找產品
專櫃蜜粉 推薦好用產品
34 件
Bendict好用推薦：我係敏感肌偏乾 之前天氣乾燥 用其他品牌碎粉定妝嘅時候發覺有啲位有乾紋😅 所係網度睇左咗幾日 究竟買咩品牌碎粉 因為我偏好日本品牌 忽略咗個大家都聽過嘅牌子 LAURA MERCIER 本來只係抱著試一試既心態 但估唔到盒碎粉好用到超出我預期 我用嘅色號係Translucent透明粉質好細 好滑 我用過嘅碎粉中最幼滑 我LM嘅碎粉定妝 天氣極乾嘅時間真係無顯細紋 而且修飾毛孔效果超出我預期咁好🙀 下圖 唔係誇張一秒磨皮 唔使開filter🙀🙀持久度方面 用完呢個定妝 我試過大概6個鍾多少少開始微微出油 但唔影響妝效😺 優點講咗 但真係有缺點 1. 冇附送粉撲 我另外買其他牌子粉撲放唔落 就算放到落去都係會倒太多碎粉出來 控制唔到取粉個量 2.粉盒設計好陽春 其他品牌已經有濾網設計嘞 每次倒過多出嚟 要晒好長時間 搖返啲碎粉落底層🫠如果佢有濾網設計 真係值7粒星100分✅冇濾網加粉撲所以扣左星星😿 不過性價比真係好高 29g 其實價錢等於兩盒其他品牌嘅碎粉 妝效亦真係非常好 所以推薦👍😺
<看全文>YYeman好用推薦：Laura Mercier 柔光透明蜜粉使用心得 ⭐️產品質地 · 粉質超細：一打開盒就見到啲粉好似煙咁輕，完全冇厚重感。上臉之後係「零粉感」，唔會卡紋或者積粉。 · 透明冇色：雖然叫「透明蜜粉」，但其實真係冇乜遮瑕度，主要係用來定妝同柔焦，唔會改變底妝顏色，適合鍾意自然妝感嘅人。 · 柔焦效果一流：上完粉後，毛孔同皮膚紋理會即時變得模糊，有種「自動美圖」嘅感覺，但唔會假面。 ⭐️控油同持妝度 · 中等控油：對於混合肌或乾肌嚟講，佢嘅控油力足夠，夏天可以撐到4-5個鐘頭（T位會少少出油）。大油皮可能就要中途補妝。 · 持妝力強：就算出咗油，都唔會溶妝或者斑駁，反而有種「愈夜愈靚」嘅融合感，唔會成塊粉浮起。 ✅ 優點： · 自然透薄，唔會面具感 · 柔焦毛孔效果明顯 · 適合大部分膚質（特別係乾至混合肌） · 一盒好耐用，性價比高 ❌ 缺點： · 冇遮瑕度，追求修色嘅人要搭其他產品 · 盒內冇跟粉撲或掃（要自己配） · 大油皮夏天可能覺得控油未夠強 ⭐️總結 如果你鍾意自然、輕薄、天生好皮嘅妝感，呢盒蜜粉真係值得試！尤其適合日常妝、偽素顏，或者怕粉感重嘅人。雖然唔係極級控油
<看全文>
Hellobeauty 好用推薦： CHARLOTTE TILBURY AIRBRUSH FLAWLESS FINISH 輕盈無瑕蜜粉 自然色調#2 試用咗呢個產品之後,我終於明白佢點解叫磨皮界始祖 我一直知道呢個品牌嘅產品非常受歡迎但係自己一直唔敢試,因為一直覺得歐美品牌嘅產品未必適合自己,因為擔心妝感太重；加上自己膚質容易缺水,所以所以一直唔敢試； 試咗之後,令我改觀了； 近期天氣乾燥,我皮膚處於「乾性肌」狀態,但佢嘅質感非常幼滑舒服緊貼住我嘅皮膚而且唔會出現卡粉嘅情況，輕易打做霧面磨皮嘅效果,仲要係輕輕一抹已經可以輕鬆柔化細紋、皺紋與毛孔； 而今次我選用2號自然色系,非常適合亞洲人黃皮膚嘅膚色,完全沒有色差,完全做到打造新肌膚一樣；
