NIVEA

果萃雙效C&E淨白潤亮精華凝乳

最近天氣又焗又潮濕，夜晚沖完涼之後，我都成日好怕搽到啲黐立立、太厚重嘅身體乳，所以揀產品嘅時候，最重視就係質地夠唔夠輕盈同舒服。好多謝今次cosme抽中咗我試用NIVEA果萃雙效C&E淨白潤亮精華凝乳，最初吸引我嘅就係佢主打可以幫肌膚補水同提亮，對我嚟講幾啱，因為本身皮膚都有少少乾燥，同埋睇落偏暗沉，特別係手臂同身體膚色唔算太均勻，所以一直都好想搵一支可以同時做到保濕同美白感覺嘅產品。試咗之後，覺得佢唔係嗰種只係得表面滋潤嘅身體乳，而係真係有心機去幫肌膚慢慢調理返，呢點幾加分。 第一個感覺就係佢質地真係幾易推開，而且吸收得好快，唔需要搽好多都已經可以推勻成大片肌膚。佢唔會有油膩或者笠住皮膚嘅感覺，反而係搽完之後摸落幾潤滑，質地輕盈得嚟又有一定滋潤度，對我呢啲一到夏天就唔鍾意太黐立立嘅人嚟講真係幾適合。尤其係我本身皮膚有少少乾，夜晚沖完涼之後如果冇即刻搽嘢，皮膚就會有啲繃緊同乾，呢支用落就剛剛好，唔會太厚潤，又唔會揸完得陣風，用完明顯肌膚有光澤咗。加上佢加入咗維他命 C、穀胱甘肽、維他命 B3 同維他命 E 呢幾種成分，感覺上比一般身體乳更加有針對性，唔只係保濕咁簡單，而係真係會修護同提亮

好幸運地獲@cosme 揀中試用Nivea全新「果萃雙效SUPER C+ 防曬精華凝乳SPF50 PA++」同埋「果萃雙效C&E淨白潤亮精華凝乳」，實行日夜持續美白！ 根據@cosme 指示，日間用「果萃雙效SUPER C+ 防曬精華凝乳SPF50 PA++」，晚上「果萃雙效C&E淨白潤亮精華凝乳」。 報告返「果萃雙效C&E淨白潤亮精華凝乳」嘅使用報告： 加入50倍純維他命C、穀胱甘肽、維他命B3及維他命E，全部都係近年大熱嘅護膚成份，有助抗氧化，維持皮膚光亮健康，改善皮膚質素，比一般美白身體乳更吸引、更高效。質地：清爽嘅lotion, 易推易吸收 香氣：微香，清新 晌悶熱嘅天氣使用，都唔會有黏𣲷嘅感覺，非常適合夏天。 使用前嘅皮膚，比較暗沉：持續用7天後，皮膚顯出光澤，無咁乾燥，少左乾紋。Nivea 呢支精華凝乳，大大支，比樽裝又方便，性價比極高，搽勻全身都唔肉赤，我十分滿意🥰 Thanks @cosme and Nivea 🩷🩷

多謝Cosme 同品牌比我試呢枝NIVEA果萃雙效C&E淨白潤亮精華凝乳🥰🥰 呢支精華凝乳質地流動性比較低，唔似普通lotion咁水，需要少少时間慢慢推开（小tips：沖完凉趁皮膚微濕即刻搽會易推好多👍🏻） 超大枝，價錢唔貴，有排用：屬於流動性比較低既質地： 平時唔搽cream虎口位好多乾紋，下圖係前一晚搽左朝早冇搽任何護膚品既情況，見到冇咩乾紋🥰 🤍 質地感受：3.5/5 質地偏杰身，搽上去感覺比較滋潤，需要輕輕打圈按摩一陣先完全吸收，吸收後有層野係皮膚，會較適合對清爽度要求唔高既姐妹。 🤍 香味表現：4.5/5 淡淡嘅香味好舒服聞落好療癒，我自己幾中意呢隻味！ 🤍 用後彈性：4.5/5 用咗兩星期，雖然可能因為成日keep住戶外運動，手腳嘅膚色唔覺白咗好多，反而有驚喜係皮膚彈性明顯高咗！果然body cream要持之以恆咁用！以前懶得搽身體乳，而家每日沖完涼堅持用，皮膚狀態穩定咗好多，冇再咁乾燥甩皮～ 總結： NIVEA呢支精華凝乳雖然流動性低啲，但保濕同提升彈性效果真係幾出色～作為日常身體護理好值得入手，希望美白效果快d出現🤣會繼續堅持用完，推薦俾成日戶外活動既你！

