進階精華 推薦好用產品

Kitty 好用推薦：話說前排皮膚狀態唔多穩定，又乾又暗沉，即刻拎出呢隻風靡萬千護膚達人嘅SK-II大紅瓶！用咗一段時間，終於可以同大家分享下真實用後感～ ✨質地同氣味： 佢嘅質地係嗰種好豐潤嘅乳霜狀，一搽上臉就好容易推開，吸收得幾快，唔會好似戴咗個面具咁黐立立，有好明顯滋潤感。味道方面，有陣好淡雅嘅清香，唔會太濃，我個人幾鍾意！ 💧保濕度： 呢支嘢嘅保濕力真係冇得彈！我本身係混合肌，T字位油但兩頰超乾。用完佢之後，成塊面即刻覺得好水潤，尤其係兩頰位，冇再因為乾而繃緊，摸落去仲好似飲飽水咁，彈彈哋～就算而家轉季，皮膚都keep住好穩定，冇乜點出粒粒或者敏感。 🌟修復同光澤感： 最驚喜係用咗一段時間之後，成塊面嘅光澤度同緊緻度真係有提升！唔係嗰種油光滿面，而係由內而外透出嚟嘅自然光澤。之前額頭同下巴有啲暗沉同印印，而家都淡咗唔少，成個膚色均勻咗，睇落精神好多！ 👍整體評價： 畢竟係日系高端護膚品，個銀碼有啲肉赤，但以效果嚟講，真係一分錢一分貨！無論係保濕、修復定係提升光澤度，都交到功課。如果你係乾肌或者混合肌，轉季時皮膚容易唔穩定，呢隻skinpower大紅瓶絕對值得投資～ 當然啦，護膚品呢家嘢好個人

Fng好用推薦：身為混合偏乾肌，喺香港又濕又熱嘅夏天搵面霜，簡直係挑戰。SK-II呢支SkinPower精華霜，網上評價好兩極，有人讚佢修護力強，有人話太潤。親身試用後，我發覺： ▶️質地同膚感： 佢係奶霜狀，質地軟滑，推開後滋潤感明顯，但唔算厚重。吸收速度中規中矩，完成後皮膚會留有一層滋潤膜，手感軟滑，但絕非清爽啞緻。 ▶️保濕修復力：👍👍👍👍 (出色) 呢方面確實交到功課！無論冷氣抽乾一晚，還是皮膚有啲唔穩定、泛紅，佢嘅修護效果都幾顯著。第二朝醒來，皮膚依然保持軟嫩，冇繃緊，兩頰乾燥位明顯被撫平，整體膚色同飽滿度都有提升。呢種修護力，係平價產品好難做到。 ▶️夏日適應度：🤔 (要技巧，未必人人接受) 呢點係最大爭議！香港30幾度+90%濕度嘅日間，用佢真係太潤，後續搽防曬或底妝好易有「冚住」同「黏膩」感。但係，如果係晚間開住冷氣用，對混合偏乾肌來講就係享受，恰到好處。 ✅️總結： SK-II SkinPower絕對係一支高質素嘅修護型面霜，保濕同改善乾紋效果出色👍🏻。但對於香港夏天，佢只適合在晚間冷氣房享用。如果你追求日間清爽，或者係大油皮，佢絕對會係負擔⛔️。混合偏乾肌可以放心用作晚霜，見

Kelvin好用推薦：Olay 水光小白瓶成日賣廣告，呢排萬寧有set裝+88折，值得入手試一試。 精華液係滴管狀，較為衛生。乳白色透明質地，容易推開都幾快吸收，偏向乳液質地，屬於較為清爽嘅精華液。精華液有少少香味，不過Olay嘅精華全部都有香料味。 推開之後皮膚好快吸收晒，夏天嚟講有保濕夠既。我感覺佢嘅功效係滋潤咗你嘅皮膚，而令到皮膚有水份嘅光澤感，感覺用完喺顴骨位有啲明顯嘅斑點好似減弱咗。 如果係好似我夜瞓嘅人，又比較鍾意用簡單查一支嘢就夠，可以買嚟用，保濕得來可以有美白效果☺️

Emily Leung好用推薦：白到發光的Olay光感小白瓶 本人膚質夏天混油，冬天混乾，換季臉頰容易敏感 💜外觀：帶珠光的玻璃瓶，滴管頭是按壓的，顏值高 💜質地：輕薄的精華質地，不透明泛白帶微微光澤，相當水潤，一點不黏膩，上臉很快吸收，有保濕感 💜香味：有淡淡的花香，使用感不錯 💜效果：堅持用一段時間後，感覺整體膚色有提亮，而且臉摸起來軟軟。皮膚質感有變好，變得光澤有通透感，素顏都顯得精神了不少。

Rosa好用推薦：首先因我是混合性偏肝肌皮膚,容易出現敏感.但是用神仙水效果非常有驚喜,首先在我身上沒有出現敏感皮膚 ,大約使用了一個星期嘅效能覺得皮膚嘅明顯暗粒有所改善,令我的皮膚改善出油泛紅的情況，讓我每天都會化妝的女性來說，有不錯的幫助 化妝前使用更令我的妝效更持久，令我的皮膚覺得角質層更新得更快，非常有驚喜是一支我會回購的產品

