EVE LOM 用家評價

Eve Lom 卸妝膏測評：真係「卸妝膏界愛馬仕」？ 今日同大家分享吓呢支貴婦級嘅 Eve Lom 卸妝膏，究竟係咪真係咁神？ 一打開個罐，佢係淡黃色嘅膏體，裡面有啲細細粒嘅顆粒。聞落有陣草本精油味，唔係嗰種人工香味，幾舒服嘅！不過如果你唔鍾意藥油味，可能要用慣先接受到。 跟足官方教嗰套「儀式感」用法先最正！挖一啲膏（唔使太多），係乾手乾臉度搓溶佢，然後按摩全臉。佢會慢慢變油狀，連埋個瑪姿林棉布用溫水敷臉，重複幾次（真係好似做Spa咁！）。敷完個刻，個臉滑到唔信，毛孔好似識呼吸咁！ 堅勁！我試過用防水眼線、唇釉，佢都輕鬆溶到，零殘留。而且用完唔會乾繃繃，反而有層保濕感，唔即刻搽護膚品都頂到一陣。 缺點： 1. 價錢貴：真係唔平，買個陣個心滴緊血⋯⋯ 2. 步驟多：如果趕時間返工/卸妝，真係冇心機跟足步驟。 3. 布要洗：跟嚟塊棉布雖然好用，但懶人可能會覺得麻煩。 總結： 如果你係「護膚儀式感」愛好者，又budget鬆動，呢支真係值得投資！尤其係皮膚敏感、易生閉口粉刺嘅人，用完會覺得成塊臉乾淨晒。

打開罐就聞到陣好舒服嘅草本味🌿，有少少似花療精油嗰種感覺。夏天膏體會變軟，冬天會更實淨，但一捽上手心就會溶化做油狀。入面有少少細微顆粒，但唔會刮面～ 佢官方用法比較有儀式感，要按摩+熱敷儀式，真係會愛上卸妝嗰幾分鐘🥰： 1. 乾手乾面捽一嚿（約一粒車厘子大），用手指打圈按摩💆🏻‍♀️，膏體瞬間變油，化妝品即刻溶出嚟！ 2. 跟住用佢附送嘅小毛巾🧽，浸熱水（越熱越好！）扭乾，敷上面等10秒，重複3次——呢下真係爽到震！🔥 毛孔好似識呼吸咁～ 3. 最後用凍水浸巾再敷一次，收返啲毛孔～✨ 過完水塊面係乾淨到反光✨！完全冇油膩感，但同時又唔會乾爭爭，摸落去係柔軟保濕嘅觸感～ 最驚喜係鼻翼兩側嘅白頭粉刺，會浮晒出嚟，輕輕一推就冇晒！👃🏻 不過用落來我總結左幾個缺點： ❌ 價錢偏貴，性價比唔算高，同埋香港唔係度度都買到 ❌ 步驟有啲繁複，懶起上嚟真係會想skip熱敷😂 ❌ 天氣凍時膏體勁難挖，要用力捽先溶到 如果你鍾意儀式感+享受按摩過程，呢罐絕對係值得投資嘅居家SPA卸妝膏🧖🏻‍♀️！皮膚會變得乾淨透亮，後續精華都吸收快啲～ 但若果你係快手快腳型，可能覺得嘥時間。我自己就一星期用1-2

作為混合肌嘅我，夏天最怕卸妝產品笠痴痴或清潔力不足，導致毛孔堵塞或爆痘。Eve Lom 卸妝潔面霜一直評價兩極😈，有人讚為卸妝界愛馬仕，亦有人嫌步驟麻煩。親身試用一個月後，分享真實感受。 ✅ 優點 1. 卸妝力超強💯： 防水睫毛膏、持久粉底液，甚至部分唇釉都能一次溶解，無需反覆摩擦。相比其他卸妝油/水，佢嘅乳化效果更徹底，沖水後無殘留油膜感。 2.清爽但唔乾綳😗： 質地似 balm，體溫融化後變油狀，但沖洗後皮膚係啞啞哋嘅清爽感，無一般卸妝油嘅黏膩，亦唔會令T位過度出油。 3. 改善暗粒閉口😍： 配合官方「熱敷三步驟」，毛孔內嘅污垢同油脂粒明顯減少，尤其下巴同鼻翼位置，長期用覺得皮膚通透咗。 4. 天然草本氣味🌱： 成分含丁香、尤加利精油，味道療癒，無人工香料感，用落有種深層清潔嘅心理安慰。 ❌ 缺點 1. 步驟繁複🥴： 要按摩+熱敷+冷敷，趕時間或懶人會覺得麻煩（試過偷懶直接沖水，結果有少許油脂殘留😵‍💫）。 2. 夏天用稍嫌厚重🫩： 雖然卸完清爽，但按摩時嘅油潤感，香港33°C濕熱天氣下未必人人接受到，建議用後即沖涼。

