CeraVe

長效滋潤修復霜

早幾個月前諗住學人早C晚A，點知皮膚愈嚟愈乾，再加上轉季，皮膚乾到皺晒皮 ，又紅又敏感！超級好彩抽中咗cosme嘅試用邀請，等我可以喺皮膚勁差嘅情況下試到呢個產品嘅功效！感謝✨首先一打開，原來佢係冇錫紙封膜，我係有少少嚇親🤣 不過睇落佢應該係本身都冇，而用落都冇敏感，所以應該係正常包裝嚟～Cream嘅質地雖然比較厚，但都好易推開，用後感覺滋潤，喺我極乾嘅皮膚上吸收得好快，唔算 黏 膩，反而好似有層膜咁包住皮膚，仍然keep住滋潤。

我塊面before真係好嚴重🥲 又紅又熱又痕，起到一撻撻，下面慎入‼️After係連續使用一個星期，面上搽緊呢個長效滋潤修復霜嘅效果！冇咁紅之餘，面部都平滑返少少，冇咁敏感同粗糙，毛孔個坑都有收歛咗少少。

喺最近嘅乾燥天氣下，乾敏肌膚必須擁有！真係即刻幫塊面急救。呢個牌子係同皮膚科醫生共同研發，大人小朋友都用得，所以既唔會敏感，又可以即時做到滋潤，降紅，舒緩。

我自己嘅使用方法係：早上洗面後使用透明質酸精華，之後就用呢個cream搽喺手上捽匀，再按上全面。喺重點位置再補搽一層cream，等佢吸收下先，就可以後續用防曬、遮黑眼圈、眼妝等等。（因為皮膚仲係好脆弱，就唔上粉底啦，減輕皮膚負擔～）

夜晚就會敷面膜後用呢個cream搽匀全面，及使用眼霜保養。咁就可以做個長效啲嘅保濕去訓覺。就算第二日起身，用清水濕洗面後再唔係紅紅痕痕啦。可見佢嘅滋潤功效係可以keep到過夜。

短短7日已經見到皮膚都開始穩定落嚟，我會繼續使用呢個產品，幫我喺乾燥嘅天氣keep住滋潤、降紅、止痕、急救🫶🏻‼️