QUALITY FIRST 好用推薦產品

Jasmine L好用推薦：QUALITY FIRST抗衰老精華液質地水潤輕盈，吸收速度快，唔黏膩唔油膩，適合混合偏油肌日間使用。早晚用完覺得皮膚彈性提升咗少少，細紋同暗沉都有輕微改善，最明顯係提升肌膚透明感，膚色看起來更透亮清晰，化妝底妝都貼服自然啲。 保濕力中等，敏感肌用落算溫和穩定。但抗衰老效果唔算好明顥，主要係保濕同提亮為主，長期用落去膚質會更均勻。T字位出油時要控制用量，否則可能稍為加重油光。整體性價比高，適合想入門抗老又追求透明感嘅女士。

Sarah好用推薦：我最早用嘅VC精華就係Obagi 20% 搽完塊面真係勁變黃😵‍💫 質地又好油潤 仲要價錢唔平 捱捱硬硬用完之後就唔再回購 講實際功效完全睇唔出 跟住試咗Quality 1st呢款VC 係日本買平好多 同樣都係偏油嘅質地 冬天用保濕唔夠 夏天用又唔夠清爽 好在唔會令膚色變黃咁誇張 每日朝早滴一兩滴輕輕按上面度就得 整體就係無功無過 純粹當心理安慰補下VC做抗氧化 其實膚質冇變差，已經算係唔錯㗎啦🤷

Kelvin好用推薦：Quality 1st 嘅美白金色面膜好出名，LDK no.1，然後又延伸咗佢嘅同系列嘅美白精華、面霜等🤗 泵頭唧出嚟係透明流質，唔粘膩，屬於比較清爽嘅精華液，用起上嚟冇負擔，夏天都啱用。 普通保濕補水可以，但其他無任何效果。宣傳用咗專利科技加咗四種高濃度維c，可惜見唔到有美白、收細毛孔之類嘅效果。真係搽咗純粹保濕，保濕我用wellage都好夠。感覺不會回購。