CAUDALIE

葡萄籽活性爽膚水 (皇后水)

噴頭噴出水霧好細！晨霧感水珠補水力超強，冷氣房狂噴都唔黏。有次曬到塊面紅過關公，連噴5次即刻降紅，仲有陣草本精油味好治愈～ 第一次我直接噴上塊面，發現唔理睜眼定閉眼都好刺激，會幾秒之內冇辦法呼吸。之後我就改為噴落手先，再搽上塊面。我會一次過搽好多份量，因為夏天我啲皮膚比較易出油，會生啲細粒粒，唔夠滑溜。搽完之後塊面會有十秒左右覺得好涼爽，跟住面頰變得非常清爽，摸落去好滑，似剝咗殼嘅水煮蛋，不過維持唔到好耐囉。。。 唔知呢支精華水嘅作用係乜，活性精華又點定義。我覺得夏天用幾好，大量厚搽之後會有清爽滑嫩嘅觸感。其他功效應該就冇乜啦，之後都唔會再回購。質地透明，香味似係一種精油嘅芳香。 缺點：用量快，一個月KO一枝！

因現時天氣太不穩定皮膚容易敏感泛紅，很喜歡這家主打天然有機的護膚品牌，尤其是葡萄籽系列，這枝皇后水很有名，號稱是全能精華級噴霧，一瓶多效，如即時收細毛孔、作定妝噴霧、保濕噴霧或化妝水使用。 它是啞面玻璃樽身，內容物的頂部為精華油，底部有點像花辮的沉澱物，頗有質感。噴出是很細緻的霧狀，噴灑範圍足夠覆蓋全臉，清爽水狀的質地很容易吸收，上臉後有股淡淡的草本香及少許清涼感，因內含精華油，保濕度以春天來說已足夠，皮膚感到適當的水潤，用後也沒有敏感的情況，薄荷成份在早上作化妝水使用十分醒神，平時在辦公室因冷氣感到乾燥既可以即時補水及醒腦。不過單枝價格會偏高，剛好有套裝優惠的話會很抵用，推薦！

Caudalie葡萄籽化妝水，真係好好用，而且細細支30 mL無論帶出街放喺手袋，或者去旅行時又可以好方便帶上飛機用，飛機上面好乾燥，隨時攞嚟噴一噴可以即時為皮膚補水，得到滋潤，而且噴完之後冰冰涼涼好舒服！

呢支皇后水聲稱可以緊緻毛孔、去黃同保濕，仲可以定妝！淨係聽到收毛孔已經好想試😆首先佢面頭有一層薄薄嘅精油，噴之前要搖勻，噴霧都幾均勻細緻，有清淡嘅玫瑰同少少薄荷香味，噴上面嗰下幾冰涼幾舒服，不過跟住就嚟料喇🙈🙈🙈 幾秒之後就feel到唔對路，塊面冰涼得好過份，而且眼周皮膚好乸！好攻眼！好刺鼻！感覺就好似搽咗白花油喺眼邊咁😭😭😭跟住我眼水鼻水直出，立即衝去洗面，但係用咗兩次洗面泡都洗唔走啲「涼爽」嘅感覺，不過稍為好少少冇再標眼水，但塊面都係keep住咁「涼」，大約10分鐘後感覺先慢慢減退…我一向都唔係敏感皮膚，好少會對護膚品有咁大反應🙈唔知有冇人用過都有同樣感覺呢🤔可唔可以分享下🫶🏻 其實撇除咗佢乸眼嘅感覺，呢支噴霧保濕效果都算唔錯，可能有精油成份噴完皮膚好滑溜好水潤💧至於收毛孔同去黃功效我就冇辦法試到喇🥹因為真係太刺激用唔到，不過夏天用來噴身應該會幾舒服😅

