Karman28好用推薦：Bicelle真係我既恩物🥲 我都至少keep一支係屋企，好驚會無貨。塊面因為天氣乾而有敏感時，一定會即刻轉番用呢支精華補濕，佢真係好單純補濕既精華，無乜其他令我面部敏感既成分，無顏色，亦無色素。 特價時價值好ok 質地唔算係傑身，我一年四季都可以用呢支精華，夏天唔會痴笠笠，冬天又夠補濕。 化妝時同我既化妝品又唔會起擦膠碎。 推薦！！！ 同埋我係配合bicelle 既B5 cream 一齊用。我已經買左超過七，八支既bicelle b5 gel。

lingbb好用推薦：- 空瓶咗好多支，有買過60ml 同30ml - 質地係流動性高既透明精華，非常易推易吸收。 - 使用完皮膚即時通透有光澤，面色均勻咗好多！ - 一年四季都岩用，油肌會特別喜歡既質感，使用方式都有好多種： - 我試過用一小滴溝比較乾既粉底，妝容貼服，又不會浪費枝粉底 - 如果皮膚敏感時我會單塗b5精華補水，令敏感情況減低。 - 當生痘痘時，我都會用b5精華塗係痘痘位置，令痘痘位置唔會乾到整損皮膚。 - 可惜佢既成份得B5保濕成份，不能只單用佢完成護膚程序。普通日常護理用完b5精華，我會再額外加美白/ 抗皺 精華， 再塗面霜 - 欣賞精華夠百搭，如果年紀比較後生既使用者，單塗b5精華皮膚已經好靚！☺️

Karman28好用推薦：已經回購過五六支，十分推薦，我是配搭同品牌的b5 gel使用，屋企一定會買定幾支精華同cream看門口。呢支cream係偏向gel狀。 夏天用呢支cream，是十分清爽，唔會有暗粒問題。而且呢隻b5係我用過入面唯一一隻化妝唔會起擦膠碎而又夠保濕。 冬天敏感肌，都係全靠b5 gel同呢支cream救番d皮膚。一d都唔刺激皮膚，仲好快有保濕既作用。

Rin好用推薦：亦是同樣有折扣下購買 他同樣也是B5主打保濕，我基本上這瓶子會在秋冬季用，因為始終對於我來說他有點笠 但如果乾性皮膚的話，應該一年四季都適合 他的成份對於我是低刺激的 我多數的使用方式是把它與B5 gel混合，然後造一個面膜在臉上厚敷，或者直接厚敷10-15分然後抹走多餘的（有人會加蘆薈gel等) 的確在急救以及保濕上做得不錯，同時亦是美容院介紹我這樣用的

Kpl6be6好用推薦：對呢個品牌幾有好感～所以就入手咗呢款面膜～果然無失望～首先其質感超好～唔係單薄嘅紙質地～精華液亦非常豐腴～敷到夠鐘依然水潤唔乾爭爭～用後潤澤肌膚嘅效果令人滿意～

Rin好用推薦：很好彩地還有一片在手上，他這個保濕力非常好，而且上臉很舒服 面膜比較厚，真的會感到有重量在面上，但是相對他可以敷比較久一點，亦不會過敏 到拿下的時候仍然感覺到很像很多精華還在裏面 我主要是用在美容院做完高能量美容機後，因為做完高能量美容臉上是需要補充大量的水份，才可以令你的臉不斷的built up 這塊貴價面膜，也是有折扣才購買，我個人是推薦用的，但是最好找到正貨又便宜的渠道再買！

Jasmine Yuen好用推薦： Bicelle B5 Cream Mask 是一款保濕修護面膜，為肌膚提供深層滋潤，改善肌膚狀態。它含有維生素 B5，具有舒緩、保濕和修護的作用，特別適合乾燥、敏感或受損肌膚使用。 ✅️保濕效果顯著：使用後皮膚感覺水潤飽滿。 ✅️舒緩敏感肌膚：有助減少紅腫和不適，使肌膚恢復平衡。 ✅️容易使用：質地柔滑，易於塗抹，並能迅速被皮膚吸收。我會加入精華喺面膜，加強保濕效果 ✅️價格合理：價格合理，有時萬寧做特價更加抵

劉肥貓好用推薦：非常容易清洗嘅一款保濕面膜 容易推開 保濕效果同持久力不過不失

Jasmine Yuen好用推薦：呢個精華每次用1滴，個顏色係啡啡地色，可能係維他命C關係 我覺得這款眼部精華的效果唔夠明顯，我用左一個月後並沒有看到明顯的改善。

Karman28好用推薦：因為見佢B5 gel 咁好用，就買左呢支眼精華。我覺得好臭🥲，而且好水，滴去手上未搽已經流走左咁，好難處理。同埋功效唔顯著。

Jasmine Yuen好用推薦：Bicelle Advance Ace Serum是一種含有多種抗氧化劑和維生素的保濕精華液，旨在減少細紋、皺紋和其他跡象，同時改善膚色不均勻。它的成分包括維生素C、維生素E、維生素A等，這些成分都被證明對皮膚有益。 支serum係啡色，質地輕盈，很快吸收。 用了一個月後覺得皮膚變得更加明亮光澤，柔軟，有彈性。 我會配搭同一牌子b5 gel一齊用，加強修護效果😉

choichoi好用推薦：多功效的一款精華，但小心使用不要把精華滴到衣服是會染到的那就糟糕了；質地屬清爽不太油，增加到皮膚柔滑度及亮澤了不少

Karman28好用推薦：因為bicelle既b5 gel 同cream 太好用而買左呢支。佢係個噴頭黎，本身諗住當補濕噴霧用，可惜個噴頭原來係噴直線😂😂😂😂😂😂，一d都唔散，完全唔係霧。呢支真係敏感肌既恩物，之前塊面乾到甩皮，用乜都拿，拎左呢支黎敷面（雖然都有少少拿），但敷左幾日後，就好番好多！！

格仔餅公主好用推薦：個質地偏實厚厚地咁唔會好薄，上臉之後會有明顯既保濕感滲落佢皮膚到，好彩潤得黎唔笠，成個印象好好特別係秋冬用佢既保濕持久既效果我都好滿意

Angie好用推薦：喺專櫃買保濕精華嘅時候送咗洗面試用裝，試用咗幾日覺得都洗得幾乾淨，洗完塊面完全唔會乾，感覺清爽又乾淨

wingshan1124好用推薦：以洗面黎講，的而且確算係幾保濕，用落一啲都唔乾，可以考慮！

Kura好用推薦：我幾鍾意呢款精華，我係好耐之前用，搽上臉超快吸收，但價錢真係好貴

wingshan1124好用推薦：搽完一支好似白左少少，但我本身唔算黑。不過淡斑或者去暗瘡印嘅功效一般

choichoi好用推薦：對於均勻膚色起小量作用，反而淡斑淡印感覺不大；質感於按摩後仍會帶少量黏笠感，但是使用後再化妝亦不會殘生白色屑屑