XOVĒ 用家評價

🌟底霜使用感不錯，均勻膚色 🌟看似膏狀乳霜，推開後質感輕潤，不立不焗 🌟夏天用都很適合，有防曬系數SPF30 PA++ #火熱新品 🌟以下是用在皮膚比較粗糙的額頭近鏡： （乳霜質地） （推開） （推均勻後，有提亮、撫平毛孔效果）

呢個眼膜係凍膜質地 敷落去涼涼地好舒服，又唔會好似一般面膜咁，好多美容液流落地面到👍 因為都唔平，所以我五日至一星期先用一次 敷完覺得眼部冇咁浮腫，感覺緊緻左 而黑眼圈方便就睇唔到明顯效果 不過性價比就真係低，個人覺得唔值5⭐️為我既滿分 改善浮腫⭐️⭐️⭐️ 緊緻眼袋⭐️⭐️⭐️ 改善黑眼圈⭐️⭐️ 價錢🥹

第一次入手係因為見到XOVE買一送一 平時$480得5塊 唔捨得買 今次見到promotion $480有10塊😍 即刻同fd share 按指示敷15-20分鐘 我幾鐘意佢呢款既面膜纖維 非常貼面 下巴位都可以好貼 完全唔需要擔心面膜精華周圍滴~~ 仲有敷完即刻睇得出白左一度!!! 以美白面膜黎講 佢既效果令我十分滿意！ 唯一缺點係...貴 唔可以成日敷 要等有promotion先捨得買🥲

用過XOVE很多產品，面膜&肌底液幾好用，上次買滿一定貨額送了一枝卸妝霜，用左好多次，真係麻麻，雖然這枝卸妝霜是防敏感的，試過幾次用喺塊面都未能卸除最基本的防曬，搞到生暗粒！之後2星期就用來卸手部嘅防曬，但發現都係卸唔到，仲有一層膜甘，性價比低！XOVE其他產品唔錯，估唔到呢枝真係好麻麻，唔會推薦&回購！

佢既產品我全部都用過 質地好水 唔笠 好可惜唔岩我用 唔知點解一用就出粒粒

🌟這支眼霜是同品牌的眼部產品中自己比較喜歡的，無論質地或效果也比較適合自己眼部肌膚 🌟質地是軟膏狀，塗上後有滋潤感，但同時不會黏笠 🌟之前上眼皮有浮腫及鬆弛，用了後有改善

呢個品牌白松露系列真心好用 我已經入手左兩次 等緊番香港再入 呢支修護液好適合打完高能量facial用 特別係本身皮膚唔夠水份 塊面打完會痛之後用 用完會見到泛紅消失左 感覺到皮膚表面多左層屏障 後續再上修護mask會更吸收 雖然好潤 但又唔會起粒粒 岩我用

水凝啫喱質地，十分之輕盈易推開，搽上臉後好快就被皮膚吸收，無黏笠感，同時皮膚又有馬上被注水既感覺，岩晒混合同敏感皮膚既我，個人覺得一年四季都好岩用，有足夠滋潤度得黎又唔會笠。 用左兩星期有多，皮膚有明顯地改善，飽滿左、光澤左，乾紋同小細紋都有少少既改善，皺紋就需要再用更長既時間先知效果，值得推薦！ #火熱新品

乳霜質地比較似輕薄版粉底液，自帶潤色效果，有小小遮瑕力，我試過後續再上粉底液或者bb cushion ，妝效會變得好厚重同有啲焗😑作為妝前乳嚟講，佢唔夠透薄，只適合皮膚狀態好同冇乜大瑕疵嘅時候單用 。 #火熱新品

🌟果凍狀眼膜，不會有精華液滴出的那種 🌟很貼服，即使敷著走動也不會移位 🌟可惜這個眼膜個人用完後沒有效果，個人來說，同品牌的眼霜比較有效

冰涼舒服，用完黑眼圈的確淡左。 比起Xove另一款貴啲嘅眼霜，呢款啱後生女多啲，對我嘅皮膚黎講都好用啲！用曬sample會考慮購買。

美白效果很出眾，用咗幾次覺得皮膚透亮左，同埋黑眼圈都淡左，而且覺得皮膚有彈性緊緻左

- 質地清爽輕盈，水凝啫喱質地，容易推開，極高保濕滲透力，好快吸收唔黏笠，水感輕薄非常適合香港潮濕天氣使用 - 使用後肌膚變得有光澤，毛孔細緻，令人望上去更加精神飽滿！ - 幾鐘意呢個牌子獨有香味。 - 幾意外係保濕力同滲透力好高，亦有效地舒緩肌膚乾燥，強韌肌底穩定膚況。 - 推薦俾搵緊輕薄無負擔精華嘅你 #火熱新品

貴婦級護膚品，果然無令人失望！😆 佢嘅質地好滑，非常容易推開，感覺𣊬間就被肌膚吸收，一啲都唔笠。而且有充足滋潤同保濕感覺，不過價錢略貴。🥹 我揀左喺最乾最凍呢兩日試，保濕力都滿意，用完佢再化妝唔會同化妝品打架，亦無平時咁kick粉，而且用完肌膚會soft左好多。🫶🏻

呢款面膜喺重要場合之前敷一敷急救用就最適合不過，要讚嘅係面膜嘅剪裁貼合面形，敷完之後皮膚水潤有光澤！