Dior 好用推薦產品
Dior 粉底 推薦產品一覽 29 件
Nicole好用推薦：恆久貼肌cushion, 色號1N, matte款 氣墊方便易用，防曬/base之後上，遮瑕度已經好夠，均勻膚色，修飾毛孔都好好。右邊面未上粉底，明顯毛孔粗大有斑，左邊面上一層已經明顯遮咗好多。SPF35, PA+++, 有時偷懶唔用防曬都ok。回購咗4-5個，冬天就會轉用花蜜氣墊，會更保濕滋潤啲。但留意記得唔好太重手，夏天試過唔小心太重手，就會浮粉起芝麻粒。
<看全文>Sophia好用推薦：首次試用Dior恆久貼肌氣墊粉底，感覺良好👍 - 妝感表現 🌟：上妝後妝面光澤自然不死板，屬於微光感肌，不會看起來太乾或太水光。遮瑕力中上，能均勻膚色並淡化瑕疵，但較深的痘印或色斑仍需局部遮瑕。 - 持久度 ⏱️：宣稱恆久效果確實有感，日常返工或外出大半天仍能維持不脫妝，出油後亦不卡粉斑駁。 - 遮瑕 & 底妝貼合度 🪄：粉質細緻，服貼皮膚且不浮粉，使用粉撲輕拍能達到較無痕的薄透妝感；要更高遮瑕可用按壓多層堆疊而不會顯厚。 - 適用膚質建議 🌈：乾性至混合性肌膚都能輕鬆駕馭，油性肌膚建議先控油或用妝前毛孔打底。 總結：如果喜歡妝感自然且持妝不錯的高級氣墊，Dior呢款很值得投資，而且正貨包裝十分精美，試用完已經在我wishlist❣️
<看全文>
Miranda好用推薦：【質感】 質地係輕身嘅乳液狀，流動性高，唧出嚟好水潤。推開嗰下好順滑，延展性極佳，真係一粒黃豆大小就夠搽全面。佢嘅粉體算幼細，上面之後唔會厚粉，有種自然嘅光澤感，唔係油光，而係好似皮膚飲飽水嗰種透亮。不過要留意，佢嘅「亮澤」效果比較明顯，如果係大油肌或者鍾意全霧面妝感嘅人，可能會覺得有啲油潤。乾肌同中性肌應該會幾鍾意呢種質感。 --- 【使用感】 用嘅時候，我會先做好基本保濕，然後用手指或者粉底掃上妝。佢好易推勻，唔會卡粉或者起屑，就算係鼻翼、眉心呢啲死角位都處理得幾好。遮瑕度屬於中度，大概遮到六至七成泛紅同淺色痘印，黑眼圈就要另外用遮瑕膏。佢嘅保濕效果幾明顯，上面之後全日都冇繃緊感。但係有一個問題：佢乾咗之後會有一陣「黐立立」嘅感覺，雖然唔算嚴重，但用手指掂塊面會感覺到有少少黏，尤其係潮濕天氣下，呢點有啲困擾。建議一定要用碎粉定妝，否則好容易黐頭髮。 --- 【持久度】 持久度方面，官方話24小時持久，我實測就冇咁誇張。正常返工喺冷氣房，朝早八點化好妝，到晏晝三四點左右，T字位開始出油，但妝容仍然完整，冇浮粉或者溶到一撻撻。到夜晚七點收工，整體妝容大概剩返七成，鼻翼兩邊有輕微脫
<看全文>Wuxx好用推薦：早排去日本旅行買左少少Dior Beauty， 專櫃哥哥執Sample嘅時候聽到我話想試下新粉底， 佢就二話不說拎左幾包唔同色仲要Glow同Wear都有俾我試， Very sweet guy唔係講笑。 雖然網上已經有超多比較/評價，但我都分享下啦hahaa 混合偏乾肌嘅我平日office日吹冷氣9個鐘， 霧面嘅遮瑕幾高我覺得， 但一個唔小心搽厚左嘅話粉感都重， 朝早8點上完妝， 番到公司10點左右就開始覺得繃緊， 11點開始會出白芝麻。 雖然大家話有保濕/流動性高， 但應該唔適用乾/偏乾肌， 中性都可能要注意下。 我搵左日出街試用stay， 我知係咪手法問題， 上完妝無耐法令紋位積左超多粉， 然後我就果斷落妝，無再試用過stay。 光澤面相對地舒服好多～ 朝早8點上完妝， 番到公司1點左右開始會出油， 3點左右就會有甩妝情況出現🥹 不過可能因為我無落碎粉定妝嘅習慣所以持久度差啲， 不過相對地Glow面遮瑕度真係低好多， 所以最後2隻粉底我都無入手到。 另外要注意嘅係時間長左glow有暗沉同變紅🤔 #火熱新品
<看全文>