Kaze13579好用推薦：已經唔記得空瓶咗幾多支啦。曾經都試過中途轉其他牌子睇吓有冇分別，結果都係要回歸佢嘅懷抱繼續使用。的確用嘅初期見到嘅效果最明顯，就係塊面冇咁黃，角質層明顯冇咁厚，總之感覺就係透亮啲乾淨啲。 雖然用用吓就會覺得好似食藥咁純咗，但係你唔用一排呢，就會見到個分別！神仙水真係唔係浪得虛名！ 好多人指控佢有一浸臭腳味🤣，好彩我又唔覺佢臭，佢只係唔係香啫。總之功能勝過一切！不能沒有！

Emily Leung好用推薦：肌研深導水光瓶！👉補水保濕，妝前急救 裡頭用了四重玻尿酸+黃金海藻提取物 能在臉上形成一個內外循環的補水網 把水分噸噸餵給乾渴的皮膚💦 高效滲透，補水力嘎嘎強！ 同時修護屏障提高皮膚保濕鎖水力 沙漠乾皮有它簡直就是遇到甘霖的程度！ 我一般取1-3滴適量精華滴在手上 把精華均勻塗抹在臉上，輕輕往上拉提 每天這麼用下來，喜提大嫩皮！完全不拔乾！ 膚感也很舒服，就是那種清透水潤好吸收的質地 日常就算不出門 在家抹這一瓶補水精華就夠了 乾燥起皮、T區出油終於沒那麼積極了！！ 就連底妝也跟著服服帖帖 皮膚一天下來都水水潤潤的~

Emma W好用推薦：這款精華不僅在保濕方面表現出色，還能舒緩肌膚，讓我在使用後感受到明顯的改善。 這款精華的質地非常輕盈，透明的液體在肌膚上輕輕推開後，能迅速被吸收。使用後不會感到黏膩，反而會留下柔滑的觸感，非常適合各種肌膚類型，特別是油性和混合性肌膚的人士。 每次使用時，我只需幾滴，就可以輕鬆達到良好的保濕效果。 主要成分是透明質酸，這是一種極佳的保濕劑，能有效鎖住水分，保持肌膚的水潤感。此外，產品中還添加了多種植物提取物，這些成分有助於舒緩肌膚，減少紅腫和敏感的問題。長期使用下來，我的肌膚變得更加平滑，紅潤感也明顯減少。 我通常在清潔肌膚後，使用這款精華作為護膚程序的第一步。搭配其他護膚產品，能夠使後續的保養效果更佳。特別是在季節變換或肌膚狀況不穩定時，這款精華成為了我的救星。它幫助我穩定肌膚狀況，減少了乾燥和脫皮的問題。

Kmggigi好用推薦：L'Occitane Overnight Reset Oil-in-Serum — 修護肌膚，夜間重啟水潤光澤！✨ 呢款Overnight Reset Oil-in-Serum嘅質地係半水半油，真係好特別！ 延展性非常高，輕輕一推就可以均勻塗滿全臉， 仲可以順便用嚟按摩面部， 幫助吸收同促進血液循環，使用感非常舒服。 不過，佢嘅氣味比較濃郁，有一種植物精油嘅香氣， 雖然有啲人可能會覺得放鬆， 但如果你對味道特別敏感，就需要考慮清楚， 可能會覺得有啲過濃。 用完之後，第二日瞓醒會感覺面部冇咁乾燥， 肌膚觸感柔軟、細滑，充滿水潤感， 呢款精華嘅半油性質應該幫助咗鎖水， 令肌膚保持住水潤嘅同時， 仲散發出自然嘅亮澤感， 特別適合乾燥肌膚或者轉季時使用！💧✨

Fng好用推薦：L'Occitane 蠟菊換活雙效精華屬熟齡混合肌夏日抗老輕盈之選 L'Occitane呢支雙效精華絕對係懶人抗老恩物！同其他品牌抗老精華（如Clarins雙泵精華、Estée Lauder再生精華）相比，佢贏在二合一設計——水狀精華+輕盈油質地，搖勻後一拍吸收，唔會黏笠或浮面，夏天用零負擔✨ 熟齡混合偏乾肌實測：冷氣房內保濕力可維持全日，面珠墩明顯飽滿咗，乾紋有即時淡化，同時T位無泛油光。持久度驚艷過Clarins（後者較潤膩），又唔似EL咁需要疊加其他保濕。蠟菊成分抗氧效果好，帶妝8小時無暗沉！ 唯一要注意係極潮濕日子可減半用量，但一般冷氣環境下平衡度完美。價錢中高但用量省，一支搞定保濕+抗老～ 推薦給：✔️ 熟齡肌要輕盈但高效抗老 ✔️ 怕精華層疊太厚重 ✔️ 夏天想簡化護膚步驟！

