洗卸清潔 推薦好用產品

Noel好用推薦：我一直是 Missha Time Revolution 的支持者，尤其係這系列的 toner，已多次回購，而手上這枝已經係第三代了❗喜歡它的強大補濕力，同時會有滋潤感留在皮膚，乾肌大愛。 在冬日早上護膚的程序中，我會用它倒到化妝棉，再輕款全面，代替潔面乳或 cleansing foam。然後，再拍二次化妝水到皮膚，之後再上精華。這枝化妝水令我皮膚變很穩定，泛紅減少，同時持久滋潤皮膚，已經成為我的 ride or die❣

kkkelda好用推薦：性價比好高既卸妝油！首先價錢好抵 $128 200ml，因為我落妝除左落面上妝容之外重會落埋條頸既防曬同碎粉，都可以用到半個月至兩個月時間。佢既味道好香係我好鍾意既柑橘味，唔會太強烈。乾手乾面好快可以落哂所有妝，好快乳化，而且入左眼都唔會覺得痛，但係會令對眼白濛濛呢一點我可以接受。我用完佢落妝唔會油膩膩皮膚又無起暗粒問題所以我已經買過3枝以上！

chasiutung好用推薦：回購N次嘅潔面乳 要用起泡網起泡 搓出豐盈泡泡 超溫和 不致敏 不刺激皮膚 洗得夠乾淨 潔面後清爽不繃緊 長期便用 皮膚出油無咁勁 重點係價錢平 性價比高👍推介

Kura好用推薦：用咗幾個禮拜呢款熱面膜，冬天用真心一流，質地係gel，搽上臉容易推開，搽上臉之後會發熱，但溫度屬於暖暖地好舒服，搽上臉我通常會等十分鐘先洗走，好容易過水洗走，用完皮膚唔會覺得乾，感覺變白咗乾淨咗，零香味，係一款我好鍾意嘅清潔面膜，我會繼續回購，產地係日本

Fng好用推薦：去日本旅行見佢平平地所以買返嚟試下，佢可以打出豐富細膩的泡沫，我取1～2泵的量於掌心、加入清水或溫水仔細地打出泡沫後洗臉。溫和洗凈肌膚老化角質、廢棄物、污垢等啱曬夏天用。令洗面後肌膚平滑柔軟、通透潤澤更清爽唔笠。使用後令後續產品更易滲透於肌膚，調整肌理更為細緻。 即使是敏感脆弱的肌膚也能安心使用，毫無負擔感。 #夏天

natanatalie好用推薦：按壓方式比較衛生，很容易就有豐盈泡泡，清楚力強，能令肌膚變得明亮一點

Noel好用推薦：我的不斷回購去角質產品❣這枝 Missha peeling gel 價廉物美，已經用掉了3至4瓶🤗 對於沒有太高要求，每星期作簡單去角質，我十分推薦~ 產品係半透明白色，質地係啫喱狀，當中含有很多微粒。流動性偏高，因此很好推。個人喜歡中上使用，乾面乾手的情況下，使用港幣5元左右的份量，輕輕塗到全面，再按摩一下。而鼻子和額頭位置，我會多摩擦一下😂 之後就可以清水沖洗~ 用後皮膚變得光滑➕柔軟，而且感覺這一枝會帶走面上的油份，神奇啊❣去角質後，我會敷上一個塗抹式面膜。 這枝peeling gel 只要1萬韓圜，約七十元港幣，一枝可以用去大半年，很划算吧❗

Tong好用推薦：超級好用，咩難卸嘅睫毛膏都卸到 唔會刺激，仲要十幾秒就卸得乾乾淨淨！！！ 推薦！

Noel好用推薦：我的皮膚乾燥痕癢救星 - Toleriane Sensitive 系列產品❣成份安全，0% 香料及酒精，對敏感皮膚少一份負擔！更含有品牌的皇牌溫泉水+甘油+維他命B3，保濕之餘，又能緩和痕癢。 乳霜質感柔滑，非常易推又好吸收，塗完痕癢處再去睡，都不沾被單👍 鼻敏感的日子，常常抹鼻子令仁中位置更脆弱，晚上會再加上同系列的面霜厚敷呢！

