收毛孔爽膚水 推薦好用產品

robinsbk好用推薦：用完會有一種好安心嘅感覺💆🏽‍♀️就好似為肌膚打好個底 facilitate後續skincare吸收咁 可以保濕之外仲可以穩定膚況 敏感肌friendly！

Emma W好用推薦：LANCÔME 第二代極光水質地輕盈，水油混合設計，搖勻後吸收超快，清爽不黏膩！連續使用7天，肌膚明顯亮白左，毛孔變細緻，油光減少，膚色均勻度提升。其保濕力唔錯，有水油層，但又唔油，適合春夏潮濕天氣。搭配小黑瓶效果更佳，肌膚水潤有光澤，細紋也有改善。敏感肌也能安心用，無酒精無香料，膚感舒適。整體而言，這款精華水讓肌膚如拋光般嫩滑，值得入手！ 適合肌膚：任何 成效度：4/5 保濕度：4/5 吸收度：4/5 質地：水狀 光澤度：3.5/5 值得推薦度：4/5

Chloeincosme好用推薦：🤍 水油平衡：5/5！Lancôme極光水嘅水油比例真係調得啱啱好～搖勻之後上臉，滋潤得嚟又唔會過份油膩，完美兼顧補水同鎖水，乾肌用咗覺得好滿足！ 🤍 妝前打底：5/5！最驚喜係佢同底妝超夾～用完之後皮膚又軟又滑，再上粉底完全唔會打架，反而更貼服有光澤，成個妝容即刻高級咗✨ 🤍 改善粗糙：4.5/5！持續用咗一段時間，覺得皮膚冇再輕易甩皮，額頭同面珠嘅粗糙感明顯減少，摸落去細緻咗好多～ 🤍 吸收與手感：4.5/5！雖然帶少少油份，但吸收得好快～用完之後皮膚有種柔軟嘅潤感，唔會黐笠笠，後續護膚品都吸收得更好～ 總結： Lancôme極光水絕對係乾肌恩物！水油混合配方恰到好處，唔單止解決咗乾燥甩皮問題，仲令後續上妝更順利～已經成為我妝前同晚間護膚必備步驟，會繼續回購！推薦比所有乾肌同鍾意光澤妝感嘅你！

Emily Leung好用推薦：【D Program 酵母益生元柔膚水】用後感：零毛孔係咪真係得？同黑頭講拜拜？ 日本Shiseido旗下嘅D Program呢支「零毛孔柔膚水」最近好hit，話用到酵母同益生元科技，專治毛孔粗大同黑頭！ 我T字位毛孔大到可以插針👃🏻，鼻翼黑頭又多，見到佢標榜「酵母+益生元」可以平衡皮膚菌群、收細毛孔，仲係日本藥妝口碑貨，即管搏一搏！ 💦 質地同用法 · 質地：倒出嚟係半透明水狀，有少少稠身，但推開好清爽，唔會黏笠。 · 用法：我每晚洗面後，倒喺化妝棉度，輕輕打圈抹T字位同鼻翼，當二次清潔用，有時濕敷3分鐘急救毛孔！ 👍 好用之處 1. 黑頭真係少咗！：用咗兩星期，鼻頭啲黑頭冇之前咁「猖狂」，摸落去冇咁多粒粒，乾淨咗～ 2. 毛孔冇以前咁顯眼：尤其係朝早起身，睇落毛孔冇咁「洞洞」，皮膚睇落平滑啲！ 3. 保濕度夠又溫和：雖然係毛孔水，但唔會搞到塊面乾繃繃，益生元成分令皮膚狀態穩定咗，冇咁易出油。 👎 有咩伏位？ · 效果要堅持：唔好期望用一兩次就毛孔隱形，至少要連續用個幾月先見到明顯變化。 · 價錢偏貴：細細支唔平，濕敷會好心痛⋯⋯ · 乾肌可能唔夠潤：主要針對油性/混合

lingbb好用推薦：有一期d program呢個系列網絡上好多廣告，咁岩我都有毛孔問題，而且皮膚間中會敏感就試下入手呢枝零毛孔爽膚水！ 處理毛孔問題我都會先用爽膚水，因為佢係最先被皮膚吸收嘅護膚品，對毛孔收細有關鍵作用，其次可以用作濕敷，係毛孔粗大地方濕敷就會有收細毛孔效果。 爽膚水質地好水，冇乜味，我會取出適量拍上面等佢初次吸收，再浸濕棉花濕敷5-10分鐘，我覺得效果都幾明顯，濕敷後毛孔有被收細，如果皮膚敏感令毛孔粗大呢個方法都可以減輕皮膚泛紅，毛孔自然變返細。 我會推薦俾有皮膚敏感、毛孔粗大嘅膚質。

