LA ROCHE-POSAY

ANTHELIOS 全效廣譜輕盈隔離乳液 SPF50+

多謝 @cosme 抽中我試用 La Roche-Posay嘅UVMUNE 400 全效廣譜輕盈隔離乳液
質地：
UVMUNE 400 全效廣譜輕盈隔離乳液淡黃色 流動性極高 質地有啲似乳液 非常客易推開平均地揸到全臉每一個角落 同相同嘅防曬系數嘅防曬比較上臉感覺唔算黏笠 只會少少癡頭髮 成膜之後會變得再清爽啲 而且成膜後唔會起擦紙膠粒
上臉並冇泛白 會有輕微油光顯得皮膚狀能好水潤咁 不過唔知係唔係我錯覺 一整日後返到屋企照鏡塊面好似有少少發黃 落左防曬洗完臉就變返正常
味道方面只有淡香 明顯感覺到冇添加香精 用得非常安心
用後感：
試過揸完UVMUNE 400 全效廣譜輕盈隔離乳液去做gym大爆汗都冇發現有流白湯嘅情況出現 相信佢防水防汗嘅效果都唔錯 而且做完gym抹完汗都仍然感覺到層防曬係臉上 佢嘅持久度都值得一讚
連續使用兩個星期並沒有發現有焗痘痘嘅情況發生
整體：
我認為依枝防曬會比較適合乾肌嘅人使用 油肌姊妹夏天使用可能會略嫌油 可能冬天先適合油肌姊妹用