KOSÉ

定妝防水噴霧 EX

因朋友推介而買嘅定妝噴霧～見價錢易入手就買黎試吓，用完都覺得幾驚喜喎噴頭非常細緻，係我用過最細緻嘅噴頭～噴出嚟係有種柔和感，水珠亦好細緻，噴落面完全唔會有衝擊感，無論噴多幾次都唔會噴到塊面濕曬，唯一唔好就係因為太細緻要噴多幾次先feel到😂用得好快，而佢陣味係舒服嘅玫瑰味 ～
。
我會用佢先噴係化妝蛋再噴係粉霜混合一齊上妝，提升定妝能力，完妝後再噴上臉定妝，亦即時增加到保濕感，亦唔會 黏 笠持妝8小時 （只有用碎粉，冇噴Kose定妝噴霧）同樣持妝8小時，(有用碎粉加有噴kose定妝噴霧)
用後感：
出席婚禮當日試用左佢，全 日8小時，回家後妝容都大致完整，定妝效果都幾ok，雖然點都會帶走啲底妝，但只有鼻位沾有較多粉底，始終呢個位置磨擦較多，而其他位置只有沾掉少量粉底，持妝度不錯，但控油效果一般，但以價錢，噴頭細緻度同定妝效果黎講整體都算幾滿意！