Fng好用推薦：Estée Lauder 微精華原生液 ✨ 優點： · 酵母修護力強：高濃度發酵精華，持續用毛孔更細緻，熟齡肌膚飽滿度提升，效果媲美SK-II神仙水但保濕更勝一籌 · 水潤膚感：雖是精華水但流動性高，拍上臉瞬間吸收，香港夏天用唔黏膩，後續精華更易導入 · 多功能打底：可當爽膚水、濕敷或打底精華，一瓶多用性價比高 ⚠️ 缺點： · 價錢偏貴 ($920/200ml)，同價位可選擇其他專櫃精華水 · 含酸類成分：極敏感肌可能出現刺痛，建議先試用 · 酒精促滲：部分人可能嫌酒精味明顯，但揮發快唔停留 🌞 香港夏天表現： 濕熱天單用已足夠保濕，冷氣房下可濕敷加強。用後皮膚柔軟有光澤，妝前打底令底妝更貼服持久。 💡 同級比較： vs SK-II神仙水：EL保濕度更佳，SK-II控油力較強 vs Lancôme極光水：EL溫和度更高，極光水去角質力較強 總結：專櫃精華水中的「全能選手」！適合香港夏天追求修護兼保濕的熟齡混合肌，但預算有限或極敏感肌可考慮其他選擇～💦 #EsteeLauder原生液 #微精華水 #熟齡肌保濕

Suki好用推薦：這款微精華活膚原生液真的非常值得推薦！使用後肌膚的水潤感無敵棒，不僅輕盈好吸收，還能讓膚質變得細膩柔滑，完全是乾燥肌的福音～ 我每天早晚都會搭配化妝棉使用，輕輕擦拭臉部，能感覺到肌膚瞬間喝飽水，後續的保養品也更容易吸收。即使在換季或熬夜後，肌膚狀態不佳時，它也能快速補水並穩定膚況，讓肌膚恢復彈性和光澤。 最讓我驚喜的是，它不僅補水效果超級好，還有修復和增強屏障的功能，長期使用下來真的能感覺到膚質的提升！對於追求水潤透亮肌膚的人，這款活膚原生液絕對是首選！❤️

choichoi好用推薦：可以大大改善暗瘡，要是泛紅激痛的痘痘它也能夠舒緩，但它不會很令皮膚乾起來所以很驚喜

Hazel好用推薦：萬X都有得買，用之前先搖匀混合底部嘅粉紅色粉末，搖勻之後爽膚水會呈淡粉色水狀，用化妝棉或者直接用手取適量塗抹係面上輕輕擦拭，輕拍至完全吸收，亦可以重點厚敷暗瘡部位。 我覺得除咗有顯著控油祛痘功效，仲有鎮靜舒緩皮膚，減退泛紅，消炎抗菌作用，好啱抗疫時期使用，有效幫助去除面部多餘油脂，收斂暗瘡之外，如果持續使用，更加可以慢慢淡化暗瘡痘印！ 「#清痘大作戰」

chasiutung好用推薦：Origins靈芝菇菌精華水 水狀質地 質地吾油好清爽 容易吸收 有淡淡的中藥味 (味道可以接受)我係混油敏感性皮膚 當我長閉口 長痘同皮膚過敏嘅時候就會用佢 我會用靈芝菇菌精華水倒落化妝棉到濕敷5到10分鐘左右 第二日 痘痘就會消腫  敏感第二日都退得7788 真係萬試萬靈 💓同埋日曬後皮膚又紅又熱嘅時候 用佢濕敷降紅效果都非常不錯的 依支係我回購最多次嘅化妝水 真心推介比油性肌混油肌同痘痘肌使用💕

