找產品
爽膚柔膚 推薦好用產品
176 件
Emma W好用推薦：LANCÔME 第二代極光水質地輕盈，水油混合設計，搖勻後吸收超快，清爽不黏膩！連續使用7天，肌膚明顯亮白左，毛孔變細緻，油光減少，膚色均勻度提升。其保濕力唔錯，有水油層，但又唔油，適合春夏潮濕天氣。搭配小黑瓶效果更佳，肌膚水潤有光澤，細紋也有改善。敏感肌也能安心用，無酒精無香料，膚感舒適。整體而言，這款精華水讓肌膚如拋光般嫩滑，值得入手！ 適合肌膚：任何 成效度：4/5 保濕度：4/5 吸收度：4/5 質地：水狀 光澤度：3.5/5 值得推薦度：4/5
<看全文>Chloeincosme好用推薦：🤍 水油平衡：5/5！Lancôme極光水嘅水油比例真係調得啱啱好～搖勻之後上臉，滋潤得嚟又唔會過份油膩，完美兼顧補水同鎖水，乾肌用咗覺得好滿足！ 🤍 妝前打底：5/5！最驚喜係佢同底妝超夾～用完之後皮膚又軟又滑，再上粉底完全唔會打架，反而更貼服有光澤，成個妝容即刻高級咗✨ 🤍 改善粗糙：4.5/5！持續用咗一段時間，覺得皮膚冇再輕易甩皮，額頭同面珠嘅粗糙感明顯減少，摸落去細緻咗好多～ 🤍 吸收與手感：4.5/5！雖然帶少少油份，但吸收得好快～用完之後皮膚有種柔軟嘅潤感，唔會黐笠笠，後續護膚品都吸收得更好～ 總結： Lancôme極光水絕對係乾肌恩物！水油混合配方恰到好處，唔單止解決咗乾燥甩皮問題，仲令後續上妝更順利～已經成為我妝前同晚間護膚必備步驟，會繼續回購！推薦比所有乾肌同鍾意光澤妝感嘅你！
<看全文>
維他他好用推薦：Ipsa呢個產品嘅名好犀利，叫做復活神水，極致再生精華水。佢喺早晚清潔面部同用完爽膚水之後使用，可以促進肌膚底層，激活膠原蛋白，補充返代謝咗流失嘅細胞，令肌膚回復飽滿光澤，仲可以減淡皺紋，提亮肌膚添。 我用嘅係試用裝，用咗幾包之後，發現佢嘅吸收非常之快，因為其實佢係非常水狀，所以搽上面好快就吸收晒，保濕嚟講，係唔錯嘅，皮膚好快就吸收晒啲復活神水，用完皮膚係柔軟咗，但係我用得太短期，未見到佢嘅功效，希望長期使用可以見到佢激活到膠原底層，會考慮買正貨裝嘅。
<看全文>Fng好用推薦：IPSA 極之再生精華水係品牌旗下最適合熟齡肌嘅升級之作😍！同經典流金水比較，質地更豐潤但零黏膩，推開瞬間滲透，唔似流金水純粹清爽補水，而係真正感受到修護力——用一星期已見毛孔細緻咗同光澤感提升✨ 熟齡混合偏乾肌夏天用完全無負擔，冷氣房內保濕力可維持8小時，面珠墩無繃緊之餘T位亦無泛油。添加嘅氨基酸複合物抗老效果明顯，同流金水主打溫和角質管理唔同，呢支更針對提升彈性同淡化乾紋。 持久度驚艷過流金水——流金水要濕敷先有明顯效果，但極之再生精華水拍一層已經夠潤，出汗後無黏膩感。建議夜間用可疊加兩層，日間單層已足夠打底！ 推薦給：✔️ 熟齡肌需要抗老+保濕二合一 ✔️ 嫌流金水修護力唔夠 ✔️ 夏天怕厚重但求高效！
<看全文>
