日常防曬 推薦好用產品

Tszki好用推薦：偏向乳霜感，其吸收迅速且不厚重。化妝品前使用，底妝不會移位或產生屑屑。它在皮膚上不會留下白色殘留物。結合了保濕、抗老與 SPF30 防曬功能。對於追求快速出門的我，一瓶即可完成日間保養與基礎防護。雖然適合敏感肌，但部分油性肌膚到了下午可能會感到臉部出油較明顯。這款產品可能對極乾性肌更為友善。敏感肌是大推薦使用

Kellyleeeeeee好用推薦：防曬真係唔可以慳，係貴咗啲不過都值得！質地清爽唔黏笠，搽完好似搽咗潤膚霜咁。用一排皮膚感覺好咗好多。

Sandy好用推薦：Decorte 水潤提量CC護膚 防曬霜 底粧針對膚色不均煩惱，自然微調肌膚質感。 SPF40 PA+++的防曬係數 002 HealthyRose 鍾意: 搽上面 粉嫩好氣色.自然紅潤. 眼周暗沉或增加肌膚亮度ok 質地好容易推開 修正皮膚嘅膚色 暗黃同埋膚色唔均勻 黑眼圈都可以遮到 遮到 之後佢仲有防曬功能非常之好 呢個底妝唔需要額外搽防曬非常好

Suidan好用推薦：我呢支防曬霜係粉紅色既，搽上面之後氣息會立即唔同左，能令原本臘黃的臉變成白白淨淨。除此之外，值得一提既係佢唔易甩妝，出左一日街都仲hold到個妝8成。 #火熱新品

Chloeincosme好用推薦：好驚訝竟然冇人寫過呢支防曬既心得🤣因為biore呢枝防曬係日本係明星商品嚟，幾乎每間藥妝店都有佢既廣告🤣😗 由於個包妝神早掉左，唯有係官網拎張相比你地睇下呢支防曬主打既係咩啦：係輕盈既「日系透明感」😍😍 呢枝防曬除左有spf50+, Pa++++既高防曬系數（我對防曬既基本要求），佢質地水潤輕薄唔lup，搽完有少少光澤但又唔會油光滿面。 再望下佢主打日系透明感係點做到先：佢唔係傳統紫色妝前base果隻飽和度好高既紫色，而且淡淡的紫（薰衣草牛奶雪糕果隻），睇相隻紫色冇咁明顯，好處係即刻係黃二白皮膚用佢都唔會死白，岩晒追求「日系透明感」既女生🤍🤍 再睇下對比圖：好明顯after果邊既提亮效果滿滿🥹，上面之後可以均勻膚色，對於去黃都超有效果。 總結： 用左呢枝防曬個幾月，有時當佢妝前底霜，有時單搽，有時化完妝用佢搽頸提亮，暫時都冇發現佢有咩缺點～唔怪之得係日本賣到成行成市😝誠意推薦購入！

Anne好用推薦：當初見到佢防曬個包裝同顏色好靚，所以買咗嚟試～薰衣草色非常之有少女感💕 實質佢嘅防曬都係偏薰衣草色有調色嘅功能，可以減低暗沉調亮肌膚，都適合一啲塊面容易泛黃嘅人，搽完可以睇落精神啲，之前基本每日出門都會當打底搽面幾好用，不過好快就用晒🤣

ying好用推薦：✨ GUERLAIN PARURE GOLD SKIN DOUBLE VEIL CORRECTION & PROTECTION SPF50+ PA+++ 貴婦級防曬妝前乳  🌟 我嘅總結 GUERLAIN PARURE GOLD SKIN DOUBLE VEIL 防曬度數高 ✔️ SPF50+ PA+++ 修飾膚色 ✔️ 自然提亮，唔死白 質地輕薄 ✔️ 透氣唔笠，好舒服 妝前打底 ✔️ 粉底更貼更持久 養膚成分 ✔️ 用完有光澤，唔乾 一瓶搞定「修飾＋防護」， 懶人／趕時間／追求高效嘅人都啱用。 可以單獨做輕度底妝， 亦可以妝前打底令粉底更貼。 唯一缺點係價錢偏貴， 但貴婦品牌嚟講，質感同效果都對得住價錢。 如果你係： ✔️ 想要高效防曬妝前 ✔️ 追求輕薄透氣質感 ✔️ 願意投資喺妝前步驟 呢支值得一試。 回購意願：★★★★☆ #GUERLAIN #PARUREGOLDSKIN #DOUBLEVEIL #嬌蘭 #防曬妝前乳 #SPF50 #貴婦護膚 #修飾膚色 #輕薄透氣 #妝前打底 #skincare #makeupprimer #hkbeauty