<看全文>Paris merci 好用推薦： 網上勁hit既粉餅，加上小紅書帶推想試好耐。 本身皮膚偏乾，試過淨係base+foundation 再直接用CT做定妝。粉質好細緻，上完無毛孔。粉嘅顏色都好自然，無粉感。超級滑，好高質！ 平日都係帶呢盒出去補妝，即使面部出咗少少油光，再加底妝有少少溶，補妝多無同底妝打交，直接補粉餅都無斑博情況。補完妝好似啱啱上完妝嘅一樣咁靚，無毛孔，好正。 控油度ok補一次都好夠，就算查多陣都唔會好厚粉。坐Office用唔會過分乾燥。 我會回購！完全我需要嘅效果！但佢光滑玫瑰金表面好易跣手，另外上網嘅人話用到hit pan好易碎。入返落啲細袋仔帶出街就安全啲，依樣要小心💕
<看全文>
Miranda好用推薦：【質感】 一打開盒蓋，已經見到一陣輕煙飄起，證明佢嘅粉質極度幼細，好似空氣咁輕盈。佢嘅粉末係淡裸色，但上面之後會變成透明，唔會影響底妝顏色。用手指輕輕摸一下，感覺好似絲綢咁滑捋捋，完全冇顆粒感。佢仲附有一個超級柔軟嘅粉撲，厚身有彈性，抓粉力啱啱好，唔會一次過沾太多。最驚喜嘅係，佢嘅粉體加入咗頂級嘅護膚成分，上面之後唔會抽乾皮膚水分，反而有種保濕嘅感覺。 【使用感】 使用感方面，呢盒蜜粉真係一試愛上。我會用粉撲輕輕按壓全面，特別係T字位同鼻翼兩邊。佢上面之後即時柔焦，毛孔同細紋完全隱形，但又唔會厚粉或者假面。最正嘅係佢嘅「光紗」效果，即係望落唔係死實嘅霧面，而係帶有一種好自然、好透亮嘅光澤，好似皮膚天生就咁好咁。佢嘅控油力適中，唔會令乾肌覺得乾，亦唔會令油肌覺得焗。用咗之後，粉底液嘅顏色唔會變灰或者變黃，持妝效果好好。而且佢嘅粉撲真係好好用，軟熟得嚟又唔會食粉，每次用完都覺得係一種享受。 【持久度】 持久度方面，呢盒蜜粉嘅表現非常出色。朝早定妝之後，到晏晝四五點，T字位只有輕微光澤，唔會油光滿面，而且妝容依然完整，冇浮粉或者溶妝。到夜晚收工，整體妝容仲keep到八成以上，鼻翼位冇
<看全文>Fng好用推薦：Clé de Peau Beauté (CPB) 的「鑽光透亮蜜粉 (Translucent Loose Powder)」是備受好評的皇牌定妝產品，主打輕盈無重、柔焦毛孔和打造透亮光澤。 · 💰 價格與容量：正裝 HK$980 / 26g**；旅行裝 **HK$480。另有補充裝可選，價格較高但一分錢一分貨。 · ✨ 核心功效：粉質極致細膩，能輕柔遮蓋毛孔、細紋和暗沉。主打柔焦霧面妝效，控油持妝能力強，且保濕不乾燥。 · 🎨 色號選擇：主要有 #1 Light（明亮色）和 #2 Light Medium（自然色）。粉體本身帶淡淡粉紅色，能自然提亮膚色，妝感清透有偽素顏效果。 · 📝評價 · 優點：粉質幼滑、妝感透薄不厚重；附贈的粉撲柔軟舒適好用；用量省，一盒可用很久。 · 缺點：價格確實是最大門檻；包裝設計取粉時粉體容易飛散；盒身較大不方便攜帶。 · 👩 適合邊啲人？ 追求高質素、自然透亮妝感，且預算充足的用家。特別推薦給混合肌和乾肌，但部分極油肌用家反映約8小時後或需補妝。 📌 總結 CPB透明碎粉是款能顯著提升底妝精緻度的「貴婦級」產品，妝效、粉質和使用感都對得起它的價
<看全文>
莓莓好用推薦：今日同大家開心share另一件「寶藏級」定妝好物 —— Make Up For Ever (MUFE) 嘅「超高清無瑕蜜粉」！佢個名真係勁到呢，聽落好似幫塊面開咗4K超高清濾鏡咁，究竟係咪真係咁神奇？等我話你知！ ✨ 第一印象：專業感爆燈嘅「透明魔法粉」 一打開個盒，嘩！個設計好簡約專業，冇得多餘花巧。個粉盒係黑色磨砂面，好有質感。入面塊網篩做得超細密，咁就唔會一次倒到成枱都係粉啦（呢個設計真心加分！）。 重點係 —— 啲粉睇落係純白色嘅，但撲上臉之後竟然係完全透明，好似隱形咁！