Kaze13579好用推薦：從舊版到新版已經起碼用咗兩三支，每逢轉季都會皮膚敏感，偶爾發濕疹嘅我，見到皮膚開始起紅點，發紅甚至開始甩皮，我就一定會用佢，甚至用佢濕敷。效果真係好好舒緩到敏感，又唔會好揦更加刺激到敏感嘅皮膚！最重要係性價比非常好！屋企長期都會有貨，以備不時之需！推介俾皮膚容易敏感嘅朋友！

橘子貓好用推薦：Balancing Tuner Oil Control Lotion 相逢恨晚的一枝爽膚水！ 難得一枝針對油性肌膚的化妝水，含有有效專利成分rice power No.6 配方，直接對毛孔深處的皮脂線去減少出油、抑制油脂。化妝水雖然聞着有比較大的酒精味就是由白米發酵液而來的，使用上不會令皮膚過敏。 無添加色素、礦物油，弱酸性，通過過敏測試及Non-comedogenic Test，可以有效防止粉刺生成。化妝水質地輕薄，抹上臉迅速吸收，完全沒有油膩黏笠感。我最喜歡的用法是卸妝後用它加上棉花球慢慢打圈二次清潔，經常會抹到棉花球會變黃色，尤其是外出帶妝一整天的時候。用了大半支會明顯覺得皮膚出有情況有變得穩定，尤其是配合水楊酸類產品一起使用。在用了酸性產品輕微甩皮時就單用這支爽膚水去過渡，效果更佳。 如果我是早幾年用到這些產品我會非常非常滿意，因為20幾歲的我還是偏油性肌膚，冬天兩頰皮膚不會變乾。但現在膚況比較複雜，這支產品已不太能滿足我全面的肌膚需求，太可惜了。

Katrina好用推薦：用左幾日，的確有覺得面油出少左啲。但建議大油肌既人士要配合埋其他控油產品一齊用先有效控到油。 開樽聞落有啲刺鼻既味道，但搽上面就冇乜味，用落冇敏感，整體用後感覺良好。

Kelvin好用推薦：雪肌精clear wellness pure conc 係雪肌精嘅另一款保濕水，不含酒精、香料、色素。相對於雪肌精透亮精華版，完全係冇任何味道，適合不喜歡酒精味道嘅人使用。我係用完迷你試用版先買大支裝。佢倒出嚟係水質，但係有少少濃度，感覺保濕水係滑滑地。佢個樽口係一滴滴滴出嚟，我大概倒幾下就成面可以用到。 可以保到濕同時可以滲入皮膚底部，但係唔會好厚重。用完毛孔都細啲，已經用到得返少少，比較適合秋冬。最重要係整體對皮膚溫和，有種可改善肌膚狀況嘅感覺。相信乾性皮膚比較鍾意呢一款系列。

格仔餅公主好用推薦：輕盈又保到濕，價錢又算抵用，佢仲有補充裝，我平時會攞嚟濕敷，用完毛孔都細啲，已經用到得返少少

Tobimak好用推薦：我屬於敏感偏乾肌膚，對含果酸的產品一向有戒心，怕會刺激泛紅。但今次用左Benefit 的緊緻毛孔爽膚泡沫，竟然沒有敏感反應，真係有啲驚喜。 泡沫質地好輕盈，推開後好快吸收，唔會黏笠亦唔乾燥。我係早晚潔面後使用，感覺皮膚乾爽但唔繃緊，夏天用特別舒服。 鼻翼位置平時容易積黑頭，用咗幾日後，毛孔有收細左，黑頭亦冇咁明顯。妝前用一層，底妝貼服度明顯提升，唔易浮粉。 雖然佢有果酸成份，但我用後冇出現泛紅或刺痛，只係第一次用時面頰有好微弱嘅感覺，好似吉吉地咁，但之後就冇事。建議敏感肌可以先試局部，再配合保濕精華一齊用。 如果你都係怕果酸但又想改善毛孔問題，呢隻toner可以一試。

