找產品
急救面膜 推薦好用產品
24 件
Yuki好用推薦：見網上介紹係全能面膜就入手左 買左已經一段時間 只係用左大概一半最後放到面膜都乾乾地 閒置主因係陣味唔好聞 係好濃烈嘅樟腦味 一路敷住聞到好頭痛 就算過完水陣味都會殘留面膜質地好厚係泥狀嘅mask 有杏仁研磨顆粒可以去角質要俾d時間慢慢推開敷到一定厚度 太薄會好易乾哂 敷左唔夠10分鐘已經乾到裂所以自己每次最多只會敷10分鐘 另外面膜比較難清洗 係清洗過程好易拉扯到皮膚 自己用完覺得有白淨左 但皮膚同時覺得乾左 感覺似做左次深層清潔 可能面膜比較適合油肌用 對於乾肌泥講用落冇咩功效 之後應該唔會再回購喇
<看全文>Emily Leung好用推薦：Eve Lom急救面膜！真係越用越愛！ 第一次用，乾到阿媽都唔認得，真係想即刻掉咗佢。 抱住『比多次機會』嘅心態再試下，點知就中咗毒咁，越用越上癮！ 用法係敷大概10分鐘，然後用支噴霧噴濕塊面，用手指慢慢捽圈按摩， 真係爽到震！！！ 入面嗰啲微粒一啲都唔拮面，我敏感肌都覺得舒服到不得了！ 陣味有啲似中藥材味🌿，聞落幾安心，好療癒㗎。 按摩分半鐘左右，跟住用暖水洗乾淨。塊面會覺得『緊緊地』，光澤即刻返晒嚟！ 作為清潔面膜，係有啲貴，但個體驗真係冇得頂👍。 洗完之後，白頭會走晒出嚟，不過黑頭就唔太得。 仲有啊，每次打開都會見到面頭有一浸水！千祈唔好倒咗佢，要用支小勺子攪勻返先好搽上塊面㗎！」
<看全文>
Kit wong好用推薦：喺屈臣氏買，最初見到個包裝好靚（顏色搶眼）就俾佢吸引左目光，之後都search過評價好似OK，所以就買一盒試下。一盒5塊要百五咁上下，平均一塊30蚊到，係有少少貴🥲所以唔會日日用！但只要用一塊，都的確有即時見效嘅感覺，好似前排轉季兩邊面出暗粒，下巴又有泛紅，敷左mask之後真係有緩和到，而且暗痘都無再出現！幾有效！有幾次覺得乾/有出瘡瘡/有泛紅，都會用佢，用完之後唔可以話完全好返晒，但有感覺係慢慢好返，好似幫皮膚調理返咁👍🏻 我覺得雖然一盒唔算平，但屋企常備一盒，久唔久拎嚟急救其實都OK ☺️題外話 第一次用嘅時候，差啲唔識開，以為要用較剪剪咁麻煩😂 原來佢有個超隱藏嘅開口😂😂 我覺得可以整得明顯啲囉……分享面膜實際個樣，某啲部位有兩層，主打嗰幾個位「密集修護」，有兩層嘅嗰幾個位包括鼻同雙頰，有感覺到貼啲、包得好啲，所以會有精華吸收得更好嘅感覺，但以效果而言係咪特別有用，就無好大感覺（似gimmick 多啲LOL😂) 但重申一次，其實成塊都好用，只係無佢講嘅針對壓力位有特別效果，急救都始終係一流的！
<看全文>Beautygirl好用推薦：今次好開心有機會試用aio新推出嘅面膜。period前皮膚會變得唔穩定，同埋翻工長期處於冷氣地方，皮膚都偏乾，平時都會膚面膜保濕。呢款aio面膜非常適合穩定皮膚，加強保濕。 呢款4合1面膜嘅設計與別不同，有重點集中修護面部四大壓力區，採用雙層膜布設計，令到皮膚吸收得更好。用完一星期覺得法令紋都有淡左，肌膚更保水！ 用完產品唔會覺得痴立立，做到溫和、低敏及親膚的效果。早排做完醫美pico，塊面特別乾，因為無添加色素，無添加香料及無添加尼泊金脂類防腐劑，做完療程用都唔擔心！用完上妝都貼服好多。