即刻覺得好高科技啊～ 🖌️ 質地觸感：輕過羽毛，滑過絲綢！ 用手指掂下啲粉，哇！真係幼滑到好似煙霧咁飄逸，完全冇粒粒感。 「點解可以咁幼細㗎？」 呢個係我嘅第一個反應。佢嘅粉質幼細到好似冇重量咁，上面個下完全冇粉感，好似幫塊面蓋上一層好薄好薄嘅柔焦紗。 👍 優點： 1. 「高清」唔係講笑：真係做到零粉感、零厚妝！上完粉之後，塊面嘅毛孔同細紋好似被「柔焦」咗，但完全唔會加重粉感，keep住自然透薄。拍片或者影相嘅時候，真係睇落皮膚好細緻！ 2. 控油力一流：對我呢個混合肌嚟講，佢嘅控油能力真係
<看全文>Summer好用推薦：Make up for ever嘅蜜粉係超級好用，好驚喜，粉質非常幼滑細緻，一掃就可以均勻鋪開，妝感自然透薄，完全冇厚重或者假面感，仲有柔焦效果令皮膚睇落更滑淨。定妝力好穩定，一日出街都唔容易溶妝，控油效果明顯，T字位都唔會好快出油，妝容保持乾淨清爽。用完之後毛孔同細紋都被柔化咗，皮膚望落高清自然，係啞緻妝效但唔死板，仲帶少少光澤感，令皮膚睇落更健康。無論日常出街定係影相拍片都好啱用，真係做到高清效果，近距離睇都好自然。整體嚟講，呢款蜜粉係一支值得推介同回購嘅好物，定妝力、妝感同使用感都非常出色。 用後係非常平滑：
<看全文>
Chloeincosme好用推薦：Decorte既碎粉（/蜜粉）係我一直嘅回購品，亦都係我用過最好嘅碎粉（沒有之一）。 雖然價錢望落小貴，但係其實好大容量，除返比開架品牌更平😂 呢盒係好耐之前囤既貨（因為之前嗰盒用咗好耐，終於用晒😆🤣😓）。 1. 粉撲： 暫時未見到比佢更有誠意既粉撲🤣夠軟夠厚長毛，抓粉力恰到好處，唔會太多但唔會上左空氣。  2. 色號：11 號。 妝感：日系自然，好輕微既粉色再加少少閃粉，上面效果精緻，略帶珠光，喺陽光下有一種好自然嘅透膚感。 Zoom近影見唔見到有極細極細既珠光閃粉，唔會令塊面登台咁，但又有光澤。 控油：混乾肌表示返工/ 行街完全夠做，如果全日戶外活動就要噴定妝噴霧。 保濕：偏高（控油比大白餅冇咁好！但比大白位保濕） 簡單黎講，平靚正🤣 
<看全文>Kitty 好用推薦：作為一個對底妝有啲要求嘅女仔，我呢幾年試過唔少專櫃同開架嘅碎粉。作為混合肌，DECORTÉ呢盒碎粉真係有驚喜！ 佢最大賣點係妝效自然，帶微珠光，上臉後，唔會死白，反而透出好似皮膚自己嘅光澤，即時提升氣色，柔焦毛孔效果亦好出色。 粉質真係超幼細，近乎零粉感，因為添加咗氨基酸，所以就算係面頰偏乾位都唔會繃緊。控油力對我嚟講算中等，出油後妝面會融合成自然嘅奶油肌，但大油皮夏天就可能要補妝。 總括來講，佢完美打造咗一種精緻嘅偽素顏感。雖然屬專櫃中高價位，但粉質同妝效確實對得住個價，一盒可以用好耐。好推薦俾追求自然光澤肌、同怕碎粉乾嘅乾性/混合肌姊妹！
<看全文>
lonia好用推薦：最近入手咗呢款Shiseido 養膚精華蜜粉，主要係因為睇中佢上妝同時可以護膚嘅特點。經常化妝嘅女生，揀啲對皮膚好啲嘅化妝品係好重要！聽BA姐姐講，呢款產品每粒蜜粉都有透明質酸包圍，所以可以做到長效補濕功效。唔好忽略夏天補濕嘅重要性，長期身處冷氣房，都好易抽乾皮膚水份。使用呢款蜜粉，長期身處喺冷氣office都完全冇感覺到皮膚乾燥。 蜜粉附有粉撲，唔需要另外添置。粉盒係網面設計，用粉撲輕壓就可以。我買呢款色號係01，係帶光澤嘅白色細緻蜜粉。上妝後唔會影響妝容色調。佢嘅妝效透亮、有光澤感，雖然透薄，但無損佢嘅控油力，T字位冇出現泛油、浮粉情況，上妝後可以keep到大半日，持妝度都好理想。 同時具備補濕同控油力，推薦俾喜歡透亮而帶光澤感妝效嘅女生！