Sakura醬好用推薦：最近轉季皮膚又乾又痕，塊面時不時泛紅，真係頭都大。敏感起上嚟，真係搽咩都好似冇乜用咁。好彩最近試咗d program呢隻 「酵母益生元修復面霜」，佢話自己係「敏弱肌嘅肌膚保鑣」，等我同大家逐樣拆解下係咪真係咁神奇！ 🧪 成份：靠資生堂嘅「酵母益生元」科技，主打由底層修復敏感，仲有甘草等舒緩成份，無酒精香料，夠晒溫和。 💆 質地與氣味：白色乳霜質地，比較滋潤，但唔會太厚重。推開水潤，吸收算快。有少少初初黏感，但好快消失。近乎無味，冇加香精嗰種人工香，唔怕刺激。 🌟 親測效果： · 保濕舒緩：乾癢時厚敷，即時舒緩，冷氣房過夜都夠力。 · 修復穩定：用幾日，面頰泛紅同脫皮有明顯改善，皮膚冇咁易「躁動」。 · 整體膚感：皮膚摸落光滑咗，有返光澤，感覺健康穩定。 📝 總結：佢係一支專攻修復同穩定屏障嘅本命保濕霜，特別啱乾敏肌轉季或不穩定時期用。如果你追求極致清爽，就要試過質地先。整體嚟講，係皮膚「鬧情緒」時可靠嘅幫手！

Emily Leung好用推薦：0卡粉0添加！封神修護保濕面霜！ 秋天到啦～相信有很多姐妹都會出現敏感肌反復的問題，不過，我最近在日本購入一款面霜，真的一絕，它就是d program面霜💞 🌟它含有3重天然植萃，能夠快速緩解泛紅肌膚問題 🌟全新的AI-Tech脂質修塑技術，能讓肌膚保持水嫩 🌟不含色素酒精等致敏成分，敏感肌可以放心使用 🌟質地是綿雲乳霜質地，非常好推開而且很容易吸收 我是混油皮，塗在臉上一點都不粘膩！一下子就吸收了！現在我真的離不開它～🐮🐮 敏感肌的姐妹們還不快衝啊！👍👍

Emily Leung好用推薦：Avene再生修護精華簡潔白色樽身，泵出嚟係輕盈嘅乳液狀。 我用咗呢支精華大概一個月，真係好鍾意！ · 溫和唔刺激：我皮膚容易敏感，用呢支完全冇問題。 · 質地舒服：搽上面好快吸收，唔黏立，保濕度夠。 · 退紅有效：面頰泛紅真係減淡咗，皮膚睇落穩定咗同平滑咗。 一支好可靠嘅修護精華，尤其係當皮膚唔穩定或者敏感嘅時候用，效果最明顯。會繼續用落去！

Helen好用推薦：以修復精華嚟講質地比較快吸收 唔會有油膜感，後續用其他產品都OK 

Kathy Wai好用推薦：轉季期間皮膚狀態唔穩定，時乾時油，仲容易泛紅，真係幾頭痕。用咗Lancôme小黑瓶之後，先至知咩叫「修護肌底」嘅威力。 佢嘅質地係半透明蛋清狀，推開後咻一聲就吸收晒，清爽唔黏膩，用完皮膚即刻變得軟熟。我習慣喺爽膚水後、精華前用，當作打底，發現之後搽咩護膚品都吸收得快咗。 最明顯係轉季時，塊面冇再咁容易敏感泛紅，毛孔睇落細緻咗，成個膚色都光亮均勻咗。雖然價錢有啲高，但維穩效果真係冇得頂，絕對係我轉季護膚步驟裏面，最唔可以缺少嘅一步！

Kelvin好用推薦：定期都會去護膚品專櫃做皮膚測試，我男士肌膚都會日常護膚，今次專櫃姐姐話我皮膚缺水🥲相信因為呢排太陽太猛烈，曬到皮膚好乾。好彩除咗塊面偏乾之外都冇咩問題，亦都冇咩皺紋、老化等 一聽到太乾，就即刻用返LANCOME煥活修護精華。依枝精華又係一支經常用嘅精華，精華水感不厚重，搽咗上面之後好快吸收，亦都唔會有黏立感🤣坦白講用耐咗會好似皮膚冇咩特別大效果，但質地夏天好適合。 對於皮膚成日生暗瘡嘅人嚟講會啱用，用完皮膚係會真的較穩定

mandy好用推薦：LANCOME Génifique Ultimate Dual-Repair Augmented Serum GÉNIFIQUE 煥活修護精華 (小黑瓶) $800 / 30ml; $1150 / 50ml; $1960 / 115ml 功效: 保濕+舒緩+抗衰老 昇級版的小黑瓶添加了不少優質美肌成分， 包括: 保濕、鎮靜消炎、抗衰老及抗氧化等成分。 由於昇級版的小黑瓶不含酒精及色素又蘊含鎮靜消炎成分，使用後肌膚完全沒有不適，連面上的泛紅也大大減少，即使敏感肌也可安心使用。 昇級版的小黑瓶質地剛剛好，在水潤及清爽之間平衡，有輕微的滋潤感，不會太水感好似冇搽野咁。這樣優秀的質地也是令人很想回購的原因。 使用不久後，昇級版的小黑瓶已效果顯著，肌膚水水嫩嫩，膚況變得穩定，面上泛紅減少，毛孔也不明顯。抗衰老方面，法令紋則冇以前咁深咁明顯。 如果天氣或肌膚特別乾燥時，BA建議每次按兩泵，令使用感更滋潤。 含保濕成分: 雙叉乳桿菌, 甘油, 戊二醇, 矽靈, α-葡低聚糖, 羧甲基 β-葡聚糖鈉, 玻尿酸鈉, 甘露糖, 對羥基苯乙酮, 辛乙二醇, 乳酸, 乳酸菌, 麥芽糖糊精, 酵母萃