Fish Tse好用推薦：除左另一款洗面啫喱狀既洗面之外，哩款洗面真係懶人既福音，一禁出黎就有好豐盈既泡沫可以直接上面洗唔洗好似其他咁要再加水先有泡出 哩款同另一款洗面都接近，都可以溫和咁去帶走面上既污糟野同油脂，好好咁清潔到肌膚

mandy好用推薦：Decorte Phytotune Whitening Tuner 植物韻律美白化妝水 $340/ 200ml 作為植物韻律美白系列的一員，是Decorte 比較基本及好入手的系列， 但這並不代表品質不優，反而用心選擇了很多高質成分， 實在是一款設計充滿巧思的美白化妝水。 Kose旗下的化妝水的質地大都是保濕卻不黏笠不濃稠， 像是雪肌精跟黛珂都是如此，除非有推出滋潤型的爽膚水就會潤一點。 此外，Kose的化妝水跟某些日系品牌一樣， 大都含有酒精成分，而植物韻律美白化妝水也不例外。 因為如此植物韻律美白化妝水帶一點清幽花香， 所以酒精的味道不會很明顯。 幸而植物韻律美白化妝水蘊含一些鎮靜消炎成分， 肌膚沒有因受到刺激而感到泛紅或不適。 說到功效方面，植物韻律美白化妝水的主要訴求就是美白功效。 使用後，肌膚一天比一天更水潤飽滿透亮，富自然光澤及透明感， 而且不會造成乾燥，肌膚觸感更細滑柔軟彈潤。 植物韻律美白化妝水的優秀使用感及功效讓我想買一整瓶試用。 最近Beauty Avenue Decorte 做緊植物韻律美白化妝水買1送1， 有興趣的可考慮入手。 含美白/均勻膚色成分:

芝媽芝豆好用推薦：ESTÉE LAUDER既Micro Essence應該無人唔識，呢支系櫻花版本，對於我混合偏乾，又容易T -zone有油，我夏天非常鍾意用呢一款，我會用棉花抺上面，會用嚟急救突然好乾皮膚，會用左爽膚水之後再用呢個加强保濕。佢可以幫助皮膚水油平衡，唔會出太多油又可以保持唔乾，可以幫助收細毛孔，自己已回購過好多支！

Chloeincosme好用推薦：呢排用緊 雪肌精美白化妝水（滋潤版），雖然叫做化妝水，不過佢嘅保濕能力真係拍得上精華😂油肌應該用唔到，上完面會笠痴痴要時間吸收～ 🤍 保濕力：5/5 質地濃潤似精華水，拍上臉有種肌膚食飽水嘅滿足感，開大冷氣既日子用特別舒服！ 🤍 吸收度：3/5 滋潤度高的確需要多少少時間吸收，用完會有層薄膜感，油肌可能會覺得負擔～ 🤍 美白效果：4/5 持續使用覺得膚色均勻咗，暗沉位置有提亮，配合乳液效果更明顯！ 🤍 使用感：3.5/5 鍾意佢濃潤質地同草本香味，但夏天用會嫌太潤，更適合乾肌同秋冬使用！ 總結： 雪肌精呢支滋潤版化妝水係將化妝水同精華二合一，保濕力令人驚艷～會回購，推薦比追求極致保濕同光澤感嘅你！

Steffie 好用推薦：一枝保濕美白精華於一身的美肌產品, 質地清爽輕盈,容易推開,即使春天潮濕季節,也不會有黏黏的感覺,用後膚色漸白,而且有淡淡清香,睡前使用,有放鬆的感覺！捧!!!

Fng好用推薦：Dermacept 維C多效修護化妝水｜夏日透亮 ✨ 質地同使用感 呢支化妝水清爽似離子水，拍上臉嗰陣吸收速度超快，完全唔會黏笠！淡淡柑橘香味好醒神，朝早用即刻精神晒～ 用完皮膚摸落去滑溜咗，後續搽精華都吸收得快啲！ 🌟 修護同透亮效果 主打維他命C衍生物同多重植物萃取，試過連續用一星期，額頭同下巴嘅暗沉真係有改善！最驚喜係鼻翼毛孔睇落細緻咗，就算素顏出街都冇以前咁尷尬～ 不過要達到明顯美白效果，可能要堅持用多幾支先得！ ⚠️ 注意事項 · 記住要日頭用就要加防曬，否則維C會見光死 · 開封後要放陰涼處，避免成分氧化失效 · 如果皮膚極度敏感，建議先試耳背位置 🆚 同級產品比較 · VS Melano CC美容液：Melano更濃稠針對斑點；Dermacept全面調理膚質 · VS Hada Labo白潤水：白潤水溫和保濕；Dermacept透亮效果更明顯 · VS Some By Mi果酸水：果酸水主打煥膚；Dermacept溫和修護 💡 使用小貼士 1. 化妝棉輕拍：倒$2銀分量，由內向外輕輕拍打 2. 重點濕敷：用化妝棉局部敷暗沉位3分鐘 3. 冰鎮用法：放雪櫃