Sakura醬好用推薦：#火熱新品 DECORTÉ UV COMFORT｜護膚級防曬 🌞日常防曬，講究嘅唔單止係防曬系數，仲要薄得嚟貼服、清爽舒服、用起上嚟感覺舒適。UV COMFORT 系列結合先進配方同護膚概念，為唔同生活場合提供對應選擇：水潤、極效防護、美白修護、提亮調色，一應俱全。🥰 我比較鍾意WATERY SMOOTH 水漾融膚 質地貼服、延展輕盈，好似護膚品咁融入肌膚。 綜合來睇，DECORTÉ UV COMFORT (水漾融膚款) 係一款高分日常防曬。 優點： · 膚感極佳：質地輕薄似乳液，好推、唔油膩、唔泛白，保濕之餘表面乾爽。 · 防曬力足：SPF50+ PA++++，日常通勤或戶外活動都夠用。 · 對敏感肌友好：唔含酒精，一般洗面產品可卸。 · 適合作妝前打底：唔搓泥，令後續粉底更貼服。 注意點： · 比較滋潤：大油皮夏天用可能會覺得潤；乾肌或混合肌會好鍾意。 · 非強效防水：大量出汗或游水需要補搽。 一句總結：如果你想搵一支唔似防曬、似保濕乳液、高倍數又舒服嘅日常防曬，呢支好大機會你會鍾意。油皮夏天可考慮同系列「極效守護」款。

Fng好用推薦：Decorte Watery Smooth 水漾融膚防曬霜 SPF50｜混合偏乾肌の「冬日隱形水光甲」用後感 ❄️ ✨質地與膚感：寒冬の零負擔防曬 乳液質地如融雪水露，觸膚瞬間化開！ ✅ 延展性：輕推即成透明水膜，零泛白零卡紋 ✅ 成膜速度：30秒內完成，後續上妝唔會搓泥 ✅ 寒冬加分位：低溫下依然保持水潤，無一般防曬嘅「繃緊冰感」 ✨保濕力實測：乾冷環境鎖水戰 ▸ 寒風測試：戶外4小時無倒拔乾，兩頰保持柔軟 ▸ 暖氣房考驗：室內外溫差下無反常出油 ▸ 妝前打底：替代保濕妝前乳，粉底貼服度升呢 ✨成分黑科技：低溫親膚解密 ▸ 水凝膠轉化技術：接觸皮膚由乳霜變水膜 ▸ 多重層保濕因子：模仿皮脂膜鎖水結構 ▸ 抗寒風配方：防止低溫導致防曬膜龜裂 ✨混合肌寒冬分區用法 ✅ 全臉打底：一元硬幣大小均勻塗抹 ✅ 乾燥兩頰：可疊加一層加強保濕 ✅ 眼周脆弱區：輕點無壓力，唔澀眼 ✅ 頸部延伸：順帶塗抹預防色差 ✨同價位防曬擂台戰（寒冬篇） Clé de Peau 抗老防曬 💜滋潤度更高 較厚重，混合肌T位易油 Lancôme 水漾防曬 💓水感接近 酒精味較重，敏感肌注意 Sisl

