購買資訊

【質感】 首先講質地。佢係輕身嘅乳液狀，流動性極高，唧出嚟會跣走嗰種。推開嗰下好順滑，好似搽緊輕盈嘅護膚精華而唔係粉底。上面之後好快就同皮膚融合，感覺好薄好透氣，完全唔會覺得「漿住」或者厚重。就算用手上妝，都一樣可以推得好均勻，完全冇粉痕。 佢嘅妝效係偏向自然光澤嗰種，但呢種光澤同一般粉底嘅光澤好唔同。佢望落唔係表面嘅油光，而係好似皮膚底層透出嚟嘅健康光采。用完之後塊面望落好飽滿好水潤，但又完全唔覺得化咗妝。近距離照鏡都睇唔到粉粒，呢種「裸膚感」係我覺得佢最大嘅優點。 佢嘅質地仲有一個好處，就係 「唔會乾」 。我以前用過好多標榜輕薄嘅粉底，上妝嗰下係靚，但幾個鐘之後就會開始乾，乾紋全部現晒出嚟。但呢支粉底完全冇呢個問題，就算上妝幾個鐘之後，塊面都仲係保持住水潤嘅感覺。呢點對於我兩頰有時會乾嘅皮膚嚟講，真係好重要。 【使用感】 呢個位係我最滿意嘅部分。佢嘅 「養膚效果」 係真係feel到嘅。官方話佢加入咗山茶花籽油同日本大米萃取，我唔知係咪心理作用，但用完一排之後，我feel到皮膚嘅質素有改善。以前卸妝之後塊面會覺得乾同暗啞，但用呢支粉底嘅日子，卸妝之後塊面都仲係keep住水潤

講到shu uemura呢支「透光瓶」#674，我係混合偏乾肌，用咗一排，同你分享下最真實嘅感覺： 妝感（滿分！） 真係做到佢講嘅「透光唔反光」，唔似一般光澤粉底咁油淋淋，而係皮膚底層滲出嚟嘅健康光澤，好高級。妝效係輕度至中度遮瑕，疊多層都唔厚粉。 #674色號點睇？ 亞洲人偏白膚色用啱啱好！帶少少橄欖調，同頸部冇色差，唔會灰白。如果你用開#564覺得太黃，#674會係你杯茶。 質地與保濕 流動性高，手指推都滑。保濕力中上，乾肌用唔會起皮，但極乾位（鼻翼）最好打底。最驚喜係持久度，香港30幾度戴口罩，出油後妝容融合得更靚，暗沉情況好輕微。 少少扣分位 對痘印、黑眼圈只係6-7成遮蓋，瑕疵皮要另外用遮瑕。還有一點，佢乾得算快，上妝要快手啲，分區塗會更貼服。 總結 如果你追求「天生好皮膚」偽素顏，呢支好值得入手！尤其適合中性至混合肌，想要光澤又怕油膩嘅朋友。記住用前要搖勻，用濕粉撲上妝最靚！

❤️‍🔥適合乾性肌膚的粉底❤️‍🔥 本人：乾性敏感肌（瑕疵不多） 購買這支是想追求保濕度、透亮的粉底 這支可以做到我想要嘅效果 遮瑕度不算高（適合不太多瑕疵的女生） 但是持久到很不錯 在香港這個潮濕的天氣也可以hold到一日 氧化不太嚴重，脫妝也不會太核突 0濾鏡，原iphone相機拍照👇🏻 （上妝超過3小時後）