Kelvin好用推薦：Lancome 最出名嘅王牌精華液就係genifique，雖然市面上有好多專櫃牌子有同類型多功能精華，之前Cosme 有個post都有介紹，genifique<小棕瓶<紅腰子，質地最清爽。聽到都覺得夏天啱曬。 有人話用耐咗之後冇效果，但我又冇咩特別需求，淨係需要保濕功效，我覺得幾啱用。 佢可以當基底液或者保濕精華使用，我就直接當保濕精華用最方便，上面嗰下有少少厚，推開後就會變好清爽嘅精華，吸收完之後冇殘留，係我近排用得最多嘅精華。 之前嘴邊有啲位食咗蝦少少敏感紅，搽genifique第二日就無紅，而且甩皮嘅地方好快修復返，感覺好似平平無奇，但用左之後皮膚穩定啲。

Emily Leung好用推薦：Innisfree 維他命C綠茶酵素透亮精華用後感 我係混合性肌膚，T字位偏油，兩邊面頰有時會乾，尤其係轉天氣嗰陣。面頰有少少早年手痕擠暗瘡留下嘅淡淡啡色印，同埋成日對住電腦，面色有啲暗啞唔夠光，想搵支精華提亮同均勻返膚色。 ⭐️質地 呢支精華嘅質地係 半透明嘅啫喱狀，一推開就化水，好清爽！完全唔會「立痴痴」。吸收得好快，捽兩嘢就已經入咗皮膚，好似無搽過嘢咁，但摸落去會感覺到皮膚有層好薄嘅保濕感。油性皮膚嘅朋友應該會好鍾意，因為真係零負擔。 🍊味道 一打開就聞到好清新、好舒服嘅 綠茶味，唔係好人工嗰種香精味，似係沖緊杯新鮮綠茶咁，帶少少柑橘類嘅清新感（可能係維他命C成份？）。呢個味道好療癒，搽上塊面嗰陣好放鬆，唔會燻鼻。 💧使用感 · 清爽度： ★★★★★ 真心清爽，夏天用或者油肌用都無問題，完全唔會黏膩。 · 保濕度： ★★★☆☆ 對我嚟講，如果秋冬單用佢，兩頰可能唔太夠潤，要再加保濕乳液。但佢主打係透亮，保濕算合格，唔會令皮膚乾。 · 溫和度： ★★★★☆ 我皮膚有少少敏感，但用呢支完全無刺痛或泛紅。不過如果係極敏感肌，最好都係耳背試咗先。 · 後續上妝： 唔會擦膠碎，同防

JZ好用推薦：夏日炎熱潮濕、紫外線強烈，容易誘發皮膚泛紅、敏感、受損，我選用INNISFREE維他命C綠茶酵素透亮精華來穩定肌膚。 這款精華含有高濃度的維他命C衍生物3-O Ethyl Ascorbic Acid（成分表第5位），它有強大的抗氧化功能，可以幫助皮膚抵禦自由基的傷害，維持肌膚穩定性。參考下附圖中成分表，可以見到配方使用了1,2-Hexanediol搭配Pentylene Glycol及Glycerin的促滲體系，幫助提升3-O Ethyl Ascorbic Acid應用於皮膚的透皮率。此外，這款精華含有泛醇、肌肽、煙酰胺、尿囊素、透明質酸、積雪草等修復舒緩成分，幫助維護皮膚屏障，降低氧化糖化等損傷。 INNISFREE維他命C綠茶酵素透亮精華是流動性很高的透明無色液體，質地輕盈水潤，膚感透薄舒適，夏季使用也不會感到厚重油膩或堵塞毛孔，連續使用一段時間後可以看到皮膚白淨、狀態穩定、泛紅過敏問題減少。我本人有多年使用各類維C精華的豐富經驗，相較於我之前使用過的一些原型維C精華，我很喜歡這款精華的原因是在使用它效果不錯的同時，還不必擔心它會像原型維C精華那樣染黃手部、面部皮膚及衣領，也不必