Anna好用推薦：質地係好水嘅gel cream，好清爽唔黏立，皮膚唔穩定，敏感得黎生暗瘡粉刺，就用佢，因為佢成分溫和，單純保濕，唔會致敏致暗瘡，再配合消炎產品就perfect

Sandy好用推薦：卸妝心得 Sisley PARIS Eau Efficace Gentle Make-Up Remover 全效潔膚卸妝水 全效潔膚卸妝水是3合1的產品： 卸除面部及眼部彩妝、潔面及調理肌膚。👍 蘊含具強效潔淨力的草本石鹼草， 能清潔肌膚表面污垢，徹底卸除難卸除的面部及眼部彩妝👍 蘊含2種天然萃取的活性成分，具紓緩、柔軟的功效 (菩提花水及橙花精華) 味道好清新 不含酒精👍用後唔會皮膚敏感👍 用法： 卸妝水於潔膚棉上，先卸除眼妝，再用另一潔膚棉卸除面部彩妝，重覆擦拭以確保徹底卸妝。 無需沖洗。早上使用，能潔淨肌膚表面的污垢，喚醒肌膚，促進肌膚微循環；晚上使用，能有效徹底卸除面部及眼部彩妝。用後無需沖洗。 方便省時 good choice 👍

Rachel好用推薦： 本身用開卸妝油，感覺會卸得乾淨啲 嚟支係朋友介紹，所以抱住唔大希望 但反而有驚喜🥰🥰🥰 佢係乳霜轉油配方，一上面打圈的瞬間，乳霜即轉化成潔膚油，有效去除彩粧👍🏻 不過眼唇卸妝都會再用返專用卸妝液 好用方便快捷👍🏻

JL好用推薦：一向不太喜歡使用霜狀卸妝產品，但Cle de Peau這枝卸妝霜質地十分輕盈軟滑，就像gel cream一樣，在臉上打圈時絲毫不費吹灰之力，打圈按摩時乳霜隨即轉化成潔膚油，任何彩妝很快就溶掉，之後可以用紙巾抹走或直接用水洗淨。 雖然它售價偏高，但功效絕對令人感到驚喜！它沒有濃烈的化學品味，而是淡淡的玫瑰與蘭花的花香，十分舒壓！最重要是卸妝後看得見毛孔都像疏通了般，而且肌膚變得軟滑透亮，一點也不乾燥，口罩肌明顯得到改善！十分推薦給容易出暗粒的膚質使用！

Jcxjessie好用推薦：呢個潔顏粉係之前響日本買嘅特別版 因為成日都飛，所以買潔顔粉帶上飛機好方便，唔使怕因為液體而驚俾人收。 卸完妝之後，倒少少粉喺手，再加啲水然之後捽落塊面就ok喇 啲泡泡都幾細緻，而且用完塊面都冇覺得乾，同埋佢冇乜味道，敏感肌都可以用👍🏻

