一直都對ettusais雙色眼影好有興趣，細細盒易帶出街，2隻色配搭好唔駛煩，顏色選擇多，依家已經出咗19款，而且唔同款嘅眼影質地會有唔一樣，起初有啲覺得價錢唔平，所以等有coupon時先買咗兩盒，一盒08號乾燥玫瑰，亦都有人叫薰衣草色，另一盒11號玫瑰木，兩盒都係我睇中咗好耐，最想入手嘅顏色 雖然眼影得2隻色，不過容量都唔細，都有3.8克，雙面入面應該算係一個緞面帶細閃，一個霧面色（因為都見有啲閃粉，唔知係咪隔離隻色飛咗閃粉過去），08號係紫色搭橙棕，11號係灰粉搭灰啡，上手試色質感順滑，唔飛粉，伸展性好，易化開，唔會結塊，用掃或者手指都可以輕鬆做暈染，顯色度略低，要疊上兩三層先比較顯色，新手用的話無咁易失手 最後使用感：好想買多幾隻色🤣

依家轉季洗完臉成日都好易會乾燥、泛紅同繃緊，鼻翼兩邊甚至會甩皮。咁啱有新嘅cream就試下，依排夜晚瞓覺之前，搽完精華，另外再用埋修復霜加強喺兩邊乾燥嘅地方，令我最驚訝的係佢居然唔會好立，用少少(大概5毫子嘅大細)就夠用全塊面！小資女必備呀！！用咗一段時間之後，塊面肌膚狀況明顯穩定咗冇再甩皮，而且有光澤同柔軟左！

味道討好（平時我勁憎玫瑰色味都用到） 功效普通（求其噴下補下水ok,但唔係驚為天人果種） 價錢唔貴 不過用晒我就未必再買 因為對我來講，呢枝唔夠力了～

都用過好多呢類爽膚棉，呢隻最適合我！ 用完爽身 精華多，塊棉夠濕 長用會白淨左 化妝前用又得 夜晚敷幾片當mask又得 容易買，官網/ HxxV有售