<看全文>Hoikiki好用推薦：Shiseido養膚修護精華蜜粉使用心得 喂，呢盒Shiseido碎粉，我用完真係有啲嘢想同你講！ 粉質好輕薄，倒出嚟真係好似煙咁散，輕到無朋友。拍上塊面嗰下，零！粉！感！ 好似第二層皮膚咁，完全唔驚一笑就龜裂。 個妝效都好完美，唔係死白嗰隻，係幫你塊面打咗層天然柔光，鼻翼兩邊啲毛孔即刻隱形，望落似訓飽8個鐘，皮膚好到可以呃人。 養膚係咪堅？ 真心，有扮護膚成分，試過捱夜殘樣用佢，卸妝後塊面仲係軟淋淋、唔繃緊，唔似平時啲碎粉吸乾你水份，敏感肌姊妹都用得放心。 控油頂到幾耐？ 我混合肌，返工朝9晚6都叫hold到，出油後唔會一撻撻，反而變咗靚靚奶油光。不過大油皮就真係要預咗補妝，乾肌冬天用直頭係恩物。 缺點： · 貴！真係貴！買嗰陣個心揪一揪。 · 佢唔會幫你遮雀斑暗瘡，瑕疵要自己搞掂先。 · 個網窿有時出粉一嚿嚿，記得倒落紙巾再上，唔好直接撲，如果唔係變麵粉頭。 一句到尾： 如果你想搵盒碎粉「扮天生好皮膚」，呢盒係頂班。但如果要控油控到乾爭爭，佢唔係你杯茶。 #碎粉 #日系品牌 #平民試貴婦 #養膚碎粉 #Shiseido碎粉 #冇粉感 #扮天生好皮 #化妝#
<看全文>
Chloeincosme好用推薦：成日貪新鮮買好多唔同既化妝品，而NARS既大白餅絕對係我一生不停回購的產品！ 佢既外型偏大，鍾意用小廢包既我好少帶佢出街，主要用黎定妝，每次用完大白餅都會覺得自己皮膚超好。♥️粉質：10/10，極幼細，未預過比佢更幼細既蜜粉。 ♥️妝感：9/10，微霧，唔浮粉唔卡粉，有極幼既珠光，唔會好似登台咁閃但又帶到光澤感。 ♥️控油：7/10，當夏天坐冷氣房，7點化完妝，下午4點開始有油光，即使出油都唔會斑駁（好重要） ♥️保濕： 6/10，唔係保濕型。 ♥️持久：8-10小時 *要留意既係佢唔係有色粉餅，基本上冇遮暇度可言！但佢可以比到柔化同撫平肌膚既妝感！ 下圖中指係掃左5/6下既結果，可想而知佢既粉質幾幼細😍 但！佢有缺點！ 除左size太大唔想帶佢出街，另一個唔用佢補妝既原因係佢既「粉撲」好似紙咁薄😂超難用…（呢樣野都比人話左好多年🥹 不過因為我係屋企用，我會用其他工具取代佢，所以對我黎講唔算好大既缺點。 總結：係超好用的蜜粉餅，推薦！
<看全文>hinaaaaaa好用推薦：我係混油肌 T字位偏油 底妝通常上一層氣墊 建議手指粉撲上依個碎粉～ 一盒已經用咗4年 都仲未見底 CP值高😂 控油度4/5 夏天嘅話會先全面薄薄上一層 T字位再上多一層 就算流汗個妝都唔會溶或者花👍🏻 冬天嘅話全面薄薄一層都唔會覺得塊面繃緊或者乾！ 很剛好嘅控油度 應付到香港天氣🥵 遮毛孔3/5 素顏嘅時候會搽完冇色防曬再上NARS碎粉 毛孔有柔焦嘅感覺 社交距離睇會覺得皮膚幾好 近距離都會見到毛孔 但透明碎粉嚟講已經好唔錯👍🏻 30度流哂汗冇補過妝 底妝狀態都keep得唔錯～
<看全文>