ChingLam好用推薦：含維c成份，主打美白嘅化妝水 我只係晚上嘅時候搽，但依支就快用完 我嘅感覺不大，唔覺得有明顯白左🫠 所以我都係夜晚用嚟當滋潤嘅水搽完就算

Poyobb好用推薦：以前用過原生液，保濕度好好，只限冬天，夏天用會就爆粒粒。 睇返產品原料嘅片段，感覺櫻花水比原生亦係多咗櫻花萃取成份，一樣主要用嚟做抗老功效。質地上比原生稀啲啲，但都有一浸發酵味，即使試過倒落化妝棉度做二次清潔，而且用完都會有浸黏笠感，一啲都唔清爽，依種感覺夏天好唔舒服，混合肌唔太鐘意🫣 上網睇啲人話要建立耐受性，但我都用咗幾日至一個禮拜，皮膚都唔覺得變靚咗或者穩定咗，依個係面頰兩邊出好多暗粒，唔太適合唔會再用🥲

Mformomo好用推薦：Estee Lauder 嘅產品一直係我最愛最愛 呢枝Estee Lauder 櫻花微精華活膚原生液 我四年內不停回購同回購， 用過佢之後真係番唔到轉頭 四年前嘅我完全買唔到一直合適嘅爽膚水 直至遇見佢，我嘅T字位終於出少左好多油 皮膚亦好左好多。 佢嘅質地係唔油 好似水一樣 搽完真係好舒服 非常清爽 好適合唔鍾意笠痴痴感覺嘅朋友 佢產地有時會係內地有時係英國 要開左盒先知產地係邊度

Hoilly好用推薦：係價值投資既！十分推介！ 一支搞店我呢個難護理既肌膚（輕熟肌+敏感肌+混合性肌）雖然係有d質地, 但易吸收！皮膚整日都keep到水潤光澤，唔係一般同類產品只會keep到幾個鐘～已經回購第三支了♥︎♥︎♥︎♥︎

JuneL好用推薦：呢支精華水底部會有層白色幼細粉未，每次使用前先搖勻後才倒出來用，用後肌膚會無咁易出油，肌膚會變得乾爽，對於容易出油肌膚用，控油效果都唔錯的。

YiN好用推薦：本身用開factiv另一款保濕化妝水，但到夏天就想試下啲清爽啲嘅款就買咗呢枝PHA2。 印象中啱啱開始用嗰陣，皮膚有少少刺激感，唔敢日日用。後來唔知係擺耐咗定我皮膚耐受咗，我就再冇嗰種刺激嘅感覺，反而每一次用佢配合棉花抹面，見到抹到啲黃黃黑黑出嚟就覺得好爽，唔經唔覺就成枝用哂。 如果下次官網有推優惠的話，我應該會回購。

Bobo297好用推薦：呢支係我長期家中必備嘅爽膚水，已用過三支以上！ 倒出嚟係透明流質液體，有一陣少少又唔香又唔臭嘅味 每次洗完臉都會用佢抹多次塊臉同條頸，成日都會抹到剩低嘅油脂，塊化妝棉都會變黃🥹雖然佢有果酸，但做溫和軟化角質，用咁耐都冇敏感👍推薦畀多角質、黑頭、粉刺、暗粒嘅各位

jhope0725好用推薦：呢樣產品嘅配方，專門為油性及混合性皮膚調製，成份方面沒有煉製酒精，即使相對較為敏感嘅皮膚都可以嘗試！ 使用效果方面，用咗一星期，我自己相對油性嘅皮膚係使用後會感覺到出油量比平時減少，尤其是係鼻翼，以及下巴位置。 晚上配合化妝棉使用，亦都會見到有淡黃嘅油漬同角質會跟隨化妝水被抹去，作為二次清潔是非常不錯的選擇！ 我會感覺到有疏通毛孔的感覺，使用完畢會見到毛孔當中的含油量減少~持續使用對改善膚質相信效果更顯著！毛孔肌朋友可以嘗試呢~不過要提醒大家，產品的開口位置較為闊大，要小心控制分量！  香味方面，是草本氣味，各位朋友可以嘗試吓是否適合自己！