Kmggigi好用推薦：SkinCeuticals 雙效淡斑防曬霜 SPF 50採用輕盈水潤嘅質地， 推開時非常順滑，完全冇厚重或者黏膩感， 吸收力極高，用完之後皮膚感覺清爽又舒服， 特別適合日常使用。 防曬霜可以自然提亮肌膚，令膚色更加均勻， 有健康嘅光澤感，而且用後皮膚非常貼服， 唔會同之前用嘅護膚品打交，完全唔會影響後續上妝，仲幫助妝容更持久，係妝前打底嘅理想選擇！

natanatalie好用推薦：有日本護膚品的簡單高效感覺❤️ 如果你想揾一支溫和，清爽，性價比高嘅化妝水，呢支就啱你啦！🫶🏻 佢價錢唔貴，普通藥妝店買到，倒出嚟非常流質，無特別氣味，性質好溫和，清爽不笠，敏感肌用完全無問題！👍🏻 用完佢你會覺得肌膚有光澤左，清潔度就一般，始終佢唔係主打清潔去角質，單純用佢做保濕係唔錯的！🥰

Kpl6be6好用推薦：之前喺日本入手咗呢支資生堂ELIXIR嘅Balancing水油平衡系列旅行裝～作為愛出油嘅輕熟肌揀咗清爽型(另有滋潤型可以揀🤘🏻)～望落似洗米水(笑)～倒出嚟係質地清爽水狀💦一啲都唔黏笠!!產品標榜可以補充水分之餘仲有效調整肌膚水油平衡～果然用後有感皮膚更彈嫩～睇落毛孔又真係無咁顯眼啦🥰個人覺得係非常適合夏天悶熱天氣使用嘅化妝水！！

Wuxx好用推薦：早排去完韓國旅行係olive young入手左唔少美妝， 其中一樣就係依個白樺樹防曬。 如果要我簡單介紹，我會形容佢為存在感零防曬。 擠出黎係凝乳狀，唔泛白，無咩特別香味， 保濕度都足夠，輕盈不黏膩，易推開同吸收， 上臉成膜後唔會同底妝打交， 雖然話係零存在感防曬， 但佢係有好好做以防曬功能， 同時唔會令你察覺到佢嘅存在～ 唯一扣分位係無防水， 夏天易流汗嘅朋友可能要注意需要經常補搽防曬。 另外我仲入手左佢嘅防曬棒， 方便日中出街補防曬。 雖然係硬膏條狀， 但搽上手都有感受到有保濕效果， 唔會因為形態改變影響產品本質。 目前使用感良好，之後都應該會再入手～

Elaine好用推薦：好好用，完全唔笠，又唔會同其他化妝品有reaction 質地好容易推開而且唔會泛白 大推！！！！！

Myonlyone好用推薦：#火熱新品 隨身帶住 唔黐手嘅輕便防曬棒 夏日陽光靚，充滿活力☀！為咗隨時隨地保護嫩滑肌膚，揀支輕便防曬棒係個明智嘅選擇！Mustela高效防曬棒細細支，方便隨身帶，無論你出門旅行定日常外出，都可以輕鬆搽防曬，保護皮膚遠離紫外線傷害✅✅！ Mustela高效防曬棒，唔止有高效防曬保護 SPF50 同特強防水，仲加入咗滋潤皮膚嘅牛油果油🥑同維他命 A、D、E，有效保持皮膚水潤又唔黐立立！就連初生BB都用得。💕 最後，💡記住每兩個鐘補一次防曬係最好嘅習慣。帶住Mustela高效防曬棒，無論係邊都可以輕鬆補防曬，盡情享受陽光嘅溫暖！

Desse好用推薦：#火熱新品 最近我好鐘意嘅一支防曬噴霧！ 可以同時 防曬x 保濕x 提升透明感 我已經補左貨❤️❤️ SEKKISEI SKINCARE UV ESSENCE MIST 雪肌精亮白防曬精華噴霧 ⭐️ 日本防曬高級別SPF35/PA+++ 雖則spf35 唔算最高.. 但一般返工/室內活動絕對夠用 ⭐️提亮膚色 就算素顏直接用.. 都好明顯提升咁肌膚嘅透明感💓 圖中下方係剛剛噴上未拍開.. 上方係拍開咗.. 肌膚色調亦明顯不同！ 色澤光亮而不死白❤️ ⭐️ 一噴防曬 我有放手袋中午補防曬用.. 始終係防曬.. 好難做到定妝mist咁幼細（ 見圖） 但亦唔至於會噴到一面水.. 輕輕用粉撲拍兩下就okay🫶🏻 ⭐️ 採用油水分層設計 質地水潤不黏立💪🏻 噴灑瞬間於肌膚上形成舒適且柔韌的薄膜.. 防禦肌膚免受紫外線損傷 ⭐️ 蘊含85％和漢植物精華成分 成份天然.. 敏感肌亦可使用 用咗2星期就已經愛上咗～ 100蚊內嘅防曬必選！ 性價比極高！💓💓