🌙 NIVEA 果萃雙效 C&E 淨白潤亮精華凝乳 首先要多謝 @cosme 送出 NIVEA 果萃雙效 C&E 淨白潤亮精華凝乳 💙 平時夜晚我都會用身體乳，但如果可以同時做到保濕＋美白，對我嚟講會更加加分✨ 我本身皮膚會有少少暗沉同乾燥問題，特別係手腳位置，有時睇落會偏蠟黃同冇光澤😮‍💨 呢支精華凝乳加入咗50倍維他命C＋穀胱甘肽＋維他命B3＋維他命E✨ 可以幫助抗氧化、提亮膚色，同時改善暗沉同提升肌膚彈性🤍 主打為缺水暗黃肌而設，可以同步提升保濕度同光澤感。 用落嘅質地係清爽中帶少少滋潤感💧 推開好容易吸收，唔會黏立立，搽完之後皮膚即刻覺得柔滑咗🫧 持續用咗大約7日之後，皮膚暗沉感有改善，睇落冇咁蠟黃，光澤感提升✨ 同時保濕度都有提升，皮膚摸落去更柔軟，感覺有少少彈潤感🤍 總結嚟講 💙 如果你係 ✔ 想改善身體肌膚暗沉 ✔ 想提亮膚色＋增加光澤 ✔ 想搵一支清爽但有保濕力嘅身體乳 呢支 NIVEA C&E 淨白潤亮精華凝乳 係一個幾易入手又有效嘅選擇✨

感謝@cosme 邀請參與NIVEA 果萃雙效C&E淨白潤亮精華凝乳。 質地都水潤易推開，有淡淡果香，皮膚唔易敏感。 另外成份加入了50倍純維他命C、穀胱甘肽、維他命B3及維他命E，我覺得比一般美白產品有較強美白效果，每晚持續用的確有白啲（同時日間都配合用左果萃雙效SUPER C+ 防曬精華凝乳 SPF50 PA++++。）以下係持續用左兩星期效果（手腳色差較大因較多穿長褲所以腳會明啲，產品每晚都有使用，感覺美白效果較防曬顯著）： 大範圍塗手手腳腳都好岩用，最緊要唔笠，岩晒夏天，價錢又唔貴都幾抵用！

感謝獲參與 NIVEA 果萃雙效精華凝乳系列試用活動, 連續兩星期試咗 NIVEA 呢兩支果萃雙效精華凝乳: NIVEA 果萃雙效SUPER C+ 防曬精華凝乳 SPF50 PA++++ 主打 SPF50 防曬嘅 Super C+，質地不錯，搽上手感覺好水潤，而且吸收速度好快，無防曬產品常見的厚重或黏膩感。不過，因為最近幾天都天陰無太多陽光，所以佢嘅防曬效能到底強不強，目前還是未知數。 NIVEA 果萃雙效C&E淨白潤亮精華凝乳 夜晚我用呢支C&E 淨白潤亮精華凝乳，佢標榜有 50 倍維他命 C，質地同樣走輕盈路線，快吸收而且保濕度足夠，喺滋潤度方面係幾好，但暫時唔知道有冇淨白透亮嘅效果。 整體嚟講，我覺得呢系列嘅質地唔錯，推開之後好水潤，吸收得快之餘亦冇乜黏膩感，喺香港呢種潮濕天氣用都算舒服。使用感上係幾好的。而且以呢個價錢有好大嘅份量，性價比絕對高！

多謝@cosme邀請試用，話說最近試左好多款身體乳，呢兩款都係我幾鐘意其中之二🤭日夜都會用兩款唔同既身體乳液幫肌膚解決問題 日頭我會用NIVEA 果萃雙效SUPER C+ 防曬精華凝乳 SPF50 PA++++，夜晚既時候我會用呢支NIVEA 果萃雙效C&E淨白潤亮精華凝乳，真係好幫到手😎佢成份加入了50倍純維他命C、穀胱甘肽、維他命B3及維他命E（平時我用個啲都係得保濕成份🤣）比一般美白系列產品既身體乳更高效同更吸收，仲有淡淡香味，其實夏天更加要美白因為著短袖🤣用左大約兩星期，感覺上皮膚無咁暗沉，會用耐啲再睇更明顯效果😎

Nivea 美白身體乳液，有50倍嘅維他命C，有效抗氧化，仲有負責保濕同修復效果嘅維他命E ，呢支乳液功能可以深入肌膚底層打擊黑色素，美白肌膚。 白色嘅身體乳液，好容易推開，唔會黐立立，吸收嘅速度亦都好快，用完之後好快覺得清爽同舒適，至於美白方面，我個人覺得要用好耐，長時間使用先會見到效果，確實可以令膚色更加均勻。 呢支美白身體乳液有少少香味，似係維他命C嘅味道，都唔錯，未至於好好聞，但係一定唔係難聞，整體嚟講都OK 