Caudalie 葡萄籽活性爽膚水，我不太喜歡它的氣味，太白花油的感覺。在夏天用可幫助皮膚保濕降溫。另外，覺得最大的問題係拿眼同攻鼻，令眼鼻非常不適。

一開始係俾呢枝皇后水嘅漸變色樽吸引，聽完店員推介話呢枝係明星產品，係爽膚水融合天然精油，補濕之餘多一份護膚功效，份外鎖水，我就買咗一枝放公司枱頭。 爽膚水最面有一層薄薄精油，用前要先搖勻，隔30cm左右嘅距離噴於面上。噴出嚟嘅水霧比同牌子另一枝補濕噴霧，相對再微細啲。噴時有涼涼的舒適感，味道都好好

這個皇后水是我接觸這品牌的第一個產品，也是它的明星產品 我初時以為它只是普通的保濕噴霧或者爽膚水，但我買了之後，再上官網看，才知道原來這皇后水並不簡單 細看它，會發現在爽膚水最上面有一層油，原來那是精油，混合了薄荷精油、玫瑰精油和迷迭香精油，所以用之前一定要搖勻 當我噴它上面時，會有薄荷的清新

呢支爽膚水好啱春夏用，佢噴上面好舒服又保濕，個香味好正，仲有涼凉地嘅感覺，好fresh，我好鍾意係公司用，得閒就噴下，個人都醒晒。

Caudalie 品牌明星產品皇后水，雖然只是會員生日禮物，但包裝亦毫不馬虎，同樣採用漸變色磨砂玻璃瓶身，高貴而有質感👍 店員介紹皇后水可作爽膚、保濕、定妝一物三用，噴霧清爽帶迷迭香等精油香氣，氣味怡人清新～ 可惜用後皮膚輕微敏感，面頰和嘴唇出現泛紅灼熱🥲 反而放在辦公室做到疲倦時當body mist 噴一噴提神，感覺不錯👍

當初係想買另一款toner 但店員推介呢一款皇后水 上面有一層精油要混合佢再噴面 佢話可以平衡返面上面嘅油水，令到皮膚減少一啲症狀 但係唔知係咪對精油敏感 我係一噴上去就爆瘡 問過兩間分店嘅店員 一個就話唔會導致爆瘡 一個就話一開始會要適應 所以我都好Confuse究竟係點 

平時係office 得閒噴下當保濕噴霧用係幾好用，但如果用呢做爽膚水就保濕力唔夠啦！ 最鍾意佢陣香味好醒神🥰

之前look fantastic大減價時購入，當時都係聽聞皇后水好好用，用過之後真係覺得佢保濕度非常之高，而且呢個品牌都主張天然材料，所以都好吸引我去買。但係好難有長遠嘅品牌忠誠度，可能係因為我上網買，平時如果講保濕，我可能會買咗Fresh。呢個品牌喺香港做減價又唔夠look fantastic

集合清爽與滋潤一身的爽膚水，最鍾意化妝前用佢打底，妝容更貼服。

呢支保濕噴霧個人建議可以作日間保濕之用，即係放係office 得閒噴幾下果種，但係如果做toner 就略嫌唔夠保濕。 我好鐘意佢既精油氣味， 噴果下瞬間有舒緩嘅感覺，但係用咗半支之後，精油嘅比例變得非常少。記得用嗰時叫搖下佢!

噴頭細緻 可平均咁噴上面 但有一股獨特嘅味道，個人唔係好鍾意 同埋用完會明顯有一層膜係面到 不會再回購

用了新出的toner，英文名稱是Vinopure Clear Skin Purifying Toner，不確定是不是這款，但cosme上只有這個是caudalie的toner，就到這項下評論了。 氣味很刺鼻，非常刺鼻！刺鼻到我都覺得自己拿到假貨了的程度……但它是從lookfantastic的聖誕日曆

產品用落既味道並唔係想像中葡萄香味，而是草本藥油味，令人一言難盡。保濕鎖水效果可以算係有啲啲既。

有種類似精油葡萄🍇香味，少少既甜，質地偏清爽唔會太厚身，好快吸收幫皮膚保濕但無咩額外功效

噴霧幼細 能夠平均灑在臉上 滋潤度充足 同時很清爽 夏使用很舒服

爽膚水十分舒適，搽完後十分透亮，有少許繃緊之感。令到垢面有左爽淨感，皮膚緊緻彈滑就無難度啦！有少許葡萄籽味，天然純淨無添加嘅感覺。