Loreal Paris

昇華修護美髮油 多效修護 (乾旱髮質適用)

本身係電咗髮嘅長、乾髮質，都有用過唔用嘅美髮油，通常用日本果啲草本或有加精油果種髮油👩🏻

今次試用依款乾旱髮質適用嘅L’oréal Paris 昇華修護美髮油，一改對於開架式美髮用品都係比較「行」，效果唔會好突出嘅印象。

依款美髮油有幾種用法，乾髮或吹髮前濕髮用都可以。連續用咗兩星期，試過用唔同方法，覺得濕髮用效果最出色，效果有驚喜👍🏻

濕髮臨吹頭用嘅話，吹完髮唔會有毛燥感而且本身電咗髮嘅髮尾會hold到個造型，最驚喜係直到放工都仲keep到，個頭唔會塌好正！

枝美髮油係琥珀色厚身玻璃樽，拎上手都有質感。揼出嚟嘅美髮油係透明小小厚，但一用手捽均就感受到佢嘅分子都好幼細，唔會漿住晌個頭，反而係可以平均分佈晌髮絲上面，滲透度幾好。我自己長髮用一揼 就剛剛好。

香氣屬於香甜風格，係一種混合唔同花香嘅風格～

係可回購嘅產品👍🏻