CeraVe

長效保濕修復乳

感謝抽中我使用產品，喺今次試用之前，我未用過呢個品牌嘅產品，不過又聽朋友講佢抗敏效果非常唔錯，今次試用完都10分認同，而且係高性價比之選

今年皮膚變得異常敏感，不時會出現泛紅、敏感粒粒發作，一收到呢個產品，一泵出嚟，見到係白色膏狀，都會擔心會否太黏立。尤其是用喺面上呢啲薄嘅皮膚
試用之後，冇諗到皮膚相當快吸收，原來產品質感非常輕薄

成份亦都包含透明質酸同ceramides，係對皮膚好有營養嘅護膚成份，原來產品唔單止對抗抗敏感，保濕滋潤都有效！
我最敏感嘅部位係面部，加上經常要化妝，紅腫會好影響化妝效果，當前一日敏感發作，當晚我將產品敷喺敏感位置，第二日起身，明顯見到紅腫已經消退，雖然敏感粒粒仍然輕微凸起，但至少痕癢感減少，唔使拗到皮膚損傷！
而且佢保濕力度亦都適合冬天使用，用完足以令皮膚保濕至少半日，唔需要擔心保濕效果好快消退

由於屋企人都有敏感皮膚問題，所以我將產品同佢哋分享，就連平時唔鍾意護膚嘅父母都覺得產品吸收力強，而且能夠幫佢哋舒緩敏感皮膚，尤其係濕疹位置
呢排天氣乾燥、手腳皮膚敏感泛紅，我都會直接用佢 ！

百幾蚊就有咁樣嘅效果，個人認為呢個牌子比坊間其他抗敏品牌性價比更高，由皮膚問題嘅朋友，不妨考慮！