zetalhc好用推薦：呢個洗面粉好容易起泡，清潔力好強，可以洗走毛孔中嘅污垢，而且洗完之後唔繃緊有少少嘅保濕效果

ying好用推薦：✨ SHISEIDO ULTIMUNE 皇牌免疫力活膚精華 皮膚「透明感」UP‼️ 紅腰子・免疫力精華  皮膚透明感 up。」 就幾個字，但已經講晒呢支精華嘅核心價值。 ✅ 皮膚透明感 up‼️ 呢個係最明顯嘅效果！ 用完之後， 皮膚唔係「變白」， 而係「變透」。 早晨起身照鏡： ▸ 皮膚乾淨咗 ▸ 暗沉改善咗 ▸ 有自然光澤 ▸ 望落精神好多 呢種「透明感」， 係由內而外嘅， 唔係表面嘅珠光， 而係皮膚本身靚咗。 ✅ 提升肌膚透亮度 同「透明感」相輔相成。 皮膚望落更亮、 更有光澤、 冇咁黃、冇咁暗。 ✅ 改善泛紅、暗沉 用完之後， 皮膚冇咁易泛紅， 暗沉都改善咗。 ✅ 質地 精華質地，輕盈易推， 上臉好快吸收，唔笠。 用完皮膚好舒服。 ✅ 提升後續吸收 用完佢之後再搽其他護膚品， 吸收會好咗。 ✅ 皇牌地位 ULTIMUNE係資生堂嘅皇牌精華， 全球銷量極高， 用完就明點解咁多人推薦。 🌟 我嘅總結 SHISEIDO ULTIMUNE 皇牌免疫力活膚精華 皮膚「透明感」UP‼️ 用完之後， 皮膚唔係變白， 而係變透。 早晨起身照鏡， 皮膚乾淨、有光澤、 望

Fng好用推薦：資生堂第四代紅腰子精華❤️✨ 我係熟齡偏乾肌，成日覺得皮膚狀態唔穩定，時好時壞。見資生堂紅腰子出咗第四代升級版（約HK$650 / 30ml），主打修護同穩定膚況，就用咗一個月，分享真實感受～ 🧴 質地：蛋清凝露，輕薄易吸收 · 擠出嚟係透白色嘅蛋清凝露狀，好易推開 · 上面後有即時水潤感，輕輕按摩就吸收晒 · ⚠️ 吸收後有輕微存在感，唔係完全「隱形」，過一陣就自然返 · 香港春季潮濕天氣用，清爽唔立，油皮/混合肌都啱用 🔬 升級重點：第四代新加咗咩？ · 獨家專利微生物發酵山茶花精萃：激活細胞、促生膠原，養出彈嫩感 · 8國專利成分＋富純依克多因：高效保濕、舒緩乾燥、增強夜間自修力 · 經典嘅紅脈微循環技術 + 魚腥草提取物：提升肌膚免疫力，穩定膚況 · 無酒精？ 唔係，第四代依然有酒精，但日系大廠配方溫和，敏感肌都有用家話接受到 🌸 熟齡偏乾肌實測：穩定膚況最出色 用咗一個月，有以下明顯感受： · 穩定效果驚人 🌟 皮膚狀態變得好穩定，冇再無啦啦泛紅／出粒粒，真係「潤物細無聲」 · 膚質變嫩滑：持續用一段時間，摸落塊面軟滑咗，粗糙感改善 · 補水夠力：偏乾肌春天日間

Lindabb好用推薦：平民價錢貴婦享受？用咗Olay水光小白瓶一個月，真心有驚喜！ 前排見好多KOL同討論區都喺度講呢支「水光小白瓶」，話係SK-II神仙水嗰team嘅平替，講到咁勁，搞到我心思思。見做緊特價，終於忍唔住入手咗一支，用咗差唔多一個月，而家同大家分享吓最真實嘅用後感。 先講我皮膚狀況： 我係混合肌，T字位勁出油，但兩邊面頰又乾到龜裂咁，仲要帶少少敏感同暗粒。最大鑊係唔知係咪成日捱夜，塊面暗黃到一個點，好似未瞓醒咁。 質地同味道（第一印象）： 一唧出嚟係白色乳液狀，比我想像中稀身，好流質。一推開就化開變水狀，非常輕薄。我最怕護膚品「黐𣲷𣲷」，呢支完全唔會，拍兩拍就吸收晒，表面係乾爽嘅！味道方面，淡淡地嘅花香味，唔會話好人工好攻鼻，接受到。 用後一個月有感（重點！）： 1. 保濕度： 呢個真心要讚！以前我化妝一到下晝就開始浮粉，尤其鼻翼兩側，勁樣衰。而家用佢打底，再上粉底，個妝係貼服咗好多，全日都冇話乾到出裂紋。淨係呢點，我已經覺得合格有餘。 2. 去黃提亮： 呢個係佢最大賣點！我用到大約第二個禮拜，朝早起身洗面之後，照鏡見到塊面係有光澤嗰種，唔係出油嗰種「令」，而係由底層透出嚟嘅光澤

