CEZANNE

Toneup eye shadow

作為開價品牌其中一個王者，呢款產品實在好抵買，由日本購入，折實港元$40都唔使！ 呢一盒眼影，粉質算細，唔多飛粉 配色非常適合日常使用，一盒當中已經有齊光影顏色，主色調，同埋陰影顏色。不過光影嘅顏色飽和度相對低，查出嚟似透明加閃粉，而唔係有底色嘅粉色。對比起某啲品牌，三色或四色眼影都係差唔多深淺度，呢盒眼影就略勝一籌，三種顏色嘅深淺度非常明顯，一盒已經足以打造成個眼妝，臥蠶、眼尾輪廓都做到。 對於我呢種黃皮膚，特別喜歡佢嘅陰影顏色，非常能夠突出眼尾形狀，有助拉遠眼距、達至放大雙眼嘅效果！而且產品出咗好多顏色，適合唔同妝容，平平哋入手，買多幾款顏色都唔肉痛！ 產品size亦都非常迷你，出街、去旅行補妝都非常方便！ 不過提提，產品入面冇附帶鏡子，出去補妝要留意呢~ 至於持久度方面，就同佢價錢掛鉤了~ 大約三4小時後，眼皮就會開始出油，閃粉會堆積，不過以呢個價錢，我覺得產品質素已經係相當之高呢

今次介紹日本CEZANNE Pale Tone Eyeshadow 透明感柔和淡色系4色眼影盤(01） 如果你哋好似我甘，大部分時間要戴眼鏡，又好想化下眼妝，唔要太誇張，可以考慮用呢盒眼影產品，因為佢顏色earth tone加上透明感柔和所以絕對適合淡妝女士； 其他品牌earth tone好多產品都會偏向深色，若果平時唔係化開全妝的女士又想化下眼妝取悅一下自己；呢一盒眼影絕對係最絕對係最佳之選； 另外，此產品粉質易推，而上眼貼服； 所以我長期將佢放起手袋，佢係我日常隨時隨地用得著的眼影盒；加上價錢合理，值得回購

#9 焦糖色 ，細細盒攜帶方便，去旅行啱曬。珠光效果明顯，用起臥蠶，略為太誇張，做眼影就perfect， 性價比高。

Cezanne 三色眼影盤07號色 是比較秋冬的紅棕色調 顏色好美 這盤眼影粉質細滑 好推開 顯色度高 持久度不錯 但閃粉有點大粒 會有少量飛粉(不太嚴重) 價錢便宜 性價比高 🫶

呢隻三色眼影，我喺日本旅行嘅時候買嘅。買嘅時候係夏天，05號色，係紫陽花限定顏色。一向都好喜歡紫色嘅眼影同埋繡球花，所以諗都冇諗就入咗啦。眼影色彩艷麗，飽和度比較高，點少少上眼就已經好出色。所以唔係太適合新手使用。但係佢嘅質地非常之細膩，完全唔飛粉。如果想玩妝嘅話，係一個平價而性價比高嘅選擇。

好閃好閃嘅閃粉 當初就係睇中佢啲閃粉好似煙花咁閃先買 不過持妝力一般 閃粉容易跌/捽到周圍都係

平價但用後無太大感覺。一盒眼影顏色上臉後，睇落分別不大，可能因為夏天關係，比較易甩。

我買咗07號較似玫瑰色，顯色度十色好，掉粉唔會好嚴重，粉粒都幾幼細，我用埋eye primer打底基本上全日都唔會甩。不過我呢盒深色嗰2隻色，上咗眼好似唔太大分別haha

買咗06色，喺香港只見tester，去到日本見到即買。 之前見好多youtuber讚，到自己一摸上手就明個原因喇！因為粉質係好細好滑，而且貼眼皮同顯色，咁嘅價錢咁高質素真係抵到爛。而且配色亦都好特別，無論佢自己一個畫成隻眼，又或者用佢配其他眼影都好靚，會再回購👍👍

之前日本買了，意外地上色顯色很好但又不會很誇張，粉質細膩，是讓我愛上畫眼妝，很自然又變得氣色好。

櫻花妹在Ig經歷秀出來的一款眼影，粉質細緻不易飛粉，顯色度一般，打造日常簡約作用是很不錯

幾穩打穩扎嘅顏色同效果，方便返工化個簡單嘅妝。呢個牌子不嬲cp值算高。推薦新手買嚟試吓。

呢一款眼影真係平得來又好高質啊 顏色襯出嚟又唔會好誇張或者唔靚 仲要好自然好適合上班族使用 細細盒又方便拎出街補妝 CP值好高推薦購買！

色號 02 ROSE BROWN 大地色系，以啡色為主，一盒三色包括左打底色，同眼線色，可以好簡單化到一個普通眼妝 返工趕時間好岩用。 用左邊色打底，再用中間色上係眼窩同摺位，最右既深啡色畫係眼線上面。 不過略為覺得有d唔持久。

買咗02號，真係又平又好用，三隻色都好易用好顯色，粉質幼滑唔會飛粉，平時會用附屬嗰枝掃拎左邊隻色喺眼底做highlight，效果好靚，已經用到見底。