多謝@cosme嘅試用邀請👉🏻NIVEA 果萃雙效C&E淨白潤亮精華凝乳 首先第一感覺係大大支，一打開有香香的果味，質地乳液睇落有少少杰身，但係好容易推開，因為含水份比較多，皮膚亦好容易吸收，就算搽多啲都冇問題。 而且潤膚露冇精油成份，所以唔會覺得好油粒粒，令到皮膚更加容易吸收，可以即時起到保濕作用。 呢支身體乳液，感覺比其他的身體潤膚乳液更加有多水份，搽上身體後更容易吸收，試用咗七日之後皮膚更加嫩滑感覺更加嫩滑有彈性。 原本冇乜光澤嘅皮膚，變咗有多了光澤，改善暗沉皮膚。整體感覺呢支身體美白潤膚露，性價比高，適合用於春夏天，可以提升皮膚的潤澤同美白。 

✨效果： 官方話為缺水暗黃肌而設，改善暗沉、光澤同彈性。我用咗接近兩星期，美白方面暫時未見好顯著嘅效果，但補濕滋潤同緊緻皮膚就唔錯。呢排天氣潮濕，用完唔會覺得黏笠油膩，皮膚有種飲飽水嘅彈嫩感，摸落去滑咗。幾十蚊有300ml，當身體乳液用都唔心痛可以大範圍搽。 💦質地： 輕薄易推，吸收速度快，唔會覺得油冧冧咁撻係皮膚表面。味道係淡淡嘅橙香，唔會好人工好刺鼻，搽完心情都清新啲~ ☹️ 缺點： 美白效果真係要等耐少少先見到，兩星期唔夠，追求即時去黃或者淡斑嘅話可能要配合其他精華。 💰 性價比： 幾十蚊有300ml，呢個價錢真係冇得輸。坊間好多美白精華幾十ml就過百，呢支大件夾抵食。補濕緊緻效果對得住個價，就算美白慢啲都當保養身體皮膚，性價比極高，值得一試。

NIVEA 雙效C&E淨白精華凝乳，開架美白lotion 經濟之選🥰 ✅ 優點： · 性價比高：百元內有維C+維E雙重美白成分，開架中之戰鬥機！ · 清爽唔黏：凝乳質地推開化水，用後無泛白黏膩，夏天薄塗夠保濕 · 提亮有感：持續用2週暗沉減淡 ❌ 缺點： · 酒精味明顯：敏感肌可能刺激，建議試用先 · 保濕力短暫：冷氣房撐唔到半日，乾肌要疊加乳液 · 美白速度慢：要持續用先見效，心急人士未必啱 💡 總結：學生黨同預算有限必試！適合香港夏天追求清爽美白嘅混合肌，但敏感肌同極乾肌要諗過～

首先多謝@Cosme 抽中使用，✨全新升級 NIVEA 果萃雙效C&E 淨白潤亮精華凝乳✨ 質地好輕盈，味道好清果香味，搽落去皮膚感受到好易推開同有滋潤感好快吸收，但又唔會笠。 使用部位全身，本人皮膚不是好暗，搽完覺得皮膚滑咗好多，柔軟咗，膚色更透白，所以我使用在較暗，腋下位置😄，身體乳液都可以改善腋下色素好鬼“正”！！用過好多針對腋下產品覺得呢支果萃雙效 C&E 淨白潤亮精華乳用咗 7 日，咁快見到色素真係有減淡咗，裡面 50 倍純維他命 C，榖胱甘肽，維他命B3及維他命 E，做到改善暗沉，美白，彈潤，真好厲害(¯▽¯)👍

多謝 @cosme 抽中我試用Nivea果萃雙效C&E淨白潤亮精華凝乳 我本身皮膚非常乾燥,有脫皮現象,經過7天試用後,我明顯發現腳部的皮膚變得光滑和有彈性,膚色亦變白了一些 我覺得這支凝乳的質地很好很細膩,易推又易吸收,比起我使用过的大多數同類產品優勝,我會作出回購繼續使用 另外就是很喜歡它的清新氣味,使人用後遍體芳香 這樣好的產品我會推薦給身邊的朋友

多謝cosme畀機會我試用❤️ 上次試左同系列青色個隻， 今次呢隻橙色成分一樣豐富，有維他命C &B3，殻胱甘肽，都係主打美白，抗衰老，去走膚色暗啞❤️ 橙色呢隻仲有埋高濃度維他命E，用上去感覺對比青色質地rich啲，覺得更加滋潤，但都係易推開，好快吸收唔lup👍🏻味道上我都鍾意佢多啲，香得黎係淡淡香🤣唔太濃味~ 用左一星期，整體黎講，影相唔肯定睇唔睇得出，但皮膚係滑左既（手踭粗糙位繼續有改善）～而美白上真係有少少少少淡色左~ 不過可能時間仍然尚短，要再用耐啲先至有好明顯更變👍🏻整體覺得呢個價錢咁大枝，都CP值幾好既~Before:After:

