺水或者需要修復皮膚屏障嘅人。當然啦，每個人皮膚唔同，最好都係試咗sample先買正裝啊～

Cetaphil 積雪草舒敏鎮靜面霜，效果好好，係敏感肌救星！👍 佢係乳霜質地 ，比較厚重，推開之後有少少殘留感，有層保護膜咁，但唔會黐立立 我最鍾意佢係冇香料！有啲保養品雖然有效，但香味太重，聞落好似好化工咁，呢一罐完全冇香 同埋個包裝design好好，真空按壓式，乾淨衛生，又容易控制份量 效果方面，佢鎮靜皮膚、改善泛紅同痕癢真係有用。配方有積雪草、神經醯胺同尿囊素，可以即時舒緩敏感不適。我冬天時候用，皮膚乾燥痕癢嘅情況真係舒緩咗好多。之前冬天去韓國旅行，天氣乾燥，我都係靠佢，塊面先可以保持穩定，冇出現繃緊或者甩皮嘅慘況。佢嘅保濕鎖水能力好強，可以有效修復皮膚屏障 總結嚟講，呢款面霜保濕力夠 、舒緩泛紅效果明顯，所以一定會回購，好啱冬天用嘅面霜！💯

呢款面霜好適合肌膚狀況唔穩定嘅時候使用，無香味、温和低敏。佢嘅質地好易推開，搽上面唔會覺得好油笠，同時提供到足夠嘅滋潤度。肌膚偶爾會出現敏感泛紅，呢款面霜可以舒緩到皮膚狀況，加強返皮膚嘅保護屏障。

乳霜質地，上臉非常清爽，推開很好吸收；可以快迅舒緩乾燥、痕癢、泛紅等問題，長期使用能讓皮膚更加穩定。 同時用同系列精華，效果會更加見效！