Eve Lom 經典急救面膜測評 首先講下質地，佢係灰白色的泥狀，帶有明顯的樟腦味道，唔係人造香味，感覺好清新提神。入面仲有啲細細粒的杏仁粒，用嚟溫和去角質。 用法方面，洗完面薄薄敷一層就得。如果皮膚好缺水，一開始可能會少少刺刺地，但好快會消失。敷大約 10-15分鐘，面膜乾咗之後，就可以用溫水打圈按摩，啲杏仁粒會幫手帶走死皮同黑頭。官方建議用佢嘅「瑪姿林布」沾溫水抹乾淨，效果會更好。 用後感分享：洗完塊面即時好乾淨、好透氣，完全唔繃緊。佢嘅強項係急救暗粒、痘痘同去水腫，有助舒緩紅腫敏感，毛孔睇落都乾淨晒。如果你膚質偏乾或敏感，建議每星期用1次就夠，集中敷T字位；油性或混合肌就可以用2-3次。 總結一下： 👍 優點：清潔力強、急救去水腫暗瘡一流、用完有提亮感。 👎 注意：樟腦味唔係人人鍾意、質地易乾同分層（用前要攪拌）、價錢偏貴。 總括嚟講，如果你成日有暗粒、水腫，或者想搵一款強勁深清面膜，Eve Lom 係一個幾好的選擇，一大罐可以用好耐。

EVE LOM呢支潔顏霜 🧴 質地：膏狀遇膚即融，草本精油味療癒 帶有微微顆粒感（可可脂）。散發洋甘菊、丁香、尤加利等精油香氣，用完有種「做完SPA」嘅放鬆感。 ⚠️ 有人覺得療癒，亦有人覺得似「萬金油/老虎藥水味」，建議先去專櫃試聞。 ✨ 優點：卸妝＋保濕，一瓶搞掂 用咗一個月，有以下感受： · 黑頭粉刺減少：配合熱敷按摩，下巴同鼻翼嘅油脂粒明顯減少，皮膚望落通透咗 · 洗完唔乾繃：混合偏乾肌用完係清爽啞光感，唔會「卡卡聲」，有評測話即使唔即刻護膚都唔會繃緊 · 改善暗粒閉口：長期用覺得皮膚平滑咗，上妝貼服好多 如果你同我一樣係熟齡混合偏乾肌，又想搵一支「洗得乾淨、洗完唔乾、仲有儀式感」嘅潔面產品，呢支好值得一試。但如果你追求快靚正，可能日系卸妝油更適合你～

見網上介紹係全能面膜就入手左 買左已經一段時間 只係用左大概一半最後放到面膜都乾乾地 閒置主因係陣味唔好聞 係好濃烈嘅樟腦味 一路敷住聞到好頭痛 就算過完水陣味都會殘留面膜質地好厚係泥狀嘅mask 有杏仁研磨顆粒可以去角質要俾d時間慢慢推開敷到一定厚度 太薄會好易乾哂 敷左唔夠10分鐘已經乾到裂所以自己每次最多只會敷10分鐘 另外面膜比較難清洗 係清洗過程好易拉扯到皮膚 自己用完覺得有白淨左 但皮膚同時覺得乾左 感覺似做左次深層清潔 可能面膜比較適合油肌用 對於乾肌泥講用落冇咩功效 之後應該唔會再回購喇

Eve Lom急救面膜！真係越用越愛！ 第一次用，乾到阿媽都唔認得，真係想即刻掉咗佢。 抱住『比多次機會』嘅心態再試下，點知就中咗毒咁，越用越上癮！ 用法係敷大概10分鐘，然後用支噴霧噴濕塊面，用手指慢慢捽圈按摩， 真係爽到震！！！ 入面嗰啲微粒一啲都唔拮面，我敏感肌都覺得舒服到不得了！ 陣味有啲似中藥材味🌿，聞落幾安心，好療癒㗎。 按摩分半鐘左右，跟住用暖水洗乾淨。塊面會覺得『緊緊地』，光澤即刻返晒嚟！ 作為清潔面膜，係有啲貴，但個體驗真係冇得頂👍。 洗完之後，白頭會走晒出嚟，不過黑頭就唔太得。 仲有啊，每次打開都會見到面頭有一浸水！千祈唔好倒咗佢，要用支小勺子攪勻返先好搽上塊面㗎！」

本身已經愛用同品牌的卸妝膏，是我用過最好用的卸妝產品，所以對面膜也很高期望。質地為厚實白泥狀，帶有草本與樟腦味，上臉有微涼感，對混油肌尤其在肌膚悶熱、易出油或冒痘時特別舒緩。 敷上臉約15分鐘後洗乾淨，明顯感到肌膚乾淨清爽、毛孔緊緻、膚色也略顯均勻。對於緊急穩定膚況、減緩泛紅和閉口有明顯效果。但不建議過度頻繁使用，否則容易過度清潔導致脫皮，一週最多兩次就夠。另外香味未必每個人能接受。