<看全文>
橘子貓好用推薦：UltraSensitive Repair Intensive Source Mask 為敏感肌專門研發的面膜，面膜的精華液含有SymSitive、積雪草提取物、維他命B5和透明質酸。 面膜有一定的保濕功效，舒緩絳紅功效則見仁見智了。每次我過敏時用，感覺這款面膜的降紅效果不太明顯。 另外面膜紙使用了可生降解棉，環保理念上是不錯的。但使用感真的十分一般，面膜太過柔軟，容易拉扯變形，對精華液的承載量也不太高，我在敷面膜時，下巴位置已經有精華液會滴落。 在眾多為敏感膚況而設的舒緩面膜中，有其他更好的選擇，這款不會回購了。
<看全文>Kitty 好用推薦：話說前排轉天氣，塊面又開始敏感泛紅，搞到妝都唔貼服😭 好多人推薦Eucerin呢款修復面膜，專登買嚟試下水！用咗幾次之後同大家分享下真實感受～ ✨質地同香味： 面膜精華液係清爽乳液質地，推開好水潤唔黏膩！無香料味，聞落有淡淡護膚品原料味（唔刺鼻），適合唔鍾意香精嘅朋友～ ✨使用過程： 敷上臉嗰陣有微微涼感，幾舒服～說明話敷10分鐘，但我試過敷15分鐘都無刺痛感（敏感肌表示感動！）沖水後無假滑感，摸落去軟軟嫩嫩～ ✨效果評價： 👉即時補水：⭐️⭐️⭐️⭐️（用完毛孔睇落細咗） 👉鎮靜泛紅：⭐️⭐️⭐️⭐️✨（退紅效果真嘅驚艷！） 👉持久修護：⭐️⭐️⭐️（要保持連續使用先明顯） 💡個人小Tips： 1️⃣ 如果爆痘期間建議局部試先 2️⃣ 放入雪櫃凍敷鎮靜效果加倍！ 3️⃣ 一週用2-3次就夠，唔需要日日敷 總結：性價比高（屈臣氏經常做優惠！），尤其適合換季/激光後護理～會回購❤️
<看全文>
Fng好用推薦：AHC B5玻尿酸睡眠面膜，補水效果超讚! 🥰🥰🥰🥰🥰 最開始知道AHC這個品牌是看一些韓劇，裡面有這個護膚品牌的廣告植入，它們家的B5玻尿酸糸列可以說是一款好歡迎line。 AHC B5玻尿酸睡眠面膜，個人感覺補水效果十分好👍🏻，更可以上底妝前使用，薄薄敷面十分鐘，再洗掉，後續不黏膩，挺清爽的。 價格的話，五粒星滿分💯，尤其適合學生使用🫶，這款睡眠面膜味道很好聞，跟AHC 那款網紅黑管眼霜的味道有點像，香香的，敷在臉上一整晚，第二天早上起來確實感覺到皮膚變得很水潤，很順滑。用水沖洗的時候感覺有點油，不過用洗面奶洗掉就好了。 厚敷一層, 搓一下會有很多水珠冒出來, 是很水潤的感覺，夏天在冷氣房裡或者冬天暖風機旁待久了，厚敷這款睡眠面膜來補補水，確實可以給肌膚喝飽水的效果💦💦。 這款面膜對於冬天特別容易起乾皮的我來說，也是足夠。冬天確實是要多補水, 不給肌膚做好補水的後果就是在化妝的時候唔夠貼，再好的妝容也會被毀掉🫣。 #面膜
<看全文>natanatalie好用推薦：轉季突然天氣乾燥的時候必買的恩物🥰 最近的天氣有時會非常乾燥，濕度也長期在百分之四十幾或以下，而我的護膚品亦未完全轉為冬天比較滋潤的護膚品，這一款二合一的面膜面霜就是我轉季時候乾燥天氣的恩物！😜 首先很欣賞會附送一支小匙羹，用這一支小匙來取面膜和面霜就會比較衛生。首先第一個步驟會查透明質地的啫喱狀的面膜，第二部就會搽白色的面霜。這兩款面膜面霜的質地都是非常易推和輕盈，絕對不會對肌膚造成負擔。但是它能夠在肌膚構成一片膜鎖住水份，令到你第二朝感覺肌膚非常有彈性，亦都會變得很軟熟！毛孔會細緻，整個人也是充滿光澤，這一點我是十分喜歡的！😘