多謝 @cosme 邀請試用。 咁首先，佢嘅質感係cream 呢嘅，水潤易推開，亦都幾清爽，冇話塗完一陣都keep 住 feel 到黏立，好快就好似吸收晒咁。 咁相對於同系列綠色嗰支，呢一支嘅質感Rich D亦都潤啲。第一張係用之前第二張係用之後，咁可能光線問題，現實睇用完之後比起用之前係白咗少少滑咗少少。 雖然的確係白咗滑咗，但係都未去到包裝所講「七日重現彈潤透白」咁誇張。需要用到長少少嘅時間先可以見到更加明顯嘅變化。

第一次係@Cosme抽中試用新產品✨多謝✨ 夏天嘅保濕cream最緊要係好濕得黎質地清爽，果萃雙效C&E淨白潤亮精華凝乳絕對可以滿足呢個需求。 我自己每晚嘅習慣沖完涼之後都會搽保濕cream，NIVEA精華乳特別嘅係加入咗50x 維他命C & 維他命E，持續使用七日後 感覺上比其他美白保濕產品更容易吸收，效果更加顯著，用完都覺得皮膚光澤感同彈性效果都好好👍🏻

Nivea果萃美白精華潤膚乳，適合喺春夏天天氣唔係太乾燥嘅時候，可以改善膚色同時保持滋潤，質地輕盈易推，搽上身好快吸收，唔會痴笠笠。 入面有果萃美白精華成分，可以幫助均勻膚色，長期用落皮膚會顯得更亮白同有光澤。 冲完涼搽一層，可以令皮膚睇落更加水潤。 清新淡果香，用完之後皮膚聞落好舒服，唔會太濃烈。

多謝 @cosme 邀請試用NIVEA 果萃雙效全能美白系列全新推出嘅果萃雙效 C&E 淨白潤亮精華凝乳! 一直都有用開NIVEA嘅潤膚產品 今次呢個淨白潤亮精華凝乳主要針對缺水暗黃嘅肌膚，幫助改善暗沉色澤同埋彈性～同另一款新品一樣，有50倍維他命C、穀胱甘肽、維他命B3，今次呢款產品再額外加入維他命E，更加能夠抗氧化提升肌膚光澤感！ 唧出嚟就同平時嘅lotion一樣，都係白色嘅cream狀，質地唔會好水/杰身，容易推開😆 保持到皮膚滋潤之餘都好清爽，吸收得好快，唔會黏笠👍🏻 用咗一個星期左右，皮膚感覺平滑咗好多，手腳上粗糙嘅地方都變得平滑👍🏻滋潤效果亦都唔錯，即使隔咗一晚，手腳都keep住好滑！係令人有驚喜嘅產品👍🏻用咗一個星期之後個人覺得膚色變得均勻咗，但因為使用時間較短，所以未能感受到直接變白，相信連續使用一段長時間會較好😜

多謝@cosme 邀請試用，呢幾日天氣較熱，晚晚開冷氣瞓覺嘅環境下，連續使用咗七日，有大大嘅感想 ⭐️質感水潤易推，完全唔會黏笠笠 ⭐️皮膚明顯白咗，50倍維他命C嘅效力真心勁 ⭐️皮膚滑咗更有彈性 ⭐️保濕功效不錯，乾性肌膚用都補水 ⭐️香味好好聞，日頭用左好似噴咗淡淡嘅香水，氣味令人舒服放鬆，老公都鍾意聞😊 呢支乳液打破咗我對美白產品嘅睇法，因為一直都覺得美白產品只會較着重於改善暗沉，估唔到佢除咗有美白功效之外，同樣都做到保濕滋潤嘅效果，令肌膚更有光澤，水潤彈性，推介推介👍🏻

精華凝乳易推、易吸收、不黏笠，適合經常出入冷氣房同室外環境嘅用家、現時轉季（時而寒冷乾燥，時而炎熱潮濕）的天氣。本人屬於濕疹，乾燥皮膚，小腿原本會有乾燥、粗糙、顆粒感情況（圖一）。持續塗抹7天後皮膚乾燥缺水、暗沉情況明顯有改善，粗糙顆粒感情況都有改善，皮膚亮白滋潤（圖二）。 精華凝乳加入了50倍純維他命C、穀胱甘肽、維他命B3及維他命E，能夠有效提亮肌膚、保持肌膚潤澤，比一般市面上美白身體乳更高效。