Fng好用推薦：Fresh 升級版紅茶酵素抗氧精華水，定位中高價位，主打抗污染同抗氧化，同價位類似產品有Kiehl's金盞花水、Origins靈芝水等。 質地與膚感：👍👍👍👍 (清爽透薄) 倒出嚟係水狀質地，非常清爽，拍上臉瞬間吸收，完全唔黏膩，帶有淡淡紅茶清香。呢種零負擔感喺香港夏天用真係一大加分，後續再疊加精華都唔會覺得厚重。同Kiehl's金盞花水嘅清爽度不相伯仲，但保濕感略勝一籌。 抗氧與保濕力：🤔 (溫和見效) 用咗一段時間，最明顯係皮膚冇咁易暗沉，尤其到下午冇之前咁灰黃，抗氧化效果幾顯著。保濕力對混合偏乾肌來講，夏天用係足夠嘅，能做到水潤又唔膩。但相比Origins靈芝水嘅強效鎮靜，佢嘅舒緩效果就相對溫和。 持久度與百搭性：👍👍👍 (穩定之選) 作為護理第一步，佢能穩定膚況，令後續保養品吸收得更好。雖然唔會即刻有驚天動地改變，但長遠用落覺得皮膚更穩定、透亮。同價位中，佢嘅功效比純保濕型化妝水更全面。 總結： 一支專攻抗氧、膚感極佳的高機能精華水。特別適合受暗沉同環境污染困擾嘅都市肌膚，夏天用零負擔。如果你追求單一強效祛痘鎮靜，靈芝水可能更啱；但若想找一支百搭、清爽又能對抗黃氣的打底精
<看全文>Kuma好用推薦：成日捱夜皮膚蠟黃嘅人必入！！♪用咗半樽嘅超真實分享！ 機緣巧合之下俾朋友燒著咗 忍痛入手咗人生第一件Fresh嘅產品_(´ཀ`」 ∠)_ 一開始我都係直接倒落手搽上面，後來有見到有MUA分享可以倒落化妝棉度抹完面再抹頸，嘗試咗一下之後真係好OK！！佢嘅流動性好強，唔容易被化妝棉吸收，抹晒成塊面再抹頸都仲可以抹埋手臂。用咗大概一個月左右，皮膚有比以前白淨咗，冇咁黃。 （我甚至乎最後仲會攞嚟抹埋Underarm，色素沉澱有改善！！） 雖然佢個名叫做精華水，但佢冇辦法直接替代精華，始終冇精華咁潤，所以我會夾埋其他product一齊用。除咗價錢小貴之外，就冇其他缺點～小資女必必必入嘅一支Toner！！ —————— ♪ 流動性：★ ★ ★ ★ ★ ♪ 滋潤度：★ ★ ★ ☆ ☆ ♪ 性價比：★ ★ ★ ☆ ☆ ♪ 氣味：★ ★ ★ ★ ☆ ——————
<看全文>
natanatalie好用推薦：最愛的化妝水🥰 這款化妝水是我近期的最愛，價錢不算十分便宜，但卻有非常討喜的效果。🙌🏻 首先他是有兩層的，每次用它之前我都會先搖一搖，再倒上化妝棉上，這時候便會聞到一陣淡淡的香氣，這種香氣非常清新和討喜，一點也不庸俗，沒有令人敏感的感覺。🫶🏻 在臉上測試數回之後，你會感覺肌膚充滿了水份，老化角質層也被清除，肌膚變得很嫩滑。👍🏻 抹完的化妝棉會有黑黑的感覺，證明它的清潔力非常強！👏🏻 而且它沒有非常厚重的感覺，整體是非常清爽，非常不黏立，非常適合香港這種潮濕天氣下使用的一種化妝水。❤️
<看全文>Connor好用推薦：#火熱新品 一直想試呢個牌子好耐，啱啱好爽膚水又用曬就買呢枝試下啦 我鍾意選擇透明樽身嘅護膚品，可以睇到自己用咗幾多😗呢枝係水+油，所以要搖勻先用，平時我早晚洗面後就用佢，倒小小係化妝棉上再上面，味道好似係柚子味，都幾清新同適合夏天， 質地清爽易吸收，後續再用其他護膚品或者防曬都唔會起擦紙膠碎👍🏻 現時用咗一個多月，感覺上佢都幾保濕，用咗後係冷氣房都唔會覺得乾同埋少咗出油！
<看全文>