Luna好用推薦：我呢排都用緊Make Up For Ever呢盒超高清蜜粉，同你分享下真實用後感～ · 粉質係真心靚：你手指捽一吓，係滑過奶粉嗰隻，上到塊面好似冇嘢咁，但望真啲又柔焦咗，毛孔冇咁顯眼，影相唔使點P圖都見得人。 · 關於控油：我要老實講，如果係大熱天時喺街行，我混合肌T字位大概頂到3、4個鐘，之後要輕輕補一補。但返工坐冷氣房的話，全日都keep到清爽，鼻翼兩邊唔會一撻撻，呢樣我好滿意。 · 點用先好呢？ 我自己試過，用粉撲「印」上去係最穩陣，尤其眼底同鼻翼，薄薄一層就夠。如果用掃「掃」嘅話，好易飛粉之餘，仲會推走啲粉底，曬咗。仲有，跟盒嗰塊粉撲偏薄，我後來換咗自己厚身嗰塊，手感好好多。 · 乾肌朋友要留意：如果你皮膚本身偏乾，打底保濕一定要做足，否則呢盒粉會吸走你啲油分，到時顯乾紋就唔靚啦。我自己係混合肌，秋冬用就覺得好夾，夏天就睇情況局部用。 · 價錢方面：三百幾蚊一盒，聽落有啲貴，但每日用嘅話，我嗰盒都用咗大半年仲有排用，平均返都算值得。不過包裝個窿真係大咗啲，我會倒少少出嚟喺紙巾先沾粉，咁就唔會一次過倒多咗嘥晒。 總括嚟講：呢盒粉唔係萬能，但如果你鍾意自然霧面妝感，又唔
<看全文>TsuenMa好用推薦：Make Up Forever 超多好評嘅定妝蜜粉 HD 高清持久定妝蜜粉 我呢隻色係2.2 universal clair / light neutral ，就甘睇隻粉嘅色，以為會深色左d，但掃上面比預期中好，吻合度更高✨產品系列，一共有八個色號，主打一個總有一款可以適合到你用😆 蜜粉嘅控油成份好好，可以幫你打造陶瓷妝感👩🏻🦰能夠好好咁控油，就係可以令個妝keep得長久嘅一個關鍵，所以品牌稱佢能夠幫你瓷磚高達廿四小時；不過呢款控油力比較強嘅蜜粉，可能未必適合乾肌使用。 蜜粉粉質都好幼細，我係用化妝掃上粉，無使用化妝撲，但之前使用佢粉餅嘅時候有用過，都覺得好好用，佢粉撲嘅抓粉力都好強，但同時間亦都唔會整花你個妝，值得一讚💕 總括而言，呢款蜜粉定妝效果很不錯，對於我呢個追求霧面妝感、陶瓷肌妝感嘅就好適合🙂↕️同埋重點係需要揀啱色號嘅粉，咁就唔怕一失手攞得太多粉嘅時候會fail🥹 我多數都會係攞粉量會多啲，希望可以keep到個底妝靚啲🥰 如果係普通返工日常嘅話，基本上個底妝都唔會點甩或者花，但有時可能走動得比較多，有出汗嘅話，效果就會爭啲，鼻翼嘅周圍都可能會有少少浮粉嘅情況🥹
<看全文>
Clara KY Chan好用推薦：我係第一次用貴價碎粉，完全出乎意料之外，效果好出色，非常鍾意！佢粉質未算最幼細但佢持妝度非常好。 一盒30g真係可以用勁耐，我自己T字位比較油，上左之後可以hold到大半日。喺冬天用佢會有少少乾同卡粉， 不過出左少少油之後成個底妝好好睇，定妝效果亦好好。
<看全文>Irischan0109好用推薦：這款碎粉真的太驚艷了！粉質細膩如煙，上臉瞬間一秒柔焦、隱形毛孔，控油持久卻完全不乾，底妝一整天都高級通透！ 疊加多層也毫無厚重面具感，完美定妝之餘還自帶微微的貴氣微光。不論是日常通勤還是大熱天出門，有它在，妝容就能超時待機、精緻不打烊，絕對是無限回購的定妝神粉！
<看全文>
Emily Leung好用推薦：夏日不脫妝分享 | 從早美到晚的秘訣✨ 最近香港的天氣又熱又濕，只要出門就變得汗流浹背。 臉上精心化好的妝更是溶化得快，太容易出油和斑駁！我費盡心思找到了一款上臉服帖乾淨持久的定妝散粉，就是NARS家的原生光蜜粉！只要在化妝後輕輕撲上一層，皮膚秒變焦柔感，最後再用定妝噴霧焊死在臉上，一整天下來怎麼暴汗都不脫妝，簡直是夏天必備定妝神器！ 新款散粉粉質通透，輕輕一層就能讓肌膚呈現出完美光澤，同時在肌膚上產生柔和的提亮效果，有助於抵抗暗淡膚色，有效柔化臉上細紋瑕疵，淡化毛孔。網格設計容易控制每次取粉份量，而且雙層的蓋子可預防漏粉。 ⭐️微米級粉質填補毛孔，皮膚立刻變啞光柔焦 ⭐️ 透明感妝效，不會蓋住底妝的光澤 ⭐️超長持妝，戴口罩和吃火鍋都不會斑駁