已經不知道回購了多少罐，看到照片就知道又快要空瓶了。官方用法是配合它們的毛巾使用，但比較麻煩，所以我一向用法就如一般卸妝膏用法一樣：取適量塗上臉，打圈令膏狀融化，待數分鐘後沖洗。我通常都在洗澡前做這些步驟。 卸妝膏帶有濃厚香味，一開始真的不太習慣，但塗到臉上香味會散去一點，可以接受。卸妝後臉部超級清潔，不需要再用洗面膏二次清潔，然而又不會繃緊，反而有保濕的感覺，甚至覺得臉頰更有彈性。長期使用也不會覺得皮膚過度清潔，可能因為卸妝卸得夠乾淨，皮膚比以前變得更好了。雖然價錢不便宜，但自從使用開始，皮膚狀態一直穩定，省去很多用額外護膚品的功夫。目前沒有其他用過的卸妝膏做到這個效果。 因為正價買實在有點貴，可以趁一些大型美妝網店特價時入手。要注意市面上一些店舖可能有售假貨，要慎選店舖。

用過此品牌嘅急救mask，今次入手保濕面霜 面霜質地柔軟細滑但比較rice, 即時肌膚補水，柔軟細緻，同時補濕及提升整體膚質。 配方加入抗氧化及抗污染的桃花及苦薄荷萃取，保護肌膚免受污染和氧化傷害，明亮煥膚，煥發活力。適合所有膚質使用。 但如果天氣比較乾燥用就一流，夏天略嫌比較厚，唔夠清爽。

本人額頭位經常出暗粒暗瘡，有d仲要唧都唧唔出，見有人話呢隻連閉口瘡都清到，就買黎試試。 一打開會見到膏體表面有d水，用附帶既果支棒棒攪勻先，跟住就聞到有陣藥味，不過我都接受到既，然後厚敷上面10分鐘，佢就會乾曬，最後加暖水打圈清洗。 第1次用無乜效果，但隔幾日我再試，就見到少少效果啦，敷完第2日，d暗瘡謝左。 不過敷完塊面會好乾，要敷返d補濕mask。 我第1次用完可能就係懶無敷補濕，所以無效果。第2次有敷就有效果出黎啦。

Eve Tom 急救面膜 見有咁多好評，買嚟試下，用後發現它可以做到spa級嘅清潔效果，去粉刺閉口瘡效果最為明顯，用後嗰日有明顯消腫效能， 閉口瘡會加速成熟自然褪出嚟。 佢係絲滑嘅 mousse 質地 ，容易推開，有杏仁小顆粒喺入面，開封時見樽內有一層水份喺面，用附送嘅面膜棍攪勻後使用。 mask上臉有降温降紅感，舒服~少許提亮膚色的同時，還能去油脂，令皮膚白淨透亮。 生理週期，突然爆痘🥹，最適合敷呢個面膜💯。 如果要挑剔嘅話，就係佢有一陣藥味，但我個人ok接受到。 我係混合偏乾肌膚一星期用一次 ，去咗啲老化角質， 增加皮膚細緻度， 穩定肌膚有一定幫助💖！ 用法: 避開眼週厚敷10至15分鐘，加少少溫水打圈按摩，毛孔裏面嘅污糟嘢都自然褪出嚟，然後用溫水洗掉， 咁就搞掂。❣️❣️❣️

Eve Lom 卸妝潔面霜能有效去除化妝和雜質，讓肌膚感覺潔淨清爽。有一陣陣味道，可能有d人會唔習慣。其質地柔滑且容易推開，配合埋佢嘅面巾使用，感覺更能清潔、卸妝。用後唔會好乾，反而潤潤的，唔錯。 適合肌膚：任何 成效度：4.5/5 保濕度：4/5 質地：cream 狀

【歲末】有咁多party同飯局, 返到屋企當然唔少得要好好落妝。 自從用咗呢一款卸妝膏之後， 真係返唔到轉頭。呢一隻除咗卸妝乾淨，清潔力強之外，卸妝之後唔會掹掹緊，成塊面都覺得好滋潤。 雖然過程繁複- 我用咗大概十分鐘左右, 見到有效果所以煩啲都可以接受。 後續搽護膚品都比以前吸收得好， 大力推薦！

超有名嘅急救面膜，清潔力強但同時保濕嘅泥面膜。 用嘅時候要將佢啲精華水同啲泥攪勻先用，千祈唔好倒咗啲水佢。 敷15分鐘之後用水軟化再打圈按摩，入邊有啲小顆粒，可以做埋去角質。 敷緊嘅時候會有啲清涼感又暖暖哋，洗乾淨之後明顯見到塊面乾淨咗光滑咗同埋提亮咗。 如果有紅腫暗瘡，敷完亦都改善到。 唯一嘅"缺點"係佢樟腦味有啲重，一開始可能要需要啲時間接受，但耐咗就會習慣㗎啦🤣