Giselle 好用推薦：Chloe 仙境花園系列～木蘭詩語 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前去旅行嗰陣係免稅店俾店員推薦而入手咗🙈聽店員講呢款香水係呢個系列入面嘅No.2😯雖然呢款香水標榜佢只係用木蘭花嚟調香但一開始會聞到少少酸酸地應該係檸檬柑橘類嘅香味🙊但呢股柑橘味唔會太搶木蘭花嘅flow，反而係令到木蘭花香味更加fresh💕Around半個鐘後柑橘香味散咗就淨返木蘭花香🙈雖然聞耐咗會覺得有少少單調因為陣木蘭花香除咗變淡之外就唔會有任何變化😂但我覺得陣木蘭花香俾人一種好平和嘅感覺，就好似抱住一紮木蘭花係草地上瞓晏覺🙊🙊

KDing好用推薦：應該係chloe最清新既味道 佢唔係小女人既感覺 而係有清爽少年感

Ressie14好用推薦：第一次寫香水嘅使用評價。因為覺得香水係好主觀嘅美妝產品，冇話好與唔好，純分享！ 此香水為YSL出品既LIBRE系列 edt 版。 一直以來覺得行入YSL Beauty專門店好似有一種魔力咁。 上年2023年有一次發掘到呢隻香水既香氣同店舖內環境香味係「幾乎一致」… 於是用左 12,000 會員積分換咗一支100毫升嘅香水。YSL香水留香度好高，我認為即使佢只係edt (Eau de Toilette, 淡香水)都可以last到6個鐘以上，出街出足一日香味係唔會流失的，可見名牌香水果然係唔同；另外我亦覺得噴喺衣服上面係比噴喺身上面更加持久。 呢隻係一隻中性嘅香水，最明顯既係薰衣草同雲呢拿味，冇乜花果香甜味，比較型格少少 。如果想尋求有個性嘅個人造型不妨可以試吓呢隻香水！

Nicole 好用推薦：前調：佛手柑、柑橘、薰衣草 中調：橙花、茉莉、白茶 基調：雲呢拿、龍涎、白麝香 剛噴出來是有點脂粉味，過幾分鐘會慢慢聞到一絲順滑的奶香，讓整個香調變得更加豐富。之後便是薰衣草、橙花的這種花香感。 持久度和擴散力都很好，三調很明顯，感覺適合25+職場女性，精緻強勢又不失女人味。

格仔餅公主好用推薦：出哂名既斬男香，間唔中就一定會係ig或者啲日本雜誌見到佢又係咩咩斬男榜頭幾位，但係個價錢真係好抵玩，狂噴唔心痛但你噴2、3下其實佢已經好持久所以性價比真心高 一開始係少少既清冷感，好快變成溫潤舒服既花香，夾雜少少茶香味 想散發出溫柔、女子力、包容感買佢就一定無錯，佢係支出錯度極低既香水，佢個踏實程度相信你連見家長既時候都岩用！

Rin好用推薦：很出名的香水，亦是比較平民價的 個人認為比較適合剛成年的少女 因為味道比較甜美 但不知道是否購買平台的問題這瓶香水的味道沒有我想像中那麼好聞

lingbb好用推薦： 我好鐘意隻香味，感覺好中性，男女都會鐘意既味，係一種無乜殺傷力舒服既味， 聞完會覺得幾襯穿恤衫既風格。🤪 好可惜係香味真係太短，1個鐘內個味已經淡咗好多。 前調:檸檬 - 佛手柑 - 杜松子 - 柑橘 中調:荳蔻 - 薰衣草 - 甜木 基調:白麝香 - 琥珀 - 香柏木 - 麝香.