mysecretgarden好用推薦：呢支精華水完全唔係我諗嗰種杰撻撻嘅精華質地。倒出嚟係好似水咁，流動性超高，仲要係透明冇色嘅。慣倒啲喺手心，然後直接按上塊面度。佢真係吸收得好快，基本上你按多兩按，捽多兩下，已經完全食咗入皮膚度，冇嗰種黐立立或者好似有層薄膜咁嘅感覺。成個過程好乾爽，但同時你又會feel到塊面係飲飽水，摸落去好軟熟。對於驚黏膩嘅人嚟講，真係一流，亦都唔驚太焗會生粒粒。朝早趕住出門口，啪咁一層上去，再搽防曬都完全冇問題，唔會搓泥。  我皮膚比較容易敏感，所以換新產品嘅時候都要小心處理。我特登查過佢個成分表，係冇加酒精同香料嘅，我用落都冇咩敏感嘅情況 。 我用咗之後，最大感覺係之後再搽面霜，吸收得好咗。朝早起身，塊面依然keep到水潤，冇之前咁易出油 同埋摸落去，有種飽滿咗嘅感覺。至於抗皺呢啲長遠功效，就要再睇耐啲先知。 如果你係追求快吸收、水感、同溫和嘅，真係可以一試。以咁嘅價錢，有咁嘅質地同保濕力，性價比幾高。當然，冇得拎佢同千幾蚊嘅專櫃品牌比較啦。但作為一支日常打底、基礎保濕兼帶點抗老功能嘅精華水，佢絕對合格。
<看全文>Sakura醬好用推薦：人生建議：呢套先係乾皮糙臉嘅天命抗老水乳！ 塊面又乾又糙又有乾紋細紋又暗啞冇光嘅人，都要去用OLAY大紅瓶！！ 講真，呢套抗老水乳我先用咗無幾耐，仲要係三日打魚兩日曬網咁用，成塊面已經肉眼可見！好水嫩！好細滑！ 皮膚質感直接next level咗！首先啲乾紋細紋直接俾佢潤到平伏咗，而且唔知係咪錯覺，覺得皮膚比以前更加瑩潤透亮。 然後一捱夜就又粗糙又乾瘪嘅面珠墩，居然飽滿咗好多！unbelievable!!!! 成塊面唔會再似之前咁殘樣，連毛孔超大嘅出油區望落都細緻咗！！成個皮膚質感特別特別顯貴！！ 而且OLAY呢啲大牌子，你永遠可以相信佢落足料，一套抗老水乳主打四重胜肽！再乾瘪嘅臉都可以同你嘭返起，再粗糙易生紋嘅皮都同你拉平！佢唔單止可以提升膠原蛋白，等你塊面更豐盈飽滿，仲可以促進彈性蛋白，成塊面好似水煮蛋咁嫩彈嫩彈，真係靚到爆！！ 再加埋肌肽同VE，清除自由基抗氧化，你想暗啞都難！包含玻尿酸在內四大補水保濕系統，幾乾嘅臉都可以同你補到足！保濕水嫩成日！ 皮膚質感一點點咁改善，塊面成個水嫩細滑，仲滑捋捋咁！
<看全文>
chasiutung好用推薦：Origins靈芝菇菌精華水 水狀質地 質地吾油好清爽 容易吸收 有淡淡的中藥味 (味道可以接受)我係混油敏感性皮膚 當我長閉口 長痘同皮膚過敏嘅時候就會用佢 我會用靈芝菇菌精華水倒落化妝棉到濕敷5到10分鐘左右 第二日 痘痘就會消腫  敏感第二日都退得7788 真係萬試萬靈 💓同埋日曬後皮膚又紅又熱嘅時候 用佢濕敷降紅效果都非常不錯的 依支係我回購最多次嘅化妝水 真心推介比油性肌混油肌同痘痘肌使用💕
<看全文>Kaze13579好用推薦：從舊版到新版已經起碼用咗兩三支，每逢轉季都會皮膚敏感，偶爾發濕疹嘅我，見到皮膚開始起紅點，發紅甚至開始甩皮，我就一定會用佢，甚至用佢濕敷。效果真係好好舒緩到敏感，又唔會好揦更加刺激到敏感嘅皮膚！最重要係性價比非常好！屋企長期都會有貨，以備不時之需！推介俾皮膚容易敏感嘅朋友！
<看全文>
