找產品
日常防曬 推薦好用產品
550 件
Jasmine L好用推薦：ANESSA極防水美肌UV乳液一直都係我嘅首選，防水同防曬力係最大亮點。質地係乳液狀，偏輕盈，推開容易，吸收速度中等偏快，唔會範白，做妝前防曬都唔會起擦膠碎。而且防曬力強勁，極防水配方喺香港潮濕悶熱天氣下都好穩陣，出汗或者戴口罩都唔易甩防曬，日常出街同戶外活動使用都放心。 對混合偏油肌嚟講，控油力算中等，T字位同鼻翼半日後會有少少油光，但比好多厚身防曬好得多，唔會嚴重焗住毛孔。 敏感肌可以使用。唯一小缺點係如果唔徹底卸妝，長時間用可能會有少少殘留，建議用油性潔面徹底清潔。性價比高，值得入手。
<看全文>莓莓好用推薦：Anessa極防水美肌UV乳液測評 🧴 質地同觸感 · 流動性高：倒出嚟係好稀身嘅奶水狀，唔係杰身嘅乳霜。推開嗰下好滑，好快就吸收。 · 成膜速度極快：基本上搽完幾秒鐘已經feel到塊面好似有層透明保護膜咁，即刻爽身粉咁滑，唔痴立立。 ☀️ 防曬效果同持久度 · 超強防水防汗：流汗之後唔會起白汗，仲愈出汗愈均勻，烈日當空去戶外活動都無有怕。 · 清爽零負擔：雖然防水力強，但落妝唔難，普通卸妝產品就搞得掂。 👩🦰 適合邊啲人用？ · 混合肌/油肌：用完係啞緻爽身感覺，好鍾意。 · 乾肌/秋冬：如果用之前唔做足保濕，會覺得有少少乾爭爭，建議妝前要做好保濕打底。 💄 化妝兼容度 · 等一等先上妝：最重要係等佢完全成膜（大約等2-3分鐘），之後上粉底會好貼服，唔會起擦字膠。 · 唔建議用作妝前保濕：如果追求保濕滋潤妝效，呢款唔係最適合，可以揀金粉瓶。 ⚠️ 用前小貼士 記得用之前一定要摇勻！如果無摇勻倒出嚟嘅液體會水還水、油還油，影響防曬效果㗎！ 總括來講，如果你追求極致清爽、超強防曬，呢支係夏天必備之選！
<看全文>
Paris merci 好用推薦：呢排天氣有成35度，即係超級怕曬黑，熱到飛起。 日常唔想搽啲游水先用嘅防曬，Nivea 呢支質地幾啱夏天用，乳液質地，較為清爽，唔會好似普通嘅防曬黐粒粒。佢哋味道比較清新，似柚子味，即使好唔鍾意搽防曬都容易接受。除此以外，乳液防曬50x維他命C成分，雖然唔覺得有美白效果，但防曬效果就一定有，起碼手腳冇黑到，沒有出現兩截色的情況。 比較鍾意嘅地方就係好大支，方便搽勻頸部、膊頭、手腳。因為份量多，所以用量可以唔怕用得太多💕 #火熱新品
<看全文>格仔餅公主好用推薦：#火熱新品 夏天本身已經好熱，唔想搽啲笠嘅嘢，但防曬冇得懶，呢支質地就好啱夏天用，偏水潤唔會笠，仲容易推，推開之後都幾爽，防曬系數高，平時出門口用甚至去做運動都冇問題
<看全文>
Fng好用推薦：Biore 水凝長效保濕防曬乳｜ 混合偏乾肌嘅「冬日透明感」防曬恩物！ 香港冬天雖然陽光無夏天咁猛烈，但紫外線依然存在，加上乾燥嘅冷風同室內暖氣，混合偏乾肌真係要揀一支夠保濕但又唔黏膩嘅防曬。Biore呢支經典嘅水凝防曬乳（約$85/50g ），今個冬天成為我嘅日常首選！ ❄️ 質地與膚感： 擠出嚟係水凝狀，流動性超高，推開嗰陣好似搽緊保濕乳液咁舒服 。最驚喜係吸收超快，零黏笠零泛白，完全打破咗我對高係數防曬（SPF50+ PA++++ ）一定厚重嘅印象。用完皮膚係水潤啞緻嘅觸感，後續上妝完全唔會搓泥 ，對於冬天想保持輕薄妝感嘅混合肌嚟講，真係一大福音！