<看全文>
YYeman好用推薦：Dr. Wu保濕面膜測評｜乾敏皮嘅真心話 Hi 姊妹們！今日同大家分享呢款Dr. Wu玻尿酸保濕面膜～ 講真，佢喺臺灣真係好紅，我抱住好大期望試㗎！ 首先講膜布： 材質係薄身嘅生物纖維膜，好似啫喱咁敷上臉，貼服度真係冇得彈！好似第二層皮膚咁，郁吓塊面都唔會走位。 精華方面： 係屬於濃稠嘅乳液質地，唔會滴滴瀝瀝。敷咗15分鐘都冇覺得乾，摞落嚟嗰陣仲有好多精華剩，可以順手敷埋條頸。 效果即刻睇到： ✨補水真係冇得輸！敷完塊面係飽滿咗，掂落去軟淋淋，好似飲飽水咁。 ✨我面頰啲泛紅同繃緊真係舒緩咗好多，即刻冇咗『乾到扯住』嘅感覺。 ✨上妝前敷一片，個粉底真係貼服到不得了，冇再爆皮卡粉。 小總結： 對於我哋呢啲乾敏皮來講，佢係一款穩陣嘅「急救兵」！ 保濕力真係堅得，尤其轉天氣同長期開冷氣嘅日子，敷完即刻翻生。 雖然價錢有啲小貴（平均要廿幾蚊一片），但係效果對得住個價錢。如果姊妹你係極需要補水，预算又鬆動，呢款真係可以入手試吓！
<看全文>bearbear246好用推薦：面膜質紙材透薄，所以非常貼面，同時大小適中。 有大量既玻尿酸精華液可以掛係面膜紙既同時唔會掉落，所以就算敷住面膜都可以做其他野。敷完有保濕感，但又唔會太黏立。皮膚吸收度高，敷完洗面後有潤澤又有彈性感覺。產品價格偏高，會等待特價時入手。（約$280/8片）
<看全文>
布吶吶好用推薦：冬天護膚必備好物！Laneige睡眠面膜心得分享 ❄️ 冬季護膚真係一大挑戰！乾燥天氣搞到塊面成日繃緊，仲有啲甩皮，真係好煩。好彩今年試咗Laneige嗰隻睡眠面膜，拯救咗我嘅冬季肌膚！ 講到質地，佢係淡藍色嘅gel-cream狀，一打開就聞到好清新舒服嘅香味。質地非常輕盈，好似一抹即化嘅雪芭咁，推開嗰下感覺好水潤，完全唔會「立痴痴」或者有黏膩感。佢唔似得傳統面膜咁厚重，喺皮膚上面形成一層好薄好透氣嘅保濕膜，唔會焗住塊面，所以冬天用真係好舒服，瞓覺都唔覺自己敷緊嘢。 保濕效果真係無得彈！ 每次敷完第二朝起身，塊面都係水潤潤咁，完全冇冬天嗰種乾到「黐立立」嘅感覺。質地好輕透，唔會黐頭髮，吸收得快，瞓覺都唔怕整污糟枕頭。 修復力都值得一讚！ 有幾日凍到塊面有少少泛紅同敏感，敷咗佢之後明顯鎮靜咗好多，好似幫皮膚飲飽水咁，毛孔都睇落細緻啲。我通常一星期用2-3次，如果皮膚特別乾，會連續敷幾晚，急救效果幾好。 冬天用真係好方便，沖完涼薄薄塗一層就去瞓，第二朝皮膚即刻充滿光澤，上妝都貼服好多。如果你都係冬季懶人護膚一族，呢支真係可以考慮！😴💦 #冬季護膚 #保濕面膜 #懶人護膚 #冬天急