MC好用推薦：呢款cushion可以做到自然嘅水光感，岩岩上面個刻好光澤水潤，好似本身皮膚就咁好。隨住帶妝時間越長，個妝感會更似奶油肌，無咩浮粉嘅情況。 遮瑕度方面，可以遮到毛孔同瑕疵，但唔可以完全遮到黑眼圈，會有少少發灰。

Fng好用推薦：Laura Mercier 極致持久粉鑽煥亮氣墊粉底 SPF50｜ 💎 上妝步驟：妝前乳 → 氣墊拍彈上妝 → 局部遮瑕 → 定妝噴霧 ✨ 核心亮點： · 鑽石級光感：粉體含多重晶耀粒子，光折射技術使膚色透亮不油光，黃皮秒變通透奶油肌 · 極致防曬力：SPF50/PA++++ 真正達到戶外防護標準，香港夏季通勤可抵禦97%紫外線 · 抗汗專利：獨家「水轉粉」科技，出汗後粉底自動融合，越熱妝感越貼膚 ⚠️ 使用注意： · 選色關鍵：#1N1（中性一白）最貼近亞洲黃皮，#2N1（自然色）適合追求裸妝感 · 用量控制：沾取1次夠半張臉，過量易顯厚粉 · 補妝技巧：先用紙巾印走油分，再輕拍補妝 🌦️ 香港天氣實戰： ✅ 雨季潮濕：搭配控油妝前乳，持妝達8小時 ✅ 冷氣房乾燥：噴保濕定妝噴霧預防浮粉 💡 總結：專為亞洲潮濕氣候設計的「鑽光防曬氣墊」！適合香港夏季追求光澤妝效的混合肌，油肌需加強定妝～✨ #LauraMercier氣墊 #鑽光粉底 #SPF50氣墊 #火熱新品

ying好用推薦：🌟 HOURGLASS ILLUSION-Luminous Glow Foundation 透氣・保濕・自然光澤 乾肌日常底妝首選 Breathable・Hydrating・Natural Glow The go-to daily foundation for dry skin 產品亮點 + 新色調 🎨 全新4款色調登場 全系列共20色 可調節及疊加的中度遮瑕 自然・質感輕盈・SPF30防曬保護 無論你係咩膚色 都可以搵到屬於你嘅完美匹配✨ 🎨 4 New Shades Added Now 20 shades in total Buildable medium coverage Natural・Lightweight texture・SPF30 protection No matter your skin tone You'll find your perfect match✨ 🔬 成分亮點 ▫️ 透明質酸鈉 + 甘油 → 24小時長效保濕 ▫️ Advanced Hydra-Smoothing Technology → 透明質酸微球技術，接觸肌膚後激活 → 14