💯 💧 冬日保濕表現： 含有透明質酸同蜂王乳精華 ，保濕力比一般防曬出色。喺暖氣房坐足半日，兩頰都無出現繃緊或乾紋，T位亦無因過度保濕而出油失控。佢嘅「水感凝體技術」能夠形成保水膜，減少因日曬同暖氣抽乾而造成嘅水分流失 ，呢點對熟齡肌尤其重要。 ☀️ 防曬與日常適用度： SPF50+ PA++++ 嘅日本最高防禦系數 ，應付冬天日常通勤、行街買餸絕對足夠。去旅行、行山甚至浮潛都用佢，大概4小時補一次就無曬紅曬黑 。雖然冬天無咁大汗
<看全文>Kitty 好用推薦：💁🏻♀️講真，香港天氣真係好濕熱，出街一陣已經成面油汗交雜！之前用開嘅防曬一流汗就變白線，仲會焗到出粒粒⋯⋯直到試咗Biore呢支水凝長效保濕防曬乳，先發現防曬都可以咁舒服！ ✨質地超驚喜 擠出嚟係淡白色嘅乳霜狀，易推開，好似搽緊保濕乳液咁！完全冇傳統防曬嗰種黏膩感，夏天用真係一流～吸收速度好快，唔會搞到頭髮黐面或者白色屑屑。 ☀️防曬效果夠穩陣 SPF50+ PA++++ 日常通勤絕對夠用！試過連續幾個鐘頭喺戶外，冇補搽都冇曬紅（當然流汗多的話建議兩小時補一次）。最重要係唔會燻眼！戴隱形眼鏡或者眼敏感嘅人可以放心用～ 🌸後續上妝冇難度 搽完皮膚有自然水潤光澤感，但唔會油光滿面。幫底妝做咗個完美打底，試過夾粉底液、氣墊粉餅都冇打架～懶人可以直接搽完撲層碎粉出街！ 🙅🏻♀️小缺點都要講 如果係大油皮的話，T位可能三四個鐘後會少少泛油（但要讚嘅係即使出油都唔會溶曬白條）。 總結：性價比之王！ 幾十蚊一支，抵用到爆！無論係學生黨定辦公室族都啱用～如果追求零存在感+高保濕+唔燻眼呢支真係閉眼入得過✨
<看全文>
Yeonjung好用推薦：Excel「溫和全效水感防曬精華」 總體評分：⭐️⭐️️⭐️⭐️ (4.5/5) 呢支嘢最近真係好 hit，因為佢將防曬同護膚二合一，好啱而家鍾意簡化護膚程序嘅女仔。 ⭐️質地：清爽到好似無搵嘢！ 佢真係對得住「水感」呢個名！質地係白色乳液狀，一推開就化水咁，好快就吸收曬。搽完塊面係完全唔白、唔痴立立，仲有少少保濕嘅感覺。就算你之後再化妝，佢都唔會擦出擦膠碎，妝容會好貼服。 ⭐️防曬效能：返工出街都夠用 佢係SPF50+ PA++++，最高防曬級別，日常返工、行街、揸車用絕對足夠，可以抵擋 UVA 同 UVB。佢話可以隔離埋空氣污染微粒，仲有提亮膚色嘅效果，但呢啲就當 bonus 啦。 ⭐️溫和度：敏感肌友善 佢無酒精、無香料、無礦物油，而且有加入保濕精華成分。用落真係好舒服，唔會「乸」眼，敏感肌用都冇問題，用普通洗面乳就可以洗乾淨。 ⭐️總結：邊啲人適合用？ · 懶人一族：想一支搞掂防曬同乳液，慳時間 · 混合肌/油肌：最怕笠，呢支零油感你會鍾意 · 日常化妝人士：當妝前底霜用，唔會影響妝容 要注意嘅位：如果係大汗或要去戶外暴曬（例如行山、游水），就要揀返專用嘅防
<看全文>Jasmine L好用推薦：excel溫和全效水感防曬精華質地好水好清爽，同精華液一樣咁輕薄，一推即刻吸收，完全唔黏膩，T字位同鼻翼都好舒服，冇加重油光問題。 防曬系數強，日常返工夠用，仲帶有自然柔光效果，搽完皮膚即時透亮少少，毛孔感都柔和咗。 敏感肌用落去零刺痛，溫和度高，控油力中等偏上，半日至大半日都算穩定，唔會好快出油。主要係提亮同防曬為主，整體輕盈舒適，夏天用特別合適。性價比不錯，值得日常入手。