FishFish好用推薦：【OLay水光小白瓶測評】 我呢排捱夜多，面黃➕暗啞，真係睇見都唔開胃。試咗OLay呢支水光小白瓶大概兩星期，不得不讚佢提升肌膚透明感嘅效果！ 佢質地似水潤精華，一推開就吸收，唔會笠。用完第二朝已經 feel 到塊面無咁乾，到第5日左右， 透明感 明顯出咗——唔係死白，而係由底層透光嗰種亮澤，好似做完facial 嘅飽滿感。 最驚喜係兩星期後，以前額頭同面頰啲暗沉位置均勻返，成塊面 提升肌膚透明感 ，素顏都似輕輕打咗光影。價錢比起專櫃精華親民，想自然透光而非假白嘅話，呢支值得入手。 Overall評分：8.5 / 10 🌟 · 提升透明感：9 / 10 – 用後皮膚由入面透光，素顏都有柔和光澤。 · 保濕度：8.5 / 10 – 水潤唔笠，乾燥肌春夏夠用，冬天可能需要加cream。 · 吸收速度：9 / 10 – 推開即滲透，唔會黐枕頭。 · 暗啞改善：8 / 10 – 兩星期見到額頭、面頰均勻返，但嚴重暗黃要俾多啲時間。 · 性價比：9 / 10 – 專櫃質素但開架價錢，回購意欲高。 扣分位： 對一啲超敏感肌可能會有少少刺痛（始終有少量美白成分），建議耳背先試。 總結：

Kelvin好用推薦：Cerave長效保濕面霜適合夜晚使用，對我來講好溫和，完全唔刺激皮膚。而且佢通過咗敏感測試，所以我用得好放心，敏感皮膚同濕疹皮膚都可以用。質地好補水，唔算過分厚重，搽上面推開之後感覺水潤，好容易推開推均，然後都吸收得好快，表面就好似搽咗乳霜咁樣有保護感覺。水感面霜嚟講滋潤度幾高，但又唔會油膩，用完之後皮膚水潤彈嫩 價錢係$195/50g，喺藥房買會平多1x-2x，性價比唔錯！

Jasmine L好用推薦：由皮膚科醫生推薦我用呢款CeraVe產品，已回購兩支以上。我覺得呢款長效保濕面霜最特別之處就係唔會令皮膚黐立立，而又能夠起到修護同埋保濕嘅作用。 無論係朝早定係夜晚都會用佢，喺皮膚比較乾燥唔穩定嘅日子就搽厚少少，效果非常出色。

Kathy Wai好用推薦：【Sofina IP土台美容液測評】💨 最近終於的起心肝試咗Sofina IP土台美容液，用完真係忍唔住要同大家分享！本身皮膚偏乾，成日覺得搽咗好多嘢都好似吸收唔到，仲要成日紅紅哋敏感。點知用咗呢支碳酸泡泡兩星期，真心要多謝佢——唔止保濕做到足，仲要明顯見到皮膚變穩定、變細緻，連上妝都貼服咗好多！如果你都係成日覺得護膚品「食唔入」，或者想搵一支令皮膚真正改善嘅精華，呢個測評你一定要睇落去！ 質地： 唧出嚟係碳酸泡泡狀，質地好輕身，推開嗰下會聽到「沙沙」聲，好快就變返水感，一啲都唔笠。 用法： 洗完面第一步就用佢，唔使拍開，均勻塗上面等佢自己吸收。用完之後塊面即時彈潤咗，後續嘅爽膚水同精華都滲透得快好多。 保濕度： ⭐⭐⭐⭐⭐ 乾燥敏感肌表示滿意！冬天用完全夠力，上妝前用佢打底，粉底貼到暈，全日冇乾紋。 用咗Sofina IP土台美容液兩星期，皮膚狀況真係睇得出、摸得到咁變好： 1. 水潤度提升：洗完面唔再 feel 到繃緊，全日keep住飲飽水嘅感覺，連冷氣房都冇乾紋浮出。 2. 泛紅減少：敏感肌最煩嘅兩邊面頰紅暈明顯淡咗，膚色均勻返，冇再成日「關公面」。 3. 毛孔細緻

