HADA LABO 肌研

白潤浸透美白化妝水

肌研白潤美白化妝水｜秋日轉季美白 肌研呢支「白潤水」（百零蚊大大支）一直係開架人氣王，今個秋天轉季專登拎來試真啲，睇下係咪真係好用！ 質地與膚感：👍👍👍👍 (驚喜！) 倒出嚟係帶少少稠度嘅透明液體，初時驚會黏，點知一拍上臉瞬間吸收，完全零黏膩！用完皮膚係水潤柔軟嘅觸感，冇酒精唔刺激，對轉季易敏感嘅混合肌超級友好。 美白效果：🤔 (溫和派) 用咗大半支，最明顯係膚色均勻咗，嘴角同鼻翼嘅暗沉有改善，成塊面睇落冇咁「灰黃」。不過要期望用完白幾個度就諗多咗，佢屬於細水長流型，幫你維持住個亮度同透明感。 秋日保濕力：👍👍👍 (剛剛好) 香港秋天忽冷忽熱，佢嘅保濕力對混合肌來講恰到好處，兩頰夠潤，T位又唔會笠。後續疊加精華同乳液，成個保濕程序完美配合！ 總結： 一支零出錯嘅平價美白打底水！特別適合預算有限、想溫和提亮膚色嘅學生黨同護膚新手。雖然唔會帶來驚天動地嘅美白效果，但作為日常保養，絕對係誠意之作！

質地清爽，吸收快。保濕度唔錯，性價比高，啱夏天使用，亦冇香精味。

呢個美白化妝水我會拎嚟做濕敷，朝早化妝前敷15分鐘，皮膚已經有好透亮㗎喎

這枝主打美白保濕功效，用過一枝覺得幾保濕，用完皮膚彈滑咗，但美白效果未感受到。

買黎for濕敷用，保濕感好夠feel到佢慢慢滲落皮膚，用完有提亮既功效，望落個人會無咁黃

呢款美白化妝水做到保濕，但係美白效果不是太見效，亦都有少少味道，普普通通

呢款美白化妝水嘅美白效果唔太突出，但當一般化妝水都幾唔錯，皮膚吸收得好快！

雖然佢係標榜美白嘅爽膚水，但用落一啲都唔會乾，質地清爽，吸引快。保濕度唔錯，性價比高，啱夏天使用

肌研產品向來都用開，呢隻白潤浸透美白化妝水質地較杰身，滋潤度足夠，最適合秋冬乾燥天氣使用！ 但美白效果未見明顯改變，

質地比較厚較潤，適合秋冬用嘅 一向都好鍾意肌研嘅化妝水 呢支都好好用 美白效果唔太覺，似係皮膚夠保濕透出嚟嘅光澤多啲 用完係無敏感嘅 保濕夠 除咗太貴其他都好

美白效果沒有什麼感覺， 不太明顯，但是日常保濕相對足夠， 沒有刺激性，心理作用覺得可能有少許美白也好

肌研系列產品質地都比較杰身，稍有黏稠、黏笠的感覺。用落習慣後還好 (冬天用可以，但夏天用覺得太黏皮膚有啲痕癢)，整體感覺一般。

質地係幾滋潤，所以油肌未必個個適合或是秋冬用會更好，不太有美白效果。整體感覺不錯，但又未到很好用想繼續用的感覺。

質感很滋潤和潤澤，很厚實的保濕感，沒有黏笠感，雖然沒有很很很明顯美白效果，但總感覺膚色比較明亮（那也算是吧？），開架來說是性價比高的

質地清爽，適合加強保濕的一款化妝水，質感介乎水和啫喱之間， 很快就可以吸收，但美白效果不明顯。