Emily Leung好用推薦：【D Program 酵母益生元柔膚水】用後感：零毛孔係咪真係得？同黑頭講拜拜？ 日本Shiseido旗下嘅D Program呢支「零毛孔柔膚水」最近好hit，話用到酵母同益生元科技，專治毛孔粗大同黑頭！ 我T字位毛孔大到可以插針👃🏻，鼻翼黑頭又多，見到佢標榜「酵母+益生元」可以平衡皮膚菌群、收細毛孔，仲係日本藥妝口碑貨，即管搏一搏！ 💦 質地同用法 · 質地：倒出嚟係半透明水狀，有少少稠身，但推開好清爽，唔會黏笠。 · 用法：我每晚洗面後，倒喺化妝棉度，輕輕打圈抹T字位同鼻翼，當二次清潔用，有時濕敷3分鐘急救毛孔！ 👍 好用之處 1. 黑頭真係少咗！：用咗兩星期，鼻頭啲黑頭冇之前咁「猖狂」，摸落去冇咁多粒粒，乾淨咗～ 2. 毛孔冇以前咁顯眼：尤其係朝早起身，睇落毛孔冇咁「洞洞」，皮膚睇落平滑啲！ 3. 保濕度夠又溫和：雖然係毛孔水，但唔會搞到塊面乾繃繃，益生元成分令皮膚狀態穩定咗，冇咁易出油。 👎 有咩伏位？ · 效果要堅持：唔好期望用一兩次就毛孔隱形，至少要連續用個幾月先見到明顯變化。 · 價錢偏貴：細細支唔平，濕敷會好心痛⋯⋯ · 乾肌可能唔夠潤：主要針對油性/混合
<看全文>lingbb好用推薦：有一期d program呢個系列網絡上好多廣告，咁岩我都有毛孔問題，而且皮膚間中會敏感就試下入手呢枝零毛孔爽膚水！ 處理毛孔問題我都會先用爽膚水，因為佢係最先被皮膚吸收嘅護膚品，對毛孔收細有關鍵作用，其次可以用作濕敷，係毛孔粗大地方濕敷就會有收細毛孔效果。 爽膚水質地好水，冇乜味，我會取出適量拍上面等佢初次吸收，再浸濕棉花濕敷5-10分鐘，我覺得效果都幾明顯，濕敷後毛孔有被收細，如果皮膚敏感令毛孔粗大呢個方法都可以減輕皮膚泛紅，毛孔自然變返細。 我會推薦俾有皮膚敏感、毛孔粗大嘅膚質。
<看全文>
Emily Leung好用推薦：Sofina iP美活能量肌密化妝水測評：貴得有道理？ 各位姊妹，今次同大家分享Sofina iP系列支皇牌化妝水！專櫃姐姐話佢唔單止保濕，仲可以改善肌底、抗初老，聽到我心郁郁，用咗大半支之後同大家分享真感受！ 質地同氣味： 倒出嚟係偏濃稠嘅透明質地，有啲似精華水，推開之後好快吸收，唔會黏立立。味道係淡淡花香，好優雅，有種高級護膚品嘅感覺。 保濕度： 呢支嘅保濕力真係要讚！我係混合肌，兩邊面頰成日甩皮，用咗之後明顯覺得皮膚飲飽水，摸落去好軟滑。特別係妝前用，之後上粉底真係貼服好多，冇再起乾紋。 溫和度： 我皮膚有啲敏感，但用呢支完全冇泛紅或者痕癢，幾溫和。不過如果你係極敏感肌，都係建議耳背試咗先。 效果： 用咗大半支，最明顯係皮膚冇之前咁易乾，同埋膚色睇落均勻咗少少。至於抗老同收細毛孔呢啲功效，就未算好明顯，可能要再用耐啲先見到效果。 有咩缺點： 價錢真係唔平！而且用量都幾快，如果早晚用，大概兩個月左右就用到七七八八。同埋夏天用可能對油性皮膚嚟講有啲潤，要減少量。 總評： Sofina iP呢支化妝水保濕力真係出色，特別適合乾性同混合肌，或者開始想抗初老嘅姊妹。雖然價錢有
