Aesop 用家評價

精華係每日保養最重要嘅一環。好嘅精華唔單止要維持到皮膚穩定，仲要有好嘅加乘效果。今次買嘅呢支係aesop嘅香芹籽抗氧化高效精華，容量比一般市面嘅精華都要大，足足有60ml，我已經用咗半支，就嚟分享一下心得。 呢支精華主打係抗氧化，強靱，保濕同抗污染。睇返成份niacinamide,即係維他命B3都排得好前 ，證明佢功能果然係強健皮膚屏障👍🏻 質地係有非常清爽嘅水狀精華，搽上面都吸收得好快，10分鐘後摸上去會有搽過少少膜感，但完全唔覺得笠。而顏色係有d啡黃咁，不過上面推開之後唔會有顏色殘留，所以朝早都可以放心用。 我鐘意每次大約用1/4 pump, 剛剛好可以搽晒全面。特別係而家呢d轉天氣嘅季節，臉頰好容易就泛紅同痕。我連續早晚用佢就好明顯感覺到皮膚可以維持到光滑，而且泛紅嘅情況都會改善。有時俾貓貓蹬完臉同頸會有一撻紅腫咁，都可以繼續放心用，第二朝起身就會消得7788。

本身比較容易出汗，有時出完汗腋下就會有陣汗臭味，用左止汗劑都幫忙唔大～ 咁岩上網見到有人推介Aesop呢款腋下噴霧，就買黎試下～ 首先，我好鐘意佢陣草本味，好好聞～ 噴完佢之後出汗，真係冇臭汗味！我係沖完涼噴，朝早出門口再噴一次，keep到一日都冇臭味，仲有淡淡既草本味。以前收到去做瑜珈，有汗味都幾尷尬，用左呢枝噴霧之後就冇左呢個煩惱！ 雖然佢用得都幾快，價錢都唔平，不過係我之後會回購既產品！👍🏻

這款的味道是非常非常純正的柑橘味，酸甜帶一點點澀，還原度超高，抹完感覺自己像一顆大橙 子，天然精油留香短但是味道純，完全合我心意！淡黃色乳霜質地，抹開極好吸收，幾秒就變啞光一點都不黏膩，夏天用身體乳真的非常怕黏膩啊，抹上一瞬問就能撫平乾燥，帶來水潤感，用完皮膚滑滑嫩嫩軟軟的，非常好摸！

最近開始用新精華素，Aesop 呢支瑩澄面部精華素有維他命C，可以幫我實現早C晚A嘅護膚程序，呢支精華係比較油狀的液體，淡黃色的，2-3滴就可以搽均全面，吸引好快得黎亦夠滋潤，用完感覺好輕盈，同時又可以充分保濕，好好用。精華有啲大自然的味道， 木味香味都有少少，佢最好係功效顯著同時又令身體感官enjoy到舒緩鎮靜，係一種享受，所以價錢都唔會太平喔😛

每次行過Aesop都超香， 有一次終於忍唔住入去問吓佢啲香水， 一試愛上這隻香水， Rozu馥香水 ， 佢係一種以玫瑰為主調嘅木質香， 男女適用，聞落去超成熟和有氣質， 好似有一個靚姐姐喺好遠行過嚟咁， 喺Aesop獨有嘅香味， 喺其他牌子搵唔到。 前調：玫瑰、粉紅胡椒、紫蘇 中調：玫瑰、癒創木、茉莉花 後調：雪松、岩蘭草之心、琥珀