Emily Leung好用推薦：Sofina升級土台美容液測評：泡沫質地真係吸收得更好？ 各位姊妹，今次講呢支土台美容液真係得意嘢嚟㗎！佢唔係普通化妝水，而係一支泡沫型嘅肌底液，仲要係洗面後第一步就用，同平時護膚步驟有啲唔同！ 質地同氣味： 一按出嚟係好綿密嘅泡沫，好似梳乎厘咁柔軟！呢啲泡沫係超微米泡沫，可以滲透到皮膚底層。味道係淡淡嘅溫泉礦物香，聞落幾舒服放鬆。 效果如何？ 用咗之後最大感覺係之後搽嘅護膚品真係吸收得快咗！皮膚好似「飲飽水」咁，水潤度明顯提升。我發覺用咗佢打底之後，就算用返平時嘅護膚品，效果都好咗，塊面有光澤感同飽滿咗。 溫和度： 雖然係肌底液，但出奇地溫和！我敏感肌用咗都冇泛紅或者痕癢。不過第一次用可能有少少刺刺哋嘅感覺，但好快會消失。 有咩缺點？ 夏天用可能對油性皮膚有啲潤，要減少量。同埋步驟同普通護膚有啲唔同，要時間適應。價錢都算中上，但一支都用得幾耐。 總評： Sofina呢支土台美容液真係幾有驚喜！特別適合覺得護膚品吸收唔到、皮膚乾燥缺水嘅姊妹。雖然用法要習慣下，但用咗之後皮膚狀態真係穩定咗同飽滿咗！

FishFish好用推薦：植村秀琥珀山茶花卸妝油評測：奢華保養級卸妝，值得投資嗎？ 植村秀的「琥珀山茶花卸妝油」屬於頂級ultime8系列，主打「卸妝同時抗老」。經過一個月的親身測試，以下從質地、卸妝力、保養價值等角度提供真實心得。 質地與使用感： 流動性高的輕油狀，推開順滑無黏膩感。帶有高級木質花香，洗臉過程療癒舒壓。遇水乳化極快，沖洗後沒有油膜殘留感。 卸妝力實測： 日常防曬、粉底液一次就能徹底溶解；防水眼線液、霧面唇釉需稍微按摩5-8秒也能卸除。測試中不慎弄到眼睛，雖有些微模糊但無刺痛感。整體給9/10分。 保養價值： 添加山茶花萃取、人參根等8種珍稀精油。持續使用兩週後，明顯感覺臉頰更柔嫩，鼻頭顆粒感減少。對混合肌來說，平衡效果讓人驚喜。 適合膚質： 乾肌會很喜歡它的保濕度；混合肌T字記得多沖洗兩下；油肌建議秋冬使用。敏感肌可先試用，我（輕微敏感）用起來沒問題。 總結優缺點： 優點是卸得乾淨、洗完膚質升級，用量很省（按壓2下就夠全臉）；缺點是價格偏高（450ml約三千多元台幣），購買前建議考量預算。 適合誰買： 追求保養級卸妝、喜歡精油香氛、乾肌/熟齡肌；若你是極油肌或只用開架產品，這罐可能

