factiv

軟化角質爽膚水

factiv PHA2 溫和去角質爽膚水 (30ml @cosme 扭蛋贈品) 🧪✨ 今次幾驚喜！factiv 係本地香港品牌，呢支 PHA 水用落非常溫和，完全無酸類產品嘅刺激感。 ✨ 用後感與好處： 【溫和去角質，平滑粗糙】： 用 2% PHA 大分子酸，比起 PHA/AHA 更溫和。抹上面完全唔會刺痛，用咗幾日會覺得鼻翼兩側嘅粗糙感平復咗，皮膚摸落平滑咗。 【清爽補水，無負擔】： 質地好似水咁清爽，吸收得極快，去角質同時仲帶點基礎保濕，完全唔會抽乾皮膚水分。 💬 總結： 對於敏弱肌或者想日常溫和代謝角質嘅人嚟講，呢支完全無壓力，細細支試用啱啱好！ #化妝水部門 #化妝水分享 #factiv #PHA2爽膚水 #香港品牌 #cosme香港 #溫和去角質

本身用開factiv另一款保濕化妝水，但到夏天就想試下啲清爽啲嘅款就買咗呢枝PHA2。 印象中啱啱開始用嗰陣，皮膚有少少刺激感，唔敢日日用。後來唔知係擺耐咗定我皮膚耐受咗，我就再冇嗰種刺激嘅感覺，反而每一次用佢配合棉花抹面，見到抹到啲黃黃黑黑出嚟就覺得好爽，唔經唔覺就成枝用哂。 如果下次官網有推優惠的話，我應該會回購。

化妝水可以成功去角質，用化妝棉抹臉會有黃色，抹完後皮膚乾爽，搽埋保濕精華啱啱好。

呢支係我長期家中必備嘅爽膚水，已用過三支以上！ 倒出嚟係透明流質液體，有一陣少少又唔香又唔臭嘅味 每次洗完臉都會用佢抹多次塊臉同條頸，成日都會抹到剩低嘅油脂，塊化妝棉都會變黃🥹雖然佢有果酸，但做溫和軟化角質，用咁耐都冇敏感👍推薦畀多角質、黑頭、粉刺、暗粒嘅各位

買優惠裝時送咗支PHA2旅行裝，不過呢排少用爽膚水，所以呢支都唔太常用，無記錯PHA2含有果酸成分，可以軟化老廢角質，通常係爆瘡時用，倒落化妝棉度抹一抹，加快暗瘡凋謝

沾濕化妝棉後輕抹皮膚，可以做到溫和去角質，有助之後嘅護膚品吸收