MAJOLICA MAJORCA 用家評價

MJ持久鬈長激場睫毛液 學生年代睇YouTube開始興起，已經撤出香港市場多年😿去親日本旅行一定買返3-4枝，啡色黑色都買。 平價好用，質量好。超多纖維，好易刷到好纖長嘅睫毛 我唔會夾眼睫毛，過份捲撓style唔適合我， 淨係鐘意用纖長mascara，mj睫毛液刷完2層就好夠。我會刷完之後會用眉刷刷返順啲睫毛，咁就好靚。之後再噴setting spray撤回都冇甩，乾得幾快。 出咗全日街有少少溶，用Shu uemura潔顏油都落得好乾淨。到2024仲係我心目中既top one睫毛液 🥇

MJ 睫毛液一向主打平價好用，真係由學生時期就開始有用佢。呢一支纖維好多，好容易會黐到眼皮，要好小心使用。 明明以前用係好防油防水，但呢一支我溶到一塌糊塗，唯有等乾燥啲嘅時候再試吓啦 😩

在日本旅行時藥裝店購買， 見佢大熱係南瓜色，所以買咗返嚟試試。 質素有驚喜，比一般日本品牌(顯色度)更加出色，有非常輕微的飛粉情況，不嚴重。閃片嗰格都好靚，有清透的感覺，顏色配搭合理， 有深色的啡色可做眼線位置。 四格顏色， 用起上嚟 快捷又方便，細細盒方便收藏。

由開始化妝到現在，化妝袋內必備的一枝！ 它雖然是眼線筆，但我一直都用它畫粗一點再暈開當眼影來用，適合casual 的清淡妝容。 現時色號有6個，其中3色是棕色調，1枝是閃粉筆。我喜歡以淺棕色搭配一枝閃粉筆。 即BR633 及 71 色號。由於它是霜狀，幼滑易推，很容易上色。只需沿眼睫毛上的眼皮畫1至2筆，再用手指暈開即可！ 至於71號閃粉筆，用來畫臥蠶最好不過！看上去特別惹人憐愛(˶‾᷄ ⁻̫ ‾᷅˵) 記得要準備一個眉筆刨，這款筆是要刨的（笑） 一般藥妝店有賣，10-20元有一個。作為眼影使用簡單，新手及手殘使用沒難道💯推薦給喜歡方便易用的你👍🏻 #大人感妝容 ❌不推薦用作眼線，超容易化掉，千萬別要買黑色！真的會變熊貓眼⋯ ⭕️MJ已徹離香港，需於水貨店或拜托海外的朋友買回來（台灣名為亮眼珠光眼線筆 ）。

MJ 持久鬈翹激長睫毛液 MJ 睫毛液由中學已經開始用, 最大特點係有黑長纖維同梳子型既刷頭,好容易就有根根分明的效果, 但香港開架已經無得買,上次係日本旅行行過藥妝店,見好耐冇用就買黎用下 今次既體驗: -要係紙巾印走過多既纖維.否則好容易整到眼皮 - 睫毛可以Hold到一日,唔容易dup 返落黎

睫毛液乾得好快，唔容易甩落眼底 如果想妝感濃少少就可以用佢，佢入面有好多纖維，可以令到眼睫毛睇落濃密啲同埋長啲 我平時就Z型咁樣掃落啲眼睫毛度，咁樣啲眼睫毛就會分明啲，同埋會向扇狀咁樣散開

唔肯定係咪呢個名。 真心覺得呢個product好好，佢係類似膏狀咁既粉底，上面非常貼服，同埋遮暇都好唔錯，持久度十分高，維持到一日，唔太覺有變灰。 我揀左自然色號亦唔會太黑，用完仲買左個補充裝。

由Majolica 係香港撤櫃果陣買，用到依家都未用完。 係一隻好顯色既胭脂，本身就帶有粉撲，容易使用。而且佢係帶有閃粉，令個妝更加靚。同埋佢真係好襟用，已經係成日化妝既人，但都用到好耐。

Linehunter #bk999 筆頭好似毛筆，畫出的眼線粗細要依靠手法，大力了比較易變粗。 出墨量有點神經質，有時很順暢，有時怎樣也畫不出墨水，尤其新開封的時候。 其他方面，例如防暈染防水防油表現也有中上，不難用也不特別出色的一枝眼線液筆。

十分喜歡呢款睫毛液既刷頭，用完眼睫毛唔會一舊舊，很分明，而且很顯色，感覺睫毛長了和濃密了。 卸妝也很方便，普通的卸妝油或gel都能清潔得很乾淨，不需要特別使用卸眼妝的用品。

BE286 米白色，用嚟畫 臥蠶 啱啱好，粉質幼細，少少打亮效果，妝效自然， 不會浮誇。

滋潤感高，啱乾燥天氣或者乾皮膚用，同埋有效覆蓋毛孔 ，令毛孔隱形。

用左兩三個月都用唔慣呢款。一係就太乾，畫落去無色，一係㩒完出得太多眼線液太濕，濕到畫果陣痴住眼睫毛。然後又會甩到下眼線位都有。

MAJOLICA MAJORCA 眼影盤 這盤自帶眼部打底膏的 紛質幼滑 顯色度一般 這盤珠光色系 閃粉也很多 (有大有小的閃粉)日系透亮bingbing 妝感 顏色配搭很美

MJ既彩妝產品一向口碑都唔錯，去日本除左買眼睫毛液外，可以買下其他彩妝產品試下，呢款玉桂色既胭脂幾好，用掃輕輕掃上面頰便可，十分貼服，顏色自然又顯氣色，而且有少少閃粉，十分有光澤感，粉質細致，即使有珠光都唔會顯毛孔粗大。