<看全文>
Fng好用推薦：SOFINA iP 亮肌抗斑防曬乳霜｜ 混合偏乾肌嘅「防曬＋淡斑」二合一實驗！ SOFINA呢支「iP防曬乳霜」新推出，聲稱可以一邊防曬一邊抗斑，對於又怕斑又怕黏嘅混合偏乾肌來說，真係好吸引😍 ☀️ 質地與膚感： 擠出嚟係白色乳霜狀，質地似輕盈版妝前乳。推開時有少少潤色效果，吸收速度中等，完成後皮膚呈自然光澤感。對混合肌來講，冬天用剛好，夏天就可能要減少用量。 ✨ 防曬與淡斑效果： · 防曬力：SPF50+ PA++++足夠日常通勤，試過戶外活動3小時無曬紅 · 抗斑表現：用咗兩星期，鼻樑同顴骨嘅雀斑無明顯加深，甚至覺得有輕微提亮效果 · 保濕度：含有透明質酸，無一般高係數防曬嘅拔乾感 💡 獨家技術解密： • ADVAN技術：提升防曬膜均勻度，減少漏防曬嘅情況 • 洋甘菊ET精華：針對紫外線引起嘅斑點形成 同舊版SOFINA藍小花比，呢支更注重抗斑功能；同ELIXIR抗皺防曬比，就清爽得多。 ⚠️ 需注意： · 潤色效果，黃肌用可能會有少少灰白感 · 建議用卸妝產品徹底清潔 🌟 「防曬＋淡斑」組合心得： 我發現如果朝早潔面後，直接跳過乳液步驟，單用呢支防曬乳霜，反而效果更
<看全文>Desse好用推薦： Sofina UV Protector 03 產品介紹係一款專為容易出斑、膚色不均和敏感肌而設嘅高效 #防曬 產品 啱曬我喱啲一曬就出斑嘅人.. 咁就當然要買嚟試吓😶🌫️😶🌫️😶🌫️😶🌫️ 💡防曬指數高 SPF50+ PA++++ 可有效阻擋UVA/UVB 防止色斑和曬傷形成，特別適合香港強烈紫外線環境 平時室內環境番工就絕對夠用👌🏻 💡亮肌效果 內含多種抗氧化成分及美白成分，有助抑制黑色素生成，慢慢修正膚色不均，提算肌膚 #透明感 睇相其實都好明顯… 一搽就提亮咗好多💓 💡質地輕盈保濕 乳霜狀但吸收快，不黏膩，適合全天候使用 就算喺office開住冷氣，都唔會覺得乾，個妝亦無起乾紋💓 💡溫和親膚通過敏感測試，無添加酒精和刺激成分，敏感肌、易泛紅肌都啱用🧏🏻♀️ 💡質感細膩不泛白 推開後呈現自然光澤，唔會白面或厚重，還有輕微修飾毛孔效果🧏🏻♀️ 總結嚟講呢🧏🏻♀️🧏🏻♀️ 用完一支，無覺得有多咗曬斑.. 至於淡斑功能就so far唔太覺得 但係亮肌功效絕對閃杠杠得！💓 #日系 防曬好多時都容易泛白.. 但呢款好ok! 我覺得會適合追求美白護膚和高防曬同時兼
<看全文>
Pin好用推薦：見到 5.7 ⭐️同D comments 都好似幾好所以買嚟試吓，買咗先見到Ingredients係有Alcohol 😰即刻唔敢試上面. 唔想嘥咗佢唔用，嘗試搽喺兩邊手臂手背，感覺非常乾完全感覺唔到有少少🤏滋潤成份，應該係酒精成份令到一搽上去再推開已經好乾，酒精揮發時會帶走皮膚水分，導致肌膚乾燥。（有關含有酒精成份對皮膚影響上網都可以查到） 同D reviews 所寫既用𢓭感好大差別。如敏感同皮膚薄、中性皮膚、及想有一般防曬最基本既moisture ，建議自行考慮。