<看全文>Sanna Cher好用推薦：所用的產品是透明效果的蜜粉，主要作為定妝和打造霧面妝容時使用。塗上粉底及胭脂後，先重點在眼下位置，其後在面頰及修容位置，利用細化妝掃輕壓蜜粉。擦上修容及打亮產品後，再次在容易出油的位置，如額頭及T zone 輕壓蜜粉，其他位置亦利用大蜜粉掃輕輕擦上作為定妝，見額頭位置明顯白晢。 完妝照片，見產品做到膚色均勻的效果。
<看全文>
bbbcls好用推薦：膚質：混合性（T字位出油，面頰偏乾） 控油 ★★★☆☆☆：控油效果一般，下午T字位已現油光，對於呱呢個價格，控油效果唔符合期望。 調色 ★★★★☆☆：自然裸妝感，輕至中度遮瑕，1號色惟偏白欠血色。 香味 ★★★★★☆：溫柔玫瑰香，非常討喜。 方便度 ★★★★☆☆：大粉撲好用，但size偏大不便攜帶。 呢款粉餅香味出色，調色自然，適合中性至乾性膚質。油性膚質不建議，對於濕熱既香港氣候略顯控油力不足且size偏大，不便攜帶。
<看全文>Gtam 好用推薦：Elegance 定妝蜜粉餅真的是一款讓人驚艷的化妝品❤️它的細粉質地非常👌，能夠輕易地融入肌膚，妝容看起來更加自然、細緻，而且不會造成厚重感或浮粉現象，讓你的肌膚看起來更加🌟光滑、柔軟。 此外，Elegance 定妝蜜粉餅的控油效果也非常出色，能夠有效地吸收肌膚上的油脂，讓你的妝容更加持久，不易脫妝。它能夠減少肌膚的油光，讓你的肌膚看起來更加清爽、乾淨，讓你一整天都能保持完美的妝容。 此外，Elegance 定妝蜜粉餅的外觀設計也非常👍，精美的包裝和可愛的盒子讓人一看就愛不釋手。它還有多種不同的色號可以選擇，能夠適應不同膚色和妝容需求。 總之，Elegance 定妝蜜粉餅是一款非常值得推薦的化妝品，它的細粉質地和出色的控油效果能夠讓你的妝容更加自然、持久、細緻，而且它的外觀設計也非常可愛，讓你愛不釋手。如果你正在尋找一款能夠幫助你打造完美妝容的優秀化妝品，那麼 Elegance 定妝蜜粉餅絕對值得一試！💁♀️
<看全文>
Yty好用推薦：乾肌救星！By Terry 玻尿酸蜜粉透明色（1.3g 試用裝） 越補水越美麗的秘密： 它主打注入了玻尿酸成分。上臉那一刻非但完全不乾繃，反而有種把水分鎖在皮膚裡的輕盈感，在冷氣房坐一整天，眼周和嘴角也完全沒卡過粉。 粉質細如輕煙（透明色）： 粉質細到不可思議，倒出來像煙霧一樣。透明色上臉完全不著痕跡、不改變底妝顏色，能極致溫柔地修飾掉微小毛孔，皮膚摸起來像絲緞一樣滑。 小容量試用裝的隱藏優點： 這款正裝很大罐，但這 1.3g 的小試用裝簡設計得太剛好。小小一個帶出門補妝極度方便，而且兩罐加起來的份量剛好夠用很久，CP 值極高。 💬 體驗總結： 它不是那種強效吸油的乾爽蜜粉，而是幫你定妝同時保留皮膚水分的高級保濕粉。討厭粉感、害怕定妝後肌膚乾燥的人，用這款絕對會驚艷！
<看全文>Monkeyk好用推薦：細個2x歲嘅時候， 每次一上碎粉，返到工就會比同事問你做乜今日咁乾？所以試過幾次之後，就冇再用碎粉，淨係用粉底液就算，溶妝寧願就咁上返cushion。 之後同朋友講開佢都係咁，因為我哋皮膚太乾，佢叫我試呢隻，如果價錢太貴我都未必試，因為都試過買完唔啱用又係掉，我見by Terry唔算太貴，又可以試吓，唔知係咪真係有保濕成份，真係OK喎，開心!