<看全文>chewyfruit好用推薦：0毛孔水光肌嘅秘訣！全靠升級版睡眠面膜 日頭俾繁雜嘅生活填滿，好唔容易夜晚有自己嘅時間，唔到0點真係唔捨得瞓…熬夜雖然爽，但真係好怕暗黃粗糙揾上門！今日特意推介我自己嘅保命神器！想唔使點出力就養到種通透水光嘅0毛孔韓系好皮，都係要用laneige睡眠面膜！用空無數罐，不停回購！最近驚喜發現，蘭芝嘅睡眠面膜又又又升級咗！ 舊版嘅補水效果我已經好滿意，今次竟然仲喺成分上做咗大升級，新版加咗3D磁吸玻尿酸同煙酰胺 🖤磁吸玻尿酸自帶正電荷，可以緊緊吸附喺負電荷嘅肌膚上，幫手喺睡眠中持續俾皮膚輸送養分。而且唔係即時補水咁簡單，而係透過磁效應打造緩釋吸收通道，由深夜到天光都喺度悄悄工作！ ❤️煥亮修護精粹，一邊補水一邊調節黃氣！第二朝起身一摸塊面，水嫩到好似俾皮膚做咗8個鐘補水spa⏰，透亮嘅水光肌真係太令人上癮！！！✨ 最神奇嘅係laneige獨家嘅睡眠科技，專利成分美容酵提取自天然植物，幫手開啟肌膚嘅美容覺模式，還原深睡時肌膚自帶嘅修護能力。360度呵護全塊面，唔似普通面膜精華周圍滴又容易唔貼面，免洗簡直係懶人福音。搽完一層就去瞓覺，睜開眼第一時間就係照鏡，毛孔細咗，暗沉粗糙通通清零！
<看全文>
Kmggigi好用推薦：雪花秀 First Care Activating Mask — 奢華人參呵護，重要場合嘅秘密武器！✨ 雪花秀 First Care Activating Mask最大嘅特色就係佢嘅濃郁人參味道，令人感覺非常舒緩同放鬆 呢款面膜嘅精華液亦都好滋潤豐富， 敷完之後肌膚即時感覺水潤飽滿， 膚質變得柔滑細膩，仲帶有自然嘅透亮感， 好似畀肌膚即刻補充咗一次高濃度嘅養分， 非常適合重要場合之前用嚟急救肌膚狀態！ 不過呢款面膜嘅價格確實偏高， 唔係日常用得起嘅類型🤣 所以我只會喺重要日子之前用， 例如約會、派對或者需要妝容完美嘅場合， 俾肌膚做一次奢華嘅深層護理🤩
<看全文>Leanne好用推薦：這個面膜好滋潤，敷完後，皮膚吸收得好好，用完第二朝起身照鏡，看見皮膚很細緻，已買了很多盒。
<看全文>
Kura好用推薦：CANVAS玫瑰滋潤補濕睡眠面膜 用完令到皮膚容光煥發嘅一款滋潤面膜，味道超香玫瑰味，質地好容易搽上臉，我唔會敷過夜，通常厚20至40分鐘就會洗走，但已經吸收曬，同埋呢款面膜好容易清洗，後續發現塊臉會提亮變白咗小小，我有keep住每日用，皮膚都有改善，價錢個人感覺偏貴小小，不過值得乾性肌膚再回購，我都會再回購，因為好鍾意佢嘅玫瑰香味，同埋夏天用真係好正 #夏日必備保養
<看全文>Kanice好用推薦：因為之前食afternoon tea 送了canvas 家的贈品 於是順便買了呢個sleeping mask Canvas 產品標榜天然 產品氣味係淡淡既玫瑰香氣，不是人工香味。用左之後覺得朝早塊面冇咁乾，皮膚保了濕亦少了出油。 唯有少少缺點係夏天用時偏厚了dddd, 不過都會再回購！👍🏻
<看全文>
Natp好用推薦：Renewing pack 和vital fall 係Valmont 倒數月曆內的產品； moisturizing with a mask 係額外買的！ Vital fall 係爽膚水， 保濕得來唔lup, 但就無咩功效， cp低 Renewing mask 個個都吹到用完就好幸福， 但我用完30ml 就覺得無咁勁！ 用完果下皮膚係白左，texture係好左， 但第日就back to normal , 可能要連fu 一個月先會重生？ 但咁貴一個mask之下， 有好多替代品， cp 值唔高 Moisturing with a mask 反而有驚喜！ 保濕度可以keep到兩三日！ fu完皮膚好柔軟， 但感覺比較啱35+，質地都好潤和厚身！ 年輕皮膚本身好可能感受唔到。