Angie好用推薦：平時返工嘅時候鍾意用呢款香水，因為香味比較容易接受，係一種令人舒服嘅味道

mandy好用推薦：Jo Malone Tuberose Angelica Cologne Intense 夜來香與白芷芳醇古龍水 HK$1,215 前調：歐白芷 中調：晚香玉（夜來香） 基調：琥珀木 聞到夜來香的香味後，真的會想收藏一枝， (當場有點被嚇到)香味為什麼可以如此好聞?  晚香玉（夜來香）不愧為夜晚的女王， 就是讓人折服的優雅舒適的香味。 光是這香味已能顯出高品味，而且能擄獲人心， 就是沒有玫瑰的高調，但又顯露出不一樣的美人香氣。 夜來香與白芷芳醇古龍水是一種令人上癮的美麗氣息， 可以時刻為用家帶來愉悅，亦非常適合在晚上使用， 營造出女主角氛圍。如果大家用膩了玫瑰或是橙花香水， 不妨收一枝夜來香與白芷芳醇古龍水，絕對好聞有驚喜， 香味剛剛好，也不會太濃烈就是了。

Giselle 好用推薦：Jo Malone 夜來香與白芷古龍水 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款香水屬於黑瓶系列，主打係比一般透明樽會更持久但價錢亦都會更高😂同大部分嘅晚香玉香水一樣，呢款香水可以聞得出好濃嘅晚香玉白花味🤔佢嘅白花味雖然好濃但未至於濃到會俾人一種好強勢嘅感覺，反而會俾人一種好溫柔淑女風嘅感覺😉但我覺得會對白花暈香嘅小夥伴一定會暈香🫠所以唔建議小夥伴blind buy呢支香水，一定要去專櫃試香先再入手哦😉雖然佢係比透明樽款式更加持香&擴香（～5個鐘），但都係覺得呢個價位有更好嘅選擇🫠

jaye好用推薦：唔算好濃既花香味，只係自己覺得太甜，太girly，幸好不太持久⋯

sami.mew好用推薦：沖著櫻花而買的一款產品，但個人感覺香味有點兒不太自然，應該不會回購了～

Fng好用推薦：Anna Sui Sui Flight Of Fancy EDT 逐夢翎雀淡香水， 香味聞落去係甜甜的， 加少少花香， 畀人暖暖熱情嘅感覺。 前調：荔枝、柚子、爪哇檸檬 中調：紫蒼蘭、玫瑰花、木蘭花 基調：麝香、白木、琥珀水晶、安息香

Karman28好用推薦：人生第一支香水，anna sui 既香水樽設計超靚，但味道就未必個個適合啦。

Fng好用推薦：Burberry, brit sheer for her, 100ml, made in France淺粉紅透明玻璃樽，經典格仔磨砂壓紋，淡淡嘅花香， 比較低調 ，夠曬大支，用極都未完。

A&R好用推薦：Burberry呢支花香香水，好甜，好香，覺得有機會會惹來蜜蜂。最主要係花香，香得來都唔會太俗，有些少少女，持久性一般，一般可以持續三四個鐘，問落去都幾舒服，唔係性感嘅類型。

royu3好用推薦：紙製包裝配上不同動物印花，非常可愛，讓我想起了Paul & Joe！全系列共8種動物，包括兔子、柴犬等，全部都有獨特香氣，溫和好聞。我買的是人氣最高的貓咪Benjamin，融合西洋梨與茉莉花香，清新優雅，己成了我化妝袋內的必備品！這種塗抹式的香水棒，除了携帶方便，使用方法亦很簡單！先扭出香水膏並塗抹在後頸、手腕、耳後等位置，隨時隨地都能補充自己的專屬香氣。另一好處是固體香水相對較能融合肌膚，就如自然體香一樣，非常喜歡(˶‾᷄ ⁻̫ ‾᷅˵)而且它的成分溫和不添加酒精，對酒精敏感的朋友也可放心使用啊！ #出遊不能沒有它

Nicole 好用推薦：🦄獨角獸是櫻桃棉花糖香 質地很滋潤的膏體狀，輕輕塗抹在手背或者耳背，然後輕輕按摩一下就好了！ 紙質外殼包裝比較不耐用，我用了幾個月蓋子就已經開始鬆。

Angie好用推薦：好舒服嘅淡香味，出門口前噴幾下成個人都好香，不過last得唔耐，除咗噴身之外，有時臨瞓前會噴房，淡淡嘅白麝香味好好聞好舒服

Jasmine Yuen好用推薦：本身我好鍾意白麝香味，body shop嘅白麝產品全條line我都好滿意🥰 個香味好清新，但唔會太濃烈。 除左身體用，朋友黎我屋企時，我會喺浴室噴下，令到佢都香噴噴，無噏味