Fng好用推薦：DIOR 柔焦粉底棒 0N ——混合偏乾肌嘅柔焦法寶，香港潮濕天氣見真章 💄 我係熟齡混合偏乾肌，喺又濕又熱嘅香港搵一支「唔乾又夠遮瑕」嘅粉底棒，真係好似大海撈針。呢支DIOR粉底棒（10g / 約HK$300-400）: 🧴 質地與妝效：絲滑貼膚，有潤感嘅絲絨妝效 · 質地係奶油絲滑膏狀，一接觸皮膚會瞬間化為粉體，好似第二層肌膚咁貼服 · 妝效係絲絨霧光，帶少少潤澤感，唔會乾到死實實 · 含保養級配方，經皮膚科醫師測試不致粉刺，上妝同時護膚 · 有DIOR招牌花香味 🎨 0N 色號分析：中性調最白，冷白皮專屬 · 0N 屬於 「中性調最白色」 ，適合冷白皮／中性一白 · ⚠️ 暖黃皮要三思，呢個色號偏粉白，上臉有機會同頸部有色差 ✅· 喺夏天實測，10個鐘後只有鼻翼有少少脫妝，越夜越美麗，自帶奶油肌，遮瑕力高，連臉上咖啡色小痣都遮到，而且保濕效果非常不錯，熱天用都唔會悶 🛡️ 遮瑕力：中高遮瑕，可疊加 · 遮瑕力大約7成，黑眼圈、痘疤要另外用遮瑕，普通瑕疵好夠用 · 可局部疊加，針對較深瑕疵重複按壓都唔會厚粉 · 質地好推唔卡，輕輕手勁就推到好均勻 ⚠️ 要留意嘅地
<看全文>bibikiu好用推薦：見到Dior呢支條狀粉底外觀幾靚，價錢亦都非常合理(在日本購入），又見好多日本化妝品KOL大推，所以自己都入手一支親身試吓。果然不負眾望、十分好用。作為一個化妝新手，當然未接受到一D厚重妝感。呢支粉底可以推到好薄好自然仍然有一定的遮瑕度。變相做成一個錯覺就係人哋以為我皮膚好咗而唔係化咗妝。 適合去旅行唔需要帶住個玻璃樽粉底液又驚佢漏。 而且上妝可以非常迅速，每邊面頰畫二條（官方recommend 3條，但3條太多而且會用得很快）再用掃推開1分鐘搞掂。隻手又乾乾淨淨。個人而言唯一缺點係佢個「香味」有點怪好似有陣「青青地」嘅味！ #火熱新品
<看全文>
Conw好用推薦：dior粉底液很受歡迎，但這支capture totale精華粉底比較少人討論🤔 質感： 濃稠乳液狀，幼滑滋潤，微黏 延展性中上，黃豆大小可上半臉 有典型化妝品香氣 妝感： 遮瑕度中上，可堆疊，始終是滋潤型粉底，用量愈多油潤黏笠感會增加，瑕疵留給遮瑕膏吧～ 完妝是漂亮的緞光，出油後奶油肌😍 帶有大量珠光細閃，近看才會發現 使用感受： 完妝呈現貴婦皮膚，有妝感但柔潤有光澤，偏乾皮膚會很喜歡，混合肌只能秋冬用。 出油不斑駁，但帶口罩要多上碎粉防沾。 唯一缺點-會氧化（見圖）滋潤型粉底通病，色號要小心選擇，半小時會完全氧化成真正帶妝色階。我的是21年舊版，最新版不知是否改善了，想購買的話可以靠櫃試較白色號，回家才決定。
<看全文>Noel好用推薦：Dior Serum Foundation #010 由化妝師朋友推介，因為她遇上大乾肌既客人，都會用 Capture 這枝做底妝，再加上 Capture cushion做補妝。我購入了1年多，秋冬多用👌，夏天就麻麻地🤣 滋潤 🌟🌟🌟🌟🌟🌟 不用刻意塗高保濕primer，本身粉底質地水潤易推開，1泵可以上全面🤗 遮瑕度 🌟🌟🌟🌟🌟 中至高度遮蓋力，雀斑不易見 光澤感 🌟🌟🌟🌟🌟🌟 靚靚水潤奶油肌無誤 持久 🌟🌟🌟🌟 office環境，5小時左右出現鼻兩側及額頭有小小脫妝，個人覺得持久度一般 氧化 🌟🌟🌟 控油能力 🌟🌟🌟 SPF25 冇寫PA❗ *雖然個人係乾肌，但我更愛Dior forever 粉底液
<看全文>
Plutopp好用推薦：年初買的一個粉底液，可惜因為帶口罩的關係，一直沒有機會使用，最近換季終於有機會試了。 先來說包裝，Dior的產品本來就以包裝華麗聞名，產品單放在那邊，就算不用也好看。 據說這個粉底液是適合秋冬跟乾肌使用，因為裡面加Dior 的精華液，有護膚的功效。 可是呢~不知道是不是天氣還不夠乾的關係，我用上去有點厚重的feel，而且也不太透氣，脫妝的情況也滿嚴重的。 以它價格來說，這個效果是還好啦，用完這一瓶就不再買囉
<看全文>jhope0725好用推薦：佢滋潤度好高，上面感覺似護膚品多餘化妝品，Coverage 一般，不過亦因為好滋潤所以佢質感會比較厚重一啲，延展性唔係咁高，但係整體感覺都唔錯，只係性價比低啲，價錢比較貴
<看全文>