<看全文>Sandy好用推薦：見到個post有人介紹「 #火熱新品 」 今日買支試下，上手容易推開感覺舒服 又唔會黐立立😀 我本身係乾皮膚 用完之後皮膚多左水潤感覺😀 因為容易出班，所以露出皮膚 如手背手臂我心得是每日出街都會搽防曬 😀防曬好重要㗎 😀 同我相同年紀朋友 手臂冇搽防曬出街 年紀大了。出咗好多黑色一點點嘅雀斑。 所以除咗面部頸部一定要 所有露出皮膚都需要搽😀😀😀 😀
<看全文>
雪雪好用推薦：最近入手左呢支Biore智能水感防曬慕絲，佢支出黎好似唧蛋糕唧花咁，幾靚幾特別。防曬慕絲係白色的，慕斯質地，順滑易推，有少少提亮膚色，不過只係少少only ，追求明顯提亮的美女們，呢支就唔啱喇。 呢支防曬有SPF50+，可以隔離UVB，防止曬紅曬傷，而佢嘅PA++++可以預防UVA引起的色斑，室內戶外都夠哂用。 佢賣點仲有防水耐汗，非常適合香港嘅夏天使用，不過如果留咗好多汗，都要注意要補搽防曬。 防曬質地方面，佢都有少少笠，可以用碎粉/爽身粉保持乾爽。 整體黎講，支防曬都幾好，質地輕盈，防水耐汗，價錢唔算貴，大約$120，都可以入手一試。 #防曬
<看全文>Luna好用推薦：Biore防曬慕斯測評 質地方面，佢唧出嚟係真·慕斯狀，即係棉密嘅泡沬，好似cream咁，但一拍開就化水，好快乾爽。比起傳統防曬乳液，呢支感覺輕好多，零油膩，油肌、混合肌夏天用都啱。 推開後無泛白，自然到近乎透明，唔影響後續化妝，可以直接當妝前底霜用。SPF50+ PA++++，日常戶外都好夠。 要講缺點嘅話：慕斯質地比較快乾，上臉要快手推勻；有輕微酒精味，皮膚敏感或對酒精唔耐嘅人要試吓先；保濕度一般，乾肌冬天用要諗下打底。 總結：呢支好適合香港夏天潮濕天氣，快吸收、唔立、唔泛白。怕油、怕悶、想要清爽防曬嘅話，值得試。皮膚偏乾嘅朋友就要配合保濕用。 真心推介比追求「上咗等於冇上」嘅朋友！
<看全文>
Maggie Wong好用推薦：皮膚質地：本身皮膚會有乾紋，但T字位到下午又會容易出油。防曬精華： 又是精華又是防曬，質地潤而不黏，上面滋潤補水但又不會黏笠，易推易吸收，感覺舒服！ SPF40/PA+++ 在日常上班時使用，防曬力已足夠，且感覺非常溫和 使用10天後，皮膚的暗沉有所改善，變得較為亮白，而且補水力感覺亦提升，額頭的乾紋減少
<看全文>Candy好用推薦：試用呢款護膚品一段時間，體感相當不錯。 質地輕盈水潤，上臉很快就能吸收，完全唔會有黏膩感。 搭配品牌獨家補水技術，就算天氣乾燥，肌膚全日都保持潤澤，12小時鎖水效果很明顯。植物萃取成分強化肌膚屏障，堅持使用後，膚色暗沉問題得到改善，膚質變得透亮有光澤。 而且配方純淨，多種有害添加都唔含，用起來格外安心。
<看全文>
alicec好用推薦：對於混合油肌黎講都係一個好選擇，質地輕盈唔油膩，搽上面感覺好舒服。防曬效果持久，用左大半個月暫時都冇曬黑。敏感肌都適合，完全冇刺痛感或者唔舒服，可推介！ #火熱新品 #每月新品感謝禮 #我的崇光感謝祭必買防曬
<看全文>Bobo好用推薦：初次使用感覺好潤，不會起乾紋，即使在空氣濕度得19度，保濕一流 但本人早C晚A嘅前題下，有反黑嘅情況， 證明這防曬精華防曬力不足。
<看全文>
DorDor好用推薦： Haruhada 防曬噴霧很方便又好用，是夏天户外活動必備物品。
<看全文>Hamiii好用推薦：遊船河買左支黎噴 睇中冰感兩個字 噴完的確會覺得涼涼地 成膜快 但有小小立身 不過玩水上活動根本唔會覺得唔舒服 一支只夠我地4個人噴一日😂 唔知係佢量少定我地狂噴😂