<看全文>
Lumi Kwan好用推薦：之前睇好多日本雜誌，啲編輯都極力推薦，而且呢個產品成日都拎日本獎項，所以上次去日本嘅時候我刻意買咗一盒。以前覺得碎粉係一件用極都唔完嘅產品，但唔知點解用呢一盒嘅時候我大約用四個月，就用完啦。粉粒好微細，佢仲有另一款顏色係珠光，但因為我怕會好似成面油咁，所以冇選擇。入面有一個粉撲，我仲貪得意買多一個粉撲可以有替換，粉撲超級柔軟好舒服，但有時我都會用粉底掃去上妝，上左妝之後覺得皮膚好滑淨，就算之後再加highlight，都輕而易舉。我剛剛由去完日本返嚟，所以都冇貨買咗一盒，我會長期支持佢。
<看全文>YolandaAuYeung好用推薦：蜜粉粉末超級細緻柔滑，延伸性好。優秀的透薄感，原因是「Bouncing Powder 彈潤粉體」技術，令肌膚產生絲滑潤澤質感，輕柔地覆蓋肌膚，令肌膚整日也呈現自然明亮光澤，仙氣Level UP!! 用後感: 蜜粉粉末超幼滑，驚艷不已的絲滑觸感，令人一試難忘! 質地非常貼薄，能有效提亮肌膚色澤，就像第二層肌膚，透岀素肌感，連毛孔也完全隱形了，自然遮瑕修飾，沒帶一點厚粉感，即使帶着口罩，也不泛油，持久度很好，這是我定妝必備之恩物！ #細緻碎粉
<看全文>
mcosmetics好用推薦：見到有好多YouTuber都分享乾機適用呢個密粉，所以去咗SOGO啟德 Bobbi Brown 專櫃買。我用pure glow色號。粉質好幼細上面冇份感，但係本人T字位會出油，佢完全冇控油效果。不過包裝好好，有鏡，有塊膠隔開粉撲同粉末，有過篩粉末可以更加幼細，本身附送粉撲都好舒服。希望佢可以出一個控油力多少少嘅版本。
<看全文>Ahpin好用推薦：呢個Bobbi Brown嘅碎粉真係我作為乾肌人一年四季嘅必需品🥹 佢嘅粉質好細，就算喺眼下幫遮瑕定妝都冇問題。妝感係霧面光澤，好啱我呢啲唔鍾意太水光肌同埋底妝太黏嘅人。佢有少少顏色，所以有時落胭脂重手咗都可以幫手調返靚。大大盒有排用，值得一試！
<看全文>
Ressie14好用推薦：幻彩流星彩妝粉盒2024年版 一直覺得呢種小珍珠狀嘅蜜粉喺設計上真係好突出，忍唔住今年買咗一罐一睹廬山真面目。 我會用散粉刷喺罐裏面兜圈抓粉，均勻沾出五色珍珠蜜粉嘅份量，然後掃上臉蛋， 佢呢隻粉質唔會好乾，視覺上散發彩妝帶嚟嘅光澤；仲有淡淡嘅香氣，閉上眼睛想像..就好似喺一間高級嘅化妝間度妝扮一樣。 另外佢嘅包裝顏值超標！小罐係密封設計…防止一粒粒蜜粉受潮濕影響，所以如果有用完嘅一刻，蜜粉罐絕對可以用嚟收藏～
<看全文>Ronni好用推薦：其實佢一出就買咗～ 全因佢好靚 仲要好似好多色好特別～ 不過用咗幾次～ 就將佢打咗入冷宮🫠 原諒我用到勁污糟🤣入面真係好靚嘅～ 不過… 佢真係一定要用掃上～ 煩😠 同埋佢係閃嘅🥹 個人真係唔鍾意～ 隔咗好耐～ 清櫃想扔嘅時候見到佢～ 又拎出嚟用咗2日～ 同事話睇落個妝好滑☺️☺️ 同埋唔會印曬落個口罩😷 我決定俾多次機會佢！
<看全文>