Milo101好用推薦：🌟透綠色水狀爽膚水，香氣是帶甜的草本味 🌟比較適合夏天或皮膚不穩定出油時使用，用後感覺水油平衡

Emily Leung好用推薦： 【IPSA 生肌水源素】用後感：真係「補水神水」？唔吹水！ 前排見成日俾人吹到上天嘅「生肌水源素」，心思思終於入手咗支！用咗個幾月，同大家分享下真心用後感～ 本身我係混合肌，T字位出油，面頰又乾到繃繃緊，聽講呢支水主打「補濕+調理肌底」，仲可以揀唔同型號（我揀咗#3 適合混合肌），咪試下囉！ 💦 質地同用法 · 質地：倒出嚟係好似清水咁，一啲都唔黏膩，撳兩泵就夠搽全面。 · 用法：我通常倒喺化妝棉上面，輕輕由塊面內向外抹，再捽吓手掌按壓落塊面，等佢吸收晒。 👍 好用之處 1. 補水唔黐立立：吸收得超快，拍完面珠登即刻水潤咗，但又唔會「笠痴痴」，後續搽精華同乳液都順咗～ 2. 肌膚穩定咗：用咗一段時間，覺得塊面冇之前咁易泛紅同出粒粒，摸落手感滑溜咗！ 3. 百搭唔撞護膚品：同其他護膚品一齊用都冇「打交」，仲好似幫手導入咁，正！ 👎 有咩唔好？ · 如果係大乾肌，可能覺得唔夠潤，要疊加保濕精華。 · 價錢有啲「肉赤」，但一支都用得幾耐，算係抵玩！ ✅ 總結：會唔會回購？ 會！ 尤其係夏天或者皮膚唔穩定嘅時候，用佢真係好安心～ 如果你係油性/混合肌，又想揀支清爽補濕嘅化妝

Fng好用推薦：我係混合偏乾肌，T字位偶爾出油，但面頰同下巴長期偏乾，尤其香港夏天又熱又濕，一出入冷氣房，塊面一時笠黐黐一時繃緊，護膚品好難揀。網上大推日糸IPSA流金水話能調理水油平衡，仲話濕敷一流，忍唔住入手試吓！ 💟質地同使用感💟 流金水嘅質地算清爽，倒出嚟似清水，但拍上臉會有微微嘅潤澤感，唔會𣲷𣲷黏黏。我通常早晚用化妝棉輕抹，有時貪心會倒多啲濕敷，尤其爆晒粒粒嗰陣。吸收速度中等，唔會話「咻」一聲吸乾，但拍多兩下就ok，後續搽精華同乳液都無黐底。 💟效果評價💟 ✅ 保濕力：驚喜！以為夏天用會太潤，但佢嘅保濕係透氣嗰種，面頰無再甩皮，T字位亦無狂出油。開冷氣瞓覺第二朝塊面都仲軟熟。 ✅ 穩定肌膚：用咗兩星期，額頭同下巴嘅閉口少咗，無之前咁易泛紅（可能因為無酒精？）。濕敷真係急救到暗粒🥰！ ❌ 控油一般：如果大油皮可能會嫌唔夠爽，但對我嚟講平衡度剛好。 ⚠️ 提亮效果：透明感有增加，網上話可以去黃，但我覺得唔明顯🤔，當普通補水爽膚水更貼切。 💟香港天氣適配度💟 潮濕悶熱日子的話，單用流金水+輕薄乳液已經夠力；但極乾燥冷氣房可以疊加多層精華。佢唔算超清爽，但絕對唔會笠到生粒