Emily Leung好用推薦：#火熱新品 Paul & Joe 白色搪瓷氣墊 00色號，粉白色，夏天混油、冬天混乾膚質，用過最大感覺就係，使用感好矛盾。 1. 氣墊氣味有啲怪，唔係香味亦都唔係臭味，係一種化學味，同搪瓷隔離唔一樣。 2. 做好保濕先上臉，淨係塗呢隻，皮膚屏障受損嘅位置原本甩皮唔係好明顯，上咗之後反而一清二楚、更加突出。宣傳話「加入保濕精華」「隔離+底妝一體」「絲薄水潤」「適合混油皮嘅氣墊」，總之睇宣傳語就已經好矛盾。 3. 入面見到係海綿，按理應該係滋潤型氣墊，但反而更甩皮就好奇怪。剛剛撲上臉時好順滑，但好快就變乾，未夠時間推勻。同樣皮膚狀態用 Excia 粉霜就唔會甩皮，就算用返同一牌子搪瓷隔離00白蓋版都唔會咁明顯。 之後試過用 CPB 長管隔離、CPB 白管隔離、用橘子面霜打底等等，都解決唔到甩皮明顯嘅問題。 4. 粉質幾細膩，妝效帶少少光澤，唔係純霧面。00色號係粉白，對我黃一白膚色嚟講，係我想要嘅效果，好提氣色。 5. 粉撲太細，唔太好用（尤其指甲長嘅時候），撲粉唔均勻。由3月10號開始用，每日一次，15日就發覺撲到嘅粉越來越少（或者好唔均勻），要大力咁按，暫時未睇過海綿下面剩

Fng好用推薦：DECORTÉ 美白防曬護膚霜｜ ✨ 質地與使用感 呢支CC防曬霜質地係絲滑奶油慕絲，推開瞬間化水，完全唔會黏笠！ 最加分係佢鼻翼位唔會卡粉，呢點好多防曬都做唔到。質地夠輕薄，真係有磨皮效果但係一啲都唔乾，On top再上粉底都好貼，唔會同粉底打交。 🌟 防曬力：SPF50+/PA++++，最高級別防禦，足夠應付香港夏天猛烈陽光。 💧 保濕與持久度 出街8小時都仲保持光澤感，唔會變黃同埋溶妝，鼻翼位置都冇浮粉嘅情況。 💔 注意事項 1. 需要卸妝：記得要用卸妝產品卸除 2. 油肌夏天要留意， 質地保濕，不控油 💡 混合乾肌夏日使用攻略 1. 懶人出街法：搽完防曬直接出門，薄薄一層已經有偽素顏效果 2. 妝前打底法：等1分鐘成膜再上粉底，完全唔會同粉底打交 3. 重點遮瑕法：有瑕疵嘅位可以on top加少少遮瑕膏，快手完成底妝 4. 用量控制：一粒珍珠大小就夠全面，唔使貪心 推薦度：★★★★☆（4.5/5，懶人必備！） 適合：趕時間返工返學、追求自然透亮妝感、混合肌/乾肌用家～ #DECORTÉ防曬 #水潤提亮CC #防曬底妝二合一 #火熱新品

whTsoi好用推薦：之前看到很多youtuber都推薦它 說是安全的物理性防曬 成分對海洋也很友善諸如此類的 然後我就好奇在官網買下來 結果還真讓我十分驚艷 它的質地看似是黏稠的霜狀 但實際上擦上去非常容易推開 擦完皮膚也非常清爽 物理性防曬肯定會呈現的泛白我覺得也很自然（本人拍攝技巧太爛 可能看不太出差異 請見諒） 這是我用過最滿意的防曬霜沒有之一 絕對會回購

popocarcar好用推薦：原來Cle de peau 有出身體防曬。 質地好順滑，仲好防水，見到汗水一粒粒咗留咗係皮膚表面，有驚喜。 #火熱新品

Fng好用推薦：Paul & Joe呢支升級版白蓋隔離乳（SPF42 PA+++）絕對係香港夏天嘅偽素顏寶藏💝！作為黃調肌＋混合偏乾皮，試完之後真心想回購——尤其鍾意佢嘅自然提亮效果同輕薄質地⚜️。 ✨色號點揀？ 雖然呢支係隔離乳唔算有明顯色號分，但推開後帶輕微調色功能（偏向自然提亮）。黃調肌用完全無壓力！唔會死白或泛灰，反而似自帶濾鏡咁中和暗沉感。如果本身膚色偏黃又想提氣色，佢嘅潤色效果足夠替代淡妝；但如果明顯瑕疵或泛紅，就要後續加粉底。 💦質地同保濕度： 乳液狀質地水潤輕薄，撈埋高防曬系數（SPF42）都零厚重感！推開後瞬間吸收，無黏膩感，後續上粉底亦非常貼服。對混合偏乾肌嚟講，佢保濕度足夠唔抽乾，粒子細緻唔顯毛孔，反而有種「透光感」。冷氣房全日都無繃緊。 ☀️夏日表現： 香港30℃+濕熱天氣下，單用呢支再撲層碎粉已經夠哂日常出門。防汗度中等，出汗後用紙巾印面會輕微沾到，但唔會斑駁。建議油肌T位要加強定妝。作為妝前打底，佢能讓粉底更持久，出油後變自然奶油肌，暗沉情況亦改善咗不少。 總結：黃調肌搵自然提亮防曬隔離一流，保濕同防曬力平衡得好好，細緻唔誇張，混合偏乾皮夏天用零負擔！ 推薦給：✔️