<看全文>
Viannie好用推薦：日本一開賣即刻買黎試，因本身屬小麥色皮膚，之前粉紅色果支一路驚太白都唔敢買。ELIXIR tone up beige 妝前防曬底霜 一粒珍珠size就夠搽全面，好貼心產品背面有參考size，可跟住黎拎分量。質地都幾厚身，非常容易推開，好容易就搽得均勻唔會一撻撻，提亮效果自然，仲做到少少修飾效果。可以睇到面上斑點明顯淡色咗，利用亮白黃金折射光線，皮膚望落去即時好咗咁，勁鍾意呢個效果！！推開後會有少少黏笠感，可以加少少碎粉或晚安粉做定妝測試埋12小時持妝效果 返完一日工，返到屋企影，呢幾日30度嘅高溫天氣，喺冇中間補妝嘅情況下，用咗tone up beige打底果日嘅妝係明顯keep得好少少。總結呢支新出嘅防曬base如果你係乾肌就啱晒，上妝後都唔會乾，加埋小麥肌嘅話更加要試！ 不過質地偏潤，油肌要慎選！！ 另外本身膚色好白都唔太啱，搽完會黃咗，建議可以揀返粉紅色果支。 #火熱新品
<看全文>布吶吶好用推薦：#火熱新品 ELIXIR 膠原提亮妝前防曬霜（Beige）測評 色調：Beige 自然到似第二層皮膚 講真，一開頭驚佢會灰或偏粉，點知一推開——同自己膚色融合得好好！ 有微微嘅提亮感，唔係死白個種，而係好似瞓飽覺嘅自然光澤。 均勻到膚色之餘，嘴角、眼周暗沉輕輕遮到，但又唔會面具厚粉感。 質地：潤得嚟唔笠，有驚喜 杰身乳液狀，但延展性高，手指都推到好薄。 上臉初頭有少少黏，等30秒吸收之後，表面變清爽，但入面保濕感仲喺度。 試過直接做防曬＋妝前，冇起擦膠碎，後續粉底貼到似自己皮膚。 防曬力：SPF50+ PA++++ 香港夠用 日常通勤、甚至戶外半日，冇變黑，防曬力有感。 唔使疊其他防曬，一支出街搞掂，趕時間返工好方便。 持妝表現：秋冬大愛，夏天要觀察 · 乾肌／混合偏乾：全日唔乾裂，下午唔會倒抽水 · 油肌／大夏天：可能要輕輕印碎粉定妝，否則T區下午會出油溶妝 實測30度潮濕天，冇碎粉情況下，3小時後鼻翼輕微出油，但唔會溶到一撻撻，紙巾印完就靚返。 優點缺點一次過睇 ✅ 優點： · 自然提亮，黃皮友好 · 夠潤但唔厚重，妝前保濕一步到位 · 防曬度數安心，慳返搽防曬步
<看全文>
Emily Leung好用推薦：我的防曬寶藏單品😘後悔沒多拿幾支 年初在日本逛Cosme拿下的防曬隔離霜！嘗試過後直接被這個ALLIE的新款防曬驚艷到！上臉一點不油膩，遮瑕和水潤度都超級好！一層隔離一層散粉直接偽素顏出門通勤神器！！ ALLIE有色隔離，適合混油到大油皮，超扒超持妝。 即時推塗感非常水，但後面扒得超級快，蠻考驗手法的，建議搭配粉撲分區上妝。顏色自然提亮，融膚不假白。遮瑕3分，修飾磨皮能力很棒，對我來說可以直接 當底妝。妝效是偏啞光的，不反光，不用定妝，不會粘膩。 一共有三個顏色，每一個都很實用，我最推薦紫色，可以修飾暗沉膚色！ ✔️ ALLIE潤色防曬水凝乳 01紫色：修飾暗沈，毛孔，“透明感” 02杏色：修飾黑眼圈，毛孔，“氣色紅潤” 03米色：修飾膚色不均和毛孔，“偽素顏感”
