CeraVe

長效保濕修復乳

呢個lotion係cosme試用邀請抽中，同長效保濕修復霜一齊試用嘅～感謝抽中✨🫶🏻 用咗呢個產品一個禮拜以上，我覺得佢好適合日常嘅身體保養，無味、水潤、清爽，十分適合一家大細使用！我媽咪好怕香味濃嘅產品，話聞到頭痛，所以呢個無味又安全嘅lotion就十分適合佢啦😆睇相都知呢支lotion好水潤😎 泵裝，易用又衞生。推開之後輕輕拍開就可以加快吸收，好快已經feel到好水好舒服，摸落肌膚都好柔軟，唔黏膩！😍

個人覺得呢個產品適合身體嘅日常保養，一年四季都啱。就算擺喺office用嚟當hand cream都唔會嫌佢油過頭，推薄之後拍幾拍吸收哂就可以掂keyboard同mouse，唔會油笠笠！最重要係無香味，用得安心～

而相比起佢嘅保濕霜，呢個lotion用喺我臉上冇咁有效果，因為我塊面實在太乾，所以對我塊面嚟講唔夠力。而我暫時只係用咗一個星期左右，不過佢無論用喺身體或臉上都唔會敏感，所以都推薦大家試吓！