Yty好用推薦：Beauty of Joseon朝鮮美人有機米糠益生菌水潤防曬霜係韓國olive young買架，防曬指數SPF50+ PA++++日常用好足夠啦，質地好水潤，感覺似好滋潤嘅透明乳液，唔會影響之後化妝，不過香港天氣比較潮濕同埋開始悶熱，所以油性皮膚建議一層碎粉效果更靚，如果乾性皮膚就咁單用就可以啦，有少少水光肌嘅效果，不過因為透明所以係冇任何嘅修飾作用，但之後再配搭隔離霜或者粉底液就夠晒精神了

keinice好用推薦：SPF50 PA+++,防曬質輕盈容易吸收，和一般水潤的面質感相近，很適合夏天使用。吸收後不會成膜，不會讓皮膚感到有負擔。 可替代妝前底霜，用後有效令粉底更加貼服，不會影響妝感。

Jasmine L好用推薦：ANESSA極防水美肌UV乳液一直都係我嘅首選，防水同防曬力係最大亮點。質地係乳液狀，偏輕盈，推開容易，吸收速度中等偏快，唔會範白，做妝前防曬都唔會起擦膠碎。而且防曬力強勁，極防水配方喺香港潮濕悶熱天氣下都好穩陣，出汗或者戴口罩都唔易甩防曬，日常出街同戶外活動使用都放心。 對混合偏油肌嚟講，控油力算中等，T字位同鼻翼半日後會有少少油光，但比好多厚身防曬好得多，唔會嚴重焗住毛孔。 敏感肌可以使用。唯一小缺點係如果唔徹底卸妝，長時間用可能會有少少殘留，建議用油性潔面徹底清潔。性價比高，值得入手。

莓莓好用推薦：Anessa極防水美肌UV乳液測評 🧴 質地同觸感 · 流動性高：倒出嚟係好稀身嘅奶水狀，唔係杰身嘅乳霜。推開嗰下好滑，好快就吸收。 · 成膜速度極快：基本上搽完幾秒鐘已經feel到塊面好似有層透明保護膜咁，即刻爽身粉咁滑，唔痴立立。 ☀️ 防曬效果同持久度 · 超強防水防汗：流汗之後唔會起白汗，仲愈出汗愈均勻，烈日當空去戶外活動都無有怕。 · 清爽零負擔：雖然防水力強，但落妝唔難，普通卸妝產品就搞得掂。 👩‍🦰 適合邊啲人用？ · 混合肌/油肌：用完係啞緻爽身感覺，好鍾意。 · 乾肌/秋冬：如果用之前唔做足保濕，會覺得有少少乾爭爭，建議妝前要做好保濕打底。 💄 化妝兼容度 · 等一等先上妝：最重要係等佢完全成膜（大約等2-3分鐘），之後上粉底會好貼服，唔會起擦字膠。 · 唔建議用作妝前保濕：如果追求保濕滋潤妝效，呢款唔係最適合，可以揀金粉瓶。 ⚠️ 用前小貼士 記得用之前一定要摇勻！如果無摇勻倒出嚟嘅液體會水還水、油還油，影響防曬效果㗎！ 總括來講，如果你追求極致清爽、超強防曬，呢支係夏天必備之選！