<看全文>Jasmine Yuen好用推薦：**買的是外國美容院裝所以特別大 Valmont Prime Renewing Pack 係一款高效的面膜，可瞬間緩解疲勞，煥發肌膚活力，提亮膚色，並緊緻肌膚。這款產品的主要成分包括三胜肽，透明質酸，維生素E和維生素C。 1. 肌膚明顯變得柔軟和光滑：使用後肌膚變得更柔軟、光滑，並看起來更有活力。 2. 瞬間提亮膚色：能迅速改善膚色，使肌膚看起來更亮麗。特別捱夜後，翌日早上厚敷用會有明顯效果 3. 舒緩疲勞感：有助於舒緩因壓力或缺乏睡眠引起的肌膚疲勞感。我比較喜歡沖涼後薄搽一層，瞓覺前已吸收哂。
<看全文>
Noel好用推薦：近期的塗抹式面膜新竉 💗 這枝玫瑰凝膠面膜，玫瑰香味非常自然，味道怡人，絕不化學，個人超！喜！歡！雖然香味比較大，不過沖水後就會完全消散。 面膜質地呈比較稠的啫喱狀，沒有流動性，塗抹到面上容易，好推👍 不過在冷氣房中使用，感覺面膜會較快乾。所以我會塗抹前，加入兩滴護膚油，混合這個疑膠面膜 😍 面膜保濕度高，乾肌使用都感覺飲飽水 💦讚！另外，我亦喜歡放到雪櫃保存，炎炎夏日敷這個冰涼的玫瑰面膜，超舒服喲～ #抵買面膜
<看全文>Kura好用推薦：呢款面膜嘅保濕效果唔錯，我係特別鍾意佢嘅玫瑰香味，我每次都會敷20分鐘，用完皮膚會變得soft，夏天厚敷佢係一流，產地係澳洲，推薦俾秋天轉季想搵保濕面膜嘅朋友仔 @cosme
<看全文>
Tobimak好用推薦：呢隻Snow Fox出既mask我已回購了最少十次❤️ 我平時習慣將d mask放在雪櫃，敷上面時能做到收毛孔效果。呢隻mask敷上面會feel到有微微薄荷感，但並不會刺激到皮膚，而係有一種清涼既感覺。我有時皮膚會泛紅及過敏，甚至係打完laser，一有呢啲情況出現時我就會敷呢個mask，能即時feel到有舒敏、急救皮膚的效果。
<看全文>lingbb好用推薦：- 專係修護曬後肌膚，亦適合急救疲倦、泛紅、痘痘、曬後及激光療程後嘅肌膚。 - 網上話佢仲有「Hangover Mask」之稱， - 我自己就會係皮膚敏感太乾燥或者有痘痘時急救敷一敷，使用後肌膚因薄荷成份天然降溫、抗菌及預防痘痘和粉刺；皮膚都變得亮白，白咗一度，好精神嘅感覺
<看全文>
takemyokane好用推薦：Lululun 的片裝面膜比袋裝面膜好用多了，精華量非常多，完全足夠塗滿全身，最適合浸浴大量出汗後使用。面膜片也很貼面，能充分把精華貼合在臉上。雖然包裝寫敷10至15分鐘，但就算敷夠20分鐘面膜依然非常水潤，真的超級保濕。 使用後肉眼可見肌膚變得彈嫩水潤，唯獨是黏膩感頗重，但用完之後第二天早上洗臉看到自己的樣子真的不會後悔。 雖然 Lululun 片裝比袋裝價錢貴，但這個價錢真的值得，一定會回購。