<看全文>mysecretgarden好用推薦：Allie呢支調色防曬乳，我已經回購咗好多次，可以話係我日常護理嘅必備品。平時唔使化妝嘅日子，我最鍾意就係搽佢再加層碎粉就出街，個效果已經好夠用，膚色即時均勻咗，睇落精神爽利，又唔會好似化咗厚妝咁唔自然。我用開紫色同埋橙色嗰支，兩支都好好用。如果要化全妝嘅時候，我都會用佢來做底霜，佢同後續嘅粉底同化妝品都好夾，從來都冇出現過擦膠碎或者浮粉嘅情況。 質地方面，佢真係做得幾出色。夏天用完全唔會覺得黏膩，搽上臉之後好快就吸收，留下來嘅係一種好清爽、帶啲粉滑嘅觸感，就算係香港咁悶熱嘅夏天都保持到舒服嘅使用感。不過到咗冬天，如果皮膚狀態比較乾嘅時候，就要做多少少保濕打底，否則可能會覺得有少少緊。 一直以嚟我都對佢好滿意，直到最近睇到網上啲真人防曬測試，先發現佢嘅實際防曬力比想像中要弱少少。雖然日常通勤應該都夠用，但如果係長時間戶外活動，或者陽光特別猛烈嘅日子，就可能要搽得比平時厚身少少，先能夠確保有足夠嘅防曬保護。呢點算係少少美中不足，不過考慮到佢嘅調色效果同清爽質地，我依然覺得係一支值得繼續用落去嘅產品。 總括來講，呢支調色防曬乳係一支多方面都表現平均嘅產品，特別適合追求自然妝感同清爽使用
<看全文>
poonpoon好用推薦：Cerave 長效保濕防曬面霜SPF30🧴 😉質地：乳白色乳霜，容易推開唔算特別厚身，推開後要少少時間先會吸收晒。有足夠保濕度同時有防曬力，會偏油膩，但不黏立。 😀功效：保濕度強，保濕度幾乎等同潤膚膏。成份同時溫和，令到皮膚表面不會乾燥，而且曬完用佢可以降紅。成份不致痘，不刺激，無香精，添加了SPF30嘅防曬功效，日間室內足夠防曬度。 ☺️用後感：我屬於乾性皮膚，只要不用化妝嘅日子就會用，一朝早出門口就會用，一支有兩種功能十分方便。我鍾意搽完乳霜之後留有嘅滋潤感，依枝剛足夠，全日足夠保濕。 因為防曬需要搽足夠份量，依支乳液五月開，我大概一星期用五日，用咗一、兩個月就接近用晒。 乳液添加了防曬成份，味道不討好。 😇適合人士：混合皮膚至油性皮膚不太適合，恐防出暗粒，建議用返乳液同防曬分開兩枝 適合敏感肌及乾性皮膚。 🤭Tips:建議官方用法，將乳液擠喺手上語法，然後再按壓上面。或者喺乳液添加精華液，令乳霜更水潤。
<看全文>Paris merci 好用推薦：CeraVe長效保濕防曬面霜有SPF30，日常用係足夠。佢屬於物理防曬，不過號稱唔會留白，可以比敏感皮膚使用。 質地係白色乳霜狀，但用完之後好明顯聞到一股浸太陽油嘅味，又有啲厚重，好難聞。而家已經有好多牌子嘅防曬冇咗太陽油味。 推勻全面之後的確冇浮白，但皮膚表面會有層好似油一樣嘅感覺，令我唔自在。似乎防曬面霜吸收唔到，皮膚完全冇感覺到保濕，只有油潤感。之後無論係用粉底液其他底妝產品，都好似無法融合，化出嚟嘅妝都有啲卡浮粉，唔適合做妝前產品💕
<看全文>
Youpi 好用推薦：夏天出街好多時都需要補防曬，今次試用呢支「NIVEA 專研絲滑輕盈UV防曬棒」，最大嘅優點的確係方便。佢體積偏細，放入細手袋或者衫袋都冇問題，而且直接扭出嚟搽，唔會整污糟對手，喺戶外補防曬的確比傳統防曬就手好多。質地方面，呢支算係做得幾清爽。佢搽完之後係Matte嘅效果，唔會令塊面反光或者覺得油膩。 我個女(9歲)唔鍾意搽防晒，因為唔鍾意黏笠笠的感覺 (對手同身體都怕)，呢枝防曬棒佢就好鍾意。 佢係無香料配方，對氣味敏感嘅人會比較容易接受，例如我老公。雖然防水防汗嘅持久力需要更長時間同去戶外活動先測試到，但如果只係講日常行街、補塗嘅便利度同埋清爽感，呢支防曬棒嘅表現係合格有餘嘅，適合怕麻煩嘅朋友。 另外，我鍾意佢有expiry date，好清楚知道幾時到期，唔怕買咗過期貨，質素更有保證。