Kitty 好用推薦：Dr.Ci：Labo零毛孔細緻精華水：夏天毛孔嘅“透心涼救星”！ 熱到溶嘅夏天，洗完面塊面仲係黐立立、焫焫焫？拎起支橙噹噹嘅樽身，搖兩搖——將化妝水倒响化妝棉度，“啪”一聲拍上塊面！嗰陣冰涼感好似成支雪櫃拎出嚟咁。嘩！一聲由頭涼到落腳趾尾！絕對係我梳妝檯上最適合夏天的化妝水！ 個涼法唔係微微風，係薄荷醇直衝腦門嘅激凍！拍上塊面嗰刻，成臉毛孔“叮”一聲豎起晒，啱啱仲焗到燶嘅面，即刻好似跳咗落泳池咁爽！ 老實人使用心得： 涼到震？敏肌小心！薄荷+酒精，爽就超爽，但薄皮/易紅塊面可能頂唔順！初試建議淨係敷T字位，避開紅卜卜位置～ 濕敷先係王道收毛孔！鼻頭啲黑洞好頑固？剪細塊化妝棉浸到滴汁，局住敷3分鐘，一拎走，滑到反光，手指摸落去仲會溜一聲！ 夏日定妝秘技：朝早護膚後，用浸透嘅化妝棉輕拍全臉，唔單止二次清潔，殘留嗰陣冰氣仲可以壓住啲油唔俾佢標，個妝熱到40度都唔溶！ 總結：Dr.Ci：Labo呢支化妝水，絕對係夏天嘅神隊友！佢似一杯加冰嘅薄荷梳打，“噸”一聲淋熄塊面嘅燥火。雖然對敏肌有啲狠，但嗰陣即凍收毛孔+持久控油嘅爽快，足以令佢成為我妝枱上無可取代嘅夏日冰器

jaye好用推薦：水狀質地，十分清爽，用個陣會有少少薄荷既涼快感，好舒服，夏天用一流！我係係夏天個陣用化妝棉配合黎朝早抹臉用，可以抹走多餘既油脂，而同時有保濕感，係幫助到清潔毛孔，真係好岩夏天用！敏感肌混合肌都可以試下！

Rin好用推薦：Decorte 薄荷紫蘇高機能化妝水（Vita de Rêve）是一支以紫蘇及薄荷科草本為主打的清爽型化妝水，定位是日常調理與舒緩型爽膚水。 香氣屬清新草本花香調，適合喜歡有香味的用家，不會太刺激淡淡的香氣。 保濕度方面屬中等偏清爽，主要是即時補水、柔軟角質與平衡油脂，不會有厚重黏膩感，油肌與混合肌在春夏或天氣悶熱時使用會較為舒適。 但偏乾肌用單用保濕力不太足，需要再疊加較滋潤的精華或面霜。 成分上含有酒精（Alcohol），再加上多種芳香植萃與精油類成分，對油肌來說有助清爽與收斂，但對極乾、酒精敏感或屏障受損的皮膚，可能帶來刺痛、乾繃或泛紅風險。 氣味清香、使用感清爽、舒緩感尚可的草本化妝水，適合油性及混合肌；乾燥及敏感肌則慎選

Jan好用推薦：因為在意毛孔同暗瘡問題，albion 健康化妝水、ipsa 流金水同decorte 紫蘇水都買過，其中回購過的只有ipsa 同albion。 個人排名係albion >ipsa>decorte。 質地同使用感上，ipsa 無色無味，質地清爽得嚟有保濕感；albion 都唔錯，清爽又溫和；而decorte 都係偏水狀，唔笠但有種油感殘留（？）。 氣味方面呢因人而異，個人覺得最好係ipsa 無味；其次係decorte 有種草本精油味，聞落幾舒緩嘅；albion 就有種人工香味（有啲似爽身粉溝番梘水味）。 成分方面，根據網上資料（有錯請指正🙏🏻），ipsa係無酒精嘅，其他兩支都有酒精成分，但三支用落都無刺激感亦無出現敏感。 比較價錢，albion 係最唔抵用的，$300+110ml，其他兩支好似差唔多，都係$300+有150ml（唔知有冇記錯）。 Ipsa 係回購次數最多的，albion 都有回購過，decorte 就只買過一次。 但點解會俾albion 最高分呢，就係因為三支中，佢改善暗瘡問題係最出色的，有幫到舒緩同減少泛紅+暗瘡問題。ipsa 持續使用的確會令膚況穩定，但係佢係令皮膚唔會變