YY好用推薦：秋冬嘅護膚品有好多我比較鍾意嘅就係呢一支Clarins Double serum！ 買返嚟個時以為好油膩，但係其實係冇呢個問題。精華入面水油分隔，官方用法放喺手心乳化混合，用熱力喺皮膚上面按摩，而唔係直接將精華油塗上面。我比較鐘意喺功能精華之後疊加上/當面霜用於精華後。 混合性皮膚到乾性皮膚都適用，廿尾三十開始使就差唔多。clarins Double serum平和咁樣令到皮膚keep住穩定嘅狀態，唔會出現甩皮泛紅嘅問題。皮膚好咗，毛孔細咗，乾紋都少咗。真心正！ 遲啲用曬就試下clains 全新第9代 賦活雙精華! #秋冬護膚神隊友

msthea好用推薦：Clarins嘅賦活雙精華係我呢兩年冬天必用嘅精華 保濕度非常好，好適合秋冬使用 因為我皮膚係屬於缺水偏乾，好多時秋冬塊面都會抆抆緊咁，覺得有啲痛，試過好多唔同嘅精華加面霜，都減輕唔到呢個感覺 自從早兩年試用過呢個精華，發現真係好好，夜晚用完，第二日淨係用爽膚水同面霜，都仲keep到個保濕度，唔會覺得乾燥  呢個係有兩個質地嘅精華混合而成，唧出嚟嘅時候會明顯見到有透明嘅顏色，同埋啡啡地嘅顏色，混合完之後搽上面就可以 而個樽蓋上面見到有兩個唔同嘅公仔，代表「大滴」同埋「細滴」，咁可以根據返自己嘅需要而調校一泵嘅份量，我覺得係一個幾好嘅設計以5⭐️為我嘅滿分 保濕度 ⭐️⭐️⭐️⭐️⭐️ 感覺持久度 ⭐️⭐️⭐️⭐️⭐️ 減紋 ⭐️⭐️⭐️⭐️ 推薦度⭐️⭐️⭐️⭐️⭐️

Poyobb好用推薦：先講膚感，質地水油分離，用之前要先搖匀，上面一下皮膚會好油，但好吸收，之後就唔會油膩，感覺皮膚已經被滋潤，被覆蓋包住，係舒服嘅感覺。 夜皇后用左摩洛哥月光仙人掌，褪黑激素讓肌膚於夜間重新啟動肌膚修復系統，如8小時充足睡眠！持續使用的話肌膚會達到平衡狀態，透亮！精華有抗氧化同保濕功能，用完第二日肉眼可見皮膚係會細滑咗，角質冇咁粗糙，化妝都會貼啲，但唔用呢就會還原，依個point係真🤣係光澤唔係白左 如果瞓覺夏天唔開冷氣，我搽完肌底液之後就直接用夜皇后、即使唔搽面霜保濕度都足夠。尤其是我真係好夜瞓嘅，但我會瞓覺瞓足八九個鐘，第二日皮膚都光澤🤗夜皇后有保濕抗氧化，仲可以針對角質問題，佢嘅酸成份應該好低，感覺乾性皮膚都適合用。 最後，佢個樽身好靚，用過時候記得要搖勻。而且仲有得買淨refill，正裝會用，sample都會拎，算係幾環保♻️ 就算屋企有好多支尊貴品牌不同功效嘅精華，我間唔中都會拎出嚟用，夜皇后係有特別之處💕

楊壯碩好用推薦：YSL Pure Shots Night Reboot Serum Review 綜合評分：4.5/5；詳情如下—— 包裝：4/5 ▶️comes in an airtight pump, good for preserving active ingredients👍 ▶️a bit bulky for travelling though✈️有替換裝支持環保是好事，但外面那個大塑料殼真的沒有必要 成分及formulation：4/5 ▶️含有antioxidants、甘醇酸等保養有效成分，但官網描述該產品pH值為4，而甘醇酸在pH值4的環境中只有約40.34%是active的(see source below)，估算下來，包裝標注的3.4%甘醇酸乘以40.34%的活躍度約等於可能只有1.37%的甘醇酸能夠有效滲透角質層，可以說有效濃度並不高。當然，有效成分並不是濃度越高越好，作為每天使用的護膚品，低濃度的甘醇酸已經能夠溫和地達到改善效果 ▶️成分表（圖）中有denatured alcohol和fragrance，這些是用來提升產品使用感，但對護膚沒有顯著好處又同時具有刺激性、風險

YYeman好用推薦：d program粉色精華用後心得 呢支精華可以話係「潤物細無聲」嘅代表，唔會即刻有驚天動地嘅效果，但係用落就會知道佢好嘢。 整體評價： 一支非常出色嘅「打底精華」，主要功效係維穩、保濕、平衡肌底。特別適合敏感、脆弱、容易泛紅、水油失衡嘅肌膚。 詳細使用心得： 1. 質地同氣味： · 質地： 係帶有少少稠度嘅半透明凝露狀，一啲都唔油膩。 · 推開感： 非常好推，上臉一撻撻開就即刻化水，吸收速度超快，「咻」一聲就入咗皮膚，完全唔會黏立立。 · 氣味： 同d program其他產品一樣，完全無香料，只有好輕微好輕微嘅原料味，唔難聞，好有安全感。 2. 使用感受： · 保濕度： 好好！雖然佢係水感質地，但保濕力絕對唔弱。拍上臉之後，會覺得皮膚飲飽水，有種「嘭」起嚟嘅感覺，軟軟嫩嫩。 · 舒緩效果： 呢樣係佢最強項！當你塊面有少少痕、少少燶，或者洗完面有啲繃緊泛紅，用咗佢之後真係會好快鎮靜落嚟，個「燶」感會減輕好多。 · 水油平衡： 用咗一段時間（大約一至兩星期），會覺得T字位冇咁易出油，而面頰又冇咁乾，成塊面嘅狀態穩定咗。佢唔會話令你完全唔出油，但個「油量」會正常返，冇咁「油光