<看全文>Winnie Soo好用推薦： 感謝@cosme 的邀試用 Nivea 專研絲滑輕盈UV防曬棒 我個人喜歡嘅防曬係搽完唔黐立立、同冇香味 (所以多數揀敏感肌) 我本身比較少用防曬棒 因為之前嗰支搽完會唔均勻同埋泛白 不過防曬棒嘅好處就係可以帶出街使用亦都唔怕搞到隻手黐立立 啱曬成日出門口都好趕嘅我XD 今次試用Nivea 專研絲滑輕盈UV防曬棒 啱啱好符合曬我想要嘅野！個設計角度都可以搽到鼻樑同埋眼之間嗰啲凹位！ 搽咗一陣上面已經成膜！(摸到同啱啱搽上去嘅感覺唔同 唔會黐立立) 不泛白！我又唔覺得乾 同埋呢一個防曬棒完全冇香味 啱晒我隻眼！ 我呢排返工就係搽呢個 趕住出門口係lift搽真係好方便XD 榮登我最喜愛防曬Yeahhhh～ 不過我呢排都係返工放工 比較短時間係室外 冇咩特別喺戶外曬嘅經驗 比較難評論佢戶外防曬嘅功效如何 感覺防曬正正常常啦 會繼續使用～
<看全文>
Momojoejoe - 廢青環遊世界好用推薦：在夏天這個又曬又焗的季節，選擇一支真正適合自己膚質，又能提供全面防護的防曬產品，對我來說一直是一項挑戰。身為一個混合偏乾肌，又容易因天氣悶熱而出汗的人，我對防曬的要求可以說非常高。太厚重會導致肌膚悶住、長小粒粒；太清爽又擔心防曬力不夠強，無法應付長時間在戶外的日子。 最近試用了理膚寶水的安得利清爽極效夏卡防曬液（LA ROCHE-POSAY ANTHELIOS UVMUNE 400 Invisible Fluid SPF50+），這款產品讓我非常驚喜。首先，它的質地非常輕盈水感，推開後幾乎瞬間被肌膚吸收，完全不泛白、不黏膩，也沒有油膩感，擦完之後肌膚依然保持乾爽舒適。不論是單獨使用還是作為妝前防曬，都不會影響後續底妝的服貼度，反而讓妝容更持久。 再來是防曬力的表現非常出色。我在連續幾天進行戶外活動，甚至去游泳的情況下使用它，都沒有出現曬紅或曬黑的情況，肌膚依然保持透亮乾淨。這款產品的UVMUNE 400長波UVA過濾科技，能抵禦UVA-400等深層紫外線，對預防光老化非常有幫助。對我這個剛開始關注初老問題的人來說，這一點非常加分。 配方方面，它的極簡配方不含香料，對容易敏感的肌膚非
<看全文>Paris merci 好用推薦：LA ROCHE-POSAY ANTHELIOS UVMUNE 400 Invisible Fluid SPF50+，唔同顏色代表唔同款，黃色係經典款冇香味。 2025新出推介款式，廣譜輕盈防曬標誌着唔會曬黑，流質乳液質地，上面嚟講係有啲太陽油嘅油質感，所以千祈唔好做防曬打底，會泛油光。而且上面係會有流白汗嘅情況。千祈千祈唔好擺太耐，盡量一季就用晒，擺太耐會變超級臭。 呢款防曬係比較強勁，主要嚟講係戶外活動，游水嘅時候佢係一流，運動會嘅時候用非常適當，因為運動嘅時候面泛油光都冇問題，直程成個夏天用佢嘅時候都冇曬黑。反而用佢用喺body非常佳，而且帶出街補防曬都方便。 落防曬嘅時候要要用卸妝產品，因為佢係比較油膩，落唔乾淨會皮膚差💕