<看全文>Giselle 好用推薦：Lululun 晚間急救面膜（透明感） *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前買套裝嗰陣入面有附送嘅(*ฅ́˘ฅ̀*)♡︎不得不說我真係覺得呢款面膜令我覺得好驚艷( ⸝⸝•｡•⸝⸝ )佢嘅精華液超級多，用嚟搽頸手腳都夠٩(๑˃̵ᴗ˂̵๑)۶ °敷完後皮膚嘅滋潤感超級強，而且係feel到皮膚係稍微有變白咗少少(⁎⁍̴̛ᴗ⁍̴̛⁎)而且佢嘅cutting超級貼合我塊臉( *¯ ³¯*)不愧係lululun 出嘅單片面膜୧⃛(๑⃙⃘◡̈︎๑⃙⃘)୨⃛雖然係有啲貴，但我覺得決定值回票價(σ･з･)σ推薦俾同我一樣係皮膚偏乾嘅小夥伴使用哦(๑˃͈꒵˂͈๑)
<看全文>
Jasmine Yuen好用推薦： 1. 舒緩肌膚：能夠有效地舒緩敏感肌膚，減少紅腫和刺激，使肌膚更加舒適。打斑後用可以舒緩肌膚。 2. 深度保濕：含有豐富的保濕成分，能夠深度滋潤肌膚，讓肌膚在整夜睡眠中得到深度滋養和修護。即使開冷氣1晚後，翌日仍有滋潤感。 3. 提升肌膚彈性：含有多種保濕成分和修護因子，能夠提升肌膚的彈性和緊實度，讓肌膚更加年輕有彈性。 *有支棒棒刮面膜出黎，感覺很衞生
<看全文>Joannefan好用推薦：皇牌保濕，睡眠面膜 特別採用抗敏配方，乳霜狀質地，瞓覺嘅時候即時幫皮膚做修復保濕.裏面更加有溫和低敏配方 而且不含人造香料、礦物油 .用後感覺非常舒服 每晚臨瞓前用色磅嘅份量殘雲全面，然後就可以直接瞓覺💤
<看全文>Hamiii好用推薦：打完pico, 又加上呢幾日好凍，皮膚好乾需要補水，就決定每次試一款買完放左好耐既面膜早晚用😅 呢款面膜打開係成塊面膜浸係精華入面，敷上面感覺到好滿滿既精華，好舒服！ 加上貼合度好高，敷完一路做其他野都唔會跌落黎！ 包裝寫大約敷10-20分鐘，我呢種乾肌就大約15分鐘就要拎番落黎。敷完等一陣d精華吸收埋，會有種黏立立既感覺，我本人就唔太鐘意，所以洗面先訓。 呢款面膜係有補到水既感覺，但第二朝起身就又乾過😅 不過幾蚊張黎講，性價比非常高，面膜袋既精華多到可以敷埋頸同手腳，當日常用都值得：）
<看全文>A&R好用推薦：兩款面膜都有用過，一款冇留相，面膜好簿好貼面，精華好多，唔係水狀精華，粘粘哋但都好吸收，好保濕，唔會敏感，緊致提升。3.5一塊，性價比高價錢好實惠。日日用都冇問題。
<看全文>
TsuenMa好用推薦：綠盒老虎面膜 #急救 #日常使用 介紹： 🐯含有積雪華草成分，具有鎮靜、舒緩和保濕的效果 🐯薄質面膜紙能很好地貼合肌膚 🐯建議每天日用 用後感 ☀️面膜質地偏硬，吾算係好貼服、舒服嘅感覺 ☀️好多精華嘅一盒面膜 ☀️配搭左一枝夾仔，更衞生（但吾好用，好難夾起面膜） ☀️妝前急救不錯，後續上妝會更貼服、膚色會提亮左 ☀️一盒30片，性價比高 其實返工出門前有時間敷面膜，雖然只係需要10分鐘，但係其實都好奢侈☃️
<看全文>Francesca C好用推薦：想即時鎮靜敏感泛紅 可以用Medicube依一款急救Mask 一盒有30 塊 只需1分鐘 有效即時抗紅修復屏障 用落去感覺冰冰涼涼❄️ 有舒緩發熱嘅感覺 我自己用法係敏感嘅時候朝早化妝前敷1塊 短時間已經有效幫手退紅 美中不足之處係面膜紙唔係話十分貼面 不過作為1分鐘嘅面膜 覺得可以接受
<看全文>
