kn好用推薦：謝謝@cosme 同Freeplus 自己本身一直有用開freeplus 嘅卸妝膏，超好用，已回購數支XD 卸得乾淨，用完唔乾，質地好似洗面膏咁，快便快捷。所以收到同系列產品充滿期待。 首先，係呢支‘溫和淨潤洗面乳’有一樣水準。質地係乳白色嘅膏狀，加水有泡。搽完用清水洗面，覺得洗得好乾淨，清爽，但亦有滋潤感覺，完全唔會乾到崩緊。 第二樣收到嘅產品，係保濕修護化妝水（清爽）。香港夏天悶熱，即使自己係混合偏乾皮膚都偏向用清爽產品。而Freeplus 呢支化妝水，我倒落化妝綿用，抹完非常有感，好保濕，但都怕之後會有層野係皮膚表面，好立。點知完全唔會，吸收哂，真係做到保濕但清爽XD水狀但又唔會好稀無搽過野咁。 第三樣係保濕修護乳液（清爽），半透明乳液。同樣好適合香港夏天天氣，保濕但唔會太潤。臨瞓前搽，吹左成晚冷氣第二朝皮膚都唔乾，朝早洗完面搽佢再化妝亦唔會好立，唔會起屑。不過滋潤程度如果係冬天或者對皮膚屬於好乾性既人就未必足夠。 整體黎講，三件產品都好滿意，全部都溫和保濕又無令我生粒粒/敏感。令我對呢個系列嘅其他產品都好有興趣。推薦！用完試用會想買正貨XD

sp_113好用推薦：以前用開Curel洗面泡，見到cosme 有Freeplus賣心動試左一支。用完成支決定轉會去Freeplus ❤️ 優點： ❤️ 無Paraben防腐劑、無香料、無色素、無酒精（乙醇）、無紫外線吸收劑、無礦物油及弱酸性 ❤️ 潔淨度適中，洗後唔會乾燥 ❤️方便，唔需要起泡 缺點： 👎🏻油肌會嫌唔夠乾淨 👎🏻無落妝功能 保濕度 ✅Freeplus洗後較保濕，成份有添加6種和漢植物萃取精華、蠶絲萃取精華及B3 潔淨度 ✅Curel 較乾淨，洗後面部會”啜”手 泡沫 ✅Freeplus較綿密，Curel泡沫較稀 價錢 ✅Curel 較抵用 油/混合肌推廣使用Curel 乾/敏感肌推薦使用Freeplus

Cy好用推薦：呢支洗面奶特色係含6種保濕植物精華又不含Paraben防腐劑、香料、色素、酒精、礦物油等成分，任何膚質都用得擠出來是白色膏狀物，能用手心輕鬆搓出泡沫，起泡後我會由T字位開始劃圓按摩，最後先到面頰2邊，過程大概10幾秒雖然泡沫不算多都算夠綿密，如果想要綿密啲可用起泡網 。 使用感受：洗完臉後感覺臉部幾乾淨清爽，洗淨力都唔錯，日常毛孔內嘅污垢都可以輕鬆洗淨，就算係用完冇防水性嘅防曬都洗得好乾淨，洗完面後即使冇即刻擦護膚品，依然有保濕感👍🏻完全係冇繃緊嘅感覺～推介