<看全文>
Tszki好用推薦：呈白色乳霜狀，容易推開，質地略帶厚重，用後肌膚帶有滋潤感。保濕力強肌膚水分大提升，能即時保濕，皮膚用後充滿光澤感，不顯死皮，朝早塗抹後，滋潤感可維持一整天。 塗抹抗曬修護日乳後，上底妝亦不會起擦膠粒，on top 加上粉底亦沒有影響粉底的貼服程度，沒有岀現嚴重脫妝問題。防曬度數算高有Spf50，沒有泛白。沒有產生過敏反應能舒緩泛紅位置！沒有香料推薦使用
<看全文>Fng好用推薦：NIVEA Luminous630 抗曬修護日乳 ☀️ 優點： · 淡斑技術加持：專利Luminous630成分，連續用4週雀斑同痘印明顯減淡，開架中少見有效美白抗曬二合一 · 保濕貼妝：乳霜質地潤而不膩，熟齡偏乾肌用後底妝更貼服，冷氣房下唔會繃緊 · 高防曬系數：SPF50/PA++++ 足夠香港夏天通勤使用，抗紫外線同時預防色斑 ⚠️ 缺點： · 膚感偏潤：油肌夏天用可能嫌膩，建議壓碎粉定妝 · 酒精味明顯：敏感肌要先試用，有輕微熏眼感 · 抗氧化力弱：到下午膚色會微暗沉，要補塗或搭配抗氧化精華 🌞 香港夏天實戰力： 混合偏乾肌用後T位微出油需壓粉，但兩頰潤澤度完美平衡！流汗後無溶白痕，防曬力穩陣度媲美專櫃。同價位中唯一做到「淡斑+高防曬+貼妝」三效合一。 💡 總結： ⚠️⚠️⚠️百元級淡斑防曬日乳之王！適合追求性價比同淡斑功能的熟齡肌，但極油肌同敏感肌要試清楚～💡
<看全文>
maylam好用推薦：會員試用裝 我覺得幾好用 有少少似Chanel(?)嗰個cc cream 不過呢個輕薄d 有少少遮瑕度and閃粉 但係搽完之後隻手唔會污糟 顯得塊面幾乾淨
<看全文>Sarah好用推薦：這款新出的產品好好用，覺得幾潤澤，面色好咗好多，敏感肌都用得。
<看全文>
Emily Leung好用推薦：日本必買防曬，Canmake美人魚防曬啫喱！ 日本藥妝店很火的一款防曬！一共有五個顏色，各有不同的功效！ ⭐️ 01透明：任何膚色的人都可以使用的無色型。 ⭐️ 02白色：上臉後有提亮作用，可讓肌膚有美白效果 ⭐️ C01薄荷綠: 含有積雪草葉提取物,改善泛紅和暗沉的綠色型。 ⭐️ C02黃色款黃色的抗氧化成分，可以糾正不均勻的顏色。 ⭐️ C03薰衣草紫: 改善泛黃和暗沉的保濕成分。 ☘️防曬度：SPF50+ / PA++++ ☘️成份：含83%精華成分 ☘️質地：質地水潤易推開，成膜巨快。 🍀效果：控油能力不錯，一天下來不怎麼氧化。 我最愛是C03紫色款，可以遮盖暗沉，調節膚色！它不僅可以用於面部，還可以用於全身。洗完臉後，可以用這一款做護膚、保濕打底、防紫外線打底。質地水潤不會搓泥，不影響後續上妝！
<看全文>糯米喵好用推薦：呢一支打底係我係松本清買福袋嘅時候入面有嘅，因為見呢隻都好似好出名，所以都比較有興趣。 用完嗰吓心心眼咗，因為佢十分之保濕，冬天用係一流，自己已經回購咗一次！佢係黃色嘅膏體，會提亮到皮膚，而且搽完會好有水光感。 自己係十分之鍾意呢種保濕感好強嘅打底，上裝嘅時候都十分之貼！呢一支已經成為咗我上妝前必用嘅產品，以佢嘅價錢嚟講，性價比係好高，因為佢先$100樓下，所以長期來講自己都會繼續回購，因為真係好好用！
<看全文>