CeraVe

長效滋潤修復霜

之前從來未試過使用呢個品牌嘅產品，不過今個冬天，皮膚變得異常敏感，出現紅腫粒粒，所以開心今次有機會試用產品，順便測試佢嘅抗敏效果 ！

呢個萬用霜質感非常輕薄，圖片見到，皮膚好快會吸收，就算係手部粗糙肌膚，都能夠迅速將產品吸到底部 ，而且對比一般潤膚膏，相對冇咁黏立，就算將佢放入小瓶子，帶出街用都好方便


就算係腳踭呢啲粗糙位置，用完即刻見到滋潤效果，乾燥肌膚變得平滑
至於針對皮膚紅腫，我將佢厚敷喺皮膚一晚 ，雖然第二朝起身，敏感粒粒未完全消退，但就明顯見到皮膚降紅，舒緩效果令我感到滿意！
而且產品性價比相當高，百幾蚊就有咁大容量，就算自己用唔晒，放喺屋企大家一齊分享，都係相當不錯選擇！