莓莓好用推薦：講起植村秀枝琥珀山茶花卸妝油，真係要同大家開心share下！😊 我用咗佢差唔多兩年，回購咗三次，真心覺得係「神級」卸妝油。 質地好輕盈，唧出嚟係透明油狀，但一推開就变好順滑。最驚喜係加水乳化嗰下，快過閃電，一碰水就變白，過水後零油膜，塊面仲保濕到彈手，乾肌/混合肌春夏秋冬都用得。 我平時化全妝（防曬+粉底+眼影+防水睫毛膏），佢一鋪過搞掂，唔駛另外用眼唇卸妝。尤其係卸睫毛膏，輕輕按摩就溶晒，唔會捽到熊貓眼，入眼都唔澀（但都唔建議特登攪對眼😂）。 用完之後塊面好軟熟，好似敷完保濕mask咁，鼻翼啲黑頭粉刺都少咗。記得乾手乾面用，泵3下，打圈按摩一分鐘，加少少水乳化再按摩，最後徹底沖洗乾淨。懶人必備，一分鐘完成卸妝+洗面+軟膚，好值得投資！ ✅ 優點 · 卸妝力強：溶妝極快，連防水睫毛膏、眼線都輕鬆一抹就乾淨，唔使分開用眼唇卸妝液。 · 乳化極快：一加水就變白，沖洗後完全無油膜感，唔怕殘留或生暗粒。 · 保濕嫩膚：洗完塊面軟滑有彈性，乾肌冬天用都夠保濕，有「養膚」感覺。 · 質地輕盈：流動性高，易推開唔痴立，唔會拉扯皮膚。 · 入眼唔澀：就算少量入眼都唔會乸，對戴Co

Noel好用推薦：身邊不少朋友係 Ipsa 忠粉，令我常常有意無意也聽聞產品的好處 (≧ω≦) 因此，早前就膽粗粗靠櫃試試，櫃姐也超好的，送了品牌的頂級面霜試用💗 非常期待！ IPSA Cream Ultimate 極緻活肌修護面霜 🖤 含有Amino A5GL-MUS複合物、肌醇、專利美白成分4MSK。面霜呈淡淡米黃色，質感像 soft cream，沒有流動性。延展性良好，塗到容易推開，感覺水潤，肌膚很易吸收。由於可以推到很薄，我比較喜歡貪心地塗兩層啊😍 個人感覺面霜能夠做到品牌標榜的： ✅ 肌底彈力網 ✅ 激活膠原自生 持續使用了四天，泛紅問題大大改善。而且皮膚感覺飽滿，有光澤。早上醒來，發現皮膚表層有微微的油膜，整晚都在修護皮膚，吸力的補水❗要考慮購入這個作聖誕禮物，稿賞自己呢～

格仔餅公主好用推薦：好平既價錢所以都係抱住試下無妨既心態，點知平得黎又幾好，於是一星期至少用2-3日，特別係懶既時間，磨砂潔面二合一 -富含竹炭粉末和溫和核桃磨砂粒子 -豐盈的泡沫能徹底吸著皮脂污垢，同時徹底清除毛孔黑頭及老廢角質，令素肌重煥潔淨

jojoma123好用推薦：可針對毛孔粗大及黑頭問題的潔面產品。 磨砂粒子夠幼細、不怕弄傷皮膚，透過按摩、可將藏於毛孔內的污垢推走 日日使用的話、效果更明顯

Yuki Chow好用推薦：精華素能抑制黑色素再生，淡化色斑並提升肌膚透亮感，可以均勻膚色，天然檀香氣味，唯價格有點貴，只可待特價時再入手

charlie好用推薦：連續使用兩星期，色斑淡化了，很驚喜! 唯獨價錢有點貴，不太捨得長期使用。亦只趁vip 7 折優惠才買。

zetalhc好用推薦：雖然呢個潔面乳係gel狀，但係十分之容易起泡！而且清潔力唔錯，亦都唔刺激，非常適合敏感肌使用！我自己容易出暗瘡，但係用咗呢個潔面乳之後冇咁容易生暗瘡同埋整體皮膚好咗！