PorscheB好用推薦：第一次用Make Upforever呢個ultra Hd 定妝粉 之前都係用碎粉 倒出黎果種 感覺都係比較難掌握用量 今次呢個粉餅 只需要用掃 掃 然後fing走多餘既粉 就可以上面 粉質好幼細，定妝效果滿意 價錢唔算好貴 性價比ok 特別中意 個粉盒有塊鏡 個外殼唔膠 有手感 亦都有啲重量 有高級感覺！ 最方便就係出街補妝都有得照住 唯獨係無位放棉 / 掃仔 如果帶出街用，就要另外擺補妝工具
<看全文>sylsylsyl好用推薦：由於貪方便嘅關係，雖然知道碎粉會抵用過碎粉餅好多，但係都係用碎粉餅多 始終可以唔使倒黎倒去同怕拎粉太多太少 對朝早趕急嘅返工時間黎講好緊要 所以我呢盒碎粉餅其實係向屋企用，工具係大powder brush 因為佢係無粉撲向入面 如果要帶出街未必好方便 顏色係白色，上面係完全唔影響粉原有顏色 然後粉質好幼細，有柔焦效果，再加控油 （但唔會過乾） 係我春夏秋會用嘅碎粉餅 冬天會轉用保濕強d嘅選擇
<看全文>
Bendict好用推薦：粉體好細緻 定妝效果亦都好好 有修飾毛孔嘅效果 效果中等 因為附送嗰個粉撲實在太陽春😿 所以我都係用掃嚟上碎粉😹 之後再噴定妝噴霧 夏天酷熱天氣下 個妝可以keep到六個鐘左右 秋天嘅話 個妝係keep到超過八個鐘💪 粉盒設計好靚😺 但打開有小小失望 附送嘅粉撲造功好差 粉盒仲未有濾網設計...... 控制唔到每次倒出嚟嘅量 （我用碎粉掃上粉 每次一定倒過多出嚟）🫠 如果有濾網設計/ 改善粉撲 呢個產品其實值7粒星
<看全文>Zoe好用推薦：我會形容佢係蜜粉界中嘅控油黑馬 雖然係植村秀產品中 佢唔算最出名嘅產品 但依款蜜粉 我用完有再回購 因為佢真係好控油 以日韓牌唔嚟講 我覺得佢控油程度係我用過最好 而且佢上妝郁係好薄透自然 粉質都勁細緻 會遮毛孔效果 用完唔會影響妝感 或卡粉問題 不過建議用返蜜粉掃 效果會好啲 用佢本身粉撲會有啲「食粉底」 同埋冬天嚟講 保濕度唔夠 所以我會留返夏天用 但都勁力推薦油肌們比個機會佢
<看全文>
Yty好用推薦：依款跟套裝入嘅蜜粉簡直係「油光殺手」！佢主打一秒吸油兼柔焦，粉質好細，一抹上臉啲油光同毛孔即刻隱形，變成好高級嘅啞光霧面肌，非常啱夏天或者大油田用。 ✨ 產品好處與用後感： 【瘋狂控油不結塊】： 控油力極強，就算下晝塊臉出咗油，直接疊加補妝都完全唔會卡粉或變厚重。 【全透明不發白】： 真正無色透明，上臉完全融入底妝，絕對唔會令你條臉變白定改咗粉底隻色。 💡 溫馨提示： 【乾位用量要少】： 佢控油效果好明顯，如果係混合肌，建議集中用喺 T 區，眼周等乾燥位就用餘粉輕帶過就夠，費事顯乾紋。 💬 總結： 一秒消滅油光嘅柔焦神器，夏天怕溶妝、追求持久霧面肌必入！ FentyBeauty #控油蜜粉 #碎粉部門
<看全文>Kitty 好用推薦：發現Rihanna帶紅咗佢之後，個個鍾意化妝嘅姊妹都人手入咗一個！！我用咗就快變光頭咁滯，今日就嚟真實分享吓用後感😉！ 上完底妝唔好即刻用，等底妝成咗膜先再用佢定妝，油皮嘅話，到下晝出油嗰陣用佢再印一印。一啲都唔！斑！駁！乾皮直頭可以成日冇問題。仲有比較好嘅一點，佢唔會出現嗰種尷尬嘅白印，粉質算幾幼細，上臉軟腍腍咁。 暫時用落都冇卡粉嘅情況，因為我之前用其他粉餅下巴會卡紋，用佢完全唔會！唯一唔滿意嘅係嗰個粉撲！真係！完全抓唔起粉，建議單獨買個好啲嘅植絨粉撲換上去，效果就完全唔同晒💯！
<看全文>