敏感肌既我特別慎重選擇去角質/磨砂產品，aesop呢款去角質產品真係好好！草本味道，質地好似乳霜甘，有石英微粒同乳酸成份，搽上臉好易推開，好滑，粒子雖然係明顯，但粗幼度適中，按摩落塊臉部完全唔會有粗糙或吉既感覺，加水按摩2-3分鐘後，再靜待1-2分鐘度，洗淨後係完全覺得好乾淨而完全無繃緊，皮膚係馬上柔軟光滑左，後續護膚品既吸收度係明顯高左，第二朝化妝又會睇到個妝都貼左！要溫和又有效甘去除同軟化角質，aesop呢支真係特別岩敏感肌！而家春夏既時候每星期用1-2次（敏感肌），輕輕係臉部搓揉，粉刺較多或者容易出油的部位就按摩多幾下，兩三星期度已經有感！同埋每次用既分量其實唔駛多，所以好耐用，性價比相對而言其實真係好高！真心唔推唔得！

𝔸𝕖𝕤𝕠𝕡 𝕃𝕚𝕘𝕙𝕥𝕨𝕖𝕚𝕘𝕙𝕥 𝔽𝕒𝕔𝕚𝕒𝕝 ℍ𝕪𝕕𝕣𝕒𝕥𝕚𝕟𝕘 𝕊𝕖𝕣𝕦𝕞 輕盈保濕露蘊含可平衡皮膚依蘭花及具舒緩作用的蘆薈，質地清爽而不油膩 呢支無油保濕精華露第一次你會覺得佢個質地有啲奇怪，因為含有蘆薈做基底個質地會好似啫喱咁樣，可能用家用開平時既精華會唔習慣個質感 輕盈精華顧名思義係比較上輕身，但泵岀黎果一下會覺得好厚重，只要推開之後，吸收能力好快，保濕力特強！ 一上面推開並無黏笠感，但質感唔油膩而且仲可以保濕，抗炎作用 ⚠️玻璃樽內泵裝玻璃管設計比較難控制，容易整到樽身 ⚠️ Aesop主要所有產品都係草本植物味道，所以有機會唔習慣

質地輕盈易於吸收，肌膚潤澤的同時保持清爽，它有草木花香嘅清新香氣，護膚的同時舒緩心靈。 唯一缺點係滴管設計，產品接觸空氣機會較多，要盡快使用，如果唔係容易變質。

呢支係我最愛用嘅香水。係主調係木+玫瑰花香。本身我成日都覺得花香會太濃郁，但係呢支調和咗檀香木調，再加上一點點嘅辛香料味，降低咗花嘅甜感，亦中和咗木質嘅刺激感。呢支嘅香調比較溫暖，所以喺秋冬天嘅香港會比較適合。

試用品B& Tea Balancing Toner B 綠茶平衡調理液，鍾意佢嘅味道，有少少似精華，水狀質感少少黏滑，皮膚吸收得好快，唔會好黏，搽咗之後皮膚好滋潤，整體效果唔錯，會買支正貨品用。

紫色包裝好好看😻 味道是薰衣草調，但實際聞下來木質香濃郁多點，散開後味道更加好聞。 膚感依然是滋潤不油膩好吸收，每次用完都感覺手變得軟滑細嫩💅

Aesop 護手霜真的太棒啦！它的香味清新宜人，讓人聞著心情愉悅。使用起來效果超讚，在給予肌膚充分滋潤的同時，完全不會有黏膩的感覺，手部肌膚能輕鬆保持舒適狀態，真的是一款非常值得擁有的護手霜。

皮膚擦子膠，有少少似磨砂，洗完之後皮膚有少少麻麻地的感覺，唔算太溫和，有少少強烈的感覺，要即刻搽返護膚品，個人認為都係用返普通嘅潔面產品已經OK。

Lucent facial concentrates 係一支比較油的精華， sales話要同lightweight facial hydrating serum溝埋用，倒在掌手再搽上面，會容易啲吸收，確實係好啲嘅個效果，但買兩支精華好貴…

Aesop 呢隻Sublime replenishing night masque 有兩種用法，1.搽厚啲，敷20-30分鐘，過水，真係當night mask用～ 2.薄搽再+晚霜同瑩澄serum，敷面過夜，翌日清洗，咁就會好保濕 效果好保濕，唔錯，但Aesop d野唔平😵‍💫