Kelvin好用推薦：D program係喺藥妝經常見到嘅牌子，5x酵母益生元保濕強韌精華精華質地唔厚重，半透明gel狀，容易於面部推均勻，完全冇油膩。而且感覺一搽上面就容易推入皮膚，感覺舒服又幾快吸收。冇一啲化學嘅香料味，都幾容易令人接受。 一次用2泵，用完之後，感覺皮膚濕潤飽滿，好似俾水包住皮膚咁。用咗一段時間之後，T字位冇咁容易出油重，面頰皮膚冇咁容易乾燥，整體肌膚穩定咗。我用完呢支精華之後就直接送返保濕面霜吸防曬就已經可以出門口。 因為呢個精華可以穩定皮膚，適合轉季嘅時候敏感肌，脆弱肌使用。另外對皮膚水有平衡不均嘅人士都比較有效。

Meowcat好用推薦：前排系ig 睇到kol 講緊呢個系列，滲透力媲美1064波長Laser😍 超微細分子直達真皮層1.5mm😍 快用完一支，真系驚艷到！質地好輕盈，是凝露狀，上臉之後吸收快、不黏笠，特別適合夏天這種悶熱嘅季節！ 平時番工通宵又熬夜😭 脸色真的很容易暗沉冇光澤架😭早晚堅持用，皮膚狀態穩定透亮細膩，泛紅減退，看起來休息足夠，氣血很足的樣子！原本最困擾的法令紋和卡粉問題都緩解了，皮膚變得有 彈性，素颜出門都比以前更有自信！

Fng好用推薦：曼秀雷敦肌研臻致淡紋精華｜ 平價版皺紋橡皮擦 質地與膚感：👍👍👍 (中規中矩) 按出嚟係半透明凝露狀，推開時有少少黏感，但吸收後呈半啞緻狀態。對混合偏乾肌來講，秋冬季節用剛好，夏天就可能要減少用量，或者只集中用喺紋路位置。 真實淡紋效果：🤔 (要有耐性) 用咗四星期，最明顯係額頭同眼尾嘅細紋冇咁顯眼，尤其上妝後冇再卡粉。不過要期望佢消除深層法令紋就諗多咗，屬於「預防勝於治療」型，適合剛出現細紋嘅輕熟肌。 使用Tips ： 1. 「紋路集中法」：額頭、眼尾、法令紋重點按摩 2. 「混合面霜」：覺得太潤可以混入面霜，加強全臉抗老 3. 「化妝前急救」：妝前薄擦喺易卡紋位置，即時撫平 溫馨提示： ✨建議晚間使用，日間要加強防曬 ✨要連續用至少28日先看到明顯效果 總結： 一支合格有餘嘅「入門級抗皺精華」！特別適合預算有限、剛開始出現細紋嘅輕熟混合肌。雖然唔會帶來驚天動地嘅逆齡效果，但以其針對性成分同合理定價，絕對係開架中誠意之作！記住，要俾耐性同用足量，先對得住佢個「淡紋」名號呀！ #日系護膚

Sakura醬好用推薦：INNISFREE 超強補水精華 最近試咗INNISFREE嗰款綠茶籽精華，真心被佢嘅補水力嚇親！🌿💧 我本身係偏乾肌，尤其成日留喺冷氣房，塊面好易乾同繃緊。用咗呢款綠茶精華之後，皮膚明顯有改善，又水潤又清爽！ 佢嘅質地輕身易推，搽上塊面一啲都唔笠唔黏，而且吸收得好快。朝早用都完全冇問題，唔會悶痘，之後上妝仲貼服啲。 持續用咗一兩個星期，真係覺得皮膚變得柔軟有光澤，連原本乾燥嘅細紋都唔見咗，成塊面好似飲飽水咁💦 如果你都係成日對住冷氣、皮膚容易乾嘅話，呢個綠茶精華真係超啱你，清爽又保濕 👍

Fng好用推薦：佢個樣咁靚咁可愛🥰就買咗返嚟試下😍 綠茶籽保濕精華有效補充肌膚水分，使肌膚水潤透亮。質地水狀，易於推開，吸收快，不會有黏膩感。綠茶成分有助於舒緩肌膚，對乾燥、敏感肌膚有一定幫助，而且價格親民，容量大，性價比高，適合所有膚質，特別是乾燥敏感肌。😒缺點係用於妝前，可能會導致妝容起屑🤐 總體來說，Innisfree綠茶籽保濕精華是一款性價比高、保濕效果不錯的產品，適合大部分膚質使用，尤其是在日常保濕方面表現優秀。 但如果擔心妝容起屑的問題，建議在使用前測試吓先。 #補濕

Cosmeemee好用推薦：#火熱新品 🗓️使用時間：持續使用一個月 💆🏻‍♀️個人皮膚狀況： 混合乾性肌膚，全面易乾而出油 膚色有點不均勻，有少許雀斑及暗瘡印 皮膚有時洗澡後有敏感及易紅約情況 使用產品後沒有任何過敏反應 🔽全面使用心得如下🔽 1️⃣產品質地: 這款精華液的質地非常輕盈,無油光感。滑順易推開,即使在潮濕天氣下也不會有任何黏膩感，並能夠快速滲透進肌膚,基本上1分鐘內已完全吸收。 2️⃣淡/防印效果: 在持續使用一個月後,我發現暗瘡印和色斑確實變淡了不少，使肌膚看起來更加平滑。🔼剛使用🔼一個月後 3️⃣保濕效能: 精華液含有多種保濕成分,能給肌膚長效補水保濕。每日早晚都有用，雖然冇純B5gel咁保濕，但以美白精華來說，保濕效果非常不錯，即使在炎熱天氣下也沒有任何乾燥或緊繃感。 4️⃣低敏配方: 這款精華液非常溫和,不含酒精、香料和防腐劑，是敏感肌也能用的美白產品～ （使用方法:早晚洗臉後，上爽膚水，取適量精華液塗抹於全臉，再上面霜。） 🙌總結評分🙌 低敏程度：♥️♥️♥️♥️♥️ 美白效果：♥️♥️♥️🤍🤍 防班效果：♥️♥️♥️♥️🤍 淡印效果：♥️♥️♥️🤍🤍 推薦程度：♥️♥️♥️♥️

Kelvin好用推薦：Olay PROX皙顏袪斑精華液 從根源防班淡印，具備有「NIA + SDL」專利淡斑配方，穩定黑色素母體，減少黑色素擴散和沈積，有助從肌底淡斑🤗 質地透明珍珠白色，我塊面需要一次用3泵，搽上面大概30秒已經吸收晒，清爽唔黏笠，朝早用都唔會黐立立，仲有啲保濕效果，大部份用都鍾意嘅質地👍🏻 大概用咗1/3，暗瘡印位退得快，用完會塊面白淨咗。但我多年嘅色斑就感覺退嘅效果就唔太見到，但係我覺得可以keep住用，開架牌子又有專利效果針對淡斑嘅精華唔多，希望用落夏天keep住唔好再出咁多斑。 但會提返美白精華，一定要用足夠份量，如果唔係用咗等於冇用

Fng好用推薦：CeraVe 全效保濕精華水💦 質地似稀釋咗嘅精華液，推開後秒吸收唔黏膩，兩頰即刻有飲飽水感！香港夏天冷氣房測試8小時，完全冇繃緊，T區亦唔會泛油光，保濕力拍得住部分貴價產品。添加嘅三重神經酰胺確有修復效果，試過刷酸後泛紅，連續用3日明顯退紅，毛孔都睇落細緻咗～ ⚠️ 局限性 雖然保濕同修復效果出色，但功能較單一，冇抗老或美白成分，需要疊加其他功能性精華。瓶口設計較大，倒出時容易浪費🤫🤨，建議分裝到噴霧瓶使用～ 🆚 同價位產品比較 · VS Hadalabo白潤精華水：Hadalabo質地更濃稠，保濕極強但較黏膩，適合乾肌；CeraVe則清爽得多，混合肌夏天用更舒服～ · VS La Roche-Posay溫泉水：LRP溫泉水主打舒敏降紅，保濕力中等，更適合油性敏感肌；CeraVe修復屏障更全面，保濕力也更持久～ · VS Neutrogena玻尿酸精華水：Neutrogena較側重即時保濕，但持久度一般；CeraVe勝在長效修復，適合日常維穩～ 💡 使用心得 混合乾肌夏日可以當妝前打底，濕敷3分鐘再上粉底，貼服度大增！百零蚊超大支，頸部同手肘一樣用得，性價比超高～ 推薦度

維他他好用推薦：CERAVE 全效保濕修護精華水, 呢隻牌子嘅產品好適合敏感肌朋友使用，產品由皮膚科醫生研發 呢支保濕精華水冇酒精，冇香料， pH值 balance, 可以放心使用 佢嘅質地非常輕盈，入面有三重保濕因子，面部皮膚即時可以吸收晒爽膚水嘅成份，幫助保護肌膚屏障，用完之後皮膚會變得柔軟，睇落去更加健康 個人覺得都幾唔錯，價錢$160 ，有200毫升， OK啦 

Emily Leung好用推薦：Estee Lauder小棕瓶｜萬年回購的熬夜救星！ 琥珀質地清爽水潤，上臉輕輕一推就化開了絲毫不粘膩 第二天起床臉蛋像是按了重啓鍵一樣的透亮！完全不像前一晚上熬了大夜的肌膚！ 它的核心成分律波肽成分真的很厉害，就像是會給細胞定上精准鬧鐘！哪怕我晚上幾點睡都能按時開啓夜間抗老模式，把熬夜帶來的泛紅和乾燥都一點點壓下去！ 堅持用一段時間下來，整張臉透出的光是從肌底里滲出來的嫩！毛孔細膩到隱形！就連難搞的頑固紋也肉眼可見的淡化了不少！ 就算是敏敏肌也可以放心使用！有它在真的是只有越熬越年輕的感覺

natanatalie好用推薦：❤️一生最愛的精華❤️ 又來到不能沒有它的系列！這款Estee Lauder的王牌精華是現時為止我最愛的一款精華！ 首先說說它的價錢，一般在專門店買大概是$1000有50毫升，專門店會附送很多不同的小樣和旅行裝。但是在機場的免稅店購入的話，很多時會有特價，計落只需要不足$900便有100毫升，以一支功效那麼顯著的精華來說，性價比是非常高的。🥳 它的質地就是流動性頗高的精華，有一種非常非常淡的香氣，我個人覺得是一款草本香氣，聞落非常舒服。大概一pump份量便足以搽夠全面，質地不是十分黏立，也是頗清爽和易推開，混合性肌膚春夏秋冬也適合使用。🥰 通常晚上用完，第二日起床會發覺肌膚變得非常細緻，毛孔也會變得非常少，緊致和役齡的功效很顯著和明顯。而且保濕和滋潤效果能夠維持到第二日，上妝會更加貼服和持久！最令我驚嘆的是它改善粗糙肌膚的效果，我的肌膚本身非常粗糙，用了它之後感覺平滑了很多肌膚也柔軟了很多！因此它是我最愛的一款急救精華！🫶🏻

Moni Sou好用推薦：精華質地非常輕盈呈水狀，易於推開能迅速被肌膚吸收，我本身屬乾性肌膚，使用精華後會即時舒緩肌膚繃緊乾燥。 在為期兩週的試用中，我明顯感受到了肌膚的保濕能力提升。早上使用後，乾燥和脫皮的情況大幅減少。 化妝習慣方面，我主要是使用粉餅佢底妝。使用精華佢妝前打底，鞏固皮膚自身補水能力，妝容變得更加順滑，底妝的服貼感也提升了。上粉餅後沒有起屑或浮粉的問題 另外，這款精華對於醫美後的舒緩修復也有不錯的效果。在我有進行醫美療程(Inmode)後使用，醫美療程後皮膚會有紅點和血絲。使用精華後加速了肌膚修復期，縮短紅腫感，讓整個肌膚狀態回復得更快。謝Cosme讓我試用使用factiv HYA3透明質酸補濕精華。精華質地非常輕盈呈水狀，易於推開能迅速被肌膚吸收，我本身屬乾性肌膚，使用精華後會即時舒緩肌膚繃緊乾燥。 使用後我明顯感受到了肌膚的保濕能力提升。早上使用後，乾燥和脫皮的情況大幅減少。 化妝習慣方面，我主要是使用粉餅作底妝。使用精華作妝前打底，鞏固皮膚自身補水能力，妝容變得更加順滑，底妝的服貼感也提升了。上粉餅後沒有起屑或浮粉的問題 另外，這款精華對於醫美後的舒緩修復也有不錯的效果。在我有

Nicole 好用推薦：質地是透明水凝露狀，推開後非常清爽好吸收，完全不會有黏膩或厚重感。擦上臉後能立即感受到肌膚喝飽水的柔潤感，保濕效果相當顯著且持久。 最讓我喜歡的是，在持續使用一段時間後，發現肌膚的穩定度提升了，換季時比較不容易泛紅或乾癢，連帶一些小乾紋也變得沒那麼明顯。我習慣在洗完臉、使用化妝水後，取適量精華均勻塗抹全臉及頸部，輕輕按摩至吸收，接著再擦上乳液或面霜鎖水。它溫和百搭的特性，無論是單用加強保濕，或是搭配其他功效型精華都很合適，尤其推薦給需要高效補水與強化肌膚屏障的朋友，在熬夜後使用更能感受到它的修護力。#保濕#夏天

Chloeincosme好用推薦：因為額頭、面側經常生粒粒所以買咗肌研呢枝重淡斑精華 嚟試！用咗兩星期後，雖然未見到皮膚好明顯白左，但清楚見到全塊面膚色更加均勻，之前有黑色素積聚嘅地方都明顯提亮，尤其是鼻翼和嘴角呢啲色素沉澱既地方😂最驚喜係額頭痘痘冇因為用精華而惡化（好驚美白精華會惡化粒粒情況），仲反而有效減退咗痘痘帶來嘅紅腫情況～ 🤍 均勻膚色：4.5/5 全臉暗沉問題改善咗好多，尤其係鼻翼同嘴角位置！ 🤍 淡印抗炎：4.5/5 對痘痘肌超友好！唔單止冇刺激發炎，仲可以加速退紅，預防深色痘印形成～ 🤍 溫和度：5/5 美白配方但零刺激，就算生緊痘痘嘅位置用都完全冇刺痛感～ 🤍 透亮感：4/5 光澤感係從肌底透出嚟，就算素顏睇落都精神咗～ 總結： 呢支精華幾好用！價錢唔貴！一枝同時做到均勻膚色、淡印同抗炎，推薦俾所有受色素沉澱同痘印困擾嘅你！ #火熱新品

Kala好用推薦：肌研H.A. Supreme亮肌淨斑精華抹起來水水潤潤，吸收超快，完全不黏！有4種玻尿酸、維C跟煙酰胺，保濕又能淡痘印、色斑。用兩週，臉看起來亮一點，暗沉有改善，混油肌跟敏感肌都能用，沒酒精不刺激。滴管好用但容易擠多。想美白淡斑可以試試，淡斑效果可能要用耐少少先見到。