excel

無重絲滑三色遮瑕霜

顏色:
excel 遮瑕盤有: 深膚色、三文魚色、淺膚色3種顏色，有附送雙頭刷具夠方便質地方面:
質地為膏體狀 ，比較濃稠偏硬，但當係手上推開都滑順易推，加上由於質地偏稠會冇咁易暈開，正適合針對想遮蓋啲小範圍部位做重點遮瑕，多層疊加都唔會厚重！

遮瑕力方面:
- 黑眼圈-紅印使用心得:
我用左中間隻三文魚色遮黑眼圈，都算遮到7,8成，重點係幾透薄且貼服！！唔會起屑之餘又冇厚粉感，夠自然唔明顯，個人望落去都精神少少！
至於遮蓋豆印紅印方面，我則以深膚色加上淺膚色來掩蓋，都有減淡到，但都會見到。
整體使用落來，黑眼圈、泛紅等都有變得冇咁顯眼。但由於佢質地較透薄較嚴重嘅瑕疵位需要多層疊加上去，勝在妝感服貼，疊加多幾層都冇問題，但戴住口罩佢比較經唔 起摩擦，冇定好妝的話會有掉妝情況，但以呢個價錢黎講即有三隻色用，遮蓋效果又算不錯，都值得入手～適合新手使用