SHISEIDO 資生堂

激亮淨白面膜

Shiseido美白產品來講，喺日本都相當出名，所以佢嘅美白產品長賣長有，以前讀大學嘅時候我甚至乎係全個美白系列咁用。而家我會選擇性去用唔同品牌嘅產品，但依然有用SHISEIDO嘅美白面膜。但我個人認為，單靠美白面膜唔可以做到美白作用，必定要用足夠嘅防曬產品，先可以抵抗黑色素。我會建議每星期至少用一次，連續用六片作為一個療程，會覺得皮膚真係白淨咗少少。官網話”撕除面膜時，黑色素亦隨之清除，肌膚重現明亮均勻膚色。 “，我唔太敢肯定。
呢款片裝面膜感覺比普通韓牌面膜厚。敷上面部後都幾貼面，唯獨係個下巴，我覺得mask可以再大少少。