freeplus

保濕修護凝霜

Freeplus 保濕面霜測評：乾肌同敏感肌嘅恩物！ 之前同大家分享過 Freeplus 卸妝油，今次輪到講佢哋隻皇牌保濕面霜！ 質地同手感： 佢係嗰種乳霜狀，望落有啲厚度，但推開嗰陣好快就化水，唔會「立」癡癡。我本身好怕啲面霜搽完成塊面反光，好似未吸収咁，但呢隻唔會，按摩兩下就已經食得晒，皮膚係啜咗啲水份咁，摸落去軟熟咗。 保濕力： 呢方面我俾高分！我朝早同夜晚都用，尤其開冷氣瞓覺，第二朝塊面都仲係潤嘅，冇繃緊感覺。如果你係大乾肌，我覺得你會好鍾意；混合肌嘅朋友就可以冬天用，或者淨係搽面頰乾燥位。 溫和度： 一如 Freeplus 嘅風格，冇香料冇酒精，我用咗咁耐完全冇敏感或者出粒粒。有時皮膚有少少紅或者唔穩定，搽佢都唔會刺激，好安心。 小缺點： 對我嚟講，夏天用可能會有啲潤，要減量。同埋如果你追求好香嘅護膚品，呢隻就冇咩味，係原料本身淡淡嘅氣味。 一支穩穩陣陣嘅保濕霜，唔會令你好驚艷，但皮膚唔妥當嘅時候你就會明佢嘅好。價錢合理，尤其轉季或者敏感時期，拎出嚟用就最放心！推薦俾鍾意簡簡單單護膚嘅你！

Freeplus 保濕面霜深度測評：敏感肌嘅「定心丸」！ 一句總結： 呢罐絕對係「潤物細無聲」嘅高手！唔單止清爽咁簡單，係可以將水分牢牢鎖成日，第二朝起身塊面依然嘭潤唔出油。 真實用後感： 1. 質地與保濕力： 佢個質地真係一絕，推開好似水感咁吸收，零黏膩，但保濕力出奇地持久。唔係浮喺面個種潤，而係感覺水分真係食咗入角質層，由朝到晚（甚至到第二朝）塊面都保持住水潤飽滿感，每吋肌理都飲飽水。 2. 成分與功效： 裡面落足新6種和漢植物精華，再加埋煙酸B，唔係單單補水，係慢慢幫你調理返肌膚個底層，令皮膚狀態愈用愈穩定、愈健康，達到水油平衡。 3. 溫和度滿分： 真正做到無香料、無色素、無酒精，成分純粹到極。無論係敏感肌定係孕期媽媽，都可以放心用，係皮膚唔穩定時最可靠嘅後盾。 4. 適合邊個？ 基本上所有膚質都適用！油皮會愛佢清爽鎖水，乾皮會感受到佢長效滋潤，混合肌更能體驗到水油平衡嘅好處。 總評： 如果你一直在尋找一支成分安心、基本功紮實、保濕力持久又唔怕敏感的「本命面霜」，Freeplus 呢支絕對係盲入都唔會出錯嘅高分之選！用耐咗，你會發現皮膚嘅健康光澤係由內透出嚟嘅。

freeplus真係極力推薦！平價超保濕面霜 買到呢罐面霜都幾偶然，因為我係冬天塊面會乾到起白皮嗰種人，所以一向都係買啲好滋潤嘅面霜，但點知用用下開始生閉口，逼住要停用。之後誤打誤撞買咗freeplus，點知一用就愛上，連續買咗三支！ 呢個牌子係專門為敏感肌打造，主打無添加，無添加任何化學成分、防腐劑、色素香精，表示對肌膚的安全、無負擔！真係好適合我呢d容易過敏的膚質！ 首先，佢係嗰種啫喱質地，輕輕推開就化做水狀，非常清爽，一啲都唔黐立立。 其次，佢嘅保濕力度一開始我都驚冬天會唔夠潤，點知到咗冬天先發現呢個擔心係多餘嘅，保濕效果真係好好，就連化妝都零壓力，一啲都唔會浮粉，所以我一口氣又買多咗兩支。 最後，價錢都真係平過大牌好多，閂埋眼入手都完全唔會肉赤。 如果你唔知買咩面霜好，真係一定要買支試下！

質地清爽 上面容易吸收 不過不失嘅一款產品 價錢亦都合宜 用後上妝唔會有擦子膠粒 介乎啫喱嘅狀態

佢係比較滋潤嘅一款，質地唔算輕薄，之前冬天去韓國特登買罐去用，保濕一流👍 如果開冷氣夜晚我會當sleeping mask用，佢係敏感肌膚都用得，夏天出街用就真係難啲😂

Gel狀輕盈唔黏立 快吸收 用黎頂頂冷氣可以 妝前唔夠潤 用後亦唔出油 用效比較單一

Gel cream 狀正常都係比較容易吸收，但呢款反而有啲厚重感覺。用完都會有一層嘢係面上面，有啲黏笠令人唔舒服，春夏季完全唔推薦使用。用後出油多咗，油肌亦不宜。

不太適合油肌，感覺有層野喺表面，厚重難吸收，油肌可能會焗到出粒粒

的確幾滋潤的一款，質地不算輕薄，用完有帶點油潤感感覺未太好。秋冬用了幾次就只有儲放的份。

呈白色水盈果凍狀，非常容易吸收不油膩，不致敏；又能令面部有一層滋潤的薄膜感，夏天愛用

water gel 質地舒服輕盈，易推唔黏笠，用完皮膚水份提升，膚色會變得比較亮白同少啲乾紋

質地白色凝霜狀 比想像嘅要厚重 有啲黏膩 皮膚要較長時間先完全吸收 成分安全溫和 無論膚況如何都用得放心 滋潤度高 但用後笠朝會出油 比起化妝水同乳液 面霜使用感略遜一籌

白色gel cream狀，有D厚度嘅，對皮膚好溫和，保濕滋潤鎖水嘅能力好好。吸收係需要一啲時間嘅，吸收完之後都feel到塊面有一層薄膜，但係唔會有過分油膩嘅感覺，夏天用一流👍