<看全文>mandy好用推薦：Sofina IP Treatment Lotion 角質層修護凝露 $180 / 160ml 功效: 保濕鎖水+修護角質層 角質層修護凝露以保濕成分為主，可以為肌膚補濕， 從而令肌膚更水潤飽滿，並可減少毛孔。 質地水潤，觸感清爽，不是那種黏稠豐潤的化妝水， 一年四季都可使用，油性肌也適用。 有效為肌膚去角質，令肌膚變得更加潔淨亮白， 而用完化妝棉上會有污跡，那就是去掉老癈角質層的証據。 由於成分簡單溫和，不含酒精及色素，敏感肌也可以使用。 含保濕成分: 甘油, 雙丙甘醇, 二甘醇胍琥珀酸鹽, 脒基脯氨酸, 膽固醇, 玻尿酸鈉 及 丁二醇 抗衰老成分: 甘油, 膽固醇 及 玻尿酸鈉 鎮靜消炎成分: 琥珀酸 及 玻尿酸鈉 抗痘成分: 琥珀酸 抗氧化成分: 玻尿酸鈉
<看全文>
Rosa好用推薦：首先因我是混合性偏肝肌皮膚,容易出現敏感.但是用神仙水效果非常有驚喜,首先在我身上沒有出現敏感皮膚 ,大約使用了一個星期嘅效能覺得皮膚嘅明顯暗粒有所改善,令我的皮膚改善出油泛紅的情況，讓我每天都會化妝的女性來說，有不錯的幫助 化妝前使用更令我的妝效更持久，令我的皮膚覺得角質層更新得更快，非常有驚喜是一支我會回購的產品
<看全文>Kaze13579好用推薦：已經唔記得空瓶咗幾多支啦。曾經都試過中途轉其他牌子睇吓有冇分別，結果都係要回歸佢嘅懷抱繼續使用。的確用嘅初期見到嘅效果最明顯，就係塊面冇咁黃，角質層明顯冇咁厚，總之感覺就係透亮啲乾淨啲。 雖然用用吓就會覺得好似食藥咁純咗，但係你唔用一排呢，就會見到個分別！神仙水真係唔係浪得虛名！ 好多人指控佢有一浸臭腳味🤣，好彩我又唔覺佢臭，佢只係唔係香啫。總之功能勝過一切！不能沒有！
<看全文>
Kelvin好用推薦：白色半透明的精華流質狀，有一點點嘅稠度，我一次會用2-3泵擠喺手心，直接拍上面使用，整體感覺保濕舒緩，吸收後會有一層輕薄嘅滋潤感。因為吸收後的滋潤感不算太清爽，沒有作二次清潔使用。 白米提取嘅精華水，帶有少少淡淡嘅酒味，但一定未去到神仙水嘅平替。作為基底液？精華原液？定位有少少模糊。對我嚟講屬於保濕類型嘅精華水，用後皮膚柔軟舒適，但美白功效就不見，用完一支都冇話特別透亮。 一年四季任何膚質都可以使用。
<看全文>mysecretgarden好用推薦：肌研糀潤精華呢支精華用咗一段時間，趁住天氣開始轉涼，同大家分享下用後感。 質地係帶點流動性偏稀嘅半透明凝露狀，推開個下好順滑，有足夠嘅流動感幫你延展到成塊面，但又未至於好似水狀精華咁一秒就吸收晒。佢個種潤度係慢慢滲入去嘅，搽完之後塊面有層好薄好薄嘅保湿膜感，摸落去係軟滑的。 保濕力對我呢個乾肌嚟講真係唔錯。尤其係入秋之後，朝早洗完面搽完佢，個底妝會貼服啲，唔會因為皮膚乾而起碎粉。試過夜晚開冷氣瞓，淨係搽呢支精華再加層好薄嘅乳液，第二朝起身塊面都唔會繃緊，依然保持到彈性。不過夏天，如果潮濕悶熱嘅日子，或者油肌朋友就可能覺得有少少太lup了，未必想日日用。 成分方面睇過下，無加香料同酒精，主要係用咗米發酵精華，感覺幾溫和。我皮膚間中會敏感，但用佢期間都無出過粒粒或者泛紅，幾安心。 總括來講，肌研糀潤精華係一支幾稱職嘅基礎保濕精華。如果你係乾性至混合肌，搵緊一支成分簡單、保濕力足夠又唔算貴嘅精華，特別係用嚟迎接秋冬，呢支值得考慮下。
<看全文>
Emily Leung好用推薦：Freeplus 補水噴霧測評：真心定伏？ 最近成日開冷氣，塊面乾到就嚟裂咁滯😩！見好多人都講緊Freeplus呢支補水噴霧，話係「敏感肌恩物」，咁我就忍唔住入手咗支試下。 包裝同噴頭設計 👍👍👍 支噴霧個設計幾簡潔，係Freeplus一貫作風。最正係個噴頭！ 按落去啲水霧超細密，完全唔會「射水槍」咁打塊面，噴出嚟好似一陣煙霧咁，均勻灑成塊面，感覺好舒服。帶出街補濕都好方便，唔會整花個妝。 質地同氣味 🧴 · 質地： 完全係清水咁嘅質地，一啲都唔黏立，吸收得好快，撳兩下撳全塊面，輕輕拍兩拍就已經入晒皮膚。 · 氣味： 基本上係冇味嘅，唔似得其他噴霧有陣「礦物味」或者香料味，對於敏感鼻或者怕香味嘅人嚟講係加分位！ 補水效果 💦 · 即時感覺： 噴完即刻覺得塊面「唞返啖氣」，尤其係喺冷氣房或者曬完太陽之後用，爽！ · 持久度： 老實講，如果你當佢係「爽膚水」咁單獨用，保濕力未必夠大乾肌撐成日。但作為即時補濕或者妝前打底，佢絕對合格有餘。我習慣上粉底前噴一噴，個妝會貼服好多。 溫和度 🌿 話明係為敏感肌設計，我用落真係零刺激，眼周位噴到都冇拮拮痛。成分簡單，冇酒精冇香料
<看全文>Hamiii好用推薦：同一般保濕噴霧分別唔大 比較做得好既係無黏立感同唔刺激皮膚 噴一次大約keep2-3個鐘 只能說還好 吸引唔到我持續回購
<看全文>
Kura好用推薦：我最鍾意用est嘅化妝水濕敷，化妝前用完幫助後續化妝底妝更加貼服，呢款化妝水嘅質地偏濃厚，好適合秋天用，但用完唔會覺得油膩，非常好用，用完皮膚好似飲飽水咁，同埋一大支日日用黎濕敷都唔會心痛，非常抵用 @cosme #化妝水
<看全文>JuneL好用推薦：這品牌採用超過30年以上的角質層保水研究結晶「高持續角蛋白保水配方」, 結合「四氫嘧啶」的保濕力, 在角質層細胞中持續地鎖住滋潤, 成就極高效貯水的化妝水, 肌膚持久透潤保濕, 即使在極乾燥的沙漠鹽湖中也不會流失原有的水分! 它質地呈透明水凝露狀, 質感帶少許黏滑感, 一推開已很快滲透入肌膚中, 令肌膚即時回水潤, 平常用可能看不到它的好, 當天氣極乾/肌膚變乾燥時, 只要先用它, 肌膚很快回復水潤, 然後再塗上續後產品, 就會變得很吸收, 怪不得它會有沙漠水之稱, 用後真的很快令肌膚喝飽水份, 用它作Toner Mask 來作急救肌膚之用, 效果同樣很好! #火熱新品
<看全文>
Emily Leung好用推薦：呢支 #紅茶精華水 真係不得了！ 質地有啲似好稀嘅蜜糖水 撳兩下就夠搽全面 拍拍吓好快就吸晒收 用完塊面即刻飲飽水咁 軟淋淋又唔會黐笠笠 最正係用咗個零星期 朝早起身照鏡 發現個膚色冇以前咁易黃 睇落透亮咗 同埋表情紋好似冇咁明顯 （可能因為皮膚飽滿咗？） 陣味好療癒 好似沖緊壺靚紅茶咁 每次用都覺得好放鬆 總之呢支真係 ✅ 保濕力強 ✅ 抗氧抵暗沉 ✅ 膚感滿分 會想繼續用落去睇吓效果！」
<看全文>Ming好用推薦：Innisfree嘅產品，使用效果都唔錯，偏向年輕一族使用，呢支紅茶換膚精華霜，用咗大半支，皮膚緊致咗好多，保濕亦都達到，用咗之後皮膚即時感覺到有少少掹掹緊，但係又唔會好油膩，價錢中規